هل تقبل الزواج من مطلقة ..... او من امرأة خلعت زوجها نعم أم لا ؟؟؟

[شاعر واسير الحب]

السلام عليكم ورحمة الله وبركاته

اصدقائي

موضوعنا اليوم

موجود بيننا ومنتشر تعالوا نتعاون لحل المشكلة بالتحاور سويا

هل تقبل الزواج من مطلقة ..... من امرأة خلعت زوجها نعم أم لا ؟؟؟

موضوع اليوم يمكن صعب بس حلو ومشكلة فعلا للمرأة في مجتمعنا وتقاليدنا
والعادات الصعبه بالنسبه للمرأة
هل من حق المرأة المطلقة ان تتزوج

كما نعلم أن نسبة الطلاق في الدول العربية تعتبر مرتفعة جدا ً وفي كل عام تزداد هذه النسبة فقد ذكرت آخر دراسة أن نسبة الطلاق في الدول العربية ارتفعت عن الأعوام السابقة بنسبة 20% حيث
30 ألف حالة طلاق خلال العام الماضي .

وبما أن المطلقات يعتبرن شريحة كبيرة في مجتمعنا كان لابد من إلقاء الضوء على واقعهن ومصيرهن .

فنلاحظ أن هناك نظرة جائرة وقاسية جداً من شريحة كبيرة من المجتمع ,

حيث أخذوا ينظرون إلى المطلقة نظرة دونية وكأنها ليست جديرة بالاحترام ,
ومنهم من ينظر إليها على أنها لا تستحق الزواج ,

ومنهم من ينظر إلى أنها ربما وقعت في شيء شنيع يقدح في سلامة عفافها ,

ومنهم من ينظر إليها نظرة شفقة وحسرة تتألم من هذه النظرة المطلقة قبل أهلها .


وهناك كثير من الرجال في مجتمعنا يرفض الزواج من المطلقه معتذرا ً بأعذار منها ( المطلقة ........ لو فيها خير ما طلقها زوجها !! ) .
وغيرها الكثير من الأعذار مع العلم أنه قد لا يكون لها ذنب في هذا الطلاق .


سؤالي

للذكور : هل تقبل الزواج من مطلقة ..... من امرأة خلعت زوجها نعم أم لا ؟؟؟
إذا كنت لا تقبل فما هي أسبابك ؟؟


سؤالي

للإناث : هل تقبلين أن يتزوج أخوك من مطلقة أم لا ؟؟؟
إذا كنتِ لا تقبلين فما هي أسبابكِ ؟؟


الموضوع يمكن صعب بس حلو ومشكلة فعلا للمرأة في مجتمعنا وتقاليدنا
والعادات الصعبه بالنسبه للمرأه

هل من حق المرءة ان تتزوج وتعيش حياتها كأي انسانه اخرى ؟؟؟؟

هل تختار رجل متزوج أو مطلق أو أرمل أو لم يسبق له الزواج ؟؟؟

هل تقبل أيها الرجل الزواج بمطلقه.... من زوجه خلعت زوجها


وهل تقبل تتزوج مطلقه وعندها اولاد من رجل غيرك

وهل تعتقد ان تعيشه معها بسعاده أم سيكون شبح طلاقها يطاردك
هل ستعامل ابنها بمنطق الابوه
إذا كانت اجبتك لا فأذكر السبب
ونفس شي مع الفتاة
هل ستتزوجين رجل مطلق

شاركونا لوجود حل للمشكلة تعالوا نتحاور

[حياتي ذكريات]

السلام عليكم
ما فيش مانع لو اخويا اتجوز مطلقة وليه لأ اذا كانت محترمة
وكويسة .. المطلقة زيها زي أي واحده غيرها الا انها ما اتوفقتش
من الزواج في المرة الأولى .. ولو أخويا بيحبها وعايزها مش هقدر
امنعه ولو كانت انسانة محترمة وانا عارفة بكده هقف معاه وفي صفه
لو كانت وحده مش كويسة هقوله رأيي فيها وهو حر في اختياره وقراره
يعني زيها زي الإنسانة اللي مش متجوزة لسه .. اما عن نفسي لو
رجل مطلق اتقدملي هشوف ايه السبب في طلاقه ساعات بجد بنسمع
عن طلاق بسبب أمور هايفة وتافه جدا فمن حقي أعرف ايه سبب الطلاق
وهفكر كتير في الموضوع ده خصوصا لو كان عنده أولاد من مراته الأولى
وانا لسه بالنسبة ليا تكون اول جوازه فيمكن هكون لسه مش هقدر اتحمل
مسؤلية أطفال .. يعني الموضوع هيحتاج تفكير عميق
تسلم على الطرح الجميل .. خالص تقديري وودي .. بالتوفيق ليك

[ناصر80]

ممكن المطلقة اتكووون مظلووومة
مفيش مانع

[đΘόđΘό]

مش شرط انها مطلقه تبقى اهلقها مش كويسه
بس المفروض يبقى فيه تكافل مش هيا تكون متجوزه قبل كده ود تبقى اول جوازه لخويا
مش هاينفع
بس لو اخلاقها عاليه ممكن الموضوع ده مايبقاش عائق

[رووكه]

عارف احنا اللى ادينا فرصه اننا نخلى الناس تظلم الست فى اى حاجه

والله بنت محترمه جدااااااااااا يدوب اتجوزت ثلات شهور وعلشان خلاف بسيط اطلاقت

وكان السبب من الاهل مش هما النصيبه انهم بيقول ان الست ديه مش كويسه

ومش بيشوفو الراجل مش ممكن يكون العيب فيه وهو اللى مش قدرها

الست اتظلمت كتير وربنا كبير

وانا مش ضد اللى يتجوز وحده مطلقه وليها ظروف خاصه او سبب طلاقها خارج عن ايردتها

واللى بتخلع جوزها

اكيد جابت اخرها عارفه ان فيه ناس اخدت القانون ده لعبه بس فيه كتير

حسين بالقهر وبيلجو ليه

يارب يفرح كل بنات وسيدات امه محمد بالخير تحياتى لمواضيعك الهادفه بجد

مننحرمش من جديدك

[ماتركس]

السلام عليكم ياا شااعر واسير الحب
يا اخي شاعر
الزواج قسمة ونصيب
كثير من الشباب يتزوج المطلقه
والمطلقه كمن طلبت الخلع من وجها
فما العيب أن يتزوج الان مطلقه ؟
نصيحه لكل الشباب والشابات :: احسنوا الاختيار من البدايه ويكون الاختيار بالاقتناع التام
وعليكم بحديث الرسول صلي الله عليه وسلم "
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

[~♥ Queen sozan♥~]

هو عادى ان المطلقة تتجوز تانى اية المانع
وكمان هى هتخلعو لية لاء اكيد كان مطلع عنها
هى يعنى هتخلع عشان بيشخر مثلا
هههههه
والله انا شيفة انو عادى الزوج والزوجة المطلقين دول لازم يعيشو حياتهم
من جديد ...

شكرا على موضوعك

[شاعر واسير الحب]

اقتباس المشاركة الأصلية كتبت بواسطة حياتي ذكريات السلام عليكم ما فيش مانع لو اخويا اتجوز مطلقة وليه لأ اذا كانت محترمة وكويسة .. المطلقة زيها زي أي واحده غيرها الا انها ما اتوفقتش من الزواج في المرة الأولى .. ولو أخويا بيحبها وعايزها مش هقدر امنعه ولو كانت انسانة محترمة وانا عارفة بكده هقف معاه وفي صفه لو كانت وحده مش كويسة هقوله رأيي فيها وهو حر في اختياره وقراره يعني زيها زي الإنسانة اللي مش متجوزة لسه .. اما عن نفسي لو رجل مطلق اتقدملي هشوف ايه السبب في طلاقه ساعات بجد بنسمع عن طلاق بسبب أمور هايفة وتافه جدا فمن حقي أعرف ايه سبب الطلاق وهفكر كتير في الموضوع ده خصوصا لو كان عنده أولاد من مراته الأولى وانا لسه بالنسبة ليا تكون اول جوازه فيمكن هكون لسه مش هقدر اتحمل مسؤلية أطفال .. يعني الموضوع هيحتاج تفكير عميق تسلم على الطرح الجميل .. خالص تقديري وودي .. بالتوفيق ليك

اشكرك علي مرورك الطيب
صح المطلقة من الممكن تكون مظلومة ونصيبها كدا والمطلقة دي ممكنتكون اختي او قريبتي واخلاقها كويسة
وديما الطيور علي اشكالها تقع
اما نصيحتك فلابد منها انصح واقول راي لاخي
اجاباتك ونقاشك نموذجي جدا ويحمل روح الديمقراطية والمشورة

بارك الله لك وربنا يسعدك في حياتك حياتي

فلك الشكر وشكري واحترامي

[شاعر واسير الحب]

اقتباس المشاركة الأصلية كتبت بواسطة ناصر80 ممكن المطلقة اتكووون مظلووومة مفيش مانع

اشكرك لمرورك علي الموضوع
بالفعل احيانا تكون مظلومة واحيانا تكووون ظالمة ومتجنية علي زوجها
ومافيش مانع ان تتزوج

اشكرك

[شاعر واسير الحب]

اقتباس المشاركة الأصلية كتبت بواسطة بنت مصر دودو مش شرط انها مطلقه تبقى اهلقها مش كويسه بس المفروض يبقى فيه تكافل مش هيا تكون متجوزه قبل كده ود تبقى اول جوازه لخويا مش هاينفع بس لو اخلاقها عاليه ممكن الموضوع ده مايبقاش عائق

اشكرك علي مرورك

بالفعل لابد من تكافل الفرص واعطاء فرصة ان تتزوج لكي تعيش
اشكرك