حد يجاوبنيييي

[princess egypt]

اولا ازيكوا يا احلى واجمل اعضاء هدخل ف الموضوع ع طول الي محيرني وبجد عاوزه اعرفله اجابه ليه الولاد بتكلم البنات يعني يقعد يكلم دي ودي ونفس الكلام بيقولوا لكل واحده ولو البنت هبله ووافقت يعملها من البحر طحينة وكان مفيش غيرها وفجأه تشوفوا بيكلم اكتر من واحده غيرها بيستفيد ايه من دا حتى البنات ايه الي بتستفيده لماتكلم دا ودا والله انا مابقتش عارفه ‏ ‏‏‏
لو عارفين جاوبونيي‏!!:vb29::vb29:

[اهلاويه جامده]

بصي ياحبيبه هارتي دي كلها منظره قدام اصحابو يعني بيشوف نفسو بس ويقول ياعم دا انا بكلم

ماعرفش كام بنت وكلهم مووووز يعني حلويييييين

وكل الدنيا بقيت كدب في كدب

وربنا يهديهم والله

تسلم ايديك ع الطرح الجميل

اختك اهلاووووووويه

[اسطورة الحب]

حبيبتي الولد اللي بيتكلم مع اكتر نت بنت دا مجرد تسلية لااكتر وعشان يظهر امام صحابه انه واد

دنجوان والبنات كلها بتحبه وبتجري ورا ه ودا عمايل الشباب الفاضي

والبنت رقيقة المشاعر والاحاسيس يعني بدوب من اي كلمة حلوة ودا طبعا اكبر غلط

وربنا يهدي اشكرك علي الموضوع

[princess egypt]

اه والله عندكوا حق ناس معندهاش ضمير خالص والبنات ربنا يهديهم فرحانين باللمة وقال ايه انه موز يعني وحلوين والله الشباب لما بيلاقوا بنات كده بيتمادوا ربنا يستر ميرسي ليكم

[حياتي ذكريات]

السلام عليكم

السبب معروف وبقى مكشوف جدا الايام دي

الأولاد بيعملو كده مجرد تسلية ومرح وتضييع وقت وخلاص

والبنات المشكلة دولوقتي بتصدق على طول وعلى نياتها

مفروض البنت تعرف ان تسلية الشباب بالحب بقت لعبة مكشوفة

واللي عايزها بجد وبيحبها هيجي يطلب ايدها من ابوها

تسلمي على طرحك للموضوع .. وان شاء الله اكون رديت على استفسارك

خالص تحياتي ليكي يا قمر

[محمد الشريف]

تلك النماذح مريضة نفسيا ولا يأمن لها ففضلا عن انها خصلة سيئة لكنها توضح

مدى التدنى الخلقى ، فهى نوع من المنظرة والتباهى ومحاولة إشباع نهم بأنه

مرغوب فيه .. ويضم على الاندكس ضحية جديدة ... أو التباهى أمام ممن على

شاكلته بأنه شهريار ... ولكن سؤالى أنا لماذا تسلم البنات بمجرد الالتفات لتك

النماذج الوقحة عديمة الأخلاق والضمير وهن تملكن هذا ببساطة فالبنت سمعة

أكثر من الولد بحيث لاينطلى عليها هذا الزيف من شياطين الأنس .

مع تقديرى

[princess egypt]

ميرسي ليكي ياجميل فعلا عندك حق تضييع وقت وتسلية وبناء عليه تلاقي البنات قاعده ف البيت بلا جواز عشان مفيش حد واخد الموضوع جد ومش عاوز وحده بس لا تجديد هايخسر حاجه طالما ف بنات مستهتره وبتصدق خلاص ‏ ‏‏
تحياتي

[princess egypt]

البنات بطبيعه الحال قلبها رقيق وحساسه واول ماتسمع كلمه حلوة خلاص تقع وبردوا من تاثير الافلام قايمه بالواجب عان دا انفتاح عادي وفيها ايه لما تكلم وتحب بس مفيش حد يستاهل حب بجد او انها تجرب لان مفيش حاجه اسمها حب ف الزمن دا ‏‏
تحياتي ليك

[special girl]

السلام عليكم

موضوع صداقه الجنسين ده بقي موضوع طبيعي خالص يعني لما بنتكلم عنه في ناس بتستغرب انه عيب او حرام يعني بقي عاادي وقدام الناس كلها لكن السبب والله مش علطول بيكون انه تسليه احيانا بيكون الولد فاقد للحنانا والحب من اهله او البنت فبيلجأ لغيره يحسسه انه شخص كويس ويحسسه بقيمته نفسه يعني احيانا بيكون اصلا البنت او الولد ضحيه من اهل او بيئه ولكن التسليه من جانب الشاب او البنت بيكون لها دور واحد فاضي وبيتسلي ولكن بعيدا عن كل ده الدين بيحرم العلاقي دي وده لمصلحه البنت والولد..

تحياتي لكي وموضوعك جميل جدا.

[♥..pure]

دول بيبقوا ناس فاضيه ومش وراها حاجة
غير انه يتسلى ببنات الناس وضيع وقتهم معاه
انا بقول انه بيبقى انسان مريض نفسيا
ممكن يكون متعقد من بنت معين وبيعمل فى بنات الناس
كانتقام يعنى منها
بس هيبقى حرام عليه لانه هيتعمل فى اهله
يعنى اخته مراته بعد كدة اى حد من اهله