جحيم الزوج ولا جنة الاهل ؟؟

[Ќonto]

السلام عليكم ورحمة الله وبركاته الزواج سنة الحياة ده الي الجميع بيعرفه اوقات بيكون سعيد والزوجين بيكونوا عايشين حياة جميلة وهادئة كلها انسجام وتفاهم لكن اوقات او في بعض الحالات بنلاقي مفيش تفاهم ومفيش انسجام والحياة الي المفروض تكون سعيدة بتكون تعيسة والزواج في الحالة دي بيكون زي الجحيم المشاكل بتكثر وبتكبر وممكن توصل للاهانة وللضرب من طرف الزوج بحكم انه الاقوى والمسطير على كل حاجة لكن رغم كل ده بنلاقي الزوجة لسه مستمرة مع الزوج وصابرة ومش بتحب ترجع بيت اهلها خوفا من كلام الناس وكمان شماتتهم عشان الناس مش هتسبها في حالها ولا هترحمها ف بتفضل تعيش في الجحيم والعذاب مع زوجها وبتكون في منتهى الصبر للبنات لو لا قدر الله اتحطيتي في الموقف ده هتختاري ايه جحيم الزوج ولا كلام الناس وشماتتهم وترجعي لبيت اهلك ؟؟ للشباب رايك ايه في الموقف ده هل انت مع ام ضد رجوع الزوجة لبيت اهلها؟؟ للجميع ايه بيخلي الامور توصل لكده بدل مايكون فيه استقرار بنلاقي دمار ؟؟

[حياتي ذكريات]

السلام عليكم
موضوع جميل منك يا رشا
اللي بيوصل الأمور لكده انه مش بيبقى فيه بنيهم
تفاهم من الأول وشخصياتهم مختلفة تماما عن بعض
او انهم فقدو العناصر المهمة في الزواج اللي هيا
الحب والموده والاخلاص وغيرها من الأساسيات
بالنسبة ليا انا هقول رأيي بصراحة كأني اتحطيت في الموقف
يعني لو كنت مش عندي أطفال خالص هرجع لاهلي
ومش هيهمني كلام الناس خالص .. ما كده كده هيتكلمو بعدين
استحمل على واحد بيهيني عشان ناس مش هتجيب ولا تأخر ليه
لكن لو عندي أكتر من طفلين او تلاتة يمكن أضحي عشانهم
وأستحمل وأعيش معاه واحاول اني اصحح حياتي وأشوف ايه
اللي وصلني لكده عشان خاطر عيالي وبس لكن لو الموضوع
زاد عن حده ووصل لضرب وتجريح وبقت الحياة لا تطاق ومستحيلة
يبقى هطلع من الحياة دي وأروح عند اهلي انا عملت اللي عليا
وربنا ما أرادش ليا اني اكمل ..
تسلمي على الطرح الجميل يا قمراية .. تقبلي احترامي وتقديري .. دمتي بمحبة

[♥..pure]

اولا تسلمى على الطرح يا رانوش

بالنسبه للسؤال الاول انا مش بفضل رجوع الزوجه للبيت

حتى لو كانت مش مستقرة مع جوزها

بصى يا جميل

مهما حصل بين اى زوجين من مشاكل وخناق وضرب وغيره....

المفروض مفيش حاجة تطلع بره الاوضه اللى هما فيها

هما جديرين انهم يحلوا المشكله بينهم وبين بعض كويس اوى

عشان كدة لازم الزوجه تصبر وتستحمل جوزها حتى ولو كان فى ايه بالذى

انتى عارفه

حتى ولو مكنشى فى حب بينهم فى الاول

مع العشرة والحياه هيحبوا بعض ويبقى فى مودة ورحمه زى ما ربنا قال

اخر حاجة عاوزة اقولها

اى مشكله ما بين اتنين متجوزين بتبقى صغيرة جداااااا

طالما لسه مخرجتش برة الاوضه اللى هما فيها

اما اذا طلعت برة لاى حد حتى الاهل

ابقى قولى على الزوجين يا رحمان يا رحيم

مشاكل الدنيا كلها اتحطت عليهم واتخلق لهم مشاكل هما فى غنى عنها

سورى يا قطه طولت عليكى

تقبلى مرورى

اختك رفيف

[rehoba]

دائما الزوجة مغلوب على امرها لو زوجها ضربها يقوللها اصبرى واستحملى

خاصة لو فى اولاد لأن محدش بيستحمل حد وبصراحة الاهل ما بيصدقواا

يجوز وحده ترجعلهم تانى باولادها صعب جدااا

بس انا شخصيا لو الموضوع دا معايا معتقدش انى ممكن اكمل

انا اصلا لو جوزى شخت فيا ممكن اعيط يومين

مشكورة على الموضوع

[ماتركس]

السلام عليكم ياا رنووش
الموضووع ده منتشر في مجتمعناا
بس اناا هقووالك وجهه نظري موووضوع الزعل بين الزووجين
ده مبيخلاش من اي بيت بس اهم شي لازم نستحمل بعض وعاارفه لازم الرجل او المراه كل وواحد يقدر
التااني ويمسك اعصاابه والكلام اللي بتقووالي عليه الضرب ده كاان زماان ياا رنووش دلووقتي
جيل روومنسي بتااع تاامر حسني وعمر ديااب يعني الاجياال الجديده تفكيرهاا غير
تفكير زماان
واللي بيحب بجد عمروو ماا هيسيب او يزعل زووجته
اوماال هووه بيحبهاا ازااي ولازم المراه تستحمل شوويه
لوو وصل المووضوع او المشكله لااهل يبقي هماا اللي هيخربووهاا والله بجد
وتسلمي علي مووضوعك القيم ده ياارنوش

[ranozdyaloz]

لا

استحمل بس فى حدود

ولو ما استرحتش

لازم اخد موقف

عشان ما اندمش على عمرى لما يروح منى

تسلمى يا كميل ع التوبيك

[Ќonto]

اقتباسالمشاركة الأصلية كتبت بواسطة حياتي ذكرياتالسلام عليكم
موضوع جميل منك يا رشا
اللي بيوصل الأمور لكده انه مش بيبقى فيه بنيهم
تفاهم من الأول وشخصياتهم مختلفة تماما عن بعض
او انهم فقدو العناصر المهمة في الزواج اللي هيا
الحب والموده والاخلاص وغيرها من الأساسيات
بالنسبة ليا انا هقول رأيي بصراحة كأني اتحطيت في الموقف
يعني لو كنت مش عندي أطفال خالص هرجع لاهلي
ومش هيهمني كلام الناس خالص .. ما كده كده هيتكلمو بعدين
استحمل على واحد بيهيني عشان ناس مش هتجيب ولا تأخر ليه
لكن لو عندي أكتر من طفلين او تلاتة يمكن أضحي عشانهم
وأستحمل وأعيش معاه واحاول اني اصحح حياتي وأشوف ايه
اللي وصلني لكده عشان خاطر عيالي وبس لكن لو الموضوع
زاد عن حده ووصل لضرب وتجريح وبقت الحياة لا تطاق ومستحيلة
يبقى هطلع من الحياة دي وأروح عند اهلي انا عملت اللي عليا
وربنا ما أرادش ليا اني اكمل ..
تسلمي على الطرح الجميل يا قمراية .. تقبلي احترامي وتقديري .. دمتي بمحبة



كلام جميل أوي دعاء ..

عين العقل يا قمر ..

نورتي التوبيك ..

**

[قلب القمر]

موضوع هام ومحتاج للنقاش فعلا


لذلك لا بد ان يكون الاتنين على قدر من التفاهم والمحبه وذلك لكى تستمر الحياة الزوجيه بشكل هادىء
ولذلك قال تعالى (وجعل بينكم موده ورحمه) واكيد كلنا لازم نبقى عارفين الوضع ده .. لان ان شاء الله كل واحد هيخوض تجربة الزواج
واهم حاجه في الزواج هو اختيار شريك او شريكة الحياة .. الي لازم ولا بد يكونوا على توافق تام وتفاهم واحترام متبادل .. لو متواجدتش الحجات دي يبقى لازمة الزواج ده ايه .. السبب ده هو الي هيمنع المشاكل من حدوثها
بالنسبة للمشاكل ما بعد الزواج .. فلا يخلو اي بيت من المشاكل
ولكن نوع المشكلة دي ايه .. مثلا الزوج عصبي .. بيشخط .. بيتنرفز .. بيضرب .. مفيش تفاهم .. مفيش حتى احترام .. مينفعش انهي حياتي على طول كده .. وبردو مينفعش اهدم حياتي على حساب سعادة وراحة ناس تانيه ..
لازم الزوج والزوجة يبعدوا عن بعض فترة صغيرة .. عشان يهدوا كده .. هي تراجع نفسها وهو يراجع نفسه عشان متتراكمش المشاكل وتزداد ومتوصلش لحالة الطلاق
لان حتى لو وصلوا الزوجين لمرحلة ان ولا واحد فيهم بيطيق التاني .. لازم يكونوا عارفين ومتاكدين ان حياة اولادهم لو كان في اولاد في خطر فعلا ..
لو الزوج عنده حسن النية للتغيير او الزوجة .. مفيش مشاكل هتحصل بينهم ومش هتوصل للطلاق
بس هو المهم في الحياة الزوجية .. الاستيعاب .. والثقة والتفاهم .. وكل حاجه بتمشى تمام ..
لان ولنفرض خلاص حصل فراق ما بينهم .. ليه نتنازل بالسهوووولة .. ولو مفيش اي حل غير الطلاق .. نفكر كووووويس ومش الناس الي تمنع الحل ده لو كان هو الحل الوحيد .. مع انه مش الصحيح ..قال

تسلم ايدك على الموضوع

[بنوته متفائله]

موضوع جميل جداا
اى اتنين لازم يقبلو مشاكل بس لو فى حب
اى مشاكل ممكن تعدى بس احيانا بيكون فى انانيه وغرور
الرجل بيكون شايف نفسه ملاك مش بيغلط ومراته ديه على طول نكديه
لان الراجل عارف ان مراته هى الطرف الضعيف لانها لو اتطلقت
هو بكل سهوله تانى يوم ممكن يتجوز انماهى باه هتصرف ازاى
وهتواجه الحياه ازاى وهتربى الاولاد ازاى عشان كده الغرور مسكه
لوهو عملها بمايرضى الله وهى كمان الحياه هتبقى سعيده
وهتقل المشاكل
شكرا ليكى اختى الكريمه
تحياتى

[Ќonto]

اقتباسالمشاركة الأصلية كتبت بواسطة whispererاولا تسلمى على الطرح يا رانوش

بالنسبه للسؤال الاول انا مش بفضل رجوع الزوجه للبيت

حتى لو كانت مش مستقرة مع جوزها

بصى يا جميل

مهما حصل بين اى زوجين من مشاكل وخناق وضرب وغيره....

المفروض مفيش حاجة تطلع بره الاوضه اللى هما فيها

هما جديرين انهم يحلوا المشكله بينهم وبين بعض كويس اوى

عشان كدة لازم الزوجه تصبر وتستحمل جوزها حتى ولو كان فى ايه بالذى

انتى عارفه

حتى ولو مكنشى فى حب بينهم فى الاول

مع العشرة والحياه هيحبوا بعض ويبقى فى مودة ورحمه زى ما ربنا قال

اخر حاجة عاوزة اقولها

اى مشكله ما بين اتنين متجوزين بتبقى صغيرة جداااااا

طالما لسه مخرجتش برة الاوضه اللى هما فيها

اما اذا طلعت برة لاى حد حتى الاهل

ابقى قولى على الزوجين يا رحمان يا رحيم

مشاكل الدنيا كلها اتحطت عليهم واتخلق لهم مشاكل هما فى غنى عنها

سورى يا قطه طولت عليكى

تقبلى مرورى

اختك رفيف

بصي يا قمر

أنا مقتنعة بكلامك لو كان في مجال ان مشاكلهم تتحل وترجع الحياة حلوة زي الاول

لكن خلاص الحياة قفلت قدامها

يبقى الأحلى انها تعيش معاه وتضيع بقيت عمرها ولا ترجع لأهلها وتشوف حياة جديدة ؟!

وشكرا لمرورك الجميل

نورتي التوبيك