عندما تغتال حياة الطفوله على يد طبيب ادخلوا لعلكم تستافيدوا ؟؟؟؟؟

[توتى2001]

ياااه تجربه مؤلمه مريت بيها منذ صغرى حتى شبابى وكانت بدايه المأساه كالاتى طفله فى سن الثانيه تعانى من حساسيه مزمنه لكل شىء وهناك طبيب الاطفال الخاص بنا كتب لامى دواء لى واعطته لى لمدة 7سنوات لانى ارتحت على هذا الدواء وماما لما كانت بتأخذنى للمتابعه عنده يكرر لى هذا العقاروبعد كل السنيين اللى فاتت 7سنين عرف فجأه ان الدواء يسبب خمول وكسل للجسم وفاتح قوى للشهيه له اعراض جانبيه اخرى على الغدد الصماء ااااه بس بعد ما الدنيا خربت ادى طبيب المفروض انه استاذ فى طب الاطفال جنى على طفله ودخلت فى حلقه مفرغه هى واسرتهاواسمها السمنه( تخيلوا وزنى كان كام فى عمر 9سنوات ؟؟؟؟!65كيلو) واللهى حرام اتعذبت رجيم ورياضه وحرمان من اكل الانواع اللى الاطفال بتحبهاواعشاب وابر صينيه وجلسات باجهزة كهربائية لسنين طويله وكمان اخصائين السمنه احتاروا معى كنت باعمل اقسى انواع الانظمه الغذائيه ولكن دون جدوى افضل سنه اعمل رجيم وانزل 9كيلو ههههههههههه وكانت نفسيتى مدمرة محرومه من اللعب مع انى كنت باشترك فى جميع الانشطه المدرسيه تمثيل وزهرات والاذاعه المدرسية والبرلمان وكمان فى اللياقه البدنيه حتى تحية العلم انا كنت باحيها والمدرسه كلها بتردد ورائى وكل هذا لاثبات شىء محدد انى زى اى انسان واحاول بكل اجتهاد اتفوق واتميز عن الباقى لاجبار الجميع على حبى وتقديرى وتميزى عن اى طفل نحيف لان كان هناك كلام بيأذى مشاعرى من تريقة الكبير والصغير لى كانى مخلوق غريب من كوكب تانى وكبرت وكبرت معايا همومىويا ريت بتقل لابتزيد الوزن يكبر والشتائم من الاطفال والشباب والتريقه تلاحقنى حتى وانا ماشيه مع اسرتى او اصحابى شوفى مدى احراجى وكسرة نفسى وانا عامله انى مش واخده بالى ولما ارجع البيت اجلس ابكى ياه كل ما افتكر تلك الايام ابكى على عمرى اللى راح بسبب غلطه ماكنتش السبب فيهامن البدايه ايوة انا شاركت فيها لما كنت بيأس من النزول اوقف الرجيم يرجع جسمى يزيد اكتر وهكذافى دائرة مفرغةلسنين حتى اللبس كنت بالبس اكبر من سنى لان ليس هناك مقاسى ذلك وانا طفله بعد كدا لما دخلت الجامعة وصلت للتفصيل لان لايوجد مقاسى ولما كنت بأنزل مع اصحابى اواخواتى نشترى لهم ملابس جديده وليس لى طبعا اتصدم لما الاقى الانسه او الاستاذ اللى بمحل الملابس يأتى لى انا ويقولى حضرتك مالكيش مقاس هنا واحرج اصلا انا مسالتوش طيب ليه كده حتى انا كنت بأختار لاصحابى اللبس اللى نفسى اللبسه ولما اشوفهم لابسينه افرح ولما اسمع كلمة مديح على لبسهم افرح كأنى انا اللى لبساهوعندما تخرجت واشتغلت كنت اسمع كلام من المرضى انتى حلوة وامورة يادكتورة مابتفكريش تخسى انتى سايبه نفسك كده ليه وهنا بدأرد فعلى العنيف فى الرد على الكلام (مالكوش دعوه ,انا عاجبه نفسى,انا عايزه كدا)وفعلا بدأت اتاقلم مع هذا الوضع المفروض على بالاجبار ودخلنا فى مشكلة الارتباط كل ما يأتى عريس يتهرب منى لانى وزنى كبير بمعنى اصح دبدوبه اه بس جميله واتنازلت عن طلبات اى بنت وكنت بدأت بالموافقه على اى شخص به عيوب او طمعان فى واصبت بأمراض السمنه من ظغط دم عصبى(حبه تحت قوى و حبه فوووق قوى)وكمان الكريسترول العالى ولخبطه بالهرمونات كل ده بسبب السمنه القاتله وكنت فى يوم جالسه مع صديقى التلفزيون كالعاده بعد يوم شاق ومرهق بالعمل سمعت (برنامج الناس وكان مقدمه الفنان القدير حسين فهمى مستضيف الطبيب الكبير العالمى الشهير صاحب القلب الكبير الحنون صاحب الانامل الذهبيه اللى غيرت حياة كتير من الناس بعد ربنا من اللاحياه الى الحياه الدكتور (خالد جودت)ومعه احد المرضى) للاسف مشمتذكرة مين بالضبط وجلست اسمع وانصت بأهتمام لكل كلمه وكل حرف وتانى يوم قلت لبابا وماما انا عاوزه اعمل العمليه عند ذلك الطبيب بس طبعا عارفين مشاعر الاب والام من التخوف من كلمة عمليه وكمان (الفنانه القديره سعاد نصر) كانت لسه متوفيه بسبب عملية شفط وكمان اختى صيدلانيه ومسافره بالخارج بصحبة زوجها واطفالها شافت ديانا كرازون وذلتنى بيها تقولى مش قادره تستحملى سنه ديانا عملت رجيم سنه وخسيت خالص وبعد فترة هدأالموضوع وكأنى ام اشاهده بأقلب بالتليفزيون واشاهد برنامج العاشرة مساءاكانت هناك الفقره الطبيه وانا باستمتع بتلك الفقرة مع ذلك الطبيب والسادة الاطباء الضيوف وبأكتسب منهم اشياء كتييرالمهم كان هناك الدكتور (خالد جودت)ومريضه مختلفه فى تلك المره وانصت باهتمام وصحيت بابا وماما علشان يتفرجوا معايا على اعجاز ذلك الطبيب بس معرفش اوصله ازاى وبعد عدة شهور وقع بيدى مجله بها حديث فنى مع ديانا كرازون وهنا عرفت سبب التغييريعنى مش رجيم زى ماكانت اختى فاكرةوطلبت من دليل التليفون الرقم فأعطانى رقم العيادة الاولى واتصلت وبعد كده اعطونى الناس مشكورين الرقم الجديد لطبيب وهنا كانت اللحظه الحاسمه وخطوت اول خطوة بحلم حياتى ذهبت الى( الدكتور خالد جودت )فعلا انسان مهذب ومحترم وفوق كل هذا متمكن وعبقرى فى هذا المجال وقررنا عمل العمليه مع العلم انى لم اسأل عن الطبيب أواعلم عن أى طبيب اخر بيعمل هذة العمليات وكأن القدر وربنا بيبعت الدكتور خالد كل شويه امامى ليخبرنى الله ان الفرج ان شاء الله قريب على يده ويوم العمليه كانت امى وابى يبكون متخوفين من العمليه ولكن انا كنت فرحانه قوووووووى مستنيه لحظة ميلادى الجديدةوعمرى ما انساه12/2007 /26 يوم الاربعاءحتى كانت هناك حاله بغرفة الافاقه و(الدكتور فهمى دكتور التخدير) جلس يتكلم معى ويضحك معى لكى لا انتبه للحاله التى بالافاقه لكى لااضطرب مشكورا وفعلا انا باحترمه واكن له كل حب وتقدير لخوفه على مشاعر المرضى حتى لايضطربوا من العمليه ولكنى اخبرته انا فرحانه ولست خائفه لانى مع طبيب ماهر وكوكبه من الاطباء المساعدين للدكتور خالد والدكتور فهمى والتمريض فعلا 1000000 شكر على كل المجهود المبذول ودخلت غرفة العمليات مستنيه اللحظه الحاسمه بين الموت والحياه بكل معانيها الجميله واتعملت العمليه وزارنى طبيبى الماهر الدكتور خالد للاطمئنان على حالتى وكتابة التعليمات والادويه والفيتامينات وضحكت معه وقلت له (اهوه عملنا العمليه هأخس امتى )وفعلا بدأ النزول بالوزن مع اتباع تعليمات الطبي بكل دقه ايوه كان هناك الم بسيط ولكن كله يهون علشان حلم العمر كله( بعد اسبوعين نزلت9كيلو فاكرين اللى نزلتهم فى سنه وهكذا الاسبوعين التاليين 7كيلو) ونزلت من 127 وده كان وزنى ليلة العمليه انا وزنت نفسى ليلتهاودلوقتى65كيلو وشكلى بدأ يتغيروكنت ساعات كتير اقف امام المرأه مش عرفه نفسى مين دى؟ وجمالى وملامحى ظهرت فعلا[دكتور خالد مهما اشكرك او امدحك لن اعطيك حقك وقيمتك حضرتك بالنسبه لى[الاب الثانى لى (فوالدى سبب وجودى فى الدنياوتحقيق احلامى وامالى وحضرتك سبب سعادتى واملى وحياتى فى الدنيا )

والدنيا احلوت فى عنيا وبقت بالالوان ههههههههههههه انا هأغنى زى سعاد حسنى الدنيا بقى لونها بمبمبى وتعمدت ادخل المحلات اللى احرجت بها وكنت اختار ملابسى من محلات معروفه انها للاحجام الصغيره فقط والله كمان كنت ملاقيش مقاسى اقول بكل فخر وكبرياء انتوا المقاسات عندكوا كبيره وكانوا يقفوا يبحثوا عن مقاسى ياه احساس جميل يجيبوا المقاس اللى على المنكان لانه اصغر مقاس وقليل لو جاء مقاس حد وكمان بظبطوه والكل يقف منبهر بشكلى ويقولو مانيكان كأنه معمول لمقاسك بالضبط ياااه احساس روعه وكمان التريقه والشتائم بتاعت العهد البائن الله لايرجعه ابدا تحولت الى عبارات من المديح والغزل والاعجاب بيحسسنى بانوثتى يا ريت كل واحدة مترددة فى أتخاذ هذا القرار لاتتردد وتضيع عمرهافى معاناه من الممكن التخلص منها على يد (الفنان العالمى الذى يستخدم اصابعه الذهبيه فى تغيير الحياهويرسمها ويلونها باللوان الحياه الممتعه الدكتور خالد جودت) لك منى كل شكر وامتنان وحفظك الله ورعاك لنا ولاسرتك ولكل مريضه وبدين ترسم على وجه ابتسامه لن ينساها مدى الحياه

[/color]

[Silver Flower]

مبروك النزول يا قمر
وشكرا لعرض تجربتك

[توتى2001]

يمكنكم دلوقتى تدخلوا على اليوتيوب وتشوفوا انجازات دكتور خالد جودت

[fatloos]

بالتوووووووووووووووووفيق

[جنتل مان]

[توتى2001]

ازيكم يا بنات وحشتونى انا عملت جروب على الفيس بوك يا ريت تدخلوا تشوفوه اسمه لنقضى على السمنة المفرطةhttp://www.facebook.com/group.php?gi...8455374http://
وعلى فكره دكتور خالد جودت هيطلع مع الحالات 3 اللى كان عامل لهم العمليه مجانا على قناة المحور يوم 24/11موافق يوم الاربعاء القادم فى برنامج ساعة مع شريف الساعة 7 مساءا بتوقيت القاهره اوعوا تنسوا تتفرجوا عليه علشان تقدروا تشوفوا الفرق قبل وبعد مع الناس علشان تتأكدوا من النتائج المذهله وغير كده انا سمعت ان هناك مفاجئات كتيييييييير يمكن يعمل عمليات تانيه مجانا وتكون من نصيب اى حد منكم ما فيش حاجه بعيده عن ربنا اوعوا تنسوا هاااااااااااااا

[ملاك الصمت]

بجد تسلمي على عرض التجربه


دي موضوع بجد مميز

تقبلي مروري