:::: رســـالة الحياة ::::

[hema elngm]

السلام عليكم


طبعا بتوحشونى فى فترات غياابى



وانهاردة حبيت ارجع بموضوع شغل بالى


وهو رسالتنا فى الحياة



كل واحد لية ميوول بيحبها


الدين ... المال .. الفن .... الخ


بس فى الاخر بيكون لية دور فى الحياة والمجتمع



بس اية هى رسالتنا؟؟


اننا نتعلم وناخد الشهادة؟؟


اننا نشتغل ونجيب فلوس ؟؟


اننا نحب ونتجوز؟؟


اننا نربى اولادنا على اللى احنا اتربينا علية وبس؟؟




حاسس اننا عايشين فى روتين مش بيتغير


تفتكرو اية السبب؟؟


وهنفضل لامتة كدة؟؟

وامتة هيبقا لينا رسالة ليها قيمة نتعب لهاا؟؟



وكالعادة هترك الحوار والنقااش للى يحب يشتررررك

[نانـــــو]

مشكلتك ياهيما انى مواضيعك مليانة اسئلة
انا عن نفسى بفكر اخلص السنتين الى باقيين واتجوز هههههههههههههههههههههههههههه
دى رسالتى فى الحياة ههههههههههههههههههههههه
يسلموووووووووووووووووووووووووووووو ياهيما على توبيكات الى مليانة اسئلة

[dano]

طبعا نقاش مهم جدا ..

لازم كل انسان يعرف طريقو او رسالتو في الحياة ..
يعني مايعيش زي ماكل الناس عايشين او يعيش عشان خلاص هادي الحياة وانوو الطبيعي اني اتعلم واخد شهادة ووو .... الخ

منجد لازم كل انسان يعرف رسالتو في الحياة..


تفتكرو اية السبب؟؟

يمكن لاننا بنشوف غيرنا كيف عايش او ممكن لاننا مانعرف الدين الاسلامي على اصولو .. لو احنا فاهمين في كل اصول الدين كان كل انسان عررف رسالتو في الحياة .. يعني الرسول صلى الله عليه وسلم .. كانت رسالتو في الحياة .. رسول للامة .. كي ينشر الدين الاسلامي ويوحد كلمة الله ..
بس احنا عشان الدنيا شااغلتنا بشهواتها فا تلاقينا شوية مش عارفين هدفنا او رسالتنا في الحياة ..

وهنفضل لامتة كدة؟؟

والله سؤال يصعب الاجابة عليه ... لا اعلم ..

وامتة هيبقا لينا رسالة ليها قيمة نتعب لهاا؟؟

امممــ .. لمن نكون عارفين ايش هدفنا في الحياة ... يعني مو عايشين كدا وبس ..


نقاش جدا رائع .. يعطيك العافية ..

في انتظار المزيد ..

[special girl]

السلام عليكم ورحمته الله وبركاته:-

موضوع جميل كالعاده

رسالتنا كلمه جميله بس تكون اجمل للي يفهمها بجد فعلا اغلب العرب حطين رسالتهم انهم يكملوا درساه ويتزواجوا ويخلفوا وبس هي دي الحياه لكن غلط قوي التصرف ده فين الامال والاحلام والاهدافه بس كده نربي ونشتغل وخلاص هي دي الحياه طيب ازاي الدنيا هتكمبل بالعلم والعمل والدين والخلق كل ده راح ....

بالنسبه ليه فانا احلامي وامالي بلا نهايه كل فتره بطلع بحلم وهدف جديد انا عندي امل كبير جدا اني احققه وبحاول وابذل كل جهدي علشان احقق احلامي وامالي وبالنسبه لأهدافي واحلامي انا مش بفكر في الزواج ولا الامومه ولا الحب ولا كل ده يعني ده بالنسبه ليه شيء هيحصل حجاه طبيعيه لكن الجديد هواني نفسي اكون اول رئيسه عربيه وسبب ده اني عيزه اغير العرب بجد عرفه انه حلم صعب جدا جدا جدا لان العرب مستحيل يتغيروا لكن ليه لا اذا كان في قائد كويس اكيد الباقي هيكون كويس....

تحياتي واسفه علي الاطاله

[đΘόđΘό]

على رايك احنا عايشين في روتين ممل الي بنعملو انهارده هاعملو بكره مفيش حاجه بتتغير
بس لو كان الواحد مشغول بحاجه تخصو او عندو وظيفه حببها معتقدش هيبقى عندو روتين
انما عن رسالتي في الحياه في دي مصدعاني حبتين هوا حالينا اني اخلص امتحانات وبعد الامتحانات افكر هادخل كليه اييه ولا اسبها لظروفها وبعد دول اكيد فيه تخطيطات تانيه ربنا يسهل
ميرسي على التوبيك

[رووكه]

بقينا فى ملل والدنيا زى ما هى بس احنا بنعمل اللى علينا بنسعى وراء تحقيق اى امل يوصلنا

للطريق الاحسن هنعمل اييه وكمان بنعمل اللى يرضى ربنا ويارب يقبل منا يارب

بس انت لما تتعلم وتشتغل وتتجوز كل ده اثبات وجود ليك وكل حد سواء بنت او شاب بيتمنى يكون اب او تكون ام

يمكن ده املى فى دنيتى اكون ام هههههههههههههه

يارب يوفقك يا هيما وينجحك ياااااااااااااارب وتفرحنا بنجاحك ويارب يحل العقده من لسانك وقت امتحانك
اللهم امين

[حياتي ذكريات]

السلام عليكم

موضوع جميل منك يا هيما

عارف لازم يكون لكل واحد فينا احلام وطموحات يعملها

لازم يطلع من الدنيا وهو عامل حاجه لغيره ينتفع بيها

شيء جميل لما تحس انك عملت حاجه قيمة لغيرك في دنيتك

هتحس فعلا ان ليك قيمة في حياتك وعملت انجاز

وزي ما بيقولو ( فاز من بحياته إنجاز )

انا عن نفسي عندي احلام وطموحات كبيرة وكتيرة

في كتير طموحات في بالي منها اني ادخل المجال اللي عايزاه

عشان منه هوصل صوتي للكل وهقول رسالتي للجميع

واني اعمل حاجه لبلدي ولديني ينتفعو فيها من بعدي

واني اربي عيالي في المستقبل واخليهم من خيرة شباب الأمة

واني احاول اعين نفسي وانجح في امتحان الدنيا

في كتير طموحات في بالي دي جزء منها والانسان اللي مش

عنده هدف في حياته ما لهوش قيمة في وجوده

تسلم يا هيما على موضوعك الجميل والشيق .. خالص تقديري وودي