مخنوق اوى

[big bốss]

معرفش بجد ساعات بتجينى خناقه من الناس بكره نفسي


محدش سايب حد فى حاله ابدا الناس بدخل نفسها فى كل كبيره وصغيره


مشكلتى انى بقيت عصبي اوى مش بطيق حد اى فعل او كلمه ممكن اخسر اعز ناس ليا


بحاول اهدى نفسي ممكن ميظهرش عليا بس من جوايا بركان ممكن يطلع فى اى لحظه


ساعات كتير بحس انى انا غلط والناس صح


ساعات بيخلونى اتنازل عن مبادىء وانا مؤمن بيها علشان مبقاش متعنت ومتصلط


معرفش انا صح واتحدى الناس ولا اعتبر نفسي غلط و ابقى حجر

[Dr.nour]

ربنا يفك خنقتك يا اخويا

واحنا معاك يارب

بس حاول تفكها وتصفى نفسك

مفيش حاجه مستاهله والله يا نور

فكها وما تشيلش ف قلبك حاجه

[sฝeet αηgeℓ]

تؤ تؤ تؤ تؤ

والله ما في حاجة تستاهل الضيق يا نور

هيا الناس بقت كده " يا ساتر "

لو عندك مبادئ يقولوا عليك فيلسوف

ولو معاهم في كل حاجة يقولوا عليك ضعيف وملكش شخصية

بس كبر الجي وروق الدي

واليسمع كلام الناس عمرو مهيعرف يعيش يا نور

يلا كبر كبر

^_^

[الحلا مبتليني]

بقولك اخوي نصيحه لوجه الله
عاوز ترتاح وتفك كل حاجه وتطلع الي بقلبك سوي مثلي اركب بالسطح وطلع كل الي بخاطرك بالصريخ
او انك تروح للبحر وتشكيي له همك احسن حل
وشي ثاني بعد..
مو كل شي بل دنيا احسن منك او افضل منك خليك عزيز نفس مو آي احد يقدر يهز شخصيتك
خلي عندك شخصيه محد يقدر يردك هاذي شيم الحلوة بالرجال يعني
لاتتراجع بكلمتك لو ايش صار
خلي شخصيتك قوية عند الناس
هذا نور الي انا اعرفه هاا!!
...
هاذي المحاضره كل يوم المعلمه تقولها لنا

نصيحه اخيرة سيييييبك من كلام الناس الناس مابتسيب احد في حالو !! خليك مطنش وعييش حياتك ولله الحياه حلوة ولاتخلي احد ينزع هاذي الحلاوة منها

وقال الرسول (ص) {من راقب الناس مات هما}

مع تحيتي الحلوة حلا وطمنا عليك اوك }ْ~

[بنوته متفائله]

كانك بتقول الى انا حسه والله انا كمان بقيت عصبيه جداااااااااا
وده ممكن يخسرنى اغلى انسان عندى معلش اكيد فى ضغوط مخلياك كده
انا مش هقدر افيدك لانى بردوه زيك
لا الله الا انت سبحانك انى كنت من الظلمين
ربنا يرفع عنك الكرب وكل المسلمين اللهم امين

[تانيا]

أوقات كتير لما الانسان بيكون متعصب بيكون شايف نفسه هو بس اللي صح
وكل الناس اللي غلط
بس لما يستغفر ربنا ويفكر بهدوء ومن غير عصبيه
بيعرف اذا كان غلط ولا صح
وبعدين كبر دمااااغك ... بجد مفيش حاجه مستاهله الزعل يا أستاذ / نور
تقبل مرورى

[countess]

لا عاااااادي يا نورررر بتصير

بس حاول تبسط الامور عاشان تمشي الحياه بس اذا كل شويه حاتكون بركان صدقني حاتخسر

كل الي حوليك ممكن يستحملوك مره مرتين بس بعدين لا فحاول تمسك اعصابك

وفي النهايه احنا بيدنا نهون كل الي يدور حولينا زي مايقولو هونها تهون

والله يبعد عنك كل ضيقه وعن كل المسلمين

[غنوووة شجن]

واللهي نفسي اواسيك يانووور

بس انا مخنوقه زيك >>> ماتروحي تفتحي موضوع جديد وكفايه غم عالراجل ههههههههههه

بجد انا مخنووووووووووقه

ربنا يفرجها على الجميع
معلش استحمل غلاستي يانور
ولو مش مستحملها
اعملك ايه بقى ههههههههههههههه
بهزر معاك بلاش تتخنق اكتر ههههههه

[نانـــــو]

ايه ده يانور مش عيب تكون مضايق ومتقلش لاختك
انا اتصدمت لما لاقيتك كاتب فى فضفضة الاعضاء
نور انت مش عصبى للدرجة الى انت حكيت عنها دلوقتى يمكن متسرع احيانا فى الحكم ماشى انما انت مش عصبى للدرجة التدمير
بالنسبة للناس الى بيدخلوا فى حياتك انت تقدر توقفهم عند حدهم
واياك يانور تتنازل عن مبادئ انت مقتنع بيها ومسلم بيها علشان الناس عايزة كده
لا يانور اوعى يهمك الناس خليك دايما تقول لنفسك انت عايز ايه مش هما عايزين ايه
وخليك متمسك بمبادئك
نور كلنا عصبين بس بتتفاوت درجة عصبية كل واحد فينا عن التانى
بس المهم بعد كده نحس انحنا غلطنا والانسان بطبيعته بيسامح
متزعلش نفسك كده وفرفش كده مفيش حاجة تستاهل زعلك يانور
بس انا عرفاك كويس يانور وبقلك انت مش عصبى بس حكمك سريع وبتاخد قرارات سريعة فى لحظة غضب بس بعد شوية كل حاجة بتروق
متزعلش نفسك كده واياك تكتب فى فضفضة الاعضاء تانى ليك اخوات تفضفض معاهم وتشكيلهم
وفكها بقى وفرفش كده ياما هغنى والله وانت حر بقى لما بغنى الكهرباء بتقطع على طول مستغنى عن كهربتكوا خليك زعلان هههههههههههههههههههههههههه
فرفش كده بقى يانوررررررررررررررر واياك اسمع منك كلمة مخنوق مفيش حاجة تستاهل والله يانورررررررررررر

[حَرفُُ هجآءّ]

امممممممممممممممممممممم
يمكن تكون بعيد عن ربنا اليومين دول
عشان كده مش مرتاح
او ممكن حد بيزن عليك وانت مقتنع بحاجه وبمبدء انت ماشى عليه
وهو عايزيك تغيرة
فى الوقت ده بيبقى الانسان متلخبطه
مش عارف اذا كان هو صح ولا غلط
بس فى حاجه صلى وقرب من ربنا واقرى قرأن
واعقلها وتوكل فى كل امور حياتك
طول ما بتقول يارب
هتلاقى ربنا بيسهلك فى كل خطوة بتخطوها