سيرين.. لحظآت بدآخلى..

[Sєяєєη●•ʚɞ]

فـ ناس بتسبقها احساسها قبل كلماتها .♥.! وناس مهما تقرا كلماتها مش بتحس بإحساسها .♥.! :::::::تـــــــــآريـــــــــــخ:::::::: 30-12-2012

[Sєяєєη●•ʚɞ]

رسم لها صورة فى الخيال فكان يراها تشع جمال ففى الوجة براءة ليس له مثال فأيقن انة وقع فى الحب لامحال وذات ليلة أتت إليه فى المنام تضحك له وتهدية جوزين حمام فكان يحلم كل ليله بوجها الفتان ويتذكر صدى صوتها الحسان وطلب منها أن يقابلها فى البستان فجاءتة بوجة ليس فيه جمال فتركها مفزوعا إلى الحمام وقرر إخراجها من الوجدان :::::::تـــــــــآريـــــــــــخ:::::::: 30-12-2012

[Sєяєєη●•ʚɞ]

قد ترآودنا أشباح المــــاضــى .!~ فيأخذنا الحنين إليها تـــــــــارة.!~ ويأخذنا الرغبة فـ نسيآنها تــــارة.!~ :::::::تـــــــــآريـــــــــــخ:::::::: 30-12-2012

[Sєяєєη●•ʚɞ]

الأماكن كالأشــــــــــخاص ..!~ فهناك أماكن تشعر براحة فيها ..!~ وتتمنى العودة إليها مرة أخرى ..!~ وهناك أماكن تختنق بمجرد القرب منها ..!~ ولا تنوى الرجوع إليها مرة أخرى ..!~ , , , , نقلتلكم جزء من كتاباتى المتواضعة ,, :::::::تـــــــــآريـــــــــــخ:::::::: 30-12-2012

[Sєяєєη●•ʚɞ]

لمآذآ أشعــر بالإخرين بهذا القدر ..! لماذا اشعر بمعاناتهم واعانى معهم..! لماذا أثأثر بأحزانهم وأشعر بآلآمهم..! لمآذا أتعآطف معهم ..! لمــآذا لم أكون عديمة المشآعر..! حتى لا أتألم لالمهم بهذا القدر..!!! :::::::تـــــــــآريـــــــــــخ:::::::: 30-12-2012

[Sєяєєη●•ʚɞ]

التقيمات التقييم المكتوب بيفرحنى جدآ وبيدى للواحد روح معنوية عاليه بشكر كل اللى بعتولى كلمات مشجعه وبعتولى تقييم وهم Ѕad Єyes اقتباس ربنا يرحمها ويعافيها ويعفو عنها يدخلها فسيح جناته ,, ربنا يصبرك yasmine refat اقتباس الله يرحمها ويغفرلها آمين K A S E M اقتباس صفحاتك جميله يا سيرين اول مره اتطفل على زهور حديقتك لاكنى اعجبت كثيرا بعبيرها اسأل الله الرحمه لمعلمتك ربنايسكنها فسيح جناته يارب countess اقتباس الله يرحمها يارب آمين ..بشكركم جدا وربنا يبعد عنى وعنكم الاحزان ..نورتونى "الرحاال""الزجاال" اقتباس كونى انتِ مهما صار حولك ,, صح ..نورت الصفحات beauty angel اقتباس قلوبهم فارغهم وضمائرهم منعدمة ! عندك حق والله ياسيروو فعلا عالم فالصوآ !! أنا كمان تعبت من الناس دى ,, ربنآ يكتبلنا الخير ياحبيبتى ويبعد عننا الناس الفالصوآ وميحرمناش من بعض ابدا آمين يايويتى ..مااتحرمش منك ابدا ابدا يا اعز صديقة واخت misho اقتباس صح جدا المهم الفعل مش الكلام,,, استمري مدونتك راقية تسلميلى ياشوشو ..منورانى عاشقة ذكر الله اقتباس أحيانا بقول زيك كدا بس بارجع وأقول العيب فيهم مش فينا احنا واحنا أحسن منهم بكتير لاننا بوش واحد وقلب طيب فخليك زى ماانتى انتى كدا احسن واحده فيهم عندك حق ..منورانى جدا بشكركم ع التشجيع ،، نورتونى 31 -12- 2012

[Sєяєєη●•ʚɞ]

مع دقات الثانية عشر ستنتهى سنة مضت وستبدأ الدقائق الاولى لسنة قادمة اعتادت ان لايمر هذا اليوم بدون كتابة سواء بإنتهاء عام هجرى ام ميلادى وأعتادت أيضا أن مع بداية عام جديد أقرأبضع من القران كى يكون عام بدايته ذكر الله هقلبها عامية شوية سنة عدت من عمرى بحلوها ومرها حصلت فيها حاجات حبتها وحاجات زعلتنى اتصدمت واتعلمت واشتغلت وصاحبت ناس جديدة وفارقت ناس اخدت جزء من حقى وحسيت ان ربنا مش بيضيع تعب حد ابدا بتمنى ربنا يحققلى احلامى السنة دى ومايحرمنيش من كل الناس اللى بحبهم فى حياتى حاسة انى بكتب بسرعه عشان ألحق السنة وحاسة ان الكلام مش متضبط اوى بس مش مهم انا كل سنة مش بكتب هنا اصلا كنت بكتب فى كشكول ذكرياتى كفاية رغى كدة كل سنة والكل بخير وسنة سعيدة على الجميع اخر مشاركة فى عام 2012 وداعا بكل ماتحملة من ذكريات سيئة او حلوة وداعا 2012 أهلا 2013 الساعه 12:00 بالضبط :::::::تـــــــــآريـــــــــــخ:::::::: 30-12-2012

[Sєяєєη●•ʚɞ]

يارب تكون السنة دى ع الكل سعيدة تحققوا فيها كل الاحلام السعيدة تحصل فيها كل الاحداث السعيدة وتكون مصر اجمل بلد سعيدة بشباب بيشتغلوا فى وظائف بوشوش سعيدة بيتعاملوا مع العامة بإبتسامة سعيدة وبفقرا عايشين عيشة سعيدة وببلد مرافقها بتخلى النفس سعيدة ويرزق فيها كل بنت بحياة سعيدة مع حد تكون معاه سعيدة وتعيشوا فى شقه سعيدة وتجيبوا بنت اسمها سعيدة تكبر وتعيش معاكم سعيدة وتشيلوا احفادها بضحكة سعيدة وتكبروا لحد اما تشبعوا م الدنيا السعيدة وتيجى الملايكة تاخدكم بوجوة سعيدة وتشوفوا مكانكم ف الاخرة بعيون سعيدة وتقابلوا الرحمن بوجوة سعيدة مش عارفة معلقة ليه ع كلمة سعيدة شغلتكم وجوزتكم وشيلتوا احفادتكم وموتكم بكلمات سعيدة حبيت أول مشاركة فى السنة الجديدة تكون سعيدة ويابخت سعيدة بالكلام دة ... عجبى يا سعيدة :::::::تـــــــــآريـــــــــــخ:::::::: 1-1-2013

[Sєяєєη●•ʚɞ]

هناك قرار بداخلى يلح عليا بشدة وحان الوقت لتنفيذه ف العام الجديد أعلم أنه قد يحزن كثيرون لكنهم سيتعودون ويتأقلمون :::::::تـــــــــآريـــــــــــخ:::::::: 2-1-2013

[Sєяєєη●•ʚɞ]

المرادى قررت احكى موقف أصل ماعرفش اية الرواقة اللى هبطت عليا فجأة دى المفرض ان أنا الايام دى عندى مراقبه فـ الامتحانات وكالعادة مش بنام بدرى وبصحى مخضوضة مفزوعة كل يوم بعد اما اكتشف انى طفيت الموبايل ونمت "بكره الصحيان بدرى يا كماعه الله " بلبس وأنزل وأوصل فـ وقت قياسى " بصراحة اتحسد لانى مملة فـ اللبس " المهم وانا براقب ع مادة لسنة رابعه المفروض ان بيكون اسمى ملاحظ وبيجى مراقب يسلمك ورق الاجابة والاسئلة اللى هتوزيعها رحت اخد الورق من المراقب وبقولة انا ما اخدتش الورق بصلى بأنتكة كدة وقالى : روحى ياشاطرة اقعدى مكانك لحد اما الملاحظة تيجى غظنى : فـ قلتة حضرتك انا الملاحظة هنا قالى اسف افتكرتك طالبة قلت ف بالى يعنى انت اللى شكلك مراقب دا انا ماعرفتش انة مراقب غير من الورق اللى ماسكة بس يلا بقا كلنا تعين جديد فـ بعضينا وزعت الورق الاجابات والاسئلة وجبت كرسى وقعدت " مش معقولة هقف التلات ساعات " بصيت لقيت ولد من اللجنة بيقول : ماحدش يحل ياجدعان الامتحان كلة خارج المنهج مش عارف ولا سؤال هنشتكى الدكتور لقيت اللجنة كلها هاصت واللجنة اللى جنبى نفس الوضع بصيت للمراقب المتأنتك دة يقول حاجة "كش وعمل نفسة من بنها " قلت اتحرك انا بقا : فـ قلتلهم اهدوا واحنا هنجيبلكم دكتور المادة واللى عارف حاجة يحلها هاجوا بردوا وقعدوا يشتكولى وقالوا الامتحان كلة برة المنهج طلعت لقيت دكتور معدى شكلة يرعب لوحدة " طول بعرض " وقلتله اللجنة هاجت لان الامتحان برة المنهج دخل شخط شخطتين ماقدرش عليهم لان الطلبة جالهم هستيريا من الامتحان خصوصا انة كان امتحان رياضة اتصلنا بدكتور المادة اللى قالهم الكلمة المعروفة اللى بتفرس اى طالب " الكتاب كلة مقرر والامتحان كلة منة " العميد جة وطلعوا الامن وقالوا لدكتور المادة لازم يجى جة وقالهم الامتحان كلة م المحاضرات " حجة الدكاترة الخايبة " اكيد مش بتحضروها البنات قالتلة احنا كنا بنحضرها ومعانا المحاضرات نورهالك الدكتور اتقمص وطلع لقيت الولد اللى عامل ثورة دة قعد يقولى والله حرام لما ابقى ف الكلية السنين دى مش عارف اخرج من سنة رابعه ويجى امتحان زى دة ومالوش اعادة يعنى هعيد السنة تانى جوا نفسى كنت بدعى بجد ع الدكتور دة وطلبناة تانى يجى اللجنة دخل قالهم خلاص السؤال الاول هنزل درجاتة السؤال التانى دة لما سألته ف المحاضرة لما مافيش حد عرف يجاوبة فاكرين " يعنى بيختبر الطلبة مرتين ف المحاضرة والامتحان "حد يجيب سؤال ماعرفش يجاوبة ولا طالب ولا حد شرحة لهم" السؤال التالت دا دا دا اجابتة كلمتين بس والرابع كلمة واحدة قلت ف بالى اية امتحان الكلمات المتقاطعة دة اما الخامس المعادلة غلط والسادس المعادلة غلط ضبطوها وخرج ساب الطلبة تخبط دماغها ف الحيط بصراحة حسيت ان ماعنديش غير كلمة واحدة بس حسبى الله ونعم الوكيل صعبوا عليا اوى وكنت راجعة م اليوم متضايقة جدا النهاردة كانت المراقبه حلوة وكانت صاحبتى معايا بتراقب فجيبنا اتنين كابتشينو وضبطنا نفسنا :::::::تـــــــــآريـــــــــــخ:::::::: --5-- --1-- 2013