ايه رائيك فى الكوسه....

[حَرفُُ هجآءّ]

اقتباسالمشاركة الأصلية كتبت بواسطة danoالسلام عليكم ..

الاخت عاشقة الهدوء ... اوفت بالمعاني الي كنت ابا اقولها ..

بجد .. حطي خطر احمر على كلمة لاتعليق .. احنا في زمن الواسطة ..

يعني بجد دلوقتي مفيش حاجة تمشي من غير واسطة الا قلة يعني ..

ويعني في ناس مايكنش عندهم اي واسطة .. يعني حياتهم بتوقف ..
يكونوا عايزين حاجة ومهمة بالنسبة لحياتهم .. بس بيلاقو ان الناس هناك بتمشي بالواسطة .. هما هيمشوو ازاي .. ؟؟

يعني والله مسالة لو فتحنا باب النقااش مش هيخلص فيها .. لانو بجد بقينا في زمن الواسطة ..


وفقك الله لما يحبه ويرضاه ..

مشكورة على الموضوع الرائع ..

فى فعلا شباب مثلا عايزين يدخلوا كليات عسكريه
تلاقيهم بيدورا على واسطه تساعده
فعلا ده زمن الواسطه
بس المفروض نتبع الصح
كلنا سوايا
ميرسى لمرورك

[حَرفُُ هجآءّ]

اقتباسالمشاركة الأصلية كتبت بواسطة حياتي ذكرياتالسلام عليكم

والله يا اسيل دولوقتي الناس كلها بقت تتعامل بالواسطات

عايزة وظيفة .. عايزة مصلحه .. عايزة اي حاجه بواسطة

تلاقيها معاكي على طول ..

هو بصراحة ظلم جدا للي مش معاهم واسطه عشان تلاقيه

يتعب ويجتهد وفي النهاية ما يحصلش اللي عايزه

لكن اللي معاه واسطه كل حاجه بتيجي عنده بالساهل كده

نرد بقى على الأسئلة

انت ايه رائيك فى الواسطه ...؟؟

أسوأ حاجه انتشرت اليومين دول وفي مصر انتشرت جدا بجد

انا بنزل مصر بفاجئ ان الناس بتتعامل كتير اوي بالواسطات

فيه ملك من ملوك السعودية قال في مرة

انتصرنا على كل شيء الا الواسطة ..

وعنده حق في كلامه لان الواسطة كل يوم يتزيد عن التاني

ومش بتنقص وده دليل على كمية تعامل الناس بالواسطة


انت فعلا وبصراحه ..عندك واسطه..؟؟

بصي انا عندي كتير ناس من العيلة اقدر منهم اني امشي

ليا مصلحة او طلب او اي حاجه .. بس الحمد لله مش بحب

ووالدي كمان مش بيحب يتعامل بالطريقة دي ومعودنا على كده


تتوقع كدا ..كام نسبه الواسطه فى بلدنا ..؟؟

ياه كتير اوي بجد .. انا كتير اعرفهم في مصر بيتعاملو

بالطريقة دي .. كفاية اني اول ما ببقى لسه في

مطار مصر بلاقي شغل الواسطات بدأ يشتغل


هل المنتدى بتاعنا دا ..فى واسطه ..اقصد بين المشرفين والاعضاء ..؟؟

لا بصراحة ما شفتش هنا خالص حكاية الواسطة دي بين

اي مشرف وعضو الحمد لله


لو عندك واسطه ...بتستغلها .علطول ...ولا فى الظروف الصعبه ..؟؟

بصي افتكر اننا ما اتعاملناش بواسطة الا مرة واحده بس وكنا مجبرين

على كده .. كان اخويا في مركز السفارات وكان اسمه اتكتب خطا في جواز

السفر او حاجه زي كده .. وما انتبهناش على الاسم الا قبل سفرنا بكام يوم

فكنا لازم نخلصها اخويا راح يعدلها لقى مليون طابور واقف وزحمة قام رجع

اليوم التاني نفس الحكاية وكل شوية المعاد يقرب راح اخويا متصل

على واحد من العيلة ليه منصب وكلمه راح مدخله على طول وخلصلنا الاوراق

ما افتكرش اننا اتعاملنا بالواسطة غير المرة دي بس وكنا في موقف صعب جدا


ايه اكتر موقف حصل ...واتمنيت انك تكون عندك واسطه...؟؟

لا والله ما جاتش في بالي الحاجات دي خالص

بس دولوقتي لو سألتي اي شاب هيقولك بعد ما اتخرج

عايز واسطة شغل وخلاص


تسلمي يا اسيل على طرحك الرائع والمميز

زي ما بتعودينا منك دايما

تقبلي خالص تقديري

فتاة النقاش الاولى
نورتى طبعا زى عادتك
بصى موقف اخوكى ده كان لازم
لان مفيش وقت ولو وقف فى الطابور كان ادامه اسبوع عشان يخلص ويصحح الاسم
بص برضو هحكيلك على مبدء والدى ماشى بيه
والدى فى الجيش
لما بيجيله حد معاه واسطه يمكن بيخليه يقعد فى مكان اقل من المفروض بالواسطه يكون فيه
لانه مش بيحب الواسطه
وحاجات كتير
ميرسى يادعاء على مرورك الدائم

[حَرفُُ هجآءّ]

اقتباسالمشاركة الأصلية كتبت بواسطة خليكـ معاياموضوعك جريء .. و افكاركـ جريئه .. وردي هيبقى جريء ان شالله ههههه


موضوع الكوسه ده بجد مزعج انا عن نفسي جربته وشفتوه محدش حكالي

احكيلي موقف حصل معايا ..

انا زي مانتي عارفه يالجامعه لسه بعكـ !!!!

فمرة كنت عند عميده شوؤن الطلاب عاوزه اخلص اوراق بتاعتي
قعدت اسبوعين بستنى عند باب المكتب من 8 الصبح لحد 3 بعد الظهر
وانا واقفه وكاني بشحت منها
كل ما اقول لسكرتيرة عاوزه اقابلها تقولي ساعه كمان شويه معها مكالمه وشويه لسه ماجاتش وشويه هيا مش فاضيه لو عاوزه تستنيها كتير استني ؟؟؟؟؟؟؟
وعنيها بتقول خدي الباب وراك احسن !!!!!!!!
وعالحال ده اسبوعييييييييييييين
وانا بشوف بنات بيجوو بعديه ويخلصو ويمشوا وهاتك احضان وبوس وسلمي على ماما
وبابا بيسلم عليكي << اصلو دكتور بالجامعه ؟؟

وانا بموت من الغيييييييييييييظ ليه كده ليه التفرقه دي محنا كلنا طلاب وجايين بالنظام عاوزين نخلص اوراقنا ونشوف محاضراتنا ؟؟؟
نعمل ايه علشان نخلص
نبوس الايادي والا لازم هيا تعرف ماما والا بابا علشان نخلص ؟؟؟


انا مش قادرة انسى الموقف ده ابداااا مع انو مر عليه كتير يجي سنه بس والله من كتر ماكنت واقفه ومش حاسه دميوو رجليه !!


المشكله انو بابا كمان ليه <<< في الكوسه بس تصوري مش عاوز لنا نستغلها قال عاوزنا نعتمد على انفسنا
طب والناس الي بشوفها معديه من قدامي بتاخد دوري وانا احق وعندي كوووووووووووسه !!
مش عاوزني استغلها ليه ؟؟؟


انا مش بأيد الواسطه الي تحرم الواحد من احقيته في اي شي ؟؟
بس اما تكون جاي من الصبح وبتستنى زي الخلق والنهايه تفضل اخر واحد وانتا بامكانك تلفون صغير للمسئول الي اكبر منها وتتقضي مصلحتكـ؟؟؟


الكوسه دي بتعمل تلبك للاوضاع في المجتمع اوووووووووووووووى
فلو تنفع البطاطس << الاخلاق الحلوة يكون احسن وتكون خاليه من تانيب الضمير







تقبلي مروري وقلبتي المواجع انا حاسه رجليه بتوجعني هههههههه

هههههههههههههههههههههه
سلامه رجليكى يانانا ياقمر
بصى والدك عندة مبدء
بجد انا بحترم الانسان اللى عنده مبدء
قوليلى لو انتى استخدمتى الواسطه
برضو هتلاقى بنت زيك قاعده ومستنيه
قوليلى احساسك ايه بقى وقتها بالبنت دى؟

[حَرفُُ هجآءّ]

اقتباسالمشاركة الأصلية كتبت بواسطة ميدو العثلأسيل العثل

موضوع الواسطه موضوع حقيقي
ومافيش اي حد بالعالم الا والواسطه لها معه حكايه
ولو قلنا عن الوسطى حكايات مش هايكفينا المنتدى ولا المنتدي اللي جنبنا في الشرح والتمحيص
فالواسطه اصبحت غاية كل انسان سواء على قدر المسئوليه او لم يكون في يوم على قدرها
فهناك في التعليم من يكون مجاميعهم عاليه جدا وعلشان الواسطى يتم زحزحته ليحل محله صاحب المجموع القليل
وايضا بالعمل يكون هناك اختبارات واختيارات وصحيان بدري لحضور تلك الاختبارات ووضع الامال لشغل الوظيفة التي ستنجده عن مد يده للسؤال وكي يطعم اولاده او على الاقل يكون نفسه ونجد الواسطة بقدرة قادر تزحزه من مكانه ويحل محله انسان غبي لايفقه باصول الشغله اي شئ
فالواسطه اصبحت نافع ومنتفع والعجيب والغريب ان الواسطه اصبحت تتبادل مثل النقود بين الناس فانااليوم عملت ليك واسطه مجانيه فلابد من ان تقوم انت غدا بعمل واسطه مجانيه مثلها ومن هنا تجد ان الواسطه دين وهم وغم وكرب لايمكن ان تزحزحه عن كاهلك طول حياتك
واذكر ان احد الاشخاص تقدم لاحد المسئولين كي يتوسط له بعمل باحدى الوزارات المهمه والتي تمنح رواتب كبيره مع حوافز ودفع للمسئول 40.000 جنيه تخيلوا المبلغ المشكله ان صاحبنا جاب المبلغ من بيع قطعة ارض كان ابوه بيزرعها وياكل منها اخواته وامه وحاطتت عليها امل انها هاتستر بناته أي اخوات صاحب الوظيفه الذي تقدم لها بالواسطه
وبعد ان شغل الوظيفة غلط المسكين وذكر لزميل له انه تعين عن طريق واسطه دفع لها مبلغ 40.000 جنيه .. وعلم المسئول بالقصه فدعى المسكين لمكتبه وقال له هذا ايصال بمبلغ 40.000 جنيه التي دفعتها لي لكي تعمل فقد تم تسديدها للحزب كتبرع منك ، اما عن شغلك فانت اصبحت مفصول
وبالطبع فالمسكين اصبح من غير عمل ومن غير الـ 40.000 جنيه ومن غير الأرض

تحياتي بكل ود

السلام عليكم
ياريت لو هترد على موضوع ليا
بلاش عثل
ولا كلام من ده وياريت بلاش اسيل اصلا

[tha game]

انت ايه رائيك فى الواسطه ...؟؟

مفيش ضمير


انت فعلا وبصراحه ..عندك واسطه..؟؟

واسطتى ربنا


تتوقع كدا ..كام نسبه الواسطه فى بلدنا ..؟؟

99% لو مكنتش 100% وعلشان كدا متاخرين وحنفضل متاخرين




هل المنتدى بتاعنا دا ..فى واسطه ..اقصد بين المشرفين والاعضاء ..؟؟



مجربتش


لو عندك واسطه ...بتستغلها .علطول ...ولا فى الظروف الصعبه ..؟؟

أنا معنديش وأسطة بشر ومحبش يكون عندى لأنى الحمد لله باقدر أوصل للأنا عايزه من غير وأسطة ولو موسلطش للأنا عايزو بقول حسبى الله ونعم الوكيل


ايه اكتر موقف حصل ...واتمنيت انك تكون عندك واسطه...؟؟


لا يوجد

أحياك على هذا الموضوع وأتمنى من الله عز و جل أن ميبقاش فى حاجة أسمها (كوسة ولا واسطة ) فى الوطن العربى والله حنتغير كتير اللى الاحسن

[Silver Flower]

ابدعتي اختي الكريمه
الوسطه احنا برضوا عنا بس انا بدي قلك لو الواحد دافع عن حق ما بيصير تمادي
ال يا فرعون شو فرعنك قال ما لقيت حد يلمني
لازم الواحد يعترض ويطالب في حقه اذا كان في دور او حق ياخده
مشكلتنا انا بنسكت عن حقنا وعشان هيك في تمادي
وشكرا للموضوع المميز

[حَرفُُ هجآءّ]

اقتباسالمشاركة الأصلية كتبت بواسطة شاعر واسير الحباشكرك علي موضوع الكوسة

احيانا الكوسة بتكون كويسة لانهاكوسة محشية وبتظبط اي واحد علي طول اذا عاوزيشغل او يخرج اوراق ومدام الموظف مد ايه خلاص الشغل كدا لا ينفعل الا بالكوسة او الرشوة وكلاهما حرااام

انت ايه رائيك فى الواسطه ...؟؟

غلط لانها بتاخذ حق الغير

انت فعلا وبصراحه ..عندك واسطه..؟؟

عندي واسطةجامدةجداا الاعتماد علي الله وبتوفيق الله

تتوقع كدا ..كام نسبه الواسطه فى بلدنا ..؟؟
ما تعديش ربنا يلطف

هل المنتدى بتاعنا دا ..فى واسطه ..اقصد بين المشرفين والاعضاء ..؟؟
الله اعلم
هي مش واسطة مجاملة شوية لومشرف كتب موضوع الكل بيرد علية ولو عضو اللي كتب لا يوجد مشاركة من المشرفين ( مجاملة )


لو عندك واسطه ...بتستغلها .علطول ...ولا فى الظروف الصعبه ..؟؟
لا ولا احب ذلك لاني ان اذهب لاحد واطلب منه المساعدة واحيانا بيتهرب

ايه اكتر موقف حصل ...واتمنيت انك تكون عندك واسطه...؟؟

في الثانوية النتيجة كل اصدقائي عارفوها من الكنترول كان اكثرهم اباؤهم معلمين وانا لم احصل عليها صبرت وكانت النتيجة احلي بمجموع اعلي وربنا عوضني

اشكرك

وربنا يبعدنا عنهم وعن اهل الاوسطاء والوسطي

الواسطه من الطباع الهادمه للمجتمع لما فيها من ظلم الضعفاء
واخذ حقوق البعض لصالح البعض الاخر
اشكرك على ردك
ومرورك الرائع

[حَرفُُ هجآءّ]

اقتباسالمشاركة الأصلية كتبت بواسطة tha gameانت ايه رائيك فى الواسطه ...؟؟

مفيش ضمير


انت فعلا وبصراحه ..عندك واسطه..؟؟

واسطتى ربنا


تتوقع كدا ..كام نسبه الواسطه فى بلدنا ..؟؟

99% لو مكنتش 100% وعلشان كدا متاخرين وحنفضل متاخرين




هل المنتدى بتاعنا دا ..فى واسطه ..اقصد بين المشرفين والاعضاء ..؟؟



مجربتش


لو عندك واسطه ...بتستغلها .علطول ...ولا فى الظروف الصعبه ..؟؟

أنا معنديش وأسطة بشر ومحبش يكون عندى لأنى الحمد لله باقدر أوصل للأنا عايزه من غير وأسطة ولو موسلطش للأنا عايزو بقول حسبى الله ونعم الوكيل


ايه اكتر موقف حصل ...واتمنيت انك تكون عندك واسطه...؟؟


لا يوجد

أحياك على هذا الموضوع وأتمنى من الله عز و جل أن ميبقاش فى حاجة أسمها (كوسة ولا واسطة ) فى الوطن العربى والله حنتغير كتير اللى الاحسن

ربنا يرحمنا من الظلم والواسطه
اشكرك

[حَرفُُ هجآءّ]

اقتباسالمشاركة الأصلية كتبت بواسطة flowerابدعتي اختي الكريمه
الوسطه احنا برضوا عنا بس انا بدي قلك لو الواحد دافع عن حق ما بيصير تمادي
ال يا فرعون شو فرعنك قال ما لقيت حد يلمني
لازم الواحد يعترض ويطالب في حقه اذا كان في دور او حق ياخده
مشكلتنا انا بنسكت عن حقنا وعشان هيك في تمادي
وشكرا للموضوع المميز

والله عندك حق
فرعون لما بيتفرعن عشان فعلا مش لاقى رادع ليه
بس مين هيسمع لما نتعترض
الشكوة لله اللى بيدى كل واحد حقه
ميرسى ياقمرايه على مرورك الرائع

[فيروزه]

	انت ايه رائيك فى الواسطه ...؟؟ هي الي ماشيه اليومين دول في كل مكان وواكيـــــــــــــــــــــد ناس كتيــــــــــر اتظلمت بسببها انت فعلا وبصراحه ..عندك واسطه..؟؟ واسطـــــــــــــــتي ربنــــــــــــــــا والنعم بالله تتوقع كدا ..كام نسبه الواسطه فى بلدنا ..؟؟ والله لو انا شايفه انها بقت 99 % لو مش 100% هل المنتدى بتاعنا دا ..فى واسطه ..اقصد بين المشرفين والاعضاء ..؟؟ والله معرفش اناماليش غير شهر هنا ومااظنش فيه واسطه وشايفه ان الكل بيحب بعضه هنا لو عندك واسطه ...بتستغلها .علطول ...ولا فى الظروف الصعبه ..؟؟ لو عندي واسطه وهتحل ازمه ليا وانا محتاجها طبعا ايه اكتر موقف حصل ...واتمنيت انك تكون عندك واسطه...؟ مفيش لحد دلوقتي بس اكيـــــد هحتاج في يوم يكون ليا وساطه مع اني مش حبها بس ظروف الحياه هي الي فر ضها علينااااا ميــــــــــــرسي علي الموضوع وتقبلووو مروري