(( مجددون )) برنامج الفساد .. حسبى الله ونعم الوكيل

[تانيا]

السلام عليكم ورحمة الله وبركاته
*************

كيف أبدأ وماذا أقول ..؟!!

حتى الدين بقوا يتاجروا بيه ....... بجد حسبى الله ونعم الوكيل

( هنلاقيها من مين ولا مين ..؟!!)

شوية واحد يطلع يقول الأغاني حلال ..!!

و واحد تاني يعمل برنامج عن الاختلاط بين الرجال والنساء
بدعوى القيادة والتخطيط والإبداع والتسويق التى يحتاجها الشباب لتحقيق معنى التجديد فى الحياة ..!!

بدأ برنامج الفساد (مجددون) الذي يديره عمرو خالد يُذاع على القنوات الفضائية
ويبث هذه السموم فى الشباب و الوطن العربي وليس المصري فحسب .

وهذه هي فكرة البرنامج


16 شاب وفتاة من تسع دول عربية, يستضيفهم عمرو خالد ويطلب منهم تنفيذ مهام صعبة تعالج أهم تحديات النهضة فى عالمنا العربى.
("16 شاب وفتاة" .. يا سلام على روح التعاون)


المهام كلها تحمل معانى وقيم عظيمة, ومطلوب من مجددون التعامل معها فى إطار يبرز قدرات مجددون على القيادة والتخطيط والإبداع والتسويق وعشرات المهارات الأخرى التى يحتاجها الشباب لتحقيق معنى التجديد فى الحياة.



لبنان, الأردن, مصر , السودان وانجلترا...خمس دول يسافر لها مجددون لتنفيذ المهام المطلوبة لتحقيق مفهوم التنمية الشامل فى مختلف المجالات وفى أى مكان.



كل مهمة يجب أدائها فى إطار ثلاثة أيام فقط. وفى آخر اليوم الثالث يلتقى عمرو خالد بمجددون فى الغرفة المغلقة ليعلن فوز فريق على الآخر ويطلب من أقل المتسابقين أداءً الخروج من البرنامج.

( "غرفة مغقلة" ... واضح فعلاً روح المنافسة)




وعلى مدى 14 حلقة, من خلال 13 مهمة , يتنافس مجددون ليبقى فى النهاية مجدد واحد يحصل على مئة ألف يورو يستثمرها فى مشروع من اختياره له علاقة بالتنمية والنهضة.

(" 100 ألف يورو".... إن لله وإن إليه راجعون أين فقراء المسلمين ؟!!)





البرنامج يتم إنتاجه فنياً من قبل كبرى شركات الإنتاج التي لها تاريخ طويل في الإنتاج السينمائي والفني.

( "سينمائي فني" ... واضح فعلاً إنه عمل ديني..!!)



مجددون برنامج ترفيهى جاد من نوعية برامج التلفزيون الواقعى. فيه رسالة وقيمة فكرية عالية,ومهام روعى فيها التعامل مع شرائح المجتمع المختلفة .

( ده بقي جه يكحلها عماها "برنامج ترفيهي جاد"
ترفيهي بين الرجال والنساء ..<< لا حول ولا قوة إلا بالله >>)


يا جماعه بجد أنا مش ضد المسابقات أو البرامج الترفيهيه
بس ضد اننا نتاجر بالدين .... واللي يعمل كده مين ؟؟؟؟ داعيه اسلامى معروووف
للدرجه دى الدين بقى رخيص في نظرهم
حسبى الله ونعم الوكيل

مستنيه ردودكم

[حياتي ذكريات]

السلام عليكم

انا شفت كام حلقة كده من برنامج مجددون وعجبني

بس ما اعرفش فكرة الرحلة او المسابقه اللي هيعملها

بصي انا عن نفسي اعرف مقدم البرنامج وكمية المعارضات

اللي بتيجي من ناحيته من الناس .. فيه ناس بتقول حرام تسمعيله

لان فكره مش كويس وفيه ناس بيقولو جايز تسمعيله بس تاخدي

اللي يوافق دينك .. عن نفسي بجد باخد منه اللي بستفيده من برنامجه

يعني فيه كتير بنات اعرفهم لبسو الحجاب بسببه ورجعو لربنا

فأنا اللي بلاقيه صح من العلم باخده .. ولو لقيت فيها شبهه بتركه

بس الأيام دي بعدت عن عنه ومش بقيت أسمعله كتير لان فيه معلمة

مرة سألتها قالتلي لو شاكه انه بيقول غلط سيبيه احسن وابعدي

مش هتخسري حاجه وفيه شيوخ موضع ثقة واحسن منه وهتستفيدي اكتر

شكراً ليكي يا تانيا على موضوعك الجميل .. تسلم الأيادي على الطرح

[محمد الشريف]

تانيا


يقول رسول الله صلى الله عليه وسلم :


" دع مايريبك إلى ما لايريبك "

فكل مايحمل إلينا الشبهات أو يزعزع عقيدتنا أو يحملنا أية أوزار يتعارض

مع إيماننا القوى بما أنزله الله تعالى فى القرآن الكريم وسنة رسولنا الكريم

صلى الله عليه وسلم .... فلا أقل من تجاهله وعدم مقاربته .


وليهىء الله من أمرنا رشدا ويعصمنا من الوقوع فى المعاصى


وتقبلى موفور تقديرى

[شاعر واسير الحب]

حسبي اللع ونعم الوكيل

تجاهلوا هذه البرامج وكل مافيها اصلا اثم وما بني علي حرام فهو حرام يحللوا ينقدوا يقولوا كل كلامهم لا يدخل الي القلب والعقل

هذا هو التعاون وقمة الاستهزاء بالمتفرج الفقير لما يسمه الاف الدولار زالاسترليني تدفع في حاجات
لا تنفع بل تضر
حسبي الله ونعم الوكيل

[عاشقه الصمت]

ياجماعه انا مش مسدقه الى بيحصل ده بجد انا مدايقه وحالتى النفسيه تعبت من الى بسمعه وبشوفو فين انا بصراحه مش عارفه اقول ايه انا والله منهاره بسبب كدا فين الاسلام ولالتزام الصحيح فين الصحابه الصحابيات ما اجمل الاسلام والله المفرض يبقا ديما دعائنا الحمد لله على نعمت الاسلام لان دينا جميل ويسر ومش عسر ومينفعش يبقا فيه اختلاط وحاجات هيفه زى دى بصراحه انا والله مش قادره اكمل