اعدة عرب

[ندى مصطفى]

السلام عليكم ورحمة الله وبركاته
هناك فى البحيره ومرسى مطروح وسيناء
والاماكن الصحراويه دى بيعملو حاجه ظريفه اوى اسمها اعدة عرب فى عائله كبيره فى المنطقه
بتأعد الطرافين وتحل المنازعات بينهم بدون اللجؤ الى المحاكم وتحلها وتخلى كل طرف يكتب على نفسه شيك
على بياض قبل ما يبدؤا فى حل المنازعات وتصدر حكمها من اول اعده وال عليه الحق بيدفع الغرامات ومايقدرش يتكلم
علشان لو اتكلم المبلغ يزيد على طول
دى نبذه عن اعدة العرب
القصه ال انا سمعتها حصلت فى مرسى مطروح... فى بنت معديه فى الشارع وفى ولد جالس راح عاكسها بكلمه

مش اكتر من كده بعد كده البنت دى عرفت اهلها فطلبوا اهل الولد ده فى اعدة عرب واهل البنت جابوا شهود على ان
الولد ده عاكسها كان الحكم :ان الولد يتقطع لسانه 3 حتت كل حته ب20 الف جنيه يعنى اهل الولد يدفعوا 60 الف
وطبعا دفعوهم
بعد الحكم الصارم ده فى ولد يقدر يرفع عينه على وحاده مش يكلمها ولا الكل هيمشى محترم و عنيه فى الارض
وبفكركم المعاكسه دى كانت بالكلام فقط مش الهبل البيعمله بعض الشباب عديم الشهامه فى الشوارع
عيزه رأيكمفى القصه دى وهل الحكم كان ظالم او عادل؟؟
وربنا يحمى بنات وشباب المسلمين

[~®§§][][ سيد دندنة ][][§§®~]

ندى فعلا والله كلامك صح جداااااااا

لما كنت فى العريش حصل موقف

زى ده قدامى والواد دفع 60 الف جنيه

بس كل بلد وكل قريه ليها عادات وتقاليد معينة

بس اكدب عليكى لو قولتلك هما بيعمله ليه كده

والله موضوع جميل جداااااا منكى

دمتى فى ابداع

تقبلى مرورى

[ندى مصطفى]

	المشاركة الأصلية كتبت بواسطة d.g. Dandana

	ندى فعلا والله كلامك صح جداااااااا لما كنت فى العريش حصل موقف زى ده قدامى والواد دفع 60 الف جنيه بس كل بلد وكل قريه ليها عادات وتقاليد معينة بس اكدب عليكى لو قولتلك هما بيعمله ليه كده والله موضوع جميل جداااااا منكى دمتى فى ابداع تقبلى مرورى

انا بشكرك جدا على مرورك ودى شهاده اعتز بها كثيرا

[ماتركس]

السلام عليكم ياا اختي ندي
اولا بارك الله فيكي وفي موضوعك القيم
بس عاايز اقووالك شي اللي مش بيخااف من ربناا اللي خلقه
معقوواله هيخاف من العبد
قبل كل شي لازم الواحد يخاف ربناا ولوو خاف من ربناا وعمل حسااب
اني في دنياا واخره وفي حسااب في الاخر عمروو مهيعاكس
والا هيغضب ربناا لكن لوو مخفش من ربناا
عمروو مهيخااف من الناس
ومنتحرمش من موضيعك القيمه ياا ندي
ومنوره المنتدي يا ندي

[فرولة]

احب احييكى على الموضوع اولا
بجد هيا ممكن تكون عقوبه رادعة تخلى اى حد يخاف انه ميدفعش فيتقطع لسانه او اى حكم اخر يعنى لو مفيش فلوس اكيد هيتنفذ الحكم ضده
بس ليه ليه نستنى لما الناس البشر تحكم علينا ولو الناس محكمتش ومحدش عاقبنا هنروح فين من عقاب ربنا
بجد كنت اتمنى ان كل واحد يصلح من نفسه لوجه الله مش علشان هو خايف من البشر
ليه للدرجادى بقينا نخاف من الخلق ولا نخاف الخالق
لا حول ولا قوة الا بالله العلى العظيم
انا لله وانا اليه راجعون
ربنا يهدى شباب وبنات المسلمين
تسلم ايدك ياقمر

[حياتي ذكريات]

السلام عليكم

طب كويس ان فيه قعدات كده في دول مصر وبيرضو بالشروط

بس دي أكيد في بلدان وقرى معينة معروفه عندها الحكاية دي

ما عندناش احنا حاجه اسمها اعده عرب وما اعرفهاش الا منك

وبعتقد لو اتعملت اعده العرب دي عندنا ما حدش بيلتزم بالشروط

وهتقلب القعده لخناقة .. عندنا في بلدنا كل حاجه بتتاخد بالقانون

يعني لو البنت اتعاكست عايزة تاخد حقها تروح ترفع قضية

انما قعده عرب ما عندناش الحكاية دي

بس حاساها فكرة حلوة برده بدل البهدله بتاعت المحاكم

وعقبال اصلا ما يصدر الحكم يكون عدت سنة واتنين

وكويس ان الكل بيلتزم بالشروط وبيعملو باللي يشترط عليهم

بس بصراحة الحكم قاسي اوي على الولد تلاقيه بعد كده

هيحرم يبص في وش بنت خالص وبرده الشباب اللي عارفينه او

سمعو بقصته هيتعظو منه ويخافو على نفسهم

تسلمي على طرحك .. خالص تقديري وودي

[محمد الشريف]

يقول الله تعالى :


" إن الله لايستحى من الحق "

وهذ الجلسات التى يطلق عليها ( قعدة عرب ) تحسم كثيرا من الخلافات التى تقع

فى تلك المناطق عموما حفاظا على العادات والأعراف والتقاليد التى تعد بمثابة

القوانين ، وهى تتطلب الالتزام بها خشية تطبيق العقوبات التى تصدر فى تلك

الجلسات ، وهى ليست قاصرة على نوع محدد من الخلافات ولكنها تتسع وتشمل

كافة الأحوال التى تصدر ممن تستدعى عقدها من أجله .

وسبحان الله الذى لايغير ما بقوم حتى يغيروا ما بأنفسهم والله الهادى لحسن

الصواب .

مع تقديرى