سيرين.. لحظآت بدآخلى..

[Sєяєєη●•ʚɞ]

اقتباس خليني أكلمكم عن النظام اللي هيتم عمل بيه التقييمات بشكل مبسط المقبول = صفر الممتاز = 1 السيء = سالب واحد السيء جدا = سالب اتنين و عشان تنجح لازم تكون صفر أو أكثر لو اقل من الصفر بسنة يبقى كدا سقط في الاستبيان يعني لو واحد ادالك (سيء) يبقى هتحتاج تعادلها بواحد تاني يديلك (ممتاز) أما لو حد ادالك (سيء جدا) فكدا انت محتاج اتنين يدولك (ممتاز) عشان تعادل نتيجتك لصفر تاني أنا طبعا مبسط المفهوم الرياضي الدرجات اللي هتشوفوها في الشهادات هتكون كدا الممتاز = 1 المقبول = 4 السيء = 7 السيء جدا = 10 كل ما درجتك تزيد كل ما تكون سيء عشان تنجح لازم المتوسط بتاعك يكون 4 و ما اقل لو جبت 4 و كسر يبقى كدا سقط لو نفرض ان تلاته قيموك ..واحد ادالك سيء جدا و اتنين ادولك ممتاز يبقى كدا مجموعك هيكون 10 + 1+ 1 يساوي 12 12 تقسيم 3 يساوي 4 يعني ناجح على الحافة و من هنا بيتضح زي ما قولتلكم فوق إن (السيء جدا) بتحتاج ل2 (ممتاز) عشان تعادلها لحافة النجاح اللي هي (4) أما المقبول فهي حافة النجاح (صفر .. لا بتضرك و لا بتفيدك) النتيجة هتنزل على شكل شهادات يوم السبت أو الحد ملحوظة : السقوط في الاستبيان يعني العزل من الاشراف ...(كل واحد يحط ايده على قلبه بقى ) اول مرة اقتبس مشاركة من صفحات حد المشاركة دى من صفحات طارق طبعا كدة بشرنى بالسقوط المحقق هههههههه خصوصا انى مقيمة نفسى سيىء جدا يعنى هحتاج فى المقابل اتنين ممتاز ودة فى المشمش طبعا وياسلام بقا لو حد ادانى سىء جدا كمان ..حاجة فلة وربنا لان الاستبان نزل فى فترة كنت نايمة فى العسل ولا اقولكم لا عسل ولا بصل انا اصلا كدة كدة فاشله فى القسم دة من زمان وقولتلكم اعمل ايه احبووووووووش وإشتغلت فيه ع قد ماقدر واتنمى اكون سيبت بصمة فيه عموما طالما كدة كدة الساقط بيمشى فأنا ماشية بكرامتى ولامة عزالى وشنطتى ومقدمالكم استقالتين ابقوا اختاروا واحدة فيهم لانى لو نزلت التالته هكون مملة اوى هى ايه الايموشينات اللى مش راسية ع حل دى ماعرفش المشاركة دى عملتلى تهيس ليه ؟ بس يمكن عشان اول مرة احس احساس السقوط كدة ولا اللى بنطلعه فى الطلبة بيطلع فينا ولا ايييييييه ؟ بس انا عمرى اما سقطت حد والساقط يرفع ايده هيييييييييييييييييه :::::::تـــــــــآريـــــــــــخ:::::::: 19 ♥ 4 ♥ 2013

[Sєяєєη●•ʚɞ]

وطلعت ناجحة عجبانى اوى الشهادة بالرغم ان اكيد ناجحة ع الحركرك اللى هو يادوب جايب درجة النجاح كدة بس الحمد لله والله طلع الواحد له بصمة وهو مايعرفش اهو خصوصا انى ماليش صحبات كتير ارد بقا ع تقييمين الاول من الرحال المتمرد اقتباس انا كمان محضر شنطتي وقصايدي من وقت ما شوفت المشاركه ,, ورافع ايدي اهو يا ميس سيرين هههههه ههههههههه مبروك انت نجحت بردوا رجع الشنط بقا والتانى من Words Whisper اقتباس انا مش بدخل العام لنفس الأسباب اللي انتِ قلتيها بس اللي متابعين قالوا انه جدا اتحسن هو فعلا القسم العام محتاج شخصيات تتفق مع طبيعته وشكرا ياسمسم ع كلامك وان كان اتحسن فدى حاجة تفرحنى انا والمشرفات اللى معايا والله :::::::تـــــــــآريـــــــــــخ:::::::: 19 ♥ 4 ♥ 2013

[Sєяєєη●•ʚɞ]

يووووووووم متعب بس حلو وراجعة منه بضحك رغم كل اللى معايا راجعين دمهم محروق لاننا اتنفخنا فيه كان مؤتمر نفخ مش نمت غير ساعتين بس من 2 ونص الى 4 ونص " اختى الغلسة صحتنى" المفروض كنت اصحى 5 ونص سافرت ورجعت وكان يوم متعب ولسة راجعة بس كان يوم حلو وحاسة انى مش عاوزة انام بس مذبهلة بس كدة مهيسة ومكسلة اكتب بقا احلى حاجة انى كنت قريبة من بيتنا فى مصر وكان نفسى اسيبهم واروح اقعد هناك بس رجعت معاهم تانى :::::::تـــــــــآريـــــــــــخ:::::::: 20 ♥ 4 ♥ 2013

[Sєяєєη●•ʚɞ]

النهاردة كنت بمتحن سنة اولى شفوى بعد الامتحان لاقيت كل شوية واحدة تجيلى وتقولى الله يخليكى يادكتورة ادينى درجة حلوة اقولها ماتقليش واطمنى و زى مابتعبتوا هتاخدوا حقكم وفجاة واحدة جت وقالتلى هو ينفع اشوف درجتى قولتلها لأ اصل سنة اولى دول تحسوهم كتاكيت كدة وبيقلقوا وبيخافوا من اى حاجة غير سنة رابعه بيكونوا مستبيعين االنهاردة حاسة بحماس كدة مش عارفة ليه يمكن عشان مبسوطة ؟! الحمــــــــــد لله بجد :::::::تـــــــــآريـــــــــــخ:::::::: 21 ♥ 4 ♥ 2013

[Sєяєєη●•ʚɞ]

إكتشفت ,، إن المنافقين فى حياتى كتيـــــــــــــر ,، حقيقى ،, نظرتى إختلفت لكثيــــــــــــرون ,، سحقـــآ ,، للنفـــــــــــآق :::::::تـــــــــآريـــــــــــخ:::::::: 25 ♥ 4 ♥ 2013

[Sєяєєη●•ʚɞ]

يلا بمناسبة ان حنون قالتلى كدة اقتباس اللللللللله ايوا والنبى ياسيرو احب انا الورد الاحمر احبه اوى اوى ههههههههههه انا طبعا قولتلها انى رجعت م المناقشة اللى كنت بحضرها امبارح بورد احمر واديتة لماما اللى فرحت بيه انا كمان يانونا بحب الورد الاحمريكا وعشان خاطرك صورتهملك اهو بس هما دبلوا شوية لانهم م امبارح ودى ورداية لوحدها ودى وردة حبنا منى ليكى :::::::تـــــــــآريـــــــــــخ:::::::: 30 ♥ 4 ♥ 2013

[Sєяєєη●•ʚɞ]

أنــــــــــــــآ . . أنــــثـــي . . تحـــــــــــــــتـــرم . . أصحــــــــآب العقـــــــــول " " أى حد عقليتة كويسة بحترم جدا عقليتة فى كل الناس اللى بشوفهم فى حياتى ففعلا اكتر مايلفت نظرى هم أصحاب العقول الكويسة هما الناس اللى بحسهم دمآغ بجد وبحب الطموحين جدآ لانهم بيكونوا عاوزين الاحسن وبيطورا من نفسهم وكتير منهم بستفيد من عقليتهم فعلا .. :::::::تـــــــــآريـــــــــــخ:::::::: 2 ♥ 5 ♥ 2013

[Sєяєєη●•ʚɞ]

عجبتنى الصورة والورداية,، دى منى لكل اللى بحبـــهم بقآ ,، SOso :::::::تـــــــــآريـــــــــــخ:::::::: 2 ♥ 5 ♥ 2013

[Sєяєєη●•ʚɞ]

قررت انى اسيحلكم الحكاية بدأت امبارح من اختبار شوفتة فى موقع علم نفس وجرربتة ع نفسى ولقيتة لذيذ خالص بدأت اجربة ع كل صحباتى اللى فى الميل الموضوع بسيط خالص انك تشبك ايدك فى بعض وتشوف صباع الابهام بتاع ايدك اليمين فوق ولا تحت لو فوق -------> شخص عقلانى لو تحت -------> شخص عاطفى نتيجتة ع اللى فى الميل بس سيرين -------> شخص عقلانى رغم انى بكون مجنونة ساعات كونتيسة سارة -------> شخص عاطفى وكانت سعيدة جدا لوجى (لوست بيرل)-------> شخص عقلانى بيوتى سول (ايمى ) -------> شخص عاطفى بيوتى انجل (يويو)-------> شخص عقلانى ألحان الورد (دندون)-------> شخص عاطفى اتضايقت بردوا لانها تفكيرها عقلانى وسارة طبقت الاختبار على الرحال المتمرد (ايمن )-------> شخص عقلانى وزعل جدا وقال انا عاوز اكون عاطفى الحب الصامت (هيثم ) -------> شخص عقلانى زعلان بردوا وعاوز يكون عاطفى وشكك ف الاختبار المهم ان انا طبقت الاختبار ع كل اللى ف البيت ولوجى وسارة عملوا كدة فقررت اخلى الاختبار عالمى واطبقة ع كل اللى ف المنتدى عاوزة اقول للناس اللى زعلانة دول كلنا فينا جزء عاطفى وجزء عقلانى دة مجرد حكم مبدئى منطقه ان نصف المخ الايسر مشتمل ع التفكيرالعقلى وهو بيتحكم فى الجانب الايمن من الجسم ولما يكون وضع اصبع ابهام اليد اليمنى فوق فهنا اليد اليمنى متحكمة اكتر من اليسرى فالجانب الايمن هو المتحكم علشان كدة قالوا انك عقلانى ونفس النظام للعاطفى (موجود فى نصف المخ الايمن وبيتحكم فى الجانب الايسر من الجسم ) الاختبار دة حاجة فرش لذيذة كدة مش حكم عام ع شخصيتك وممكن يكون مش دقيق اوى لكن فيه اختبارات تانية اكثر دقة واسئلة وبتختار وبتعد النقاط عشان تكشف استخدامك لانهى نصف فى المخ اكتر شمال ولا يمين :::::::تـــــــــآريـــــــــــخ:::::::: 4 ♥ 5 ♥ 2013

[Sєяєєη●•ʚɞ]

اممممممممممم اكتر حاجة بتفرحنى بجد لما اكلى يعجب بابا اصلا بابا م النوع انة مش بيعجبة اى اكل وزواق كدة ولو الاكل مش بيعجبة بيقول ع طول مش بيسكت يعنى بيقولى بقا اكلك حلو وبحس انى اخدت دفعه تشجيع كدة وانى بنفع يارب بقا اكلى يعجب جوزى كمان بعد كدة :::::::تـــــــــآريـــــــــــخ:::::::: 4 ♥ 5 ♥ 2013