مرض لا شفاء منه!!!!!!!!!!!!

[Dr.nour]

[Dr.nour]

الحب الصامت يقتل صاحبه


سؤالين كده عى الماشى ......

*لو انتى بنت وبتحبى شاب ممكن تروحى وتعترفيله بحبك ولا حيائك والتقاليد هتمنعك؟؟؟

*لو انت شاب وحبيت فتاه بجد هتروح تقولها ؟؟؟
ولا هتقول انا مش هروح اقول كلمه بحبك لاى بنت الا لما هى تيجى تقولهالى الاول
زى ما ناس كتير قالت كده

*انتوا شايفين اخره الحب ده ايه لو البنت ما اتكلمتش ولا الولد اتكلم رغم حبه الشديد للطرف الاخر؟؟؟


ياريت كل واحد يضع نفسه تحت ارض الاحتمالات
ويحاول يجاوب بصدق

[♥..pure]

اهلين يا نور فينك وفين اسالتك من زمان
مرحبتين مرحبتين
المهم بقى وندخل فى الموضوع على طول
بصى يا نور انا لو بحب واحد بجد ومش لاقياه بيحس بيا
هحاول اعمل اى حاجة تلفت نظره عشان يحس بيا
يعنى احاول ابينله اهتمامى بيه او احسسه انى ببقى مختلفه معاه
يعنى معاملتى معاه غير معاملتى مع اى حد تانى
بس لو كان مش شايفنى او ممكن يكون بيستعبط حبتين
يعنى بقى على حسب حبى له لو بجد مش هقدر انساه يبقى الوحيد انى اروح واقوله
بحبك
بس ساعتها فى احتمال من حلين
لارجع افايا يامر عيش وميكنشى بيحبنى وساعتها ممكن اخسره كصديق
وممكن كمان هو يكون بيحبنى ويعترفلى بحبه
الله اعلم
تسلمى يا نور

[عاشق ولهان]

بسم الله الرحمن الرحيم

بشكرك يا نور علي الموضوع الجميل ده

من وجهة نظري ان الولد سهل عليه لو احب بنت انه يعترف لها بحبه

بس اكيد يكون فيه دلائل من البنت بالقبول بيه فتي احلامها

أما بالنسبه للبنت فده صعب

أكتر شئ ممكن تعمله هو لفت نظره

والتلميح له من غير ما تعترف له

وبعدين الحب بيخترق القلب من غير اذن مسبق

ارجو اني اكون وفقت في ردي

تقبلي ودي واحترامي وتقديري

عاشق ولهااان

[Dr.nour]

اقتباس
المشاركة الأصلية كتبت بواسطة whisperer





اهلين يا نور فينك وفين اسالتك من زمان
مرحبتين مرحبتين
المهم بقى وندخل فى الموضوع على طول
بصى يا نور انا لو بحب واحد بجد ومش لاقياه بيحس بيا
هحاول اعمل اى حاجة تلفت نظره عشان يحس بيا
يعنى احاول ابينله اهتمامى بيه او احسسه انى ببقى مختلفه معاه
يعنى معاملتى معاه غير معاملتى مع اى حد تانى
بس لو كان مش شايفنى او ممكن يكون بيستعبط حبتين
يعنى بقى على حسب حبى له لو بجد مش هقدر انساه يبقى الوحيد انى اروح واقوله
بحبك
بس ساعتها فى احتمال من حلين
لارجع افايا يامر عيش وميكنشى بيحبنى وساعتها ممكن اخسره كصديق
وممكن كمان هو يكون بيحبنى ويعترفلى بحبه
الله اعلم
تسلمى يا نور

الله يسلمك ياختشى

:bleh:

[اخصائي اجتماعي واسري]

انا بالنسبه لي
طبعا انا كنت احب انسانه وتوفت والله يرحمها ولكن لو حصلت انسانه واحبها ممكن اتجراء واقول لها بحبك او ارسل لها انسانه وتتكلم عني وتقول لها اني احبها

شكرا على المووضوع

[Dr.nour]

اقتباس
المشاركة الأصلية كتبت بواسطة اخصائي اجتماعي واسري





انا بالنسبه لي
طبعا انا كنت احب انسانه وتوفت والله يرحمها ولكن لو حصلت انسانه واحبها ممكن اتجراء واقول لها بحبك او ارسل لها انسانه وتتكلم عني وتقول لها اني احبها

شكرا على المووضوع

ههههههههههههه

ياااااااه يا عم دا انت واقف فى التوبيك بقالك ساعتين ولا اكتر

الحمد لله رديت بخير اهو

ربنا يرحمها ويرحمنا

ميرسى ع الراى

[قلب القمر]

*لو انت شاب وحبيت فتاه بجد هتروح تقولها ؟؟؟

اكيد طبعا هقولها واعرف شعورها من نحيتى ايه


موضوع جميل تسلم ايدك

[Mo chahin]

والله يا نور موضوع غايه فى الجمال والروعه

ولكن ... فى الحاله دى وعن نفسى شخصيا

سأدع الاحاسيس تتكلم

ولو طال سكوته .. سأكتفى بالصمت والحرقه بداخلى


اشكرك على موضوعك الشيق

[أميرة الأحلام]

*لو انتى بنت وبتحبى شاب ممكن تروحى وتعترفيله بحبك ولا حيائك والتقاليد هتمنعك؟؟؟

لا مش ممكن اعترف انى بحبه حتى لو كان املى الوحيد انما معملتى الكويسه

وشخصيتى هتفرض نفسها ولو هو بيميل ليا هيحبنى وهو اللى هيعترف مش هيستنى انى

اروح اقوله انى بحبك صعبه اوى يا نور ان البنت تروح تعترف بحبها لحبييبها مهما كان

***************


*انتوا شايفين اخره الحب ده ايه لو البنت ما اتكلمتش ولا الولد اتكلم رغم حبه الشديد للطرف الاخر؟؟؟

شوفى يا نور الحب الحقيقى هيفرض نفسه عليه وعليها لو حبهم حقيقى يبئه استحاله

هيضيع وهيستمر بس لو كل واحد استنى ان التانى يعترف الاول يبئه الحب هيضيع بينهم

بس من الاخر الاحسن والافضل ان الشاب هو اللى يعترف ده من باب ان البنت صعب

تبين مشاعرها لشاب ولسه مش متأكده انه بيحبها ولا لأ

يا ريت اكون وضحت وجهة نظرى

تحياااااااااتى ليكى يا نور