سيرين.. لحظآت بدآخلى..

[Sєяєєη●•ʚɞ]

عنجليزى دة يامورسى ايوة اة ... it's Message ويلا بقا نشوف تكملة للمشاركة اللى فاتت وعرفت اللى فيها وعرفت سر الصور اللى اتصورتها فى اشهار البنت وانا بقول انا مش البرنسيسة عزيزة يعنى عشان اخد كل كمية الصور دى طب العروسة واتصورت معاها ماشى لكن ام واخت وخالة العروسة كل واحدة عاوزة تتصور معايا صورة منفردة كدة اتوغوش انا خصوصا انى ماعرفهمش المهم لاقيت العروسة دى بعدها بيوم بتتصل بيا والا مصممة تقابلنى عشان تدينى جاتوه استغربت بصراحة اية الجاتوة اللى بيتوزع دة قلتلها شكرا ياحبيبتى ومافيش داع والا دى مصممة بالعشرة انها لازم تقابلنى قلتها طيب انا برة دلوقتى قالتلى طيب انا مستنية اخويا عشان هنجيب حاجات وهفوت عليكى اخوها كدة بدأت اتوغوش تانى المهم شوية كدة وروحت لقتها بتتصل وتعالى قابلينى فماما لما شمت ريحة اخوا البيت وانا نازله لقيتها بتقولى اقلعى النضارة دى فاهمة انا شغل الامهات دة بس انا صممت ع نضارة بكيزة عشان يمكن يطفش نزلت لاقتها جايبه اخوها وموقفاه بالجاتوة وبتعرفنا ع بعض لالالا كدة خلاض الوغوشة اتاكدت قلتلة اهلا وسهلا واخدتها وقعدت ارغى معاها بعيد ايوة انا نكتة اصلا وبهرب م المواقف دى قالتلى بيتك انهى واكيد هزورك قريب والله وروحت البيت تعالوا بقا احكيلكم ع موقف الامتحانات النهاردة اكتر كلمة بسمعها من الطالبات وبتضحكنى لما بمشى جنبهم وبيقولوا الدكتورة دى عسل كانت بتدينا لما بيكون مزاجى رايق كنت بقعد اهزر فى السكشن النهاردة انا كنت مع دكتورة المفروض انها بتمتحن الطلبة فى الجزء الشفوى طبعا احنا بنحط درجات العملى اما الشفوى لازم دكتورة المادة طبعا النهاردة كان بزرميط خالص فالدفعه كلها متقسمة ع كل الدكاترة وهما مش بيدوا المادة اصلا فتخيلوا لما اللى يمتحن الطلبة يكون لايفقة شىء عن المادة المهم انا دورى بيكون ضيف شرف بس وهى اللى بتمتحن الدكتوره كان بالها طويل وانا صاحية من 6 ونص والساعه بقت 4 وكنت خلاص شوية وعاوزة اقولها انجزى ياخربيت كدة اللى كان مضايقنى اكتر انها عمالة تسال الطلبة اسئلة مش فى المادة لانها ماتعرفش حاجة عن المادة والطلبه قدامها متنحين وعماله تديهم درجات نيله وانا ببص لدرجاتها وبقول فى نفسى يعنى مش فاهمة حاجة وكمان جايبة درجاتهم الارض المهم دخلتلها اخر مجموعة فى منهم كام بنت كنت بديهم فالدكتورة كالعادة عماله تسالهم اسئلة مش فى المنهج انا دايما الطلبة بتوعى بحس انهم عيالى كدة هههههه نفسى يجاوبوا صح خصوصا لو كانوا شاطرين والبنات شاطرة بس خايفين ومبلمين من الاسئلة وعاوزين يجاوبوا عشان كنت قايلالهم ذاكروا كويس وارفعوا راسى فبيحاولوا يتكلملوا ويقولوا اى حاجة ع الاسئلة الغريبة برة المنهج دى فبيجابوا غلط لقيت نفسى تلقائى ببص من ورا الدكتورة وبشورلهم بإيديا لأ وبقول الاجابة كما ن البنت تبصلى وتقولى اية ايه عاوزانى انجدها فوقت انا وقلت انا نسيت نفسى ولا ايه قاعدة بغشش العيال اصلها بتسألهم اجابات برة المنهج وصعبانين عليا وبتحط درجات نيله وهما مش بينطقوا المهم الدكتورة حست ان انا فذلوكة فلقتها بتقولى مش انتى كنتى بتدى السكشن دة قولتلها اة قالتلى طب يلا بقا اساليهم انتى طبعا الامتحان الشفوى ماينفعش انا اللى اسال بس هى بتقولى كدة عشان تخلينى اخاف واسكت فرديت وقولتلها حاضر يادكتورة هسالهم انا عشان اريح حضرتك شوية المهم بدأت انا اسالهم لقيت العيال كلهم بيجاوبوا معايا لان اسئلتى فى المنهج ببص كدة لقيت رئيسة القسم واقفة جنبنا وعاوزة تقول ايه التهريج اللى بيحصل دة وانا شغاله اسئل الطلبة ومطنشاهم الاتنين الدكتورة شافت رئيسة القسم قامت تكلمها رحت انا قايله للطلبة يلا اتفضلوا خلصنا بعدها قلت اية اللى انا عملته دة المفروض مش امشيهم كدة غير لما استاذن م الدكتورة لان دة امتحانها هى بس قلت خلاص مش راجعة فى كلمتى وقمت ماسكة درجات المجموعة دى واديتهم درجات عاليه وقلت اهو تهزيق بتهزيق بقا وانا ماشية بمزاجى كدة لقيت الدكتورة جت وعاوزة تقولى انتى عيشتى الدور ولا ايه سبقتها وقلتلها انا حطتلهم الدرجات كمان لو حضرتك عاوزة تغيرها براحتك لان دى المفروض درجاتها هى اللى تحطها بس اللى عملتة دة حركة جريئة منى انقذ بيها ولو اخر مجموعة لقتها بصتلى كدة وقالتلى لا خلاص مش مغيرة درجاتك المجموعة دى مميزة وكنت هديها درجات كويسة كنت هقولها ياراااااااااااجل ضميرك فاق دلوقتى بس سكت وبس كودة رغيت انا كتير صح :::::::تـــــــــآريـــــــــــخ:::::::: 12 ♥ 5 ♥ 2013

[Sєяєєη●•ʚɞ]

قدرى إلى أين تأخذنى ,، ولأين تبعدنى ,، لماذا تختبرنى ,، وتزيد حيرتى ,، اخبرنى ياقدرى الى متى ستعاندنى !! لماذا توهمنى !! وترسم لى سعادتى !! وفجأة تغير مسار طريقى !! وتنتشل منى احلامى ,، وتضعنى امام واقعى ,، لماذا تتفنن فى عذابى ,، وتسلب منى رغباتى ,، وتضعنى فى اصعب مواقفى !! لماذا انت المتحكم بى !! تتحكم فى حياتى!! فتأخذ منى ما ارغب وتعطينى ما لا ارغب لماذا تبعدني وإلى أين تأخذنى لماذا وضعتنى فى اصعب قراراتى !! .. :::::::تـــــــــآريـــــــــــخ:::::::: 14 ♥ 5 ♥ 2013

[Sєяєєη●•ʚɞ]

1Likes تخيلوا ان صفحاتى دى واخدة واحد لايك بس عارفين ليه !!! لانى حذفتها وقررت الرحيل وحسيت ان طالما مش هكتب فيها تانى يبقى مش هيكون ليها لازمة تفضل موجودة بصراحة سبب وجودى هو التقدير والثقة الغاليه اللى لاقتها من الادارين هنا فى فى المنتدى + حب الاعضاء ليا وكلامهم اللى بتأثر بيه وبيرجعنى تقريبا كدة استقالتى اترفضت من كل الادارين اللى فى المنتدى حتى الادارين اللى مش يعرفونى واتوقعت انهم يشلونى رفضوا الاستقاله اتوقعت انهم هيكسروا ورايا قله عشان كدة حابة اشكر كل الادارين سواء الغايبين او الحاضرين ع ثقتهم دى بداية من طارق اللى تقريبا قولتله شيلنى م الاشراف حوالى مليون مرة ولا حاجة وكانت النتيجة لا وفكرى تانى ومش هشيلك ضياء اللى اتوقعت وقتها انة هيشلنى م الاشراف لما قدمت استقالتى بشكل رسمى وكانت الاولى وكانت النتيجة احنا مش فى شركة هنا وماعندناش استقاله لبتوع العام بالاخص" حنون ومنه رفضوا رفض منقطع النظير ومالهوش مثيل "ياخربيت تعبيراتى " وقالولى لالالالالالالالالالالالالا انسى هيثم بعتلى مع سارة وقالى اهدى يالبلبه وهى من الناس الكويسة هنا ومش هشيلها " حودا دة بقا كنت متوقعه انة هيشلنى لانة مايعرفنيش ومعروف عنه انة بيشيل ع طول بس كانت النتيجة مافيش استقالات احنا مش فى شركة ابو شنب هنا " ساحر قالى روحى وانتى طلبك مرفوض" مش ملاحظين انى اتحبست هنا والابواب كلها اتسدت فى وشى هههههههه دا انا حاسة انى مشرفه فاشله شيلونى احسنلكم عارفين بجد ثقتكم دى احرجتنى فعلا وكسفتونى من نفسى اكتر وسامحونى ع اى تقصير منى بس بيكون غصب عنى والثقة الغالية دى هى سبب وجودى بينكم هنا بشكركم ع الثقة دى بجد المشاركة دى بعد اما كتبتها النت فصل ولسه جاى مش عارفة ايه الحظ دة :::::::تـــــــــآريـــــــــــخ:::::::: 28 ♥ 5 ♥ 2013

[Sєяєєη●•ʚɞ]

ع فكرة انا نسيت اقول اسم ادارى سابقا وهو تكنيكال من الناس اللى بحترمها بجد وهو بردوا رفض الاستقاله ، ، تعالوا احكلكم موقف وانا راكبة النهاردة واحدة وقفت الميكروباص وبالرغم ان كان مافهوش غير كرسى واحد فاضى فزقت بنت صغيرة عندها 5 سنين كدة حشرتها بينى وبين كرسيها وقامت راكبة واخدت البنت الكبيرةعندها 18 سنة كدة ولا حاجة وقاعدتها ع حجرها والكبيرة مكسوفة تقعد فتقولها اقعدى ع حجرى يابت انتى شايفة فيه مواصلات اصلا المهم انا صعبت عليا الصغيرة المحشورة اللى رامياها وراها وحشراها عندى والبنت عماله تقولها رجلى رجلى فشلتها وقعدتها ع حجرى فبصلتلى مامتها وقالتلى لا مؤاخذة قولتلها ولا يهمك بعد شوية اللى جنبى نزلت فقامت البنت الكبيرة من ع حجر مامتها وقالت للصغيرة قومى من على حجرها وتعالى اقعدى ع حجرى الصغيرة بصتلها وقالتلها لأ وقاعدة ع حجرى مش راضية تقوم مامتها تقولها قومى يابت انتى استحليتى رجلها ولا ايه البنت تقولها لأ انا قعدت اضحك وقولتلهم خلاص سبوها فأختها الكبيرة قالت عشان هى عاوزة الشباك بعد شوية اللى جنب الشباك نزلت فأختها قالتلها يلا تعالى بقا من على رجلها واقعدى جنب الشباك اهو البنت تبصلها وتقولها لأ اختها اتغاظت منها قامت ضرباها وقالتلها قومى يابت فضايقت بصراحة فقولتلها خلاص سبيها وفضلت البنت قاعدة ع رجلى طول الطريق والكراسى جنبنا فاضية :::::::تـــــــــآريـــــــــــخ:::::::: 29 ♥ 5 ♥ 2013

[Sєяєєη●•ʚɞ]

بمناسبة الروآقة عجبآنى لعبة اوى عند ابن اخويا فقعدت اصورهآ ههههههه هى عربية بتنور وبعدين تغير فيها تحولها لانسآن آلى الصور اهو احلى حاجة اوى انة كآن منشكح وانآ عمآلة اصور لعبته وعمآل يضبطهآلى :::::::تـــــــــآريـــــــــــخ:::::::: 29 ♥ 5 ♥ 2013

[Sєяєєη●•ʚɞ]

يلآ هقلب الصفحة حظيرة شوية المهم ان انا مش كنت بكتب فى صفحاتى دى غير خوآطر وبس قلبتهآ رغى ابن اخويآ طلب من مامتة تشتريله كتكوت عيل مؤرف هههههههه فطبعا مامتة عشان مش تزعله جبتله الكتكوت هو لسه فى تانية ابتدائى فحطة فى كرتونة كدة وطالع نازل بيه ويسيبة والكتكوت يقعد يصوصو وانادى عليه واقوله تعالى طلعه عند مامتك ههههههه واحدة بتكرة اى كائن حى قبل اما يطلعه فرحتة وقعدت اصور فى الكتكوت بتاعه اللى بيعذبة كل شوية دة الصور اهى واكتر من لقطة هى الصور مش واضحة اوى لانى صغرتها وغيرت ابعادها عشان كانت كبيرة جدا فطلعت باهته شوية ويادوب قمت من جنبهم وارجع ابص للكتكوت الاقى اخوة الصغير عمل فيه كدة هنا الكتكوت بيستغيث منهم وماشى برجل واحدة انا قولت لمامتة تشيله منهم الكتكوت متبهدل :::::::تـــــــــآريـــــــــــخ:::::::: 30 ♥ 5 ♥ 2013

[Sєяєєη●•ʚɞ]

مبسوووطه والله جدآ بالشهادة دي خصوصا انى دايما بقول انى فاشله فى الشعر ومازلت ألف شكر عليها هجيبلكم اكتر اللى كتبتهم فيه وعجبونى لان فى حاجات كتبتها وماعجبتنيش هههههههه مليون صباع بيتهمونى وانا المجنى مش الجانى خانتى معاه فجبرتنى اموتها ويحبسونى ************************** اهلى مشيوا وسابونى ورا جدارن حطونى وفى دار ايتام حبسونى ومن حبهم حرمونى ****************** بحلم بحب يطلع بيا باعلى سما ويدوب فيا احلامى طالعه وطايرة معاه وسط السحاب اعيش وياه ******************** جعان والجوع قاتلنى مش لاقى حد يرحمنى واهلى مشيوا ورمونى ومش عايزين يفتكرونى ******************** صعب اتنفس وانا بموت بجسم ميت من غير روح عايشة بحزنى وكلى دموع بقول الـ اه من غير صوت ****************** غروب ده ولا نهايه لكل حب كان له بدايه سنين طويله عايشينه وصحانا على فراقه ******************* انا وردة حمرا مش دبلانة بشوق الحب دايما سقيانة بعيش دايما بين قلبين مبسوطة بحبهم الاتنين *************** شوف الحب بين طفلين يملا عنيك بنظرة عين عاملين دوتو لاحلى اتنين تشوف الاخت حاضنة اخوها وهو نايم مغمض عين *************** ملاك تشوفها فى رقتها وياسلام كمان على ضحكتها بتوه لما تسمع صوتها وبتجرى عليها وتبوسها :::::::تـــــــــآريـــــــــــخ:::::::: 12 ♥ 6 ♥ 2013

[Sєяєєη●•ʚɞ]

وبعدين بقا فى الكهربا اللى عماله تقطع كل يوم دى طب يخلوها يوم ويوم الواحد زهق تزهيقا كبيرا ومالهاش وقت ولا مواعيد يابختك ياخالتى اصل اكتشفت انها مش بتقطع عندهم خالص يارب صبرنا حطيتلكم صورة بنت زهنقانة اهى ..! :::::::تـــــــــآريـــــــــــخ:::::::: 12 ♥ 6 ♥ 2013

[Sєяєєη●•ʚɞ]

عارفين ربنا مش بيضيع تعب حد ابدا اة والله وكل يوم فى الدنيا بعيش وبتعلم ابسط مثال كنت فى شغلى بشوف كل اللى حواليا ماعندهمش ضمير واخر كروتة كان سهل اوى اعمل زيهم ووامشى بدرى زيهم او اقعد واطنش واجى ع الاخر اكروت زيهم والطلبه هما اللى بيضيعوا ف النص ولا بيتكلموا بس انا من النوع اللى ضميرى ممكن يأنبنى جدا وعمره اما طاوعنى انى اعمل زيهم كنت بشتغل بضمير وماليش دعوه بحد بس فى المقابل وكان دة بيضايقنى انى كنت بلاقى معدومين الضمير بيعرفوا يكذبوا ويألفوا قصص ويقولوا عملنا وعملنا وهما مش بيعملوا وانا اللى ماكنتش بتكلم خالص كان شغلى مش باين وممكن فى لحظة انفعال او مزاج مش رايق من رئيسة عملك تقولك انا مابشوفكيش اصلا بالرغم انها بتكون عارفة انى مطحونة مع الطلبة ونفسيتى كانت بتتعب كتير كنت بفكر واقول هو ليه الغلط هو اللى بيظهر وبيبان والصح مجهودة ضايع وقلت هشتغل بضمير والمهم ارضى ضميرى وخلاص مش مهم الناس اتفاجئت فى اخر السنة بمكافأة مخصوص اتعملتلى حسيت بفخر كبير اوى بنفسى ومش هنساها ابدا طلعوا رؤساء الشغل واعين بيسألوا عليك الطلبة وبيكتوبوا تقارير فينا هههههههههه بس فعلا فرحت اوى خصوصا انى جديدة واخدتها بس لايونكن انسى نظرة القدام عليا اتصدموا بجد :::::::تـــــــــآريـــــــــــخ:::::::: 12 ♥ 6 ♥ 2013

[Sєяєєη●•ʚɞ]

انت حلم انا حلمته ...>~! فحسيت بيه وعشته ...>~! فـ كتبته قصة فى اشعارى ...>~! كان بطلها من اوهامى ...>~! وحطيت عنوانها حلم حلمته ...>~! لاقتها بتحقق قدامى ...>~! هو انا حلمت بيك قبل اما اشوفك ...>~! ولا تخيلتك بطل احلامى ...>~! فـ شوفت الحلم بيتحقق ...>~! لما لاقيتك واقف قدامى ...>~! اول ماشفتك حبيبتك واتمنيت اكون ليك واعيش طول العمر بيك فــشديت قلبى ليك وخليتنى دايما بفكر فيك و دايما بشتاق ليك خلتنى برتاح وانا جنبك وقلبى مش عاوز يبعد عنك طب ليه انت متعلق بيا ...!! واتشديت على طول ليا...!! اول ماشوفتنى قدامك...!! حسيت انى احلامك...!! فـ ـقربتنى ليك...!! ومسكتنى بإيديك...!! وخفت انى اسيبك...!! وخلتنى امل ليك...!! قصة حبنا ابتدت..^ هتتوج بإخلاصنا..^ ووعودنا لبعضنا..^ وهتزيد بحبنا..^ وتمسكنا ببعضنا..^ شاركت بيها فى مسابقة قول ياعم مش عارفة النتيجة طلعت ولا لسة كنت مزودلها صور كتيرة بقا فى توبيك المسابقة http://forums.banatmisr.com/msryat425105/ :::::::تـــــــــآريـــــــــــخ:::::::: 9 ♥ 7 ♥ 2013