يالاهووووى مش عوزه لحمه احنا مش قدها ؟؟؟ ده كلام الغلابه حقهم ولا ايه شوفو وردو انتم

[رووكه]

السلام عليكم ورحمة الله وبركاته

الصوره والعنوان وضحين عليه العوض على الغلابه بجد ربنا يسترها علينا

هنروح فين تااااااااااااااانى:cv13:

الجزارون طالبوا بتبرئتهم من تهمة رفع أسعار اللحمة
آية نبيل ونهى محمود - تصوير: أحمد إسماعيل

وصل سعر كيلو اللحم الكندوز فى بعض الأماكن إلى 59 جنيها للكيلو ونجد سعرها فى أماكن أخرى 36 جنيها،

بينما لا يتعدى سعر اللحم المستورد البرازيلى 27 جنيها للكيلو، كما انقسمت المحال بين التسويق للمستورد

والامتناع عنه، تماشياً مع رغبة المستهلك الذى لم يعد يفضله بعد الشائعات الأخيرة.

وكل هذه المشاهد تضاءلت أمام مشهد اختفاء المستهلك من أمام محال اللحوم وتحوله إلى أسواق الدواجن

والأسماك، منهم من هو مدفوع بدعوة المقاطعة أو مدفوع بالضرورة.

يوضح أحمد محمود - أحد البائعين - أنه لا يبيع سوى البلدى «الطازج» بجميع أشكاله من السمانة الكندوز بـ53

جنيها والريش بـ54 جنيها والصافى بـ50 جنيها، أما سعر المفروم بـ46 جنيها، الأمر الذى برره بأنها من اللحم

الخالص، ولا يخلط فيها شيئا كما يحدث فى المجمدة، وقال «بصراحة الناس عددها قل فى الشراء بسبب ارتفاع

سعرها، واحنا محكومين بسعر السوق والسعر اللى بيبيعه لنا المربون، وأغلب زبائننا لا يحبون اللحوم

المستوردة لذا لا نبيعها، لأنهم بيخافوا من مصدرها».

«جشع التجار واختفاء الضمير ونمطية استهلاك المجتمع المصرى» أهم الأسباب التى أرجع إليها

دكتور حمدى قنديل -

رئيس شعبة الإنتاج الحيوانى بمركز بحوث الصحراء - الارتفاع الجنونى الذى تعانى منه أسواق اللحوم

الحمراء المصرية فى الوقت الحالى، متهما ذوق المستهلك بمسؤوليته عن الوصول إلى هذا الحال.


ويضيف: «مواجهة هذه المشكلة تكمن فى قدرتنا على تحول أذواقنا الاستهلاكية إلى طرق بديلة منها اللحم


الجملى الذى يعد من أفضل البدائل المتوفرة، فرغم أنها تتفوق على بقية أنواع اللحوم فى العديد من الفوائد

فإنها ليست مستساغة لدى العديد من المستهلكين، الذين لا يفضلون طعمها، ومع قلة الطلب عليها لا تتوسع

محال الجزارة فى بيع هذا النوع من اللحوم إلا فى استخدامات الكفتة». ويوضح قنديل أن لحوم الجمال تتميز

بقلة احتوائها على الدهون والبوتاسيوم، لذا فهى الأكثر ملاءمة لمرضى السكر والقلب وعلاج الحمى الربيعية

وشد العضلات ومنع ترهلها وعلاج عرق النسا وآلام الأكتاف وحرقة البول، حتى دهن الإبل رغم قلة نسبته فإنه

يساعد على التخفيف من آلام البواسير.

وكالعادة كان للفيس بوك

كلمته ورأيه فى مجتمع الشبكة الإلكترونية، حيث أطلق عدد من نشطاء الفيس بوك

جروباً جديداً لمقاطعة اللحوم، لحين انخفاض أسعارها مرددين شعار «المصرى اللى على حق يقول للحمة لأ»،

وأضاف مؤسسو الجروب أنهم سيعكفون على مقاطعة اللحوم التى بلغ سعر الكيلو منها نحو 75 جنيهاً، وذلك

أسوة بما فعله أهلهم فى عهد السادات، على حد قولهم.

ويبلغ عدد أعضاء الجروب، الذى يأتى تحت عنوان «هنقاطع اللحمة لحد ما ترخص»، نحو 1838،

إذ قال محمد عبدالكريم

«بجد ده موضوع خطير ومش اللحمة بس ده كل السلع، ونفسى أعرف إيه الضابط فى التسعير،

وياريت يا حكومتنا العزيزة تقولى لنا نعمل إيه لما كل واحد بيعمل اللى عايزه وبيقول إحنا فى اقتصاد حر»، فيما

قالت مروة كامل «أظن عيب قوى لما اللحمة المصرية فى دول الخليج سعرها تقريبا 57 جنيها بعد الشحن

والمكسب، وسعرها للمستهلك المصرى داخل بلاده 75 جنيها، والله عيب بجد»!

بينما اقترح هشام عطية


الصيام فى مواجهة ارتفاع أسعار عدد من السلع قائلا: إن الصيام به فوائد كثيرة وينصح به أطباء أوروبيون.

وتساءلت إيمان جمال «إيه اللى وصلنا لكده؟ حد يصدق إننا معندناش ثروة حيوانية؟ ولا زراعة قمح؟ لمصلحة

مين نستورد لحوم من الهند اللى بيعبدوا البقر؟!»:747:.


عليه العووووض ليكم التعليق :cv13:

[đΘόđΘό]

حسبي الله ونعم الوكيل
الشعب عمل كل الطرق والوسائل عشان يحلو المشكله ومفيش فايده عليه العوض
محدش بقى عندو ضمير
ربنا يهدهم ههههههههههههههه


تسلمي ياقمر على التوبيك
دايما في تميز

[رووكه]

اقتباس المشاركة الأصلية كتبت بواسطة بنت مصر دودو حسبي الله ونعم الوكيل الشعب عمل كل الطرق والوسائل عشان يحلو المشكله ومفيش فايده عليه العوض محدش بقى عندو ضمير ربنا يهدهم ههههههههههههههه تسلمي ياقمر على التوبيك دايما في تميز

اه يا اختى شوفتى ناس معدومه الرحمه والاحساس بالى

ربنا مامنش عليه بنعمه المقدره

عليه العوض ومنه العووووض

[عاشقة تراب بلدى]

تحياتى لطرحك المميز
فعلا مشكله الغلاء اصبح فى كل شئ
ومفيش حد سامع ولا شايف الغلابه اللى اصلا
واللحمه كانت رخيصه كانو بيشوفها كل شهر مرة
امال دلوقت مش هيشوفها خالص
انا هبقى اروح اتفرج عليها عند الجزار وبس ههههههههههه
المهم اننا نرضيهم وميزعلوش مننا طبعا انتى عارفة مين !!!!

تحياتى لكى وان شاءلله لما اجيب لحمه هبقى اعزمك
حسبى الله ونعم الوكيل

[رووكه]

اقتباس المشاركة الأصلية كتبت بواسطة عاشقة تراب بلدى تحياتى لطرحك المميز فعلا مشكله الغلاء اصبح فى كل شئ ومفيش حد سامع ولا شايف الغلابه اللى اصلا واللحمه كانت رخيصه كانو بيشوفها كل شهر مرة امال دلوقت مش هيشوفها خالص انا هبقى اروح اتفرج عليها عند الجزار وبس ههههههههههه المهم اننا نرضيهم وميزعلوش مننا طبعا انتى عارفة مين !!!! تحياتى لكى وان شاءلله لما اجيب لحمه هبقى اعزمك حسبى الله ونعم الوكيل

هههههههههه منتظره اصل شكلها هيوحشنا ههههههههههه

بجد ربنا يعين ويقوى الغلابه على اللى احنا فيه

نورنى حضورك يا قمر

[رووكه]

ايه ده التوبيك مش عجبكم ولا ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Golden Mind]

وماله الفول ده كله فولاتيزيوم :vb8:

[حياتي ذكريات]

السلام عليكم

والله مش اللحمه بس اللي عماله تغلى ده كل

حاجه في مصر دولوقتي بقت غالية ..

انا ما اعرفش بصراحة الأسعار بحكم وجودي خارج مصر

الا اني من فترة شفت الأسعار على برنامج توك شو بس

كانت الاسعار اقل من كده .. اظاهر عندكو اللحمة بتغلا يوم ورى يوم

انتي عارفة مرة كنت في مصر واخويا رايح يشتري لحمه اشترى من

الجزار وبعدين مش عارفة ستي كانت عايزة لحمه بعديها كده بيومين

راحت امي طلبت من اخويا يروح يشتري لقاها غليتجنيه وشوية باين فراح

بيقوله انا لسه شاري منك قريب لحقت تغلا .. قاله كل يوم السعر بيزيد

والكلام من ده ..

انا بقى مريحة نفسي مش باكل لا لحمه ولا فراخ انا نباتية :biggrin:

تسلمي يا جميل على الموضوعك الجميل .. تقبلي مروري وتحياتي

[ماتركس]

السلام عليكم
المثل بيقووال اناا راضي وابني راضي وانتاا مالك ياا قااضي
يعني الحكوومه راضيه والجزار راضي والشعب ماله بقي
الحال هيدهور اكتر من كده لوو مفيش حد وقف ليهم بس ياا تري مين اللي هيقف
كل اللي مرتااح في البلد قااعد مرتااح والمسكين يداس عليه بالجزمه يلا ربناا يستر علي الغلابه

[فارس من زمن جميل]

السلام عليكم

موضوع يستحق المشاركه

لكن بسؤال بسيط جدا

اين الرقابه ؟

هل هناك من هو مسؤل عنا ؟

عن صحتنا على الاقل

اقول لا

الموضوع انتهى بأندثار شئ اسمه الضمير

اصدق دليل على كلامى

والاخطر من غلاء الاسعار

هو ما وصل اليه حال صحتنا وصحة اطفالنا

ودا بسبب الاستثمار الزراعى

على وزن الاستصلاح الزراعى

ودا شئ لا يمكن السكوت عليه على الاقل هنوفر على الحكومه مشكله الامراض بالملايين

وصراخهم وطلبهم للعلاج

هل ممكن تكون هناك رقابه على زراعات بتقنيه ومواد اسرائيلى ؟

تهدف الى تدمير

اكبادنا

كلانا

دماؤنا

عقولنا

لا طبعا مش ممكن

لأن المستفيد واحد

هو ذلك المستعمر بطعم مستثمر

اسف للاطاله

فارس من زمن جميل