الديانه الابليسيه؟ظاهره جديده؟!

[special girl]

السلام عليكم ورحمته الله وبركاته:-

ازيكم يا احلي اصدقاء واعضاء؟؟؟؟


قال تعالى ? (ألم أعهد إليكم يا بني آدم ألا تعبدوا الشيطان إنه لكم عدو مبين وأن اعبدوني هذا صراط مستقيم ولقد أضل منكم جبلا كثيرا أفلم تكونوا تعقلون ) ? يس 60-62
وقال تعالى ? {إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاء وَمَن يُشْرِكْ بِاللّهِ فَقَدْ ضَلَّ ضَلاَلاً بَعِيدًا} ? النساء.
ظاهرة عبدة الشيطان في العالم الحديث كانت عام 1966,, وادى الى انتحار العديد ..!!
من هم عبدة الشيطان ؟!
.. وكيف يعبدون الشيطان .!!
وماهي طقوسهم وماهي رموزهم ؟؟!
آخطر الاديان وابشعها .!!

لكن حاليا الظاهره تحلوت لنوع مختلف وبقت مش ظاهره عبده الشيطان لا اصحبت دين وهو الديانه الابليسيه.

"الديانة الإبليسية" مصطلح جديد بدأ يعرف طريقه بين أوساط الشباب المصري المتعاملين مع شبكة الإنترنت وفي الجامعات كتقليعة جديدة تنكر الرسالات السماوية.و"الديانة الإبليسية " بحسب ما أورده تقرير لبرنامج 48 ساعة على قناة المحور مساء الجمعة هي تقليعة جديدة تنكر الأديان السماوية الثلاثة" الإسلام – المسيحية- اليهودية" وتقتنع بمبادئ وطقوس غريبة.
وأورد التقرير تجربة شاب يدعى عبد الإله البكري والذي كان على وشك الانضمام إليهم .
وعن تجربته مع "الديانة الإبليسية" قال عبد الإله إنه تعرف على إحدى أتباع هذه التقليعة في إحدى الحفلات وبدأ التواصل معها عن طريق البريد الإلكتروني.
وأضاف عبد الإله أن أتباع هذه التقليعة لهم طقوس خاصة حيث بدءوا استمالتي لطقوسهم بتشكيكي في الإسلام وإرسال كتب تشكك في القرآن والدين الإسلامي.
وحول ملامح معتقدات أتباع هذه التقليعة قال عبد الإله إنهم يقولون إن إبليس هو خالق البشرية، و أن الجن هم الآلهة الأصلين المعاونين له وهذه التقليعة مؤسسة علي الأديان القديمة التي سبقت الأديان الإبراهيمية و هي التي كانت تؤمن بتعدد الآلهة كما إنهم يقولون إنه لا يوجد جنه أو نار إنما الخلود بعد الحياة.



يا تري ايه رأيكم في الظواهر دي كلها؟؟
معقول ده كله نتيجه ظروف الحياه؟
طيب هي مش بقت بتقتصر عي الايمو بس لا عبده الشيطان والايمو وحاليا الديانه الابلسيه وللأسف الجميع من فئه الشباب؟؟؟
ممكن تنضم في يوم لجماعه زي دي ؟؟؟
طيب ايه مميزتهم ؟؟؟
والعيوب؟؟
ازاي نقدر نقضي عليهم ونقف جمبهم؟؟

[ڪــــبرياء الروح]

ههههههه واللهشر البليه ما يضحك
كل واحد عقله براسه
لكم دينكم ولي دين

[special girl]

اقتباسالمشاركة الأصلية كتبت بواسطة عزہ النفس رمز لسمو ذاتےههههههه واللهشر البليه ما يضحك
كل واحد عقله براسه
لكم دينكم ولي دين

شكرا لكي ولكن اين رأيك حول المووضوع؟؟؟
ولكن شكرا للمرور.

[special girl]

يا ريت اشوف باقي الاراء؟؟

[رووكه]

بجد انا اتخنقت من الناس ديه احنا بنرجع تانى لايام قريش اييه ده

ناس تعبد الشيطان استغفر الله العظيم وكل يوم تقليعه جديده

حسبى الله ونعم الوكيل فيهم بجد ربنا اما يهدئهم اما يخدهم ويعرفهم مين ربنا ومين رسوله ومين الدين اللى امنا بيه

تسلم ايديكى يا ساره وربنا يوفقك يارب

[special girl]

اقتباسالمشاركة الأصلية كتبت بواسطة روكه2بجد انا اتخنقت من الناس ديه احنا بنرجع تانى لايام قريش اييه ده

ناس تعبد الشيطان استغفر الله العظيم وكل يوم تقليعه جديده

حسبى الله ونعم الوكيل فيهم بجد ربنا اما يهدئهم اما يخدهم ويعرفهم مين ربنا ومين رسوله ومين الدين اللى امنا بيه

تسلم ايديكى يا ساره وربنا يوفقك يارب

شكرا يا روكه نورتيي بس ربنا قبل ما يخدهم يعقلهم ويفهمهم...ربنا ماعهم.

[سلمى الجزائرية]

استغفر الله العلي العظيم
ربنا لا تؤاخذنا ان نسينا او اخطأنا
ما عساي ان اقول الا ان ادعو خالقي بالهداية لكل ضال
ربي ارزقنا قبل الموت توبة
وعند الموت شهادة
وبعد الموت مغفرة
لي ولجميع المسلمين وكافة خلقك انك على كل شيئ قدير
تسلمي اختي الغالية لك خالص تقديري

[فرولة]

يا تري ايه رأيكم في الظواهر دي كلها؟؟
والله ضعف فى الايمان وسوء تربيه
معقول ده كله نتيجه ظروف الحياه؟
ظروف الحياه ايه وبتاع ايه هى ظروف الحياه بقت الشماعه اللى بنعلق عليها المصايب اللى بنعملها
لا حول ولا قوة الا بالله
طيب هي مش بقت بتقتصر عي الايمو بس لا عبده الشيطان والايمو وحاليا الديانه الابلسيه وللأسف الجميع من فئه الشباب؟؟؟
والله كل مهنبعد عن دينا وننسى نفسنا هنشوف وهيحصلنا اكتر من كده كتير
ممكن تنضم في يوم لجماعه زي دي ؟؟؟
اللهم احفظنا فوق الارض وتحت الارض ويوم العرض ربنا يحفظنا منهم ويثبتنا يارب
طيب ايه مميزتهم ؟؟؟
مميزات ايه دول كلهم عيوب دول بعدو عن الاسلام كفايه كده بس
والعيوب؟؟
بقول كلهم عيوب والله اكيد اى حد بعد عن الاسلام كله عيوب انا معرفهمش علشان اعرف عيوبهم بس مش عاوزه اعرفهم
ازاي نقدر نقضي عليهم ونقف جمبهم؟؟
دول مينفعش الاختلاط بيهم دول كانو هيخلو واحد يترك دينه يعنى خطر الاقتراب منهم
دول ربنا بقى يخلص منهم

[حياتي ذكريات]

السلام عليكم

والله دولوقتي كل يوم نسمع عن ظهور فئة جديدة وغريبة

مع معتقدات باطلة تنافي الدين الاسلامي

دولوقتي كمان ظهرت فئة اسمها ( كفاية حرام ) تشبه عبده الشياطين

قالو ان الدين الاسلامي محرم أغلب الحاجات فهما حللوها من نفسهم

والعياذ بالله .. كل ده ناتج عن البعد عن الدين واننا ما عرفناش

الدين الاسلامي صح ولا عرفنا سماحته وتكريمه للانسان

يا تري ايه رأيكم في الظواهر دي كلها؟؟

ظواهر نتيجة البعد عن الله والدين الحق والنظر للدول الغربية

ومحاولة لتقليدهم .. وما فيش عندنا حد بيأمر بالمعروف وينهي

عن المنكر الا فئة قليلة جدا

معقول ده كله نتيجه ظروف الحياه؟

لا اكيد دولوقتي اي حاجه بتحصل في مجتمع العربي نقول ظروف

الحياة ليه ما تكونش ظروف من داخل الانسان نفسه .. يعني لو فعلا

الشخص عارف ربنا كويس وبيعبد الله على بصيره وعارف ان دين

الاسلام هو الحق مش هيلتفت لاي ديانة تانية

طيب هي مش بقت بتقتصر عي الايمو بس لا عبده الشيطان والايمو وحاليا الديانه الابلسيه وللأسف الجميع من فئه الشباب؟؟؟
ممكن تنضم في يوم لجماعه زي دي ؟؟؟

لا أكيد مش هفكر خالص ولا هحطه في بالي اما بشوفهم

بقول الحمد لله الذي عافانا ممن ابتلى به غيره

والعاقل مش بيروح للنار بايده


طيب ايه مميزتهم ؟؟؟

بصراحة مش شايفة فيهم مميزات

انتي شايفة فيهم على الأقل ميزة واحده ؟

والعيوب؟؟

عيوبهم انهم مش بيفكرو بعقولهم كويس .. ربنا اداهم الاختيار

وادانا العقول نفكر في الطريق اللي نمشي فيه .. والعاقل

هيختار طريق الله ومش هيبص لغيره

ازاي نقدر نقضي عليهم ونقف جمبهم؟؟

نحاول اننا ننشر الوعي بينهم .. نقدملهم كتب اسلامية

شرائط دينية توضح مفهوم الاسلام الصحيح

نبدأ معاهم بالتدريج وان شاء الله يتغيرو

شكراً ليكي يا سارة موضوع جميل ومهم منك .. تقبلي مروري وتحياتي

[ĐǎŇţịℓ ♫]

السلام عليكم
طبعا احنا كلنا عارفين ان كل ده كلام هبل
وكمان ان مفيش حاجه اسمها الديانة الابليسية
وكل يوم نلاقي دين جديد طلع موضة يعني الدين
بقى حاجه مفيهاش اي أهمية عند الناس
وبقى الدين زي اللبس الي طالع موضة
والحقيقة رأي ان ده كلو كلام فاضي
وشكرا على موضوعك الرائع والجميل
تحياتي لك speciel girl
تقبلي مروري