سيرين.. لحظآت بدآخلى..

[Sєяєєη●•ʚɞ]

شكرا نونا - أيمن ع التقييمات وشكرلباقى الاعضاء ع اللايكات \ انا كويسة بس احيانا بنحتاج نعيد حسابتنا مع نفسنا مانكرش ان فيه ناس فى حياتى نعمة من عند ربنا وبحمد ربنا على وجودهم فى حياتى وفى ناس تانية بكون مجبرة ع التعامل معاهم وناس تالته مهما اما بتكون كويس معاها بيكونوا وحشين ماعرفش العيب فى مين فينا ولا فيهم!! وناس رابعه تعاملهم معانا بيجبرونا نفكر تانى فى ايه الغلط اللى غلطناه فى تعاملنا معاهم هى دى كل الحدوتة :::::::تـــــــــآريـــــــــــخ:::::::: 11 ♥ 4 ♥ 2013

[Sєяєєη●•ʚɞ]

أرغب بشدة فى الابتعاد والذهاب الى مكان ليس به بشر وفيه لم يستطيع ان يصل لى اى بشر فقد اشتقت لنفسى كثيرا واشتقت لكل الاشياء التى احببتها بداخلى اشتقت لـ عقلى لـ قلبى لـ روحى سآخذهم معى وابتعد بعيدا جدا عن كل البشر :::::::تـــــــــآريـــــــــــخ:::::::: 11 ♥ 4 ♥ 2013

[Sєяєєη●•ʚɞ]

اموت واعرف ماسر اقتران كلمة عسل بيا اصلى مش بقف فى المراية بشوف برطمان عسل يعنى بس حقا كلمة بتتقالى كتير جدا طلبة وصحباتى وصحبات ماما والدكاترة الستات...الخ ماعرفش ايه السر!! لدرجة للاطفال لما كنت بديهم زمان كانوا بيكتبلولى ف الجوابات انتى عسل وسكر بس انا شايفة نفسى عادية جداااااااا فى كل تصرفاتى خير خير بس كلمة بحبها جبتلكم برطمان عسل اهو رغم انى مش باكلة كتير :::::::تـــــــــآريـــــــــــخ:::::::: 14 ♥ 4 ♥ 2013

[Sєяєєη●•ʚɞ]

بعيدا عن جو العسل الملزق دة انــــــــــــا مبســـــــــــوطة جـــــــدا بللى حصل النهاردة يـــــــــآة كان يوم طويل بس النفوس فيه اتصافت شوية اكتشفت ان انا ممكن افوت كتير بس لما بيفيض بيا بكون حد تانى حد بيقول كل اللى جواة ومش بيعرف ينافق ويكذب مباشرة وصريحة وبقول كل اللى فى نفسى واللى يزعل من الحق يخبط راسة فى الحيط الموضوع كان مشكلة ورا مشكلة اتراكمت وجت صاحبتها فتحتلى القديم والجديد رديت انا بقا وقلت كل اللى فى قلبى وحسستها انها كانت غلطانة فى حقى جامد بس سكوتى خلاها تفتكر انها الصح ياخرابى عليا البنت ماعرفتش تلاقى مبررات غير انها تكدب واقولها بتكدبى ليه انا عارفة كذا وكذا الموضوع مش مستاهل نضحك ع بعض قلتلها كل اللى فى نفسى وعرفتها انى ساكتة بمزاجى عشان مابحبش المشاكل بس لو هتكلم هقول كتير المهم انى ارتاحت جدا بعد اما عرفتها كل اللى فى قلبى وحسيت انها مش عارفة ترد وتكدب لانى كان معايا حق فى كل كلمة وعجبنى اوى الكلام اللى قولتهولها وانى عرفت اقولها كل اللى جوايا واحسسها بغلطها من غير اما الموضوع يقلب لمشكلة بينا طلعت حكيمة ومش عارفة وانتهى الموضوع انها قالتلى احنا لما اتصافنا كدة احسن وانا ارتاحت كدة بس بصراحة هى كدابة كدب وبروفيسورة فى تأليف القصص عشان تخرج م الموقف وانا فعلا كدة ارتاحت مشكلتى بجد انى مابحبش الرغى الكتير فى الشغل يعنى موقف يحصل تروح كل واحدة تحكى للكل حكاية مختلفة وكلها كذب عشان تبان هى الملاك انا بقا مابشغلش بالى ولا بيفرق معايا رغى القهاوى دة بعتبرة بيئة اوى انهم يتكلموا ع بعض ومنتهى النفاق انهم يضحكوا فى وش بعض بعدها طالما انا صح يبقى مش محتاجة اطلع مبررات زى مابيعلموا لان اللى بيبرر دة بيكون فى موضع ضعف بس اللى بيضايقنى الكذب الكتير اللى بيحصل يلا ادينا عايشين وبنشوووووووف :::::::تـــــــــآريـــــــــــخ:::::::: 14 ♥ 4 ♥ 2013

[Sєяєєη●•ʚɞ]

كفاية بقا استغلال فى الناس أصبحت كلمتى المشهورة لسواقين التكاسى اليومين دول والغريبة انهم يضحكوا " اما مافيش دم صحيح " عشان عارفين ومتأكدين انهم استغلالين المشوار اللى يدوبك شارع ياخدوا فيه الضعف منتهى الاستغلال بجد كل شوية عاملين وقفة واعتصام بعدها يضاعفوا الاجرة ويستغلوا البشر حتى النهاردة فاض بيا وبصيت للاتنين اللى وريا اتنين ستات وقولتلهم وانا نازله خلى بالكم السواق دة استغلالى فى الفلوس الراجل بصلى وضحك وقالى شكلك مش راضية طب اديكى الاجرة تانى طبعا واخدها مضاعفة بس انا بقول كدة من حلاوة الروح ما احنا بندفع واحنا ساكتين امال هتخانق مع سواقين ع اخر الزمن البلد باظت :::::::تـــــــــآريـــــــــــخ:::::::: 14 ♥ 4 ♥ 2013

[Sєяєєη●•ʚɞ]

المشاركة دى يمكن تزعل ناس كتيرة منى واترددت انزلها ولا لا انا هنا من 2009 لما اتحطيت مشرفة ع القسم العام عمرى اما حبيت القسم دة ويمكن الحاجة الوحيدة اللى صبرتنى علية هى اية المشرفة اللى معايا انا واحدة من الناس اللى يوم اما بتنزل اى موضوع بكون كاتباه بقلمى وعمرى اما نزلت موضوع منقول فعلشان كدة مواضيعى قليله فكان من الصعب جدا انى اتحط اشراف على قسم كل موضوعاته منقولة وكنت بشوف ان الموضوعات المنقولة مافهاش فكر ومملة جدا فالمطلوب منى انى ارد كمشرفة لكن نادر لما برد مش غلاسة منى لانى كتير جدا بكون مش عارفة اقول ايه لانى مش برد الا لما يكون ردى هيضيف حاجة جديدة وفى الموضوعات دى مش بلاقى فيها فكر صاحبها وانها عبارة عن كلام متلزق وخلاص فكنت كل اللى بقدر علية بقول كلمتين كتقدير لمجهود صاحبها ومش بيعجبنى ردودى فى العام لانى فعلا بدخل الموضوع ومابلاقيش رد اقولة بحب المواضيع اللى فيها فكر صاحبها نفسة دة اولا ثانيا حاولت مع القسم دة وعملت حملات ومسابقات زى حملة كرمبو وحملة هنولع القسم العام..الخ ونزلت المدرسة ومقر التعذيب ..الخ وكانت بتاخد منى مجهودات وكنت بتابعها بالاسابيع لانى ماكنتش شايفة نفسى فى الرد ع المواضيع وحسيت ان قسم زى دة مش هينشطة الا حملات ردود ومواضيع ونجحت فى دة بس ماخبيش عليكم ماقدرتش احبة بردوا انا حاولت احبة وابدع فيه بس بالنسبالى قسم محبط كان بيتنشط شوية وبعد كدة ترجع ريما لعادتها القديمة تانى ويكون عبارة عن كمية مواضيع منقولة قسم روتينى بحت وانا مابحبش الروتين ماعرفش افضل انقل فى مواضيع والسلام او ارد ع مواضيع متكررة ومنقولة كلها فكنت حاسة انى متكتفة فيه وطالما ادونى مهمة لازم اكون قدها حتى لو كنت ماطلبتش الاشراف دة اصلا فبدأت احس بتقصيرى يمكن الحاجات دى كانت من اهم الاسباب اللى خلتنى سهل اقدم استقالتى فى القسم وقدمتها مرتين لانى حاسة انى مقصرة بس التقصير غصبن عنى مع قسم مش قادرة احبة ومش شايفة فيه فكرى بحاول ع قد مابقدر انا بجد مستنية الاستفتاء بتاع طارق عشان فعلا عاوزة اعرف تقييم الاعضاء ليا واللى اتمنى يكون سىء جدا هههههههه ومستنية كمان النقد بتاع الاعضاء فى موضوع حوراء ع فكرة انا عاوزة بجد النقد دة ومحتجالة عشان التقييم يكون اعم انا مقييمة نفسى ماعرفش ظلمتها ولا مدياها حقها بس تقيم الاعضاء هيفرق جامد معايا واللى ع اساسة هقدر اقيم بشكل اوضح واعم وممكن وقتها اخطو خطوة هكون متأكدة انها مية فى المية صح الحمد لله طول ما انا فى المنتدى كنت هادية وفى حالى وماحصلش بينى مشاكل مع اى حد ودى حاجة هتشفعلى لما تيجوا تفتكرونى هتفتكرونى بالخير صح :::::::تـــــــــآريـــــــــــخ:::::::: 15 ♥ 4 ♥ 2013

[Sєяєєη●•ʚɞ]

انتوآ عارفين ان الشغل دة نعمة كبيرة بجد لما بتخرج وتشوف ناس وتتعامل بتحس انك غيرت مودك قاعدة البيت لوحدها بتجيب اكتئاب لما بتخرج حتى لو متضايق بتلاقى مودك اتغير وبتحس ان ليك قيمة كدة وبتعمل حاجة مفيدة فى المجتمع وليك دور اى نعم ممكن تكون مخنوق والشغل يزود خنقتك لان له مشاكلة بس مهما كان قرفة ومهما كانت مشاكله بس هو نعمة فعلا وقتها ممكن تكون مضغوط جامد بس خروجك للناس وتعاملاتك بتخلى شخصيتك مرنة وقابله للصدمات وعندك تبلد عودت نفسى من زمان انى افصل بين خنقتى الشخصية وخنقة شغلى لما برجع م الشغل بحاول ارمى مشاكلة بعيد عن البيت ولما بكون متضايقة بتضايق شوية وبعدها اقول لازم افصل بس لما بخرج وحتى لو اليوم متعب بحس ان شخصيتى حاجة تانية عكس لما بقعد فى البيت ايام طويله فكل يوم بتعلم وبشوف مواقف وبستعجب ومازلت بتعلم عشان كدة بنصح اى بنت انها تشتغل لان الشغل فرق فى شخصيتى كتير :::::::تـــــــــآريـــــــــــخ:::::::: 15 ♥ 4 ♥ 2013

[Sєяєєη●•ʚɞ]

حبيت ارد ع تقييمين الاول من صاحب المنتدى ع قد ما اتبسط بالايك بس تقيمة فاجئنى الحب الصامت بيقولى اقتباس ولا حد هيزعل دى حاجة ماتزعلنيش خالص لانك لو حد اعرفة وقولتلى كدة كان ممكن اضايق ولانى ماقصدتش انك انت اللى هتزعل لاننى للاسف ماعرفش حضرتك ولا عمرى اما اتعاملت معاك فى يوم ودى اول معاملة بينا فحابة اوضحلك اللى هيزعلوا هما صحابى و بشكرك ع زوقك فى كلامك معايا وبما انك صاحب المنتدى فلو زعلان اوى كدة من كلامى وحابب تشيلنى من دلوقتى شيلنى ومش هزعل خالص ع فكرة بس حابة احط رد من بنوتة تعاملى معاها فى المنتدى وبس قالتلى اقتباس ايووة جدا بقه .. انا معاكي ف اخر مشاركة دي وموافقاكي الراي .. زائد ان المشاركة قبل الاخيرة فانا رائي ان القسم دا من غيرك مش هيبقى حاجة اصلا بجد انتي غيرتي فيه صدقيني ^^ بشكرك بجد ع كلامك فى حقى كلك زوق فعلا وعجز لسانى عن شكرك :::::::تـــــــــآريـــــــــــخ:::::::: 15 ♥ 4 ♥ 2013

[Sєяєєη●•ʚɞ]

أول مرة اصدق المثل اللى بيقول العين بتاكل قبل البق مش دة مثل بردوا المهم جبت كيش شوربة جاهزة بطعم الخضار كنت اول مرة اجربة عملتة وبصيتله كدة لقيت شكلة مش حلو يعععععع بجد الخضار فيه مجفف ومتقطع حتت صغيرة كدة وطعمة مش خضار اصلا كأنة حتت زى مكسبات طعم كدة سبت الطبق كله فيادوبك بصتله كدة ومش اكلته شوربة المشروم الجاهزة اطعم بكتير كنت دايما بجيبها ماعرفش اية اللى هبلنى وخلانى اجيب خضار ماحدش يجربها بقا مقرفة :::::::تـــــــــآريـــــــــــخ:::::::: 16 ♥ 4 ♥ 2013

[Sєяєєη●•ʚɞ]

هرد ع تقييمات الحب الصامت اقتباس هاهاهاهاها اول حاجه انا مش زعلان , تاني حاجه انا اقصد ان المشاركه عادية مش هتزعل حد لانك بتقولي مش بتردي ليه فتوضيح , تالت حاجه عليا الطلاج منورة ) هههههههههههه ماهو اللى بيهزر معايا وانا ماعرفهوش كلامة باخدة جد وبيتقلب عليه انا بردوا بعد اما كتبت ردى عليك وفكرت للحظة كدة وقلت طب ماممكن يقصد العكس ؟ بس كنت كتبت المشاركة وخرجت هههههههههه عموما كويس انك وضحت ياهيثم وشكرا ليك ولكلامك اللى اسعدنى وانت المنور بقا ودة تقييم تانى لهيثم اقتباس يارب بس تفهمي اللي اقصده مش زي اول تقييم ايوة فخمتو خلاص دة تقييم Big Booss اقتباس طبعآ القسم من غيروك ولا حاجه فعلآ و انتى شخصيه مثقفه ومن حقك تتعينى على حاجه بتحبيها و فعلآ لو ابعتى عن الاشراف هنخسرك و هنخسر كتير و هيثم على فكره بيحب يهزر مش اكتر و ميعرفش يعنى ايه سيرين احنا بس الى نعرف قيمه الاسم دا بشكرك يانور ع كلامك فى حقى وهيثم اهو وضح كلامة بس حتى لو مشيت المنتدى مش بيقف ع حد وبيكمل وبيستمر وبيجى الاحسن والاحسن ولكن بشكرك فعلا ع كلامك دة اللى اسعدنى وتقييمك دى روح صامتة دة اللى عرضتة بس نسيت اقول اسمها اقتباس ايووة جدا بقه .. انا معاكي ف اخر مشاركة دي وموافقاكي الراي .. زائد ان المشاركة قبل الاخيرة فانا رائي ان القسم دا من غيرك مش هيبقى حاجة اصلا بجد انتي غيرتي فيه صدقيني ^^ شكرا بجد دة تقييم الرحال المتمرد اقتباس رد آها اكيد ,, وفى ناس فى اعلى ترتيب المشاركات لكن حضورهم مش ملموس زى حضور مشرفين بيدخلوا قليل لكن كل رد منهم بيفرق كتير ,, كلام مضبوط وشكرا يا ايمن طبعا فيه تقيمات كتير كانت من الحان الورد وبيوتى انجل وحنون وكونتيسة والرحال بشكرهم عليها انا عرضت بس التقييمات الخاصة بالمشاركة اللى قولتها بخصوص القسم :::::::تـــــــــآريـــــــــــخ:::::::: 16 ♥ 4 ♥ 2013