الغربه

[بحار فى بحر الحب]

بسم الله الرحمن الرحيم


اللهم صل على محمد وعلى آله وصحبه أجمعين


السلام عليكم ورحمة الله وبركاته



هل تغير الغربه الانسان؟
هل البعد فعلا بيقسى؟
عندما يكون لك احبه ويبعدوا عنك هل بمرور الوقت يتعود الانسان على بعدهم؟
هل ينسى الانسان من كانم اهم ناس فى حياته؟
انا لى احبه فىالغربه انتظر قدومهم بفارغ الصبر
لكن اشعر انهم تغيروا مضى كل منهم فى حياته
اصبح تجمعنا مجرد ذكرى
هذا شى مؤلم عندما تتعذب وتشعر انك تفتقدهم فى حياتك وتجدهم هم اكتفوا منك برساله او مكالمه
لم تعد جزءا من حياتهم
وما يؤلمنى اكثر هو انى كنت اصبر نفسى ان بمجرد عودتهم سنرجع كما كنا
وبعد ان كنت انتظرهم الان اخاف ان انتظرهم
اخاف ان اقبل عليهم بشده فلا اجد ما اتمناه
هل احيانا يجب على الانسان ان يمضى فى حياته يفكر فى نفسه لايحمل هم احد
]ان يعود نفسه ان ما كان شى مضى وذهب ولن يعود
لماذا الحياه قاسيه بهذا الشكل؟
والله لم اعد اشعر ان لى مكان فيها
وهذا ليس ياس بل هو ادراك

[ماتركس]

اخي العزيز بحاار
موضووعك جميل
بس عارف ياا بحاار الغربه مش بتغير الانساان
ممكن تغير الواحد في طبعه في طريقه كلامه
لكن عمرهاا ماا هتغير او تكبروو علي اهله
بس هيه الحيااه كده والواحد في الغربه بيبقي فيه اللي مكفيه
بيبقي مش عاايز يشغل حد بمشااكل
ولوو الواحد منناا قعد كل يووم يتصل بااهله واصحاابه
كده مش هيقدر يعيش والا يووم في الغربه
ومتخفشي يااريس مش هنتغير عليك ده احناا لحم ودم
ده اناا عشت معاك اكتر ماا عشت معاا اهلي منوارناا يا غالي

[AnGeL SenSe]

هل تغير الغربه الانسان؟
لا طبعا عمرها الغربة متغير حد يمكن يتغر في طريقة الكلام او اي حااجة بس متغيرش الي
جواه ابدااا


هل البعد فعلا بيقسى؟
البعد ابدا ما كان بينسي بالعكس بالبعد بنزيد ولهتنا وشتقيانا للناس الي بنحبهم
مهما بعدنا عمرنا ما بننسا الي بنحبهم والي بنعرفهم الغربة بتكون في حجااات كتيرة اووي
مش مختصرة على السفر برا بلدك يمكن انا عندي الغربة لما الانسان الي بحبه يغيب ويبعد
دي بجد بحسها غربة عندي

وليه يا بحار بتقول انك ملكش مكان في الحياة ايوة فعلا الحيااااة قااااااااسية جدااااا
علينا وعلى كل الناس بس كل واحد وليه مكان فيها مهما ضاقت بينا لازم نستحمل
ونقول يارب وما ضاقت الا فرجت انت روق وان شاء الله ربنا يكتبلك كل الخير يارب

وبجد موضوع جميل جدااا ......تحيااااااااااتي اختك angel

[حياتي ذكريات]

السلام عليكم

موضوع جميل

بص يا بحار الغربة مش بتغير الانسان خالص

ما انا عايشة من زمان اوي في الغربة ولسه زي ما انا

وحتى اما بنزل مصر بيقولولي لسه زي ما انتي

هي بتغير بس في تفكير الشخص شوية يعني انت مثلا

عايش في مجتمع غير مصري فبالتالي تفكيرك في بعض

المواضيع بتبقى زيهم بالضبط ..

بس اللي عايشين في مصر احيان كتير بيتغيرو

بجد ساعات اكون حاطه في بالي ناس عشت معاهم سنين جميله

واكون متشوقة اني اشوفهم واتكلم معاهم .. واعد افكر

فيهم ليالي وايام وفي النهاية مش بيطلعو فاكريني او بالاصح

وقت ما انا رحت راحت معايا ذكرايا من خيالهم

بس انت عارف في الغربة بنلاقي وقت فراغ كبير بتعد تفكر

في ده وتفتكر المواقف اللي حصلت بيبقى صعب انك تنساهم

بس اللي عايش في بلده ووسط اهله وناسه ومشاغل الحياة

ساعات بتجبر على يتمحي من خيالك انسان بعيد عنك

بس فيه ناس لسه كتير صاينة محبتك حت وانت بعيد

الحمد لله اغلب اللي اعرفهم بيني وبينهم كلام على طول

مسجلات وايميل وبريد وغيره .. بيبقى شعور جميل انك

تحس ان فيه فعلا حد فاكرك وبيسأل عليك

بس خليك فاكر لو امك او والدك بيسألو عليك وبيتصلو عليك

في الغربة يكفيك من ان اي حد تاني يسأل عليك

تسلم على موضوعك .. تقبل مروري وتحياتي

[special girl]

السلام عليكم

موضوع جميل جدا
الغربه عمرها ما بتغير في الناس ابدا ده بيعتمد علي الشخصيه مش علي الغربه نفسها
الغربه علي فكره مش علطول بتكون سيئه لا احيانا الانسنا منها بيعرف اعظم القيم وافضل الناس
ولكن المهم الانسان مش يتخلي عن اخلاقه مبادئه ابدا
وزي ما ذكريات قالت هي مثال للغربه ومش تغيرت زي ما هي وانا كنت عايشه في مجتمع غربي وبعدين مجمتع عربي ولكن كمان غربع ولسه زي ما انا....

تحياتي.

[محمد الشريف]

أخى / بحار


سبحان الله مغير الأحوال مسير الكون له فى خلقه شئون يغير ولا يتغير

فالغربة أحيانا تكون كربة ، والغربة قد تفرضها الظروف أحيانا فالأرض

وما رحبت ، والغربة بمفهومها الشائع الاغتراب عن الوطن والأهل والولد

ولكنها مرتبطة دائما بالشوق والحنين والعودة .

ولكن قسوة الغربة تكمن فى غربة النفس ، وهنا يكون أغرب الغرباء من

( عاش غريبا فى وطنه ) والوطن هنا النفس البشرية فتلك قسوة لاتضارعها

قسوة . وعن فقد الشعور أو الإحساس بمن نشتاق إليهم وعدم اكتراثهم بذلك

فى بعض الظروف ربما يكون مرجعه أحيانا تحمل أعباء الحياة وصراع الذات

من أجل مواجهة الظروف والتجارب التى تمر بالكثيرين وقد لاتعنى الإقلال بمن

يشتاقون إليهم لكنها الظروف .

دعائى خالصا لله أن يعود كل مسافر إلى وطنه محققا آماله وطموحاته راضيا

مرضيا ... والله ولى التوفيق

وتقبل موفور تقديرى