مـحـدش فـاهـم حـاجـه

[МДЯŤĒй]

السلام عليكم ورحمة الله وبركاته

يارب كل الناس تكون بخير


فى حاجه غريبه جدا يا جماعه انا مش قادر افهمها

لو نتكلم فى اى موضوع عن الخيانه مثلا تلاقى كل الناس متخانه

لو اتكلمنا عن الظلم تلاقى كل الناس مظلومه

سؤالى بقى

لما كل الناس مظلومه امال مين بيظلم

لما كلهم بيتخانو امال مين بيخون

هل ده بقى طبع فينا كبشر اننا مبنحبش نبين عيوبنا لحد

ولا احنا بقينا بنحب نعيش دور الضحايا كتير قودام الناس

يعنى نخون ونخترع لنفسنا مبرر لخيانتنا علشان نبقى ضحايا

نظلم ونخترع سبب لظلمنا لغيرنا علشان منظهرش قودام الناس اننا ظالمين

مثال موضوعى بتاع بنات الهق مق

رد عليه بنات كتيره جدا وانتقضو البنات اللى بتلبس ضيق

وقالو عليهم كلام كتيرررررررر

مع ان فى بنات من اللى ردو لبسهم بنطلونات وبديهات

ده مثل بسيط يارب اكون قدرت اوصلكو وجهة نظهرى وتكونو فهمتو انا اقصد ايه

تحياتى

مـ-ـآرٍٍتـ-ـن

[حياتي ذكريات]

السلام عليكم

شوف يا مارتن فيه بعض الناس بتخش هنا

بتحب تستعطف الناس او الناس تبين انها مجروحة ومظلومة

عشان تلفت الانتباه ليها .. دول ضعاف شخصية وكتير منهم كمان

بيحاولو يوقعو البنات في المصيدة بصراحة ...

والله اللي يدخل عالم المنتديات يطلق عليه عالم الملائكة

كل الناس اللي فيه .. مظلومة .. متخانة .. حياتهم كلها صح في صح

ما حدش منهم بيفسد في المجتمع .. يعني عالم بريئ

مش هنظلم حد فيهم اللي صادق واللي بيعمل باللي بيقوله

وفيهم اللي يقولون ما لا يعملون

احنا مش هنقدر نعرف اللي جوه القلوب .. كل واحد وهيتحاسب في

يوم على كلامه .. مش عايزين برده نظن ظن سيء في الكل

اكيد فيه مجموعه من الملائكة في الاصل معانا في المنتدى

ولكن لازم نعرف ان زي ما دخلنا بأسماء مستعارة فيه ناس كتير

بيدخلو المنتدى بوجوه مستعاره ومهما فضل يخبي علينا او

يداري وشه الحقيقي هيجي يوم يتكشف دوام الحال من المحال

تسلم على طرحك .. خالص تقديري وودي

[عاشقة الهدوء]

السلام عليكم اخى ورحمة الله وبركاتوا


شوف ياخى انته مضايق من الدنيا ليه هههههههه ده يابنى ملك ومنظموا صاحبوا وربنا

الى عالم بالعباد فيه الى يقول انا اتظلمت وفيه الى يقول انا حد خانى وبهدلنى

طيب ما اكيد انته فى يوم من الايام ظلمت او خنت فعشان كده بدوق نفس الكاس

زى ما الحكمه بتقول كما تدين تدان وفيه ياخى ناس كتير ماشيه بما يرضى الله

وفى حالها لا عمرها ظلمت حد ولا عمرها خانت حد بس سبحان الله ربنا يبليها

باشخاص تخونهم او تظلهم وسعتها بنصبر وبنتوكل على الله وهو حسبنا ونعم الوكيل

وانته بتقول على موضوعك بنات الهق والمق والردود وممكن بنات تكون لابسه عادى جدا

حاجه مش جديده بس مين الى بيحاسب الله عز وجل وكل واحد هيتحاسب على الى

هيعملوا وربنا يهدينا يارب الى مافيه الصالح لنا اللهم امين وتسلم يامارتن على

موضوعك وخليك فرش يامارتن احسن انته لو ددققت على الناس والدنيا

هتبقه مفيش خالص ههههههه دع الخلق للخالق

[المعذب]

بصراحة احنا مش ملائيكة احنا صح بنتخان وبنخون وبنتظلم وبنظلم

بس بجد قليل مننا

بجد مش عارف اقول ايه من كتر اللي انا شفتوا في حياتي

[МДЯŤĒй]

حياتى ذكريات تسلمى على مرورك الجميل

فى موضوع اشباه الرجال انا مغلطش

انا جبت الدلائل من دار الفتوى اللى صاحبت الموضوع طلبتهم

واتكلمت بكل احترام

فياريت اعرف ليه ردى على كلامها اللى شبه فى اهانه ليه اتحذف وردودها لسه موجوده

ياريت

عاشقة الهدوء

هههههههههههههههههههههههههههه

وربنا انا فرش عادى بس يعنى اصل كلنا او اغلبيتنا بنكتب اللى

مبنطبقهوش فى حياتنا اساسا


شكرا لمرورك وصح دع الملك للمالك

معذب شكرا لمرورك الجميل

[ماتركس]

السلام عليكم ياا اخي مارتن
اناا هجاوبك علي مووضوعك في كلمتين
الانساان عمره ماا بيقووال الصراحه ابداا
يعني لماا تلاقي حد مجرووح من حب لماا تقووالوو احكيلي المووضووع
عمروو ماا بيحكي بالعد
عارف ليه علشاان هوه الظالم
ولووو حكي بالعدل هتلاقيه هووه الظالم

[МДЯŤĒй]

وعليكم السلام ورحمة الله وبركاته

ماتريكس تسلم على مرورك الجميل

وكل اللى انا شايفو من كل مواضيعنا الهادفه

اننا بنحلم بنحلمنبقى صرحا حتى لو كانت الصراحه هتكلفنا ايه

بنحلم يبقى لبس الشباب كويس ومحترم مع ان ده عمرو ما هيحصل

بنحلم البنات ترجع زى زمان ايام امى وامك وجدتى وجدتك مع ان ده عمرو ما هيحصل

وكل اللى انا شايفو

اننا نواجه الحقيقه بقى ونعيشها زى ما هى

تحياتى

ليك

[тoкα..♥]

وعليكم السلام
موضوعك نفس موضوع انا عملته في قسم الاقلام
بس كنت بقول فين الشيطان بقا
الشيطان الوحش القاسي اللي مزعل الناس كلها
وجارح الناس كلها
ملقتش اجابه قولت يمكن اكون انا
فعلا انا مستغربه من الموضوع دا
الله اعلم بما في الصدور
وكل واحد بيتحاسب على اللي بيقولو
سواء كان صدق او كذب
ممنهوش افادة اننا نستعطف حد
شكرا للموضوع
::

::

[حياتي ذكريات]

اقتباس المشاركة الأصلية كتبت بواسطة МДЯŤĒй حياتى ذكريات تسلمى على مرورك الجميل فى موضوع اشباه الرجال انا مغلطش انا جبت الدلائل من دار الفتوى اللى صاحبت الموضوع طلبتهم واتكلمت بكل احترام فياريت اعرف ليه ردى على كلامها اللى شبه فى اهانه ليه اتحذف وردودها لسه موجوده ياريت

مش هينفع أرد عليك بالجواب هنا

عشان هنفتح باب وهنخرج عن الموضوع

روح أكتب في قسم الشكاوي وهرد عليك فيه

بالتوفيق ..

[فرولة]

بجد انتا عندك حق
احنا نجيد فن اتهام الاخرين لكن منقدرش نتهم نفسنا
وممكن ننتقد حاجات احنا بنعملها بس بننسى ساعتها ان احنا كده
بس اللى اتظلم بيقول انا اتظلمت لكن اللى ظلم تفتكر ممكن يقول انا ظالم حتى لو هو مقتنع بكده
ربنا يهدينا يارب
تسلم ايدك