محتاجكم جنبي ومحتاج رايكم ضروري .....؟

[ماتركس]

السلام عليكم ورحمه الله وبركاته
ازيكم ياا احلي اخووات في الدنياا عرفتهم
اناا عندي مشكله عايزم تقفوو جنبي وتقووالووالي اعمل ايه
اناا مسافر الامارات بقالي فتره انا سافرت واناا وصغير وبقالي فتره كبيره بعيد
عن اهلي ابوويه وامي واختي واخوويه
المشكله في الاتصال بيني وبين اهلي
هيه مش مشكله اني مش قادر اتصل بيهم لا بالعكس
هماا عندهم انترنت زي بالظبط واناا عندي انترنت
المشكله اني مبحبش اكلمهم مش بحب اكلمهم
وبالذات اختي الصغيره وامي
اناا كل ماا بيقووالووالي افتح النت اقووالهم فااصل ومرات اقووالهم عندي شغل
وبتهرب منهم عارفين ليه علشاان كل ماا بكلمهم امي واختي بيعيطوو عليااا
وبيعطوو واناا بكلمهم واناا مش بقدر امسك نفسي وبعيط زيهم
بيقووالووالي عايزين نشووفك وتبقي وسطنااا
واناا مش قادر اروح من نااحيتين او نااحيه اني هارب من الجيش يعني التجنيد فادني
ولوو روحت هدخل السجن
وتاني شي اني مااضي عقد ب5 سنووات معا الشركه
والله احترت ياا جمااعه واناا والله بحبهم اووي وبحب اتكلم معااهم بس
الواحد بيصعب عليه اهله لماا بيعيطوو الواحد بيقووال لماا يبطل يكلمهم يمكن شوويه شوويه
ينسووه ومعاا اني عارف انهم مش هينسووني
ياا تري ممكن الاقي عندكم حل لياااا
اخووكم في الله ماتركس

[جميلة مصر]

بصراحة انت غلطان انك هربت من ا لتجنيد

انا لو مكانك اخلينى فى شغلى عشان العقد وبعد الخمس سنين انزل و اروح لاهلى واخد التجنيد لو ينفع

بس بجد ربنا معاك ةيوفقك

[عاشقة الهدوء]

السلام عليكم اخى ورحمة الله وبركاتوا


ربنا يصبر اهلك ياخى على بعادك وسفرك ده اللهم امين ويصبر ك انته كمان على

بعادهم والله ياخى مش عارفه اقولك ايه كلمهم ياحمد واوعى تبخل عليهم

بكلامك ليهم واوعى تتهرب منهم تانى وفهمهم ان انته فى شغلك وده شغل

وان انته زى ما بتقول ماضى عقد معاهم وفهمهم الوضع وقولهم كمان مش انا الوحيد

الى مسافر ومتغرب عنكم ياما شباب زى كده متغربين وبيقعدوا بالسنين فى الغربه

ولازم تتعودوا على غيابى لحد ما ربنا يقدر ليه انى انزل وتشفونى وربنا ينجيك من

حكم التجنيد ده وحاول انك تشوف اى حد يساعدك فيه وربنا ينجيك ياحمد انته

والى زيك كده واخويه كمان متغرب زيك كده ربنا يفرج عنكم كل هم وضيق اللهم امين

بس اوعى ياحمد تبخل على اهلك انك تكلمهم ولازم تكلمهم وطمنهم عليك او ل باول

انته فى غربه وهما بيكونوا محتجاين يسمعوا صوتك ويطمنوا عليك اوعى تحرمهم

من كده واسال الله العلى العظيم ان يفرج عنك ما انت فيه ويصلح لك حالك ويهون

عليك كل صعب اللهم امين

[رحيق الجنه]

ماتركس ربنا يرجعك ليهم بالسلامة
الحياه العملية الواقعيه بعيده تمام البعد عن المشاعر
انا فى سن 12 سنه امى تركتنى وسافرت لتعيش مع اخويا
لما بكلمها ببكى لكن تعودت وعودتنى على القوة

انت لازم تكون قوى ولازم تقويهم على بعدك
الانترنت بيقرب الجميع يشوفوك وتشوفهم
اياك ان تضيع مستقبلك وحياتك من اجل عاطفة

فالحياه التى تذهب لا تعود
تكلم معهم جميع الوقت
عودهم على وجودك على الانترنت
فيتعودوا على بعدك وتتعود انت ايضا
ومن هنا هتقدر تكمل حياتك وتبنسى مستقبلك

انا اخى لم اراه لمده 11 عام لم اراه الا من سنه عندما توفت امى
لكن تعودنا الكلام عبر الانترنت وتعودنا على حالنا هكذا

ارجو ان اكون قدمت لك بعض النصح
فلتكن قوى فى حياتك العملية
ولتترك عواطفك وشغفك بعيدا
فالحياه ماهى الا فرص

تحياتى وامنياتى لك بخالص التوفيق والصبر

[ساري الليل]

كثر المكالمات معاهم حتلاقيهم اتعودو عليك بالتوفيق

[جوهرةالقصر]

انا شايفة انك تكلمهم
وتفهمهم حكاية عقد الشركة
وان بعد العقد ماتخلص مدته
انك هتنزل علي طول
وبعدين سبب بكاهم
لما انت بتكلمهم
انهم بيفرحوا وبيطمنوا انك بخير
وكمان بيفرحوا انهم سمعوا صوتك
واطمنوا عليك
يعني دموع فرح
وحكاية التجنيد لازم واكيد لها حل
لان كل مشكلة ولها حل
بس انت دور كويس واكيد هتلاقيه
وربنا معاك ييسرلك الامور

[Sєяєєη●•ʚɞ]

اولا بشكرك ياماتركس على التوبيك وربنا يرجعك بسلامة ليهم
ثانيا: ماينفعش تتهرب منهم لان الهروب دا ضعف بالعكس طالما النت موجود يبقى بيقصر المسافات كتير ودا بيساعدهم وبيطمنهم عليك اكتر لانك كل اما تبعد كل اما هيزيد قلقهم اكتر وهيحسوا بلامبالاة منك...
اتكلم معاهم وطمنهم عليك دايما وهما بالتدريج هيتعودوا وهيقدروا ...!!!
اى اب او ام بيقلقوا على ولادهم وخصوصا لو كانوا فى غربة لانى شفت دا فى البيت عندنا مع اخويا ال مسافر بس بالتدريج بيتعودوا ... ماما كانت بتعيط برضة فى الاول كدة بس شوية بشوية اتعودت لان الاهل يهمهم مستقبل ولادهم... وطالما انت اخترت الغربة يبقى لازم تتحملها لاخر دقيقه علشان تحقق ال بتتمناه والحياة العمليهه دايما فيها صبر وتحدى وقوة ارادة...وربنا يوفقك

[~®§§][][ سيد دندنة ][][§§®~]

عارف ياحمد كل ماشوف كلامك

على مضوع الغربه ديه

بترجاع جداااااااا على سفرى

رغم انا الوحيد على امى واختى

ومفيش حد تانى من بعدى لما اسفر

بجد هيه الغربه وحشه اوووووووى

بس فعلا هنا فى مصر مفيش شغل

وغصب عننا بنسافر خارج بلدنا ونتغرب

بجد ربنا يصبرك انت على الفراق

هو اصعب شئ فى الدنيا

بس كلمة من اخوك بجد

ارجع ياحمد وسط اهلك وناسك

دانا لسه مش سفرت امى واختى

بيعيطو عليا قبل ما اسافر امال لما اسافر بقى

هيعمله ايه بجد ياحمد صعب شئ فى الدنيا

هو فراق الاهل

وياعم متخافش من موضوع الجيش ده

والله مش هتتحبس ولا حاجة

انا كنت فى الجيش وعارف اللى هما هيعمله معاكى

هتتدخل الجيش بس هيزيد سنه زيده عليك

اما حبس لالالالالالالالالالا

وبردو فى الاخر احب اقولك

انت شايف مصلحتك اكتر مننا

انا بجد خايف اقولك على شئ

يطلع مش لصلحك فى الاخر

بس حبيت اقولك ان اصعب

شئ فى الدنيا هو فراق الاهل

[AnGeL SenSe]

يا نهااري هارب من التجنيد ومخايفش نبلغ عليك ههههههه
لا بجد ربنا معاااك يا احمد يااارب شوف بقى متحرمش اهلك من صوتك وكلامك معاهم
وفي نفس الوقت مضيعش مستقبلك يعني افتح دايما الايميل وكلمهم بالمايك وبالكاميرا
بكدا كل يوم بتبقى كانك قاعد وسطيهم وبتشفهم وهمن كمان هيتعودو على كدة ومش هيعيطو
بجد ربنا يكون معااك يااارب لازم نضحي عشان حجاات كتير عشان نعرف نعيش والحمد لله يا احمد
حسهم معااك في الدنيا وربنا يديهم طولة العمر فا متحرمهمش منك ولا من كلامك معاااهم
همن يمكن في اول المكالمة كدا بعيطو بعديها بشوية هتلاقيهم زي العسل بتكلمو ويضحكو معااك
انا كنت كدا لما اخويا الكبير سافر مصر عشان الجامعة واحنا هنا في الخليج كنت في اول
المكالمة اعيط وبعدين بشوية اقعد اتريق علية وقولو فينك يا بعيد ههههههههههه عشان
لو هنقعد نعيط مش هنخلص والله فا انت كل يوم كلمهم وخلي بالك من شغلك ومستقبلك
وترجعلهم بألف صحة وعافية يااااااااارب وربنا يدي ست الحبايب واختك طولة العمر يارب
ولا تتحرم منهم وربنا يوفقك ويكرمك ياااااااارب وخمس سنين هيعدو بسرعة ان شاء الله
وترجع لبلدك واهلك بخير يارب

(وروح دلوقتي كلمهم بسرعة لتطق في دماغي وابلغ عليك الجيش ههههههههه )
المهم انت متزعلش نفسك اهلك ان شاء الله هترجعلهم بخير وهمن هيكونو بيستنوك
بالف خير وترجع مصر ان شاء الله ويبختك يا عم انت قاعد في الامارات هههههههه
وربنا معااااااك يارب وخليها على ربنا وهونها وتهون ان شاء الله

اسفة على الاطالة ....تحيااااااااااااااااااااااتي اختك angel

[Bright Brain]

فيه حل بسيط خالص
ومنغير زعل
حاول تكلمهم على الفاضي والمليان
وعلى طول
لغايه ميحسوا أنك موجود معاهم
(الكل عارف الإنترنت بيقرب أد إيه )
يعني كلمهم على طول حتي يتعودوا على الامر
وكمان أنت تتعود
سلام