سيرين.. لحظآت بدآخلى..

[Sєяєєη●•ʚɞ]

أووووف بجد المصالح الحكومية دى بجد حاجة بشعه والموظفين اللى فيها على قلبهم مرآوح لو كل وآحد كان بيشتغل بضمير ماكنتش البلد خربت كل دة علشان ورقة ياربى امضيها من الخارجية اتذليت وطلع عينى اروح للموظفة تقولى لا روحى الاحوال المدنية وهاتى ختم وتوقيع اروح الاحوال المدنية يقولولى الخامس اطلع الخامس يقولولى التانى انزل التانى يقولولى مش من هنا من الدور اللى فوقينا اروح اللى فوقيهم يقولولى اسألى هنا اسأل الموظف اللى ع الشباك مكسل يتكلم بيشاور على اللى جنبة اقف عند اللى جنبة وفى الاخر اكتشف انه مش عندة لقيت نفسى تعبت وماصدقت لقيت عسكرى قدامى صرخت فيه وقلتلة لو سمحت انا عاوزة اعرف الورقة دى بتتختم من فين بالضبط !!!! طلعت ونزلت الخمس ادوارعشروميت مرة وكل واحد يقولى مش من عندى قالى من الدور اللى انتى طالعه منة قلتله قالولى لا وانا تعبت قالى طب تعالى معايا واخيرا شاورلى ع الاوضة لقيت عليها واحد مستنى ورقة واديت ورقتى وانا عماله انفخ وجايبة اخرى "ماهو لو كل واحد بيوصف صح وبطل سياسة نمرمط اللى جاى يعمل ورق دى كانت البلد اتصلحت وكنا اختصرنا وقت كتير " ابص الاقى اللى واقف جنبى بيقولى متعبين صح ؟ قلتله جدا دوخونى وطلعت ونزلت مليون مرة لقيتة بيقولى انا مهندس ولسه جاى من البحرين وبعمل الورق بتاعى شوفى وفتحلى قصة حياتة قلت فى بالى ايه الرغى اللى اشتغل دة لقيت العسكرى طلع بالورقة اخدتها ومشيت ع طول حتى ماسمعتش الاخ كان بيكمل رغى فى ايه ماكنش فيا دماغ بصراحة ولا عندى تطفل كان عاوز ايه طلعت احط ع الورقة ختم وبقول للضابط حطلى ختم قالى برواقة تدفعى كام ويضحك؟ وربنا ماطالبة ظرف قلتله بص انا تعبت بصراحة مش عاوزة اختام قالى طب خلاص هاتى الورقة رايحة فين وختمها وخلصنا بصراحة ما انصحش اى حد يخلص ورقة فى اى مصلحة حكومية هيجيلة شلل من تبلد وبرود وقله ضمير الناس اللى فيها كان اخويا كل اما يرح مصلحة حكومية يتخانق من برودة الموظفين هههههههه وبردوا اختى وانا كنت استغرب بيتخانقوا ليه بس عرفت السبب وياااريت كل واحد بجد يشتغل بضمير عشان البلد تتعدل :::::::تـــــــــآريـــــــــــخ:::::::: 22 ♥ 3 ♥ 2013

[Sєяєєη●•ʚɞ]

دآئما تأتى الريآح بمالاتشتهى السفن فتتوالى الاحداث الكئيبة فتأتى الصدمات وتتلاشى الأحلام وننصدم بالواقع فهى دنيا سعادتها لحظية واحداثها غير مرئية فتأتى لنا فجائية فندرك كم هى قصيرة وسعادتنا فيها قليلة نفتقد فيها اعز الاشخاص ونفترق فيها عن الاحباب فندرك حينها كم هى رخيصة فهى تفرقنا عن اغلى الاغلياء ونجد نفسنا فيها وحداء فيأتى التراب وياخذ الاعزاء ولا نملك وقتها سوى الدعاء ويتوالى الفراق وتتوالى الاحداث ويتوالى الفـراق ويتوالى الفـراق الفـرا الفـر الفـ الـ ا .... ولن تتوقف دموعنا على البكاء خبر وفاه والدة ايمان صدمنى إلى ابعد الحدود تقريبا كمل عليا وحسسنى ان الدنيا دى لاتسوى وخلانى اعيد حسابات حاجات كتير فى حياتى أصعب حاجة انك تكون محتاج لحد اوى وماتلاقهوش وقتها :::::::تـــــــــآريـــــــــــخ:::::::: 1 ♥ 4 ♥ 2013

[Sєяєєη●•ʚɞ]

يـــــــس وبعد فترة اخيرا حسيت ان بالى ارتاح شوية تقريبا مبسوطة لانى اخيرا رسيت على فكرة هتكون متعبة شوية بس نالت الاعجاب ادعولى بقا ان اليومين الجاين دول يعدوا ع خير وخصوصا يوم الاحد قلقانة من النهاردة اصلا احساس حلو لما تحس اخيرا انك هتبدأ فى حاجة علمية كويسية وخصوصا تكون مقتنع بيها هتعملها بحب والحمد لله ربنا هدانى لفكرة اقتنعت بيها بالرغم ان النهاردة كان يوم متعب بس مبسوطة بجد وكل اما بتتعب فى العلم بتحس ان ليك قيمة كدة ومبسوط من نفسك :::::::تـــــــــآريـــــــــــخ:::::::: 3 ♥ 4 ♥ 2013

[Sєяєєη●•ʚɞ]

نفسى اجرب اعمل فى شعرى كدة بس هاين عليا وناس كتير بتقولى خسارة وبعدين لو اتقص مش هعرف انكشة كل اما بكون زهقانة او متضايقة بقوم مسيباة ونكشاة :::::::تـــــــــآريـــــــــــخ:::::::: 3 ♥ 4 ♥ 2013

[Sєяєєη●•ʚɞ]

ادعولى أوى قلقانة جدآآآآ بكرة يوم مهم فى العرض ربنا يهديهم كدة ويوافقوا ع الفكرة من غير اما يتخانقوا مع بعض ويخلوا الباحثين متعذبين معاهم حاسة انى ناسية كل حاجة وقلقانة اوى ادعولى اوى اوى ويعدى اول خطوة ع خييييييييييير :::::::تـــــــــآريـــــــــــخ:::::::: 6 ♥ 4 ♥ 2013

[Sєяєєη●•ʚɞ]

مشكلتى انى مابعرفش اسلم دماغى لحد ومابعرفش امشى بفكر حد خصوصا لو كنت مش مقتنعة اما لو اقتنعت خلاص المشكلة دى بتقابلنى فى الدراسة ان اللى قدامك عاوزك تمشى بفكرة هو اعتقادا منة انة الصح ممكن انا اكون غلط بس العقل والمنطق هما اللى بيحكموا لو اللى قدامك بيقول راية بمنطق اكيد عقلك هيسمعله اما لو من غير منطق عمرك اما هتعرف تسلم افكارك له او تطاوعه فى فكرة الغلط دة ربنا خلقلى عقلى عشان افكر بيه مش عشان اركنة وافكر بعقل غيرى وامشى منحازة وخلاص شغلى ودراستى انا اللى بفكرلهم بعقلى لكن مش همشى ورا افكار حد بمجرد انة عاوزنى اعمل وانفذ فكرة وبس :::::::تـــــــــآريـــــــــــخ:::::::: 8 ♥ 4 ♥ 2013

[Sєяєєη●•ʚɞ]

دايما الواحد بيعرف معدن الاشخاص فى المواقف المواقف فقط هى اللى بتكشف الكل بحمد ربنا عن ناس كتير اوى بلاقيهم وقت شدتى ولما بكون مخنوقة بلاقيهم واقفين جنبى وبيحبونى وبيخافوا عليا بجد بحمد ربنا ع اللى الناس اللى مهما ببعد عنها حتى بلاقيهم مشغول بالهم عليا وعاوزين يطمنوا عليا شكرا لكل حد فى حياتى وبلاقيه واقف جنبى دايما ووقت اما بحتاجله بلاقيه فبحمد ربنا ع النعمة دى ربنا مايحرمنى منكم ابدا ابدا :::::::تـــــــــآريـــــــــــخ:::::::: 8 ♥ 4 ♥ 2013

[Sєяєєη●•ʚɞ]

عندما يتوقف العقل ويتكلم القلب سنشعر حينها كم نحن اغبياء وسنكون حمقى اغبياء مجانين مملون ونصبح أناس لايشبهوننا :::::::تـــــــــآريـــــــــــخ:::::::: 11 ♥ 4 ♥ 2013

[Sєяєєη●•ʚɞ]

غاضبة ومستاءة !! اصبح لاشىء يستهوينى!! فتكاثر ما لايعجبنى!! وأعلنت سخطى عن كل شىء!! :::::::تـــــــــآريـــــــــــخ:::::::: 11 ♥ 4 ♥ 2013

[Sєяєєη●•ʚɞ]

اكتشفت اننى كنت اتعامل بشكل خاطىء !! فعفوا عقلى !! سأعود إلى اتزانى !! وسأحاول التعامل بالشكل الصحيح :::::::تـــــــــآريـــــــــــخ:::::::: 11 ♥ 4 ♥ 2013