الصداقة مابين البنت والولد

[عاشقة العيون]

البداية وكملوا معايا لكن ...من غير زعل



الى البنات..


حبايبى ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختك قريبين منك بتكلميه كأنه بنت .. يعنى بتكدبى على أهلك.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامك مع ولد مش واحده صاحبتك..


ممكن تقوليلى احنا بنتكلم كلام عادى ..
فهقلك وليه متتصليش بصاحبتك بدل ماتتصلى (بصاحبك) مش كله كلام
هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى
فهقلك اكيد طبعا هتحسى براحه لان الشيطان موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبك على صاحبتك
ياترى هتسيبى الشيطان هو اللى ينتصر ولا هتنصرى حبك لربنا وأّمانتك مع أهلك
..لكى الاختيار..


عارفه حبيبتى ممكن تقوليلى الملل والزهق هما اللى بيدفعوكى لكده وكمان انك شايفاهاه انها بقت حاجه عادية كل البنات بتعملها..
حبيبتى والله انا حاسه بيكى
الملل
والفراغ
ويمكن مفيش حد حاسس بيكى لامن صحباتك ولامن اهلك
ويمكن الشخص ده اكتر واحد بيفهمك
وحاجات تانية كتير..
لكن اسمحى لنفسك انك تفكرى ولو دقيقه واسألى نفسك (هل انا راضية عن نفسى وانا بكلم ولد؟؟)
( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه
لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة..


وسيبك من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد
وكمان احنا كلنا فى الهوا سوا ..فمثلا انا زيك مش بلاقى حد معايا ومش بلاقى حد يفهمنى واخواتى ولاد ومامتى وبابا مش موجودين يعنى طول اليوم لوحدى .. يعنى وحده من كل النواحى .. لكن عمرى مافكرت اصاحب ولاد
ممكن تقوليلى يمكن يافجر مفيش ولد فكر يكلمك وحاول يكسب صداقتك فخللى الطابق مستور

اسمحولى أسألكوا واتمنى الاقى اجابات منكوا
انتوا بتستفادوا ايه لما بتكلموا بنت فى التليفون ولما بتخرجوا مع بنت؟؟؟
لو كانت البنت دى اختكوا كنتوا هترضوا ده ليها
هتقوليلى احنا اخواتنا البنات مايعملوش كده اصلا
فأنا هقول ليكو حديث للرسول صلى الله عليه وسلم(حب لأخيك ماتحبه لنفسك) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم


ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد
بصراحه لو كان فى شباب كده يبقى ونعم الرجوله.. ولاتعليق


وطلب صغير من شباب منتدى استاذ عمرو خالد
ياريت شباب المنتدى يوضحوا للبنات نظرتهم ايه للبنت اللى بتتكلم فى التليفون مع ولد ولو كانت البنت دى اختهم كانوا هيتصرفوا معاها ازاى؟؟؟

[رووكه]

واللهى لو فيه صراحه فى البيت وثقه هتتكلمى وانتى مش خائفه علشان انتى فى النور

انما اللى تتكلم وتغير الاسم فدئه مش كويسه

الغلط انك تخبى عن اهلك وانتى لو صح وبتتكلمى فى حاجات عامه ومهمه زى درستك وشغلك

وفى حدود اكيد مش عيب يبقى مش هتتكلمى مع اى حد فى كليتك ولا شغلك احنا دلوقتى بنا

احتكاك بين الجنسين بس بحترام واخلاقك هى اللى هتقيم نوع الكلام

فى الاخر الاحترام وثقه اهلك والحدود فى الكلام كل ده مش هيكون عيب

تسلمى على الطرح المميز

[فيروزه]

	اولا زي ما قالت روكه لو هو مش غلط ليه بداري ما تتكلمي قدام اهلك عاااادي مادام في حدود الادب والاحترام بس الغلط هو الي بنفضل نخبيه وانا شايفه ان طول منا بخاااااف ربنا يبقا مش هعمل حاجه غلط وميرسي علي الموضوع وتسلم ايــــــــــــديكي

[special girl]

السلام عليكم

موضوع مهم جدا ورائع

الصداقه بين البنت والولد حرام ده اولا الا اذا كانت في حدود معينه وكانت لا تتحطي الزماله ولكن لو صداقه نهايتها زواج او علاقه شرعيه فمفيش مانع انا مش متشدده ولكن فعلا الله حرم الصداقه بين الجنسين ولو فكرنا هنلاقي انه السبب لمصلحتنا يعني مفيش صداقه بين و ولد هتخلو من الشبهه والولد يخلي بالبنت لوحدها ده اكيد لأنه بيكملها من دون ثالث ولكن هنا الثالث هو الشيطان ولكن لو علاقه بحدود زماله ومش اكتر فمفيش اي موانع ...

تحاتي لكي ويا رب رأي يكون مش ضايق اي شخص.

[مشاعر حلوة]

الصداقة اللي من النوع دة حراااااااام وعيب

[♥..pure]

انا مش بسميها صداقه على فكرة

انا بسميها اخوه ومتتعداش المسمى دة

لان مفيش حاجة اسمها صداقه بين الولد والبنت

يعنى يكون زى اخوها بينصحها ويرشدها للصح

وكدة يعنى

[ليبي مفتخر]

موضوع يستاهل المنقشة بس اد زي ماقلتي يبا حراااااااااااااااااااااااااااااام

[ليبي مفتخر]

بس اد علقة اخوة فدا يبقي عادي جدااااااااااااااااا

[ليبي مفتخر]

والحقيقة موضوع جميل جداااااا بس ياريت نعرف صح او خطا تقبلي مروري

[ليبي مفتخر]

مافيش حد ياول صح او خطا