فضايح مرفق اسعاف الجيزة ووزارة الصحة المصرية بالفيديو

[غاوى حب موت]

موضوع النهاردة عن السرقة فى الاسعاف بالدليل
خصوصا مرفق اسعاف الجيزة وهيئة اسعاف مصر

اولا سيارات الاسعاف الطائر ( البرتقالى الجديدة )
دى عربيات موديل فولكس فاجن تم استيرادها من المانيا وطبعا اختاروا النوع ده عشان صاحب توكيل فولكس فاجن اخو السيد الدكتور حاتم بك الجبلى وزير الصحة
عيوب العربية ايه
موتورها خفيف جدا فى 28 عربية منهم فى اسعاف الجيزة غيروا مواتير لان المواتير بتبخر
العربية كلها فبر خفيف جدا وواطية على الارض
زى ما بيقولوا منظر بس
من الداخل العربيات نازلة بجهاز تنفص صناعى وجهاز صدمات اتاخدوا من معظم العربيات وتم التصرف فيهم بمعرفة المسؤولين
اللى شغالين على العربيات مش معاهم كارنية مزاولة للمهنة ومش واخدين غير دورة وحده لمدة شهر تدريب
هو الشهر كفيا انك تتعلم ازاى تتعامل مع مصاب او مريض
فى فئة منهم شالوا المصابين والمرضى وحطوهم فى كيس الجثث على انهم اموات
وفى فئة منهم سرقة المصابين ودى منتشرة جدا
وظيفة اللى عليها اسمه مساعد اخصائى ودوره اساسا مساعدة المسعف او فنى الرعاية او الممرض فى العمل لكن للاسف هنا اعتمدوا عليه اعتماد كلى فى العمل


ثانيا سيارات النمطى ( اللى هى ابيض فى احمر )
الصيانة اللى عليها كلها سرقة
العربيات تاكلت من البارومة
تصليح العربية من حساب السائق ولو مش عاجبه تروح التوكيل وادفع حساب الصيانة من جيبك
الخدمات اللى باجر مدير الاسعاف له فيها 10 % من قيمة كل خدمة
المسعف او الفنى او السائق مش ليه اى شئ من القيمة



احكيلكم واقعه فى يوم 10/5/2010
ورد بلاغ من غرفة عمليات مصر بنقل مريض بالرسوم من مستشفى المروة التخصصى بشارع السودان الى مطار القاهرة الدولى وهو مريض يمنى الجنسية ورسوم الخدمة 103 جـ بالاضافة الى 50 جـ لكل ساعة انتظار وكسر الساعة تحسب ساعة
المهم
كانت مطلوبة عربية رعاية مركزة طلعت العربية الوحيدة اللى فى محافظة الجيزة وهى موجوده فى وحدة اسعاف بولاق الدكرور داخل مستشفى بولاق الدكرور ورقمها 251 محلى
واخدوا الحالة واتجهوا للمطار وفى الطريق الفردة ضربت وكان السواق جديد دوروا على كوريك لرفع العربية لقيوه زى ما هتشوفوه فى الفيديوهات
منظر يحزن العربية تم تبليغ العطل من الساعه 01.30 ظهرا وما جتش عربية الورشة للتصليح الا الساعة 08.30 وبيوقوا احمدوا ربنا اننا رضينا نيجى رغم ان العربية على طريق الاوتوستراد وده بيمثل خطورة على العربية والطقم الموجود عليها
نسيت اقول لكم اما بلغنا بالعطل قال لنا حدد لى مكانك بالظبط قلنا يبقى هيبعتوا الورشة بسرعة عشان نكمل بالحالة اللى معانا للمطار
طلع تخمينا غلط جت تعليمات بان احنا جاية لينا عربية رقم 500 نموذج حديثة وهتاخد مننا الحالة ولازم نحصل الرسوم رغم ان عربيات النوذج بتطلع مجانا بدون رسوم نقل
المهم اما جت العربية واخدت الحالة فضلنا ملطوعين من 01.30 لحد 08.30 مساءا وانتهت الورشة من التصليح الساعه 10.30 مساءا
العربية الوحيدة العناية اللى على مستوى الجيزة تتلطع كل ده على حاجة كلام فاضى والطقم اللى عليها من غير اكل ومن غير ما يروح الحمام او يروح يشرب ومين اللى اتجنن عشان يقف ويشرب واحد على الاوتوستراد ويخاطر بنفسه وبعربيته
وممنوع انك تسيب العربية وتمشى حتى لو قفلتها
وممنوع انك تتعصب على الجهاز من جوعك او عطشك
بالله عليكم مين اللى يقدر يتحمل من 7 ساعات الى 9 ساعات من غير اكل او شرب او تواليت
الكلام ده انا متاكد منه جدا جدا
وشوفوا فى الفيديو مواقف رهيبة
نمنا على كيس الجثث عشان نصلح العربية
جبنا خشب عشان نرفع بيه كوريك العربية اصل الكوريك نونو
شربنا المياه المخصصة لتبريد العربية
ضباط المرور من الناحية التانية ومحدش معبرنا
كمين قبلينا بيشترى الشاى فى زجاجات مياه غازية
الفردة طلعت مش مفقوعه بس دى طلع كمان عيب فى الديسك وهو ده اللى خلى السواق مش عارف يتصرف فى العربية
تعالوا نشوف الفيديوهات ونشوف التعليقات









http://www.zshare.net/download/76598023964cd67d/


http://www.zshare.net/download/765981765e59192d/


لو عايز تعرف انا مهتم بالموضوع ده ليه
زور ملفى الشخصى وانت تعرف كل حاجة

[غاوى حب موت]

[ڪــــبرياء الروح]

لاحول ولا قوه الا بالله الله وراهم

[غاوى حب موت]

اشكرك على مرورك