سيرين.. لحظآت بدآخلى..

[Sєяєєη●•ʚɞ]

ساعات كتير بكون مفكرة ان فيه ناس المفروض تكون كارهانى بس استغربت لما قالولى انهم شايفنى مثل اعلى فى ناس بتحس انها بتقدرك وبتدفعك خطوة للامام وناس تانية بتهبطك وبتشدك مليون خطوة لورا عشان كدة انا بحب الطموحين وببعد عن اليأسين ' ' ' ' بجد مش قادرة اقول غير شكرا ليهم رغم انها قليله اوى عليهم :::::::تـــــــــآريـــــــــــخ:::::::: 4 ♥ 5 ♥ 2013

[Sєяєєη●•ʚɞ]

أصدقائى هم حياتى احببتهم بوجدانى واقضى معهم اسعد اوقاتى ضحكاتى معهم تخرج من قلبى يبحثون عنى فى غيابى وعند غيابهم ابادلهم اشتياقى تعرفت على كثرون منهم فى حياتى وجدت بهم كثيرون مخلصين لى وصادفت بعضهم غدر بى اغلب صدماتى اتت من اصدقائى ليسوا جميعا بل بعضهم خان ثقتى بعضهم انهيت معه صداقتى بعضهم تألم منهم قلبى بعضهم وضعته بعيدا عنى فهكذا الاصدقاء احببت البعض بصدق وتركت البعض بغضب اغلقت صفحات وفتحت صفحات فصفحاتى المغلقة لن اعود للنظر اليها لان كل صفحة مغلقة اغلقتها بإقتناع وتركتها بعيدا فى النسيان اما صفحاتى المفتوحة ستجدون فيها المخلصون فقط !!!!!!! ، ، هكتب كتير النهاردة شكلى كدة مابقتش عارفة متضايقة ولا مبسوطة :::::::تـــــــــآريـــــــــــخ:::::::: 5 ♥ 5 ♥ 2013

[Sєяєєη●•ʚɞ]

أصدقاء الوآقع احببتهم بصدق وتعاملت معهم عن قرب ووجدت فيها النقاء والوفاء ووجدت فى بعضهم النفاق احتفظت ببعض الاوفياء وتركت بعض المخادعون املك اصدقاء فى الواقع مخلصون حقا واحمد ربى على وجودهم فى حياتى اما اصدقاء النت وجدت الكتير منهم اوفياء ووجدت منهم الحب والاحترام واخذت من بعضهم صدمات عدة تعرفت على كثيرون منهم اكتر بنوتة اخدت منها صدمة فى حياتى مش موجودة هنا بس فعلا كنا اكتر من اخوات تليفونات وكلام يوميا وكان الكل مفكرنا اننا مش اتعرفنا ع بعض فى النت وان صداقتنا فى الواقع ومن سنين من متانة صداقتنا وحبنا لبعض لما بحب بحب بجد ولما بتصدم وببعد ببعد بجد ماعرفش اكون بين البنين بس اخدت منها صدمة عمرى لحد دلوقتى ساعات بيكون نفسى اكلمها لانها حبتها بجد بس لما بنهى صفحة مابعرفش ارجعلها بلاقى حاجات كتير اقوى م الحنين بتمنعنى ...دى مشكلتى !! ربنا يوفقها اما بالنسبة للبنوتات اللى هنا وحقيقى كل بنوتة بكلم معاها دايما ع الميل بحبها بجد وبحسها اختى فعلا ومعظم اللى عندى ع الايميل كدة بس انا هتكلم عن ايه ، ألحان الورد فى المشاركات الجاية .. :::::::تـــــــــآريـــــــــــخ:::::::: 5 ♥ 5 ♥ 2013

[Sєяєєη●•ʚɞ]

بحب الممثلة دى بس مش عارفة اسمها ايه ؟ اللى يعرف يبعتلى فى التقييم ،، بيــــــــــوتى أنجـــــــــل مش عارفة قصايد الشعر ممكن توفيكى حقك اصلا ولا لأ وفعلا اكتر واحدة كان نفسى اكتب عنها من اول اما اتصاحبنا انتى اول بنوتة هنا اتعرفت عليها وكانت صاحبتى بجد تؤ اختى كمان اول مرة لما قدمت استقالتى وانتى بعتيلى رساله كنتى بتعيطى فيها وعيطتينى معاكى فاكراها الرساله دى محتفظة بيها لحد دلوقتى كالوردة وجدتها بخفة دمها وطيبة قلبها شعرت بحبها اول ماكلمتها والشبة اللى مابينا زود قربنا على طول تسأل عليا لما بغيب عنها شويا اول ماعرفتها كنت واخدة صدمتى من صاحبة بحبها سابت جوايا فراغ وقررت بعدها صحاب نت مافيش فجت هيا اتربعت على عرش قلبى واتسلطنت فلقيت فكرنا متشابه مع بعضنا نفس اللى بفكر فيه الاقيها بتفكر فيه نفس اللى عاوزة اقوله الاقيها هى بتقوله ، ، ياخرابى القافية دى مقيدانى ع راى دندون هقلبها عامى ايه من اقرب الشخصيات لقلبى وحتى قريبة منى عن صحاب ليا فى الواقع وشخصيتنا متشابهه بدرجة كبيرة نفس الهدوء نفس الحاجات اللى بنحبها وتفكيرنا وعقلنا متفق مع بعض صبرتينى كتير على حاجات كتيرة وبحس بحبك بجد وفعلا اكتر حاجة بتغيظنا مواعيدنا اللى مش راضية تتضبط دى لما بكلمك بحس ان الحياة حلوة كدة ولما بتغيبى بحس ان يومى ناقصة حاجة بحبـــك أووووي ،، :::::::تـــــــــآريـــــــــــخ:::::::: 5 ♥ 5 ♥ 2013

[Sєяєєη●•ʚɞ]

ألحـــــــــآن الورد بنوتة بحبها بجد بداية معرفتنا كان فى الجدول الرمضانى بشوف عقلك اكبر من سنك عشان كدة بحب اسمع رايك وبيعجبنى وبتفكرينى بنفسى فى الاقناع رغاين رغى دخلتى قلبى بسرعه بتشبهنى فى الطموح والتحدى وانها بتسمعك للاخر بتشبهنى فى الهدوء وبحس معاها براحة بحب اتكلم معاها وبتوحشنى لما بتغيب كل دى حاجات متشابهه بينا خلتنا قريبين لبعض بحب فيكى الرقة والتعقل وانك فى حالك كدة من الناس اللى بحس انها بتحبنى بجد وانا فعلا بحبها وقريبه لقلبى بحسك اختى بجد بتهمنى وبسمعلها وبخاف عليها ومن الحاجات الجميلة اللى فكرهالها ان انا رمضان اللى فات كنت هكسل عن الحملة الرمضانية وقلت الظروف مش هتساعدنى هى اللى شجعتنى وعملتها وفضل تشجعنى للاخر كتبتلك بالعامى اهو ومن غير قافية بحبــــــــــك أوووووي ،، أما باقى صحباتى اللى عرفتهم وبكلمهم عاوزة اقولهم ان انا جة عليا وقت افتكرت ان مافيش حاجة اسمها صداقة نت وانها خدعة بس لما عرفتكم بجد اتأكدت انى اتسرعت لانى شوفت معاهم الحب والصداقة بحسهم اخواتى بجد وبحبهم وبخاف عليهم بجد بحب اسمعهم واحاول اساعدهم حتى لو مش فاضية وبتاثر بمشاكلهم اوى وبحسها انها مشكلتى وبكون عاوزة اساعدهم لو غبت عنكم او قصرت فى حقكم ماتزعلوش منى ..بيكون غصب عنى ولو اختفيت بردوا فجأة ماتزعلوش واعرفوا ان انا بحبكم اوى ، :::::::تـــــــــآريـــــــــــخ:::::::: 5 ♥ 5 ♥ 2013

[Sєяєєη●•ʚɞ]

بما انى عندى ارق فظيع بقالى يومين مش عارفة لية !! بس اكتشفت ان الارق بيجى لما الواحد بيكون بيفكر كتير فى حاجة معينة يعنى بمعنى اصح لما تكون دماغك فاضية ومخلية الحاجات اللى بتضايقك تتسلل ليها لانها لو مشغولة مش هيكون عندك وقت تفكرى اصلا فقررت اشغل دماغى فى شغلى اللى ورايا حاجات اعملها فيه بالهبل وقررت انسى الدنيا وامزمز ميرندا الدنيا ربيع والجو بديع بقا مطلوب منى احط درجات لدفعتين كاملين وفى اكتر من مادة تقريبا كل بنت 150 درجة موزعة فى مواد العملى فبما انى فاضية فصورتلكم الشغل المتلتل اللى المفروض ابدأ فيه دول الكشوفات والدرجات اللى المفروض اضبطها العملى عندى مخلياة منظم وبقسمة مجاميع وكل مجموعة وفرقة بالورق اللى بستملمة بحطهم فى ملف ليهم المفروض هفرزكل دول واحط الدرجات فى كل كشف ماتركزوش ف الخط اوى دى مسودة فكتباها بسرعه دى انا عاملاها ليا انا عشان اسهل ع نفسى كل مجموعة لها رمز معين مدلولة بدرجة انا اللى محدداها ومعظم تقييم الشغل العملى بيكون رموز كدة ولسه الورقة دى هزود عليها رموز تانية وهتلاقوها دلوقتى مافهاش مكان اصلا السنادى عملت حاجة جميله انى خليت الشغل العملى ع اسطوانات كمان وعاملة ملف ع الجهازبإسم كل مجموعة بالطلبة بتوعها بشغلهم وفى الاخر دى بقا مفاتيحى لاقتها جنب الورق وانا بصور قلت تعالى خدى لقطة يلا اسيبكم بقا عشر سنين كدة اكون خلصت اللى ورايا دة :::::::تـــــــــآريـــــــــــخ:::::::: 6 ♥ 5 ♥ 2013

[Sєяєєη●•ʚɞ]

رقبتى وجعتنى بس الطلبة دول لذاذ والله كنت طالبة منهم فى شغلهم العملى يصوروا حاجات فيديو بشوفة دلوقتى شوفت البدع ولا كلة كوم وفيديوهات الواقع المدرسى دة كوم المدرسات ماشين فى الفصول بالشباشب وفى فضايح كتير بس خلينى ساكتة اصلا يلا نرد ع التقيميات ღ Big BOSS ღ اقتباس لا ربنا يعينك بجد ع الشغل المتلتل دا - بس حلو الغرز الى فى المفاتيح دا عجبنى ممكن اخده ^^ والله رقبتى وجعتنى اصلا ولسه ماخلصش غير كمان كنت بشوف الحاجات اللى طلبت منهم يصوروها فيديو طلبة مسخرة دا انا ضحكت ضحك انهى غرز تقصد البتاع الاخضر ف احمر دة دة بقالة معايا يجى سنتين كدة اختى جبتهولى هدية من ايطاليا لما كانت مسافرة هى وجوزها اتفضله ياسيدى الرحــاال المٌتَمرد اقتباس اولا فين البيبسى اللى وعدتينا بيه انا وساره امبارح ؟؟ ثانيا خطك وحش جدااااااااااااااا ههههههههه انا ممكن اديكى كورسات فى الخط العربى بس نتفق الاول هتدفعى كام ؟؟؟ ثالثا بأه ظبطى الدرجات دا الطلاب مساكين وغلابه ههههههه اخص سخص كدة تقول خطى وحش اعيط بقا ناس كتير بتقول انة حلو وبعدين انا كنت بكتب بسرعه لما بكتب بمزاج بيطلع احسن من كدة بس الصورة مبيناة مش حلو فعلا وبعدين مش المهم بتعرفوا تقروه هو انا هشتغل خطاطة يادى البيبسى طيب حاضر امسكه اهو بس ادى لسارة معاك بيبسى باليسا اهو عشان سارة تزقطط بس اليسا بتشربة خدوة منها بقا countess اقتباس واحنا كمان بنحبك آوووووي وانا بموت فيكى ياسوسووووو countess اقتباس ربنا معاكي وتخلصيهم ع خير >>> المفاتيح مظبطه نفسها في الصوره ههههههههه ههههههههههه اة شوفتى متضبطين للتصوير beauty angel اقتباس حبيبة قلبى أنتِ والله ياسيرووو :* أقول ايه بس بعد الكلام الحلو دهـ ربنآ العالم ياحبيبتى أنتِ من أقرب الناس ليآ على النت وفى الواقع والله بحبك آآآآآآآآوى آووووى ربنا يخليكى ليا ومايحرمنى منك أبدآ .. أجمل أخت فى حياتى انتِ ياسيروو ربنا مايحرمنى منك بموت فيكى والله وربنا يعلم معزتك فى قلبى قد ايه يايويو الحان الورد اقتباس مش عارفة أقولك ايه والله ^^ .. بصي القلوب عند بعضيها وربنا يعلم ب غلاوتك ، متحرمش ^^ .. والممثلة ابقي فكريني اقولك اسمها ع الميل حبيبتى انتى يادندون ربنا مايحرمنا من بعض وابقى قوليلى اسمها عشان بحب الممثلة دى :::::::تـــــــــآريـــــــــــخ:::::::: 6 ♥ 5 ♥ 2013

[Sєяєєη●•ʚɞ]

لقيت عندى الصورة دى ع الجهاز شوفتها ضحكت ضحك ماعرفش كنت فرحانة بـالـ 9 مشاركات ولا اية ومفكرة نفسى الاولى " " حآسة انى قلبت صفحآتي رغي كآنت الصفحآت الأول مش بيتحط فيهآ غير شعر وبس خلتهآ مرآجيح :::::::تـــــــــآريـــــــــــخ:::::::: 6 ♥ 5 ♥ 2013

[Sєяєєη●•ʚɞ]

يلآ النهآردة كآن ليآ مزآج أصور شوية حآجآت هبدأ معآكى بأجندة ذكريآتى اول امآ عملتهآ كآنت فى 2003 قررت وقتهآ إني أكتب فيهآ كل حآجة أولها لآقيت نفسى كآتبة كلآم عن نفسى وليه قررت أكتب بعدهآ بقآ شوية تحليل لصحبآتى وكل شخصيآت البيت جزء منهآ كآن ثقآفى وكنت بكتب كل معلومة بتعجبنى جزء منة كآن دينى جزء منة اتكلم عن نفسى وقراراتى جزء منة اتكلمت عن اعياد الميلآد وكلمة عن صاحب عيد الميلآد جزء منة عن يوم عيد ميلآدى فى كل سنة واللى حسيتة فى اليوم دة ومين افتكرنى ومين نسانى والهدايا والاحتفال وأخر جزء سميته My Secrets ..الجزء دة حرقته من كآم سنة كشكول لذيذ يعنى تعالوآ اوريكم شكل الاجندة كانت عادية خالص كاتبه Don't read it ,please وده اوله كروت صحبآتى فى عيد ميلآدى سنة 2004 ودى صفحة من الاجندة فى الجزء الدينى كنت كتباه دى بقآ لوحة أنآ عملتهآ لما كنت فى الكلية تقريبا كنت فى تآنية وعندى حآجآت من كدة كتير دى بالحبر بإستخدام طريقة التنقيط دة بقآ قلم بحبة جدآ عندى بقآله 3 سنين بس مش بكتب منة كآن هدية من بنت اختى ودى لقطة ليه وأنا بشدله شعره :::::::تـــــــــآريـــــــــــخ:::::::: 11 ♥ 5 ♥ 2013

[Sєяєєη●•ʚɞ]

من شوية كدة رحت احضر اشهآر واحدة صاحبتى فى الجامع فكالعادة نزلت ع اخر لحظآت وكروت اللبس روحت بلبس الشغل مآ انا رآيحة جآمع المهم البنت أول اما شآفتنى مسكت فيآ والا لازم نتصور وفجأة لاقيت نفسى بتشد من مامتها واختها وبيقولولى تعالى نتصور ع فكرة انا ماعرفهمش اصلا والعروسة نفسها علاقتى بيها سطحية بس لازم كنت اروح كمجاملة خصوصا انها من الشغل والجامع جنبنا اتصورت ولاقيت خمسين واحد بيصور وانا اصلا ماكنتش حابة اتصور بلبس الشغل المهم خلعت بصنعه لطافة كدة وقلتلها بصى هصورك انا وطلعت موبايل وقعدت اصور فيها روحت لقيت دكتورة كدة عرفاها بالشبه كدة وبردوا علاقتى بيها سطحية بس قلت اسلم عليها بسرعه كدة سلمت عليها لاقتها افشت فى ايدى ومش عاوزة تسيبها وانا بقولها مبسوطة بشوفتك وانا جاية سريعا كدة وعماله ابينلها انى عاوزة امشى انا كنت رايحة اسلم بس دى افشت وكلبشت ومش عاوزة تسيب ايدى وانا مكسوفة منها وعاوزة اسيبها واتكلم مع العروسة ودى مافيش فايدة لاقتها بتقولى استنى لما نتصور ونادت واحد كدة وقالتله صورنا مش عارفة ايه موال الصور اللى اتفتح دة وكل دة واحنا ع سلم الجامع اصلا الخلاصة انى اتبسطت وبس والعروسة فرحت لما شافتنى وانا اتبسطت انى فرحتها بس لو كنت هعرف انى هتصور كمية الصور دى ماكنتش رحت اصلا قصدى كنت لبست لبس افراح بقا موقف تانى حصل بنت اختى الصغيرة بحبها جدا هى عندها 3 سنين ودى بجد ياخلاثى باكلها بوس المهم دايما بيقولولى دى تربيتك وتربيتك بايظة من شوية كدة لاقيت ماما بتنادينى وبتقولى تعالى خدى البنت دى من قدامى لطشت اختها الكبيرة حتة قلم واختها قاعدة تعيط فاخدتها برة وجيت اكشر فى وشها لاقتها قلبتلى وشها الشراب المقلوب وهتتقمص فصعبت عليا وبوستها مابعرفش ازعلها فسابتنى ودخلتلهم الاوضة تانى وقالت لماما ولاختها انا مخصماكم ماما لاقتها بتقولها دة اللى علمتهولك خالتك لما اخدتك برة ..تربية بايظة اصل انا لما كنت صغيرة عملت نفس الحركة وخالى كل اما يشوفنى بيقولى انا مش ناسيلك لما كنتى صغيرة وفجاة دخلتى ع اخواتك الصبيان ولطشتى دة قلم ودة قلم وطلعتى تجرى تستخبى كفاية رغى كدة :::::::تـــــــــآريـــــــــــخ:::::::: 11 ♥ 5 ♥ 2013