ياا تري ممكن تعملي كده ويااتري انتاا هتسكت علي كده ؟؟؟

[ماتركس]

السلام عليكم ورحمه الله وبركااته
لقد شغل بالي مووضووع منذ فتره
اناا مش هطول عليكم وهدخل في الموضووع عالطووال
طبعاا كلناا عارفين انوو هيجي يووم وكلناا هنتجووز وربناا يكرمناا كده
وتتجووزوو كلكم بالنااس اللي بتحبووهااا
وربناا يسعدكم ياارب
لوو انتي ياا بنت اتجووزتي وربناا كرمك بزووج طيب ورووحتوو
بقي الزووج معندهووش بيت وسااكن معاا امه وابووه
وطبعااا ربناا كرمك باام زووجك شقيه حبتين وطبعاا في الرايحه والجاايه
تقعد تجر مشااكل وخلاص يعني كده ياا قااعدين يكفيكم شر اللي جاايين
ياا تري ممكن تغلطي في ام زووجك او تهنيهااا في كرمتهاا
واللي هتفكري تكسبي قالبهاا وتحببيهاا فيكي
وطيب لوو مقدرتيش تكسبي قالبهاا وفااض بيكي وقدرتيش تعيشي معااهاا
وزووجك معندهووش غير انوو يعيش عند اهله
ياا تري هتفكري انك تنفصلي والا هتقضيهااا مع حمااتك الشقيه
اوايه راايكم لووو زوووجتك شتمت امك ياا تري ايه هيكوون قرارك هطلع الكارت الاحمر
وتقووالهاا انتي طالق والا ايه بالظبط
اناا هقووالكم راي في مووضووع لوو زووجتي شتمت امي ولوو حتي رفعت عليهاا صووتهاا
اناا عن نفسي هطلع الكارت الاحمر عالطووال ومش هتردد
والا لحظه
اخوووكم
ماااااااااااااااااتركس

[اهلاويه جامده]

السلام عليكم ياماتركس انا والله هجاوب بكل صدق

انا استحاله اشتمها او اهينها مهما كانت دي ام اللي بحبو وحتى لو مفيش مكان هفضل ولو زي الشغاله

والله لان دا الانسان اللي بحبو واخترت اعيش معاه لازم افضل

تحياتي ليك

[body2010]

اسمح لي ابدي اعجابي بقلمك وتميزك واسلوبك الراقي وتالقك

[بوسبوس]

موضوع مميز فعلا يا ماتركس

انا بالنسبه لى لا عمرى اشتمها ولا اهينها ولا اعلى حتى صوتى عليها

هحاول اكسب قلبها حتى لو معرفتش هحاول تانى

لانى اكيد هكون بحب ابنها واكيد علشانه لازم اكسب قلبها واراضيها مهما عملت

وعمرى ما اقدر ازعلها لانها ولدته ومثل امى

تسلم الايادى على الموضوع

[اميره الحب والعذاب]

اذيك يا ماتركس
بص انا انسانه متعلمه وربنا مديني عقل يعني ممكن اكسب اي حد هي عايزه ايه غير كمله طيبه ومعامله كويسه وان ابنها يكون عايش في سعاده
هي لو حست بكده اكيد هتعملني كويس
بس لو كانت هي طبيعتها مستفذه يعني هنتجنبها واحاول اعاملها كويس بس من غير اختلاط اوي
واكيد معاملتي دي هتغيرها معايا
بس لو وصل الموضوع للاهانه طبعا لازم يكون في حد عشان بعا انا تربيتي مبتسمحليش اني ارد الاهانه باهانه
وخصوصا لانسانه تعتبر ذي امي
عشان كده لازم ابنها يعرف ودي هتكون المره الوحيده الي احكيله فيها عن ال بيحصل من والدته لان الموضوع هيكون خرج عن الحدود
يعن لو مقدرش يتكلم معاها هستاذن منه انه يحكي لوالده او خاله حد قريب منها ويقدر ياثر عليها من غير برده ميجرحها ولا يحسسها عشان برده الموضوع ميكبرش
علي فكره انا معاك لازم ترفع الرايه الحمرا والخضرا والصفرا
لاني مرداش علي زوجه اخي ان تهين امي فكيف اسمح لنفسي ان اهين ام زوجي
بس برده لو هو مقدرش يمنعها من اهانتي ساعاتها انا كمان هرفع الرايه لانه في الحاله دي هتكون الاهانه صادره منه هو وان لا اتحملها
تقبل موروري
اميره العذاب

[عاشقة الهدوء]

السلام عليكم ورحمة الله تعالى وبركاتوا

شوف ياخى انا عن نفسى عشان اريح نفسى من الحورات دى كلها ومتزعلش


بما انك شاب يعنى ولسه مادخلتش دنيا انا اقعد واستنه كده الى يجيلى


ويكون طيب وابن حلال حتى لو هيقعدنى فى اوضه على السطوح هههههه


احسن واهون من العيشه مع الوالده ليه لان مهما كان انى بحبوا او هستحمل


عشانوا او انا هكبر دماغى وهمشى كويس فى الاخر برضوا مش هيبقه فيه


راحه نهائى وهتبقه الحياه ممله ههههههههه لان الحما مهما تعملها مفيش فايده


صح ولا لا ياماتركس ههههههه انته بقه الى تجاوب ههههههههههههه


وتسلم على موضوعك المميز ماتركس

[حياتي ذكريات]

السلام عليكم

شوف يا احمد ام الزوج ليها عليا حقوق وانا لازم اراضيها

واحرص على انها دايما تبقى راضية عني ومبسوطة مني

لاني لما اعامل ام زوجي كويس اكيد زوجي هتبسط مني كمان

وانا عن نفسي مش بأيد ان المرأة تعيش مع زوجها في اول زواجها مع

امه عارف ليه .. عشان في بداية الزواج انا مش هبقى عارفة طباع

مامته ايه .. وكمان الام بتغير جدااا في اول الزواج لما تلاقي ابنها مع

وحده تانية وبيحبها من قلبه .. فغيره امه هنا هي اللي هتسبب المشاكل

لكن عن نفسي لو ما فيش اني اعيش غير في بيت مامته ما فيش

عندي مشاكل ما دام اني بحب زوجي اكيد هحرص على رضا ام زوجي

لو عاملتني بإساءة هعاملها باحسان .. لو قابلتني بجفاء شوية اقابلها

بطيبة وسماح شويتين .. ومع المعاملة الحسنة اللي هتشوفها مني

امه أكيد هتغير نظرتها فيا وهتعاملني زي ما بعاملها بالضبط

يعني لو انا عاملتها زي ما بتعاملني او اني اهنتها وجرحتها

هخسر كل حاجه .. هخسر رضا الله عني .. وهخسر اني كل شوية

مشاكل مع حماتي .. وهخسر زوجي كمان يمكن

فالأحسن ليا اني اعامل امه معاملة حسنة وربنا اكيد هيوفقني

شكراً ليك يا احمد على موضوعك الجميل .. تقبل مروري وتحياتي

خالص تقديري

[محمد الشريف]

اقتباس
المشاركة الأصلية كتبت بواسطة body2010





اسمح لي ابدي اعجابي بقلمك وتميزك واسلوبك الراقي وتالقك




الغرض من المشاركة إبداء رأيك والتفاعل الإيجابى فى المناقشة

وليس فقط بالإعجاب بالقلم وتميز الأسلوب الراقى والتألق فيكمل

هذا رأيك ومناقشتك وهذا الذى يهدف إليه قسم النقاش .

وشكرا

[محمد الشريف]

عزيزى أحمد

المسألة ليست بالبساطة ولا بالتأمل النظرى ولا بفرض تصورات دائما تصطدم بالواقع

وتكون نهايتها مأساوية ومن مبدأ الوقاية خير من العلاج فأنا افضل الاستقلالية فى بيت

الزوجية ولو فى ابسط الحدود ، دليلى فى ذلك الكم الهائل من القضايا المنظورة أمام

محاكم الأسرة التى غالبا ماتؤدى للانفصال سواء الطلاق للضرر أو اللجوء لقانون الخلع

فالاحترام لايفرض مطلقا ولو فرض يظل حبيس النفس لفترة ثم نعود لنقطة الخلاف

الذى تنفلت فيه عقارب الساعة من الغضب فاختلاف الطباع بين زوجة الابن أو زوج الابنة

حسب الحالة ومع الحماة وأحيانا مع شقيقات الزوج أو الزوجة إن وجدوا بحسب الحالة

أيضا كلها أمور تنذر دائما بعدم الاستقرار ، ويكون الزوج هنا أكثر المضرورين فهو حائر

إما أن يطيع أمه ولوجاوزت الخطوط الحمراء مع زوجته فيبتلع لها أخطاءها وتجاوزتها

وهذا الغالب ، وتارة أخرى يحمل زوجته الضغط النفسى وربما هو نفسه يكمل عليها

ولا ننسى أن الأولاد فى وسط هذا الجو الخانق المشحون بالغضب سوف يتأثرون به

مما يؤثر على مستقلبهم فى استيعابهم لكافة مايدور حولهم .

واكتفى بها القدر

مع تقديرى

[fula]

السلام عليكم ورحمة الله...احييك يا احمد على طرحك للموضوع المتميز وده موضوع موجود فى معظم البيوت وبالتالى هو موضوع مهم ...انا رأى ان الزوجه تعيش مع زوجها فى اى مكان هيكون عايش فيه حسب ظروفه لانها اختارته وحبته ولازم تحاول تكسب حب والدته واهله واحترامهم ليها بأسلوبها معاهم ...فى مثل شعبى عندنا بيقول اللى يقدم السبت يلاقى الاحد ...بمعنى ان لو الزوجه دخلت بيت الزوج واهله بالحب والاحترام ليهم هما كمان هيحبوها وهيقدروها ومهما كان طبع ام الزوج لازم الزوجه العاقله اللى بتحب زوجها تتحملها والمفروض كمان انها تحاول متحكيش للزوج ومتوترش علاقته بأمه وتتصرف هى وتكسب حماتها بحبها واحترامها ليها وتعاملها كأنها والدتها ومتنساش كل زوجه ان هيجى يوم وهى كمان هتكون حماه فى يوم من الايام ...وكما تدين تدان زى ما هتعامل حماتها هتيجى اللى تعاملها فى يوم بنفس الطريقه ..اما حكايه انها تطاول على حماتها بالسب فهذا شئ لا تسامح فيه ابداااااا والفعل ده متعملهوش انسانه محترمه تفهم الصح من الغلط ازاى تشتم انسانه بمثابه امها والزوج اللى يبيع كرامه والدته عشان زوجته يبيع زوجته عشان اى حاجه اللى ملوش خير فى امه لا يمكن يكون له خير فى زوجته ابدا...وتسلم ايدك يا احمد ومنتحرمش من وجودك ابدااااااااا