ايه رايكم في الصعايده..............؟

[ماتركس]

السلام عليكم ورحمه الله وبركاته
ازيكم ياا ياا احلي اخوات في العالم وحشتووني اكتير اكتير
اناامووضوعي غريب حبتين بس لازم اكلمكم فيه
انا اولا صعيدي اناا من الصعيد وبحب الصعاايد وبفتخر باني صعيد
ومن اسيوط كمان
بس اناا قعد معاا نفسي النهارده وكل ماا بفكر الاقي النااس بتستهزء بالصعاايده
وبيقووالوو عليهم نكت والاعلان من نااحيه نلقيه مطلع افلام ومسرحيات ملهاش لازم
استهزاء طبعاا بس اناا عن نفسي مش بزعل
بس معرفش ليه النااس واخدهعليناا فكره وحشه كده انوو احناا مش متعلمين ومش بنفهم
معاا اني الصعاايده كفاايه انووو منناا الرئيس الراحل جمال عبد الناصر
اناا النهارده عندي اسئله ليكم
اول سؤال ايه رايكم في الصعايده
رجاله جدعان والا مقفلين ومش بيفهمووو
يااتري انتووو بتصدقوو الاعلانات والنااس اللي بطلع نكت علي الفاضي
وايه رايكم في الصعيد عمتاا يااتري الناس فيه متعاالمين والا جااهلين ومش بنفهم زي ما الناس
بتقووال عليناا
منتظر ارئكم الجميله
اخووكم ماتركس

[AnGeL SenSe]

اولا حبيت اكون اول رد لاني انا كمان من الصعيد ومن اسوان كمان
بجد معاك حق يا احمد في الي بيتريق في الي بيستخف دمو
بس احنا مهما كنا مين كلنا تحت اسم بلد وحدة رمز الفراعنة تحت اسم مصر
ام الدنيا الي كلنا فخورين احنا من فين انا بجد بتمر معايا حجااات غريبة حبتين مع صحباتي
الكل لما اقولهم من اسوان من الصعيد يعني بيستغرب مش عارفة ليه مش بيسدقوني
يمكن مش باين عليا اني من الصعيد يعني في طريقة الكلام وغيرو او في الشكل الكل يقول
اسوان بلد السمر بس والله يا جدعان في ناس بيضة اووي ههههههههه
يعني الصعيد فيها المتعلم والفاهم والمثقف وناس كتيرة اوووي والجدعنة والشهامة الي عندهم
واولهم علتي طبعا يعني الصعيد بجد حلوة كفاية المناطق الجميلة الي فيها من مزارع على النهر
وغيرو وحجااات جميلة بجد يمكن الغير فكرها زي الي بتطلع على التي في بس يعني مش كل
حاجة متطلع يبقى كل الناس كداا يعني كل واحد بيكون فخور هو من فين بس مهما كنا من فين
من كايرو او اسكندرية او اي مكااان احنا تحت اسم واحد احنا كلنا مصريين والحمد لله
يعني نظرة المجتمع بتكون غريبة شوية من الصعايدة بس بجد فيهم ناس نثقفين جداا ومتعلمين
وبزنس مان وغيرو يعني ياريت كل الناس متشوفش الصعيد على انو الناس الي مقفلة اووي
او الي مش بتفهم او انهم جهلة وغيرو في كل مكان في الكويس والوحش يعني الصعيد بجد
فيها مناطق جميلة بس مكدبش عليكم مش بعرفها مش عايشة هناك هههههه يعني لما بنزل
في الاجازة بحب اشوف المناطق هنااك بجد كل مكان في مصر جميل لانها ام الدنيا

وانا اول رد صعيدية في موضوعك يا احمد ههههههههه لازم ننصف الصعيد وانا الحمد لله فخورة
من كدة لاني من بلد جميلة اوووي الي هيا اسوان بس بشرتي مش سمرا هههههههههه
بجد ميرسي ليك اووي يا احمد على الموضوع الجميل الصعيدي .......تحياااااتي اختك angel

[اهلاويه جامده]

والله انا بزعل لما حد بيتكلم عنهم في النكت وخفه الدم دي وبيعجبوني والله رجاله واصليين

وناس جدعه فعلا وانا منهم وافتخر بكدا ومايهمنيش بقى خفه الدم بتاعت الناس الفاضيه

كفايه الكل بيشهد بالجدعنه اللي فيهم

تحياتي ليك ياماتركس

[ڪــــبرياء الروح]

انا كمان من الصعيد
هههههههههه لا انا من السعوووديه بس كنت امزح
والله انا ما اعرفهم غير من لبسهم وشوي غليظين بالكلام
والله اسمع انهم ؟؟؟؟؟؟
بس عالعموم يكفي انهم من مصر
والتفاضل بيننا بالتقوي ويوم القيامه

[فرولة]

انا عمرى متعملت معاهم لانى من وجه بحرى بس طبعا يكون ليا الشرف بجد والله لانى بسمع عن جدعنتهم وشهامتهم واسمع انهم ناس كويسين ومحترمين جدا وبيعرفو يكرمو الضيف كويس واهل خير وكرم مصريين بجد وبمعنى الكلمه
بس طبعا مينفعش اى حد يحكم على الناس غير لما يتعامل معاهم واتمنى اتعامل معاهم لان لو فيهم الصفات دى بجد هحس ان الدنيا لسه بخير
وعادى كل مكان فيه الحلو والوحش يعنى لو فى حد وحش مش معنا كده ان كلهم وحشين
ثم ان وسائل الاعلام وخفة الدم اللى احنا فيها مشوهه صور حاجات كتير قوى حلوة فى حياتنا
بجد عمرى مهقدر اقول رايي الشخصى فى الموضوع ده غير لما اتعامل معاهم شخصيا انا نقلتلكم اللى سمعته
بس بجد ماتركس صورة مشرفه عن الصعايده بجد شخصيه محترمه
ربنا يوفقك
مع خالص احترامى لشخصكم

[قلـــــــــــــــــم]

السلام عليكم


انا ما بحب اكتب موضيع انشاء


فبختصار

نحن صرنا نأخذ بالامور الهيافة فقط


ايه صعيدي ولا فلاح ولا بن مدينه ولا ابن عفريته


كلها بشر والكل له عقل والكل له يد ورجل وعنين واذنين


واخر شيء

من يشكك في خلق انسان وينعته بامر فهو كما نعت


اخي العزيز

عندما يقول تعالى

وجعلناكم شعوباً وقبائل لتعارفوا إن اكرمكم عند الله أتقاكم



لم يقل الله تعالي

صعايدة وولاد مدينه والكلام الفاضي الي بيتحلى به الجاهلين فكريا ناقصين النضوج المعنوي


تحيتي لموضوعك العطر

اليك وافر تحيتي واعطرها

[حياتي ذكريات]

السلام عليكم

اول حاجه الاعلام دايما بيكبر الأمور فوق حدها

يعني اغلب الناس فاكره ان الصعايده ناس مش متعلمة

او مش مثقفين وغلظين في التعامل وما عندهومش محور التفاهم

انا كنت بشوف الصعايده في التلفزيون مطلعنهم على انهم

بيقتلو وبياخدو بالثأر على طول فيمكن كنت واخده عنهم فكرة وحشة

شوية زمان .. بس لما اتعرفت على وحده من اسيوط هنا لقيتها غير خالص

حتى اهلها وتعاملهم ناس محترمين جدا واسلوب رائع في التعامل

اما سألتها قالتلي لا هما التلفزيون دايما بيكبرو كل حاجه كده

اتغيرت فكرة الناس الصعايده في بالي خالص وما بقتش أثق في الاعلام

لانه دايما بيزيد كل حاجه عن حجمها الطبيعي ..

ولما برده كنت قبل كده مسافرة مصر وفي الطيارة جنبي اتعرفت على

واحده من الصعيد ماشاء الله عليها قمة في الادب والاحترام والاسلوب الجميل

بقت نظرتي جدا عادية لكل الصعايده لا بفرق بين صعيدي ولا غيره كلنا سواسية

ومبدأ التفاضل بينا هو التقوى ..

أما موضوع النكت انا اصلا بدايق منه جداا .. لان الناس الصعايده مننا

وحرام اصلا اننا نستهزأ ببني آدمين ونقول عليهم حاجات مش كويسة

ربنا يسامح ويعفو عن الجميع

تسلم يا احمد على موضوعك الجميل .. تقبل مروري وخالص تحياتي

[جيوريام]

اول سؤال ايه رايكم في الصعايده
اولا الصعايدة دول احسن ناااااس طبعا
رجاله جدعان والا مقفلين ومش بيفهمووو
اولا اللى خلى الناس تعتقد كدة هوة الاعلام واللى على طول مطلع الصعيدى انسان مقفل ومبيفهمش
يااتري انتووو بتصدقوو الاعلانات والنااس اللي بطلع نكت علي الفاضي
دة فراغ ناس هايفة ومش لاقيين يعملوا حاجة
وايه رايكم في الصعيد عمتاا يااتري الناس فيه متعاالمين والا جااهلين ومش بنفهم زي ما الناس
بتقووال عليناا
طيب اقولك على حاجة
انت عارف ان الاولى على الجمهورية فى الثانوية العامة من كام سنة كانت من الصعيد ومن اسيوط كمان وكمان الاول المكرر واحد من الاقصر يعنى صعيدى برضو والسنة اللى فاتت كانت التالتة على الجمهورية من اسيوط
يبقى جاهلين ازااى

ال بيقولوا ان الصعايدة دماغهم مقفلة بالعكس دة الناس التانية هما اللى كدة قفلوا دماغهم خلاص على فكرة ان الصعايدة ناس مبتفهمش
انا مرة كنت فى القاهرة وكنت راكبة مركب فى النيل كان مكتوب عليها من جوة {احترس السائق صعيدى}
تخيل بقى ساعتها االدم غلى فى عروقى

عرفت دلوقت اكيد انى صعيدية ومن قرية فى الصعيد كمان والناس اللى بيقولوا على الصعيد متخلف .طيب ازاى ما النت منتشر دلوقت فى قريتنا كلها وقرية مش متخلفة ولا حاجة بالعكس دى اقرب ما يكون اللى المدينة ومتطورة وفيها مدارس كتير ومدارس ذكية كمان يعنى فيها معامل كمبيوتر


ومرة تانية كل اللى بيقول كلمة عن الصعايدة وحشة وهوة ميعرفهمش يبقى جاااااااااهل
طيب ازاى يتكلم عن ناس وهوة ميعرفهمش وكمان يشتم ويتريق عليهم بمجرد ان الاعلام صورلهم ان الصعايدة كدة


وشكرا كتير ليك على موضوعك المتميز

ونبقى مرة تانية نتكلم عن قرى الصعيد وازاى الناس عايشين فيها احلى حياه

[بحار فى بحر الحب]

السلام عليكم

هلا باخى واخوى وابن عمى الغالى ماتركس

اولا وحشتنى جدااااااااا وقلبك قاااسى عليه ومو راضى تجدد العقد والاقاامه عشان ارجعلك تااااااانى

شكلك مو عاوزنى ارجع الاماارات تااانى

اولا دى ناس فاضيه لازم تحكى وطلع نكت علينا ياولد عمى

والله مو عارف ايش اسوى كل شوى واحد بيحرجناا ويقول صعايده

همااااا الصعايده دول مو بشر ولا ايه

ع العموم ياغالى الصعايده معروفين تشهاااااامتهم ورجولتهم وكرامتهم

عشاااااااان دمنا حامى ولا ايه ده طبااااع في

وانت عارف انى صعيدى وابوى صعيدى واخويا صعيدى وجدى صعيدى وكلنا صعايده ع بعض وخالى صعيدى هههههههه وامى صعيديه كمااااااااان والعنتو اعترض هضخو عيااااارين خاااااااارطوش من الاصلى وانت عارف ها السلاح مو بيخيب يابن عمى انا لسه شايله ع فكره يدوب كل اسبوع طلقتين فى الهواء عشان مو يصدى ويبوظ فاكر ايامه وسلام مربع لصعااااااااااااايده عاجبكم ولا لع سلام ياغالى واليغلبك دلنى ع اسمه وعنوانه وانا اريحه خالص من ها الدنيااااااااااا سلام ياولد العم اضحك فرفش حبه معايه

[جوهرةالقصر]

الصعايده معروفين بالشهامة والجدعانة والرجولة
وانا باعتقد ان كلمة دماغهم قفل
مش معناها انهم مبيفهموش حاجة
لكن معناها ان دماغهم ناشفة
وبيحبوا العناد
يعني لما يحطوا فكرة او رائ في دماغهم
مش بيطلع من دماغهم بالساهل

ويكفي انهم الرجالة بتوع الزمن ده

وتسلم علي الطرح الجميل