ولا يهمك بكرة الامتحانات تبقى ذكريات

[احمد صلاح محمود]

ولا يهمك بكره الامتحانات تبقى ذكريات

طبعا حضرتك دلوقتى مش طايق كلمة من حد وعلى اخرك ومتخيل ان فى مؤامرة ضدك عاملها الوقت وحاسس ان حد مسلط عقارب الساعة عليك وان الدقايق بتمر بسرعة الضوء ومش ملاحق المواد كتير والوقت مش كافى ويارب نخلص وده طبعا احساسك كلما دق بابك موسم الامتحانات بتحس ان الايام طعمها مختلف وان فى حالة من التوتر حوليك وجواك وطبعاً تختلف طقوسك اليومية ويتبدل جدول حياتك ولا تدرى بأى شئ تبدأ يومك والجملة الخالدة التى تصاحبك فى هذه اللحظات ( يارب نخلص بقى ) وبينك وبين نفسك بتقول فين ايامك يا نت مشتاقين يا عم الفيس بوك يا ترى الميل اخباره ايه
ده طبعاً لان حضرتك قررت مقاطعة العالم كله والعزلة احنا فى فى امتحانات هى ناقصة ومفيش وقت كفاية طول السنة لعب ان الاوان بقى نعيش شوية فى الجد

طبعا ما احكى عنه الان هو حال كثير من الطلبة ( اوعى حضرتك تكون منهم ) الذين لا يعرفون ان الله حق ولا يتذكرون انهم طلبة غير قبل الامتحانات بأسبوعين يعنى اول ما الواحد من دول يشوف الجدول وكانه استيقظ من نوم عميق بدش ماء بارد ويحتار يجرى يمين ولاشمال مذكرة من هنا على ملخص من هناك كتاب من ده على سؤالين من ده وياراااااب بس ننهض نقرا كلمتين ندخل بيهم اللجنة

طيب ليه تعمل فى نفسك ده كله ؟ ليه تكون فى الوضع ده ؟ يجرى ايه أما حضرتك تيجى على نفسك وتخليها من ناحيتك وتنظم وقتك وتذاكر ولو ساعتين من اول السنة بدل ما انت حاسس انك فى معركة مع الوقت وعايش على اعصابك
المهم ركز دلوقتى وياريت تكون اتعلمت الدرس عشان تاخد بالك من السنة الجاية ويا سيدى بكرة تخلص ويبقى ده كله ذكريات بس ياريت تخليها ذكريات سعيدة
سلام واشوفك بعد ما تسلم ورقة الاجابة

بقلم / احمد صلاح محمود

[بائعة الأمل]

ههههههههههههههه

والله ده اللي بيحصل بالظبط مع الطلبه

ويا عيني لما يدخلوا اللجنه

ويقرب ينتهي وقت الامتحان

كأننا احنا اللي بنمشي الساعه بكيفنا

ربنا يهديهم بقى ويذاكروا كويس

[sฝeet αηgeℓ]

فعلا والله

الايام دي كل الطلبة كده

اصل بص احيانا فعلا الواحد بيزهق من المذاكرة

وبيحس انها هم تقيل على قلبه

عشان كده بنطنش

بس بجد ربنا يوفقنا كلنا

وفعلا موضوعك مفيد ومميز

مرسي اوي

[aya1994]

تسلم ايدك
بجد دة الي بيحصل
جزاك الله كل خير

[احمد صلاح محمود]

شكرا لكم اصدقائى

[سااسو]

تسلم الايادى