المووضووع سري للغايه ......؟؟

[ماتركس]

السلام عليكم ورحمه الله وبركاتة
اولا مش هفكركم واقووالكم ادعوو لاامه الله
انوو ربناا يرحمهاا ويدخلها فسيح جناته يارب
اناا مووضوعي النهارده مختصر جدااا
وهووه ايه رايكم في تدخل راي الاب والام في زوواج البنت
اوو زوواج الوالد ياا تري ده من حقهم انهم يرفضووه ويووفقوو علي عريس بنتهم اختارتووو
انهاا يبقي شريك حيااته ياا تري لوو انتي او انتااا بتحب ووحده اوو واحد موووت
يااتري من حقهم يووفقوو ويرفضوو والا الموضووع ده من حق البنت وهيه
ليها الراي الاول والاخير في اختيار شريك حيااتهاا
وايه رايكم في الوالدين اللي بيقسوو علي بنتهم وهماا اللي بيقرارو شريك
حياات بنتهم ويحرمووو بنتهم من شريك حيااتهااا اللي بتحبووو
مستني ارائكم الجميله
في مووضووعي المتواضع
ويارب ماا اتحرم من مداخلتكم في مووضوعي
اخوووكم الماتركس

[جوهرةالقصر]

ربنا يرحمك يا امة الله ويغفرلك
ويدخلك فسيح جناته

وانا رائي انهم لازم يتدخلوا
ولو معجبهومش اللي البنت عايزة تتجوزه
تعرف هما رافضينه ليه
يعني يبقي في مناقشة
وايه العيوب اللي هما شيفنها وهي مش شايفاها
ولو طلعت هي متقبلة العيوب دي
وراضية تعيش معاه علي حاله
يبقوا يسبوها
لان دي في الاخر حياتها

ومش غلط ان الوالدين
يتدخلوا في اختيار شريك الحياة بنتهم او ابنهم
لا ممكن هما يبقوا شايفين حاجات هي مش شايفاها
لان اللي بيحب بيبقي مش عارف يفكر
ومبيعرفش يفرق بين الحلو والوحش

وتسلم علي الموضوع الجميل
ويسعدني اني اكون اول رد علي الموضوع

[عاشقة الهدوء]

السلام عليكم اخى ورحمة الله وبركاتوا اخى


والله موضوعك ده ياماتركس فعلا موضوع يحزن القلب والله وما اكثره والله


ياخى فى هذا الزمان تسلط الاهل وامتلاكهم لاولادهم فى حتة الزواج ده


بالذات ليه بقه لانهم بيكونوا معتقدين ان باختيارهم ده للبنت او الولد هيبقوا


مبسوطين مثلا البنت اه نختار عريس ليها ابن ناس ملو هدوموا متريش على


راى المثل والولد اه نختارلوا عروسه كده على مزاجنا بت كده زى العسل


مال وجمال وقيمه واهم حاجه برضوا تكون متريشه عشان تسندوا ده الى


فى اعتقادهم ميهمش بقه البنت او الولد مرتحاين لناس عاوزين يرتبطوا بيهم


فى الحلال او بيحبوا اشخاص معينه مش فى دماغهم اهم حاجه اختيارهم


وبس وبعدين هما ليهم صحيح ياماتركس الحق انهم يرفضوا او يوفقوا


بس لما يكون الولد او البنت عاوزين اختيار تانى ومرتاحين ليه مفروض بقه


مايعرضوش يسيبوا البنت او الولد يتحملوا نتيجة اختيارهم عشان فى الاول


والاخر يبقه ده نتيجة اختيارهم مش الاب والام وياريت كل اب وام يعملوا كده


لان مش الفلوس او الغنا هما الى بيسعدوا والله ابدا ولوا عملوا عكس كده


ده بينعكس على اولادهم بالهم والنكد والعيشه الغير سويه ويبقوا طول عمرهم

متعقدين من نتيجة اختيار اهلهم وده والله بيحصل منوا بلاوى

انا لو حكتلك والله ياماتركس عن نتائج ضغط الاهل بتزويج اولادهم نتيجة اختيارهم

مش هتخلص من القصص دى الا فعلا توجع القلب واسال الله ان يهدينا جميعا

ويهدى الاباء لينا فى حتة الزواج ده بالذات هههههههه لانوا موضوع خطير مش لعبه


وجزاك الله خيرا ماتركس على موضوعك المميز الى سبقتنى بيه لان انا كنت هعمل


موضوع شبيه ليه بالظبط بس انته سبقتنى وكفيت ووفيت ماتركس تسلم اخى

[حياتي ذكريات]

السلام عليكم

ربنا يرحمها ويعفو عنها ويغفر ليها ان شاء الله

انا عن نفسي مش شايفة غلط ان الاهل يدخلو في زواج ابنهم او بنتهم

لو كانو رافضين يبقى فيه سبب مقنع للرفض

لكن انا بعتقد الاهل ساعات مش بيقدرو يتحكمو في الأولاد زي البنت

يعني البنت ساعات الاهل بيجبروها وغصب عنها وترضى

بالواقع لانه بصراحة صعب لاي بنت انها تتجوز وامها مش موافقة

لان احلى حاجه البنت بتحسها في فرحها انها تشوف بسمة

رضا وفرح على بنتها .. لكن يمكن الولد يقدر يقرر بإيده ويقنع

اهله انه هو اللي مسؤول على حياته وهيتحمل النتيجة في الآخر

ويمكن الاهل ساعتها بيرضو بالواقع عشان عارفين ان ابنهم

لو ما وفقش يقدر يتجوز تاني .. انما البنت لما تفشل في حياتها

مش بتسلم من السنة الناس ويمكن تعد طول حياتها في بيت ابوها

فصعب البنت انها تقنع اهلها انها تتجوز واحد هي عايزاه وهما

مش موافقين عليه .. بس الاهل ساعات بيقى رفضهم غير مبرر

يعني لاما مستواه مش زيهم .. او انه وحيد امه وأبوه

او انه هيعيشها في بيت العيلة حتى لو كانت امه كويسة

بس انا بعتقد في النهاية اللي بيمشي قرار الاهل

وساعات بيبقى صحيح لانهم بيشوفو حاجات احنا يمكن مش عارفينها

وساعات بيبقى خاطئ وما حدش معصوم من الخطأ

تسلم على طرحك يا احمد .. خالص تقديري وودي

[قلـــــــــــــــــم]

الاهل لهم الحق في كل شيء يا احمد


ومن حقهم يتدخلو في اخص خصوصياتك

مين سبب تواجدك في الحياة


بالفعل الله عز وجل خلقك

ولكن جعل لكل شيء سبب


ابوك ولا والدتك لو ما رضين عليك


اقسم بالله العظيم

لو كنت بتصلي وبتقوم الليل وبتصوم السنه كلها مو شهر رمضان

والله ما راح تدخل الجنه الا برضاهم


وعلى فكرة يا اخت عاشقة الهدوء


نصيحة

لو الاهل متسلطين انت شو تكون ...........ز

كيف تقبلي ان يتنعت اهلك بالتسلط و من ابنتهم الي ما طلعت من البيضة


الله يخربيت الافلام العبيطة الي بتقلدوها عن جهل


ربي يرحمنا من ده جيل ارعن



سلمت يا احمد على الموضوع العطر

[عاشقة الهدوء]

اقتباس المشاركة الأصلية كتبت بواسطة قلـــــــــــــــــم الاهل لهم الحق في كل شيء يا احمد ومن حقهم يتدخلو في اخص خصوصياتك مين سبب تواجدك في الحياة بالفعل الله عز وجل خلقك ولكن جعل لكل شيء سبب ابوك ولا والدتك لو ما رضين عليك اقسم بالله العظيم لو كنت بتصلي وبتقوم الليل وبتصوم السنه كلها مو شهر رمضان والله ما راح تدخل الجنه الا برضاهم وعلى فكرة يا اخت عاشقة الهدوء نصيحة لو الاهل متسلطين انت شو تكون ...........ز كيف تقبلي ان يتنعت اهلك بالتسلط و من ابنتهم الي ما طلعت من البيضة الله يخربيت الافلام العبيطة الي بتقلدوها عن جهل ربي يرحمنا من ده جيل ارعن سلمت يا احمد على الموضوع العطر

اولا السلام عليكم اخ قلم حظك بقه انى فتحت الصفحه تانى عشان اشوف راى باقى اخواتى


فى هذا الموضوع وانته رميت عليه كلام غريب وافلام ومش عارف ايه ايه الى دخل الافلام فى


موضوع زى ده وبعدين كلمة متسلطين يعنى متحكمين مش كلمه وحشه يعنى وده راى فى الموضوع


لانى فعلا وعن تجربه حصلت قدامى وكتير مش تجربه واحده نتيجة تحكم الاهل فى اولادهم

ودى وجهة نظرى ياخ قلم وربنا يهدينا انا وانته وسائر المسلمين

[دمعة مبتسمة]

لابد من تدخل الأب والأم فى زواج أبنائهم لتوجيههم الى الاختيار الصحيح
لان نظرة الوالدين تكون نظرة مصلحة أبنائهم وبحكم تجاربهم يمكن أن يفرقو بين الصالح والطالح
وتدخلهم هذا يكون اعطاء ارائهم فقط
لكن ليس عليهما اجبار أبنائهم من الزواج من شخص لم يرضوه سواء للبنت أو الشاب
لان ذلك له عواقب مريرة ويمكن يؤدى للطلاق
وأعرف فتاة شخصيا تزوجت من شخص ليست راضية بيه وأهلها أجبروها على زواجه
والأن هى متزوجة ولكن هى كارهة زوجها وحياتها دائمة فى مشاكل وخنقات مستمرة وعندهم طفلة كيف ستعيش هذه الطفلة فى ظل كره بين أبويها !!!!!
والسبب فى هذه التعاسة هو الوالد الذى أجبرها
لكن للولدالدين التدخل والمنع من الزاواج فى حالة ما كان الشخص الذى سيتتزوج به ابنتهم غير صالح وفاسد الاخلاق ونفس الشئ للأبن

[الأميرة منة]

ربنا يرحمك يا امة الله ويغفرلك
ويدخلك فسيح جناته

طبعا لازم يتدخلوا لانهم ممكن مايبقوش عارفين مصلحتهم عشان لسة صغيرين

وميرسى عالطرح المميز

[special girl]

السلام عليكم ورحمته الله وبركاته:-

اولا ربنا يرحم اختنا امه الله ويكتب لها الحنه بأذن الله ويدخلها فسيح جناته ان شاء الله

ثانيا :-

الزواج هو تشارك بين شريكين كلاهما بيختار الاخر فمن المفروض الشريكين
بيختارو بعض رأي الاب والام مهم جدا والسبب انه الخبره عندهم اكبر
فمن الطبييعي تاخد بيرأيهم ونهتم له لأن اكيد اي اب وام بيكونوا عيزين مصلحه الابن او البنت.
ولكن الابن اوالبنت بياخدوا بنصيحه الاهل ولكن رأيه
م هو الاهم لأن الحياه حياتهم
وهما من حقهم يحددوا مستقبلهم مع الشريك المناسب ولكن التحاور والنقاش
بين الاهل والابناء مش غلط بالعكس هو افضل وانسب اسلوب
لأختيار كل جوانب الحياه بطريقه سليمه جدا ورأي الاهل مهم ج
دا مهما كان الرأي مختلف
عن رأي الابناء لازم نفكر في رأيهم ونفهم جوانب الموضوع وبعدين نحدد
الانسب والافضل.....

تحياتي لك احمد ولموضوعك القيم.

[♥..pure]

اولا
ربنا يرحمك يا علياء ويسكنك فسيح جناته ويغفر لك خطاياكى
ثانيا يا ماتركس
احنا المفروض نبص على الموضوع من ناحيتين
اول ناحيه اللى الاباء بيبصلها
ان بنتهم لسه صغيرة ولسه مشفتشى حد عشان تحكم
وان هما اكبر منها وعارفين مصلحتها اكتر منها
ماشى دة كلام معقول جدا طيب ما تسبوها تشوف بقى وتختار
يعنى ليه نفرض عليها بقى هى تشوف اللى والدها جيبه
ولو لقته انسان كويس وممكن كمان تحبه
اما اذا كانت بتحب واحد تانى المفروض انها تعرض على والديها الشخص التانى دة
وهما بقى يشوفوه احسن ولا لا يعنى هى بردو مش هتختار لوحدها اهوه
لو هما بقى شافم فيه حاجة وحشه او انه انسان مش كويس يقولولها السبب للفرض
ولهما يقنعوها لهى تقنعهم
ويا ماتركس كل حاجة بالخناق الا الجواز بالتفاق
وتسلم على مواضيعك المتميزة دائما