المجاملة بين الصدق والنفاق الاجتماعى

[fankosha]

أردت ان تشاركونى النقاش حول موضوع اصبح يسيطر على حياتنا سواء فى جانبها العملى أو الخاص الا وهى المجاملة
جميعا يدرك أن المجاملة اللطيفة مطلوبة أحيانا فى عدة مواقف تفرض نفسها على أسلوب تعاملنا مع الطرف الاخر,أحيانا من أجل دافع انسانى بحث مثلما تكون لرفع معنويات لشخص لتشجيعه على الافضل,وأحيانا كثيرة تكون بدافع قضاء عمل معين ننتظره من الاخرين نجد أنفسنا مجبرين علي القيام بها
ولكن عندما تصبح المجاملة أمر تفرضه علينا ظروف الحياة فى الوقت الحاضر والتى طغت على تفاصيلها المادة قبل كل شئ,وعندما تصبح المجاملة تقع ضمن نطاق النفاق الاجتماعى ,وعندما تصبح غاية لبعض المتسلقين لتحقيق اهداف فى نفوسهم, أعتقد بأنها تصبح أسلوبا وتصرفا يقضى على الصدق فى التعامل وبأنها ستكون فى اغلب الاحيان على حساب حقوق أناس أخرين ارضاء لمن يتقن فن المجاملة ,وبأنها ستتعدى كونها مجاملة بل ستصبح نفاقا وخداعا
شاركونى النقاش بالاجابة على تساؤلاتى
هلى انت مقتنع بالمجاملة كأسلوب للتعامل؟
هل انت انسان مجامل بشكل كبير؟
هل جاملت أحدا فى موقف كان يجب أن لاتجامل فيه؟
هل ترى فرقا بين المجاملة والنفاق الاجتماعى؟

[فرولة]

هلى انت مقتنع بالمجاملة كأسلوب للتعامل؟
بصراحه لا خالص يعنى ممكن لما يكون طفل صغير وتقوله ايه الهدوم الحلوه دى او ايه القمر ده ماشى ده طفل وعادى لكن الكبير لازم تواجه بعيوبه وتعرفه الصح من الغلط بس برده تقول رايك بصراحه مش بوقاحه
هل انت انسان مجامل بشكل كبير؟
بصراحه لا وده مزعل منى ناس كتير تقريبا الناس بقت بتحب اللى يدحك عليها والصراحه بقت بتزعل
هل جاملت أحدا فى موقف كان يجب أن لاتجامل فيه؟
استحاله اعمل كده طبعا
هل ترى فرقا بين المجاملة والنفاق الاجتماعى؟
لا مفيش فرق كله نفاق وكدب وغش وخداع لازم تواجه الناس بعيوبها علشان تبدا تصلح من نفسها لكن لو فضلت تجاملهم وانتا متاكد انهم غلط تبقى منافق

وتسلم ايدك

[نانـــــو]

شاركونى النقاش بالاجابة على تساؤلاتى
بس كده نشاركك يا اختى ههههههههههه
هلى انت مقتنع بالمجاملة كأسلوب للتعامل؟
اكيد لا مفيش احسن من الصراحة حتى لو بتوجع
تتوجع احسن من انك تفضل مخدوع
هل انت انسان مجامل بشكل كبير؟
بصى ياقلبى فى مواقف تحتم عليا انى اكون مجاملة
احسن منى اجرح الى قدامى
انا بفضل انجرح ولا اجرح
هل جاملت أحدا فى موقف كان يجب أن لاتجامل فيه؟
اه
مرات اخويا فى الخطوبة كانت بتسئلنى على طباع اخويا فكنت بجامل

هل ترى فرقا بين المجاملة والنفاق الاجتماعى؟
اه فى فرق مجاملة بتراعى فيها مشاعر الى قدامك
خايفة تجرحيه
انما النفاق ده من اجل مصلحته الشخصية
يسلمووووووووووووو ياحبيبة قلبى ويارب اكون عرفت اجاوب صح
تدينى كام بقى يا ايمى من عشرة ههههههههههههه

[المناور]

موضوع جدير بالطرح
شكرا على الموضوع
__ __
بين المجاملة والنفاق خيط رفيع
ومن الأمور التي يصعب التفريق بينها بشكل كبير
فالنفاق هو المديح من دون الحقيقة والشكر له ولو لم تكن هذه هي الحقيقة
اما المجاملة :
أسلوب كلامي جيد يستخدم للتشجيع ونحن في حياتنا اليومية نحتاج لمن يشجعنا ويرفع من معنوياتنا ..وهذا أمر جيد ..يحتاج أن نتقنه لآ أن نسترسل به
ولكن غالباً ما نسيء استخدام المجاملة لتصبح رياء وكذب
فتجد من يريد ان يتكلم او يريد ان يوجه نقد لشخص ما بكل بساطه يحافظ على شخصيته المزيفه امام الناس ويتكلم باسم مستعار_ والمنافق دائما حريصاً على التخفي لأنه أول مَن يعرف مدى حقارة ما يفعل
ولكنهم لا يعلمون ان اسمائهم فقط هى المستعاره ولكن شخصياتهم واضحه وضوح الشمس
والسؤال المفقود _> لماذا كثر النفاق بين الاصدقاء؟
لانه لم يبقى من يفهم كلمة صداقه بمعناهاالاصيل الا من رحم ربي
النفاق هو سلوك انتهازي أي إظهار عكس ما نبطن
اما المجاملة سلوك يتّبعه الإنسان لغاية اجتماعية القصد منها التودد والتقرب وإظهار الألفة

اذن المنافق لا يبتغي الخير أبدا
فقال ابن عقيل : النفاق هو إظهار الجميل ، وإبطان القبيح ، وإضمار الشر مع إظهار الخير لإيقاع الشر،

أما المُدَارِي ( وهو المجامل أيضا ) فلا يضمر الشر لاحد ، ولا يسعى في أذية أحد في ظاهر ولا في باطن ، ولكنه قد يظهر المحبة والمودة وحسن المعاملة
ونحتاج من المجاملة القدر الذي يكفي فقط لإظهار تقديرنا واحترامنا للآخرين ولا شيء آخر،
وليس مثل ما يحدث عندنا فى المجتمع الواقعى
وهي التي تدفع بالشخص أو المسؤول إلى التنازل عن مبادئه الكبيرة من أجل إرضاء طرف آخر
تحت مبررات يختلقها لنفسه
وأبسط الطرق لكي تبتعد عن النفاق هو السكوت حتى لا تقع بين حيرة المنافق
تحياتى

[رووكه]

هلى انت مقتنع بالمجاملة كأسلوب للتعامل؟

بختلاف نوع المجامله بس اليومين دول بقى اسمه نفاق مش مجامله وانا مش باخد بيه اصلا

الصراحه هى المطلوبه لو جاملت حد فى مره هو اللى هيتعود على كده ويتعمد انه يوصلك

للمجامله كل مره يبقى ليه من الاول لازم اكون صريحه واللى يحصل يحصل

هل انت انسان مجامل بشكل كبير؟

هههههههه انا مدب بقول للعمى انت اعمى مش هنافق

هل جاملت أحدا فى موقف كان يجب أن لاتجامل فيه؟

لا

هل ترى فرقا بين المجاملة والنفاق الاجتماعى؟

اه فيه

بصى فيه مجامله انك ترفعى من روح معنويه لحد ممكن يكون تعبان او فيه تشويه يجبرك فى الوقت

ده انك تحسسيه انه مفهوش عيب ديه المجامله من وجهه نظرى انما اجامل علشان حاجه تانيه استحاله


النفاق الاجتماعى

كارثه الناس بتستغلها علشان توصل لتحقيق اى غرض حتى لو كان على حساب غيرهم للاسف


ايمى وحشانى جدا وموضوعك موجود بشكل فوق الفظيع للاسف ربنا يرحمنا ويكفينا شر المنافقين

تسلم ايديكى يا قلبى وربنا يوفقك يارب

[special girl]

السلام عليكم

ايمي بجد والله وحشاني نورتي المنتدي من جديد
المجامله بكل انواعها شيء كويس ولكن في حد معين
يعني لو زادت المجامله عن حدها بتنقلب الي نفاق اجتماعي
ولكن المجامله كنوع من المدح وبصدق دون كذب
او نفاق ولكن المشكله ان المجتمع فاهم مفهوم المجامله خطأ
في مجامله بتكون مجرد مدح بسيط او كشكر وبكن
في مجاملات اخري بتكون كذب او مصلحه ومن هنا بيكون الاختلاف والفرق بين
النفاق والمجامله.

تحياتي لكي

[محمد الشريف]

هل انت مقتنع بالمجاملة كأسلوب للتعامل؟


المجاملة أمر اجتماعى تتطلبه الظروف الداعية له ومن أمثلتها

تقديم التهنئة للجيران فى مسراتهم وللزملاء فيما يلزم لمناسبته

وتلك واجبات تؤكدها المعايشة فى المجتمع وبين الناس

هل أنت إنسان مجامل بشكل كبير؟

التوازن فى تصرفات المرء خير وسيلة للتعامل

بلا اسراف ولا تقطير فى المعاملات الاجتماعية

هل جاملت أحدا فى موقف كان يجب أن لاتجامل فيه؟

يحدث أحيانا ولكن العبرة بما يستدركه الإنسان فيما بعد

بحيث يصوب من تصرفاته فلا يندفع بل يتريث

هل ترى فرقا بين المجاملة والنفاق الاجتماعى؟

لاشك شتان وفارق كبير بل لاوجه للمقارنة بين الأمرين فالمجاملة أمر

طبيعى ...أما النفاق فهو الزيف والخديعة

[فيروزه]

	هل انت مقتنع بالمجاملة كأسلوب للتعامل؟ لا مش ديما او مش في كله انا شايفه اننا ممكن نجامل بس بحدود بس لو الشخص الي قدامي تعاملت معاه وعارفاه مش هيزعل مني وفاهمين اسلوب بعض عادي طبعا هل انت انسان مجامل بشكل كبير؟ والله علي حسب بس اكيد مش المجامله الي تخلينااا انافق يعني يعني مش يبقا شخص اسلوبه وحش واقوله لا انت احسن حد في الدنيا هل جاملت أحدا فى موقف كان يجب أن لاتجامل فيه؟ يعني شويه لما بحس اني لازم اجاامل يعني لو حد رايك فيا ايه هقوله انت حد كويس بس لو تعرف تتخلص مثلا من الغرور او من العصبيه بس بطريقه لطيفه يعني هل ترى فرقا بين المجاملة والنفاق الاجتماعى؟ النفاااق بيبقاا بزيااااده يعني يقوله انت احسن حد وانتي اجمل بنت والكلام الي الزياده دا لكن المجامله بتبقا بحدود مش كدب يعني عشان في مواقف لازم نجامل فيهاا هرجع ااقول الصراحه بتعتمد علي الشخص الي قدامي يتقبلها او لا وتسلمــ الايــــــادي علي الموضوع

[fankosha]

اقتباسالمشاركة الأصلية كتبت بواسطة فرولةهلى انت مقتنع بالمجاملة كأسلوب للتعامل؟
بصراحه لا خالص يعنى ممكن لما يكون طفل صغير وتقوله ايه الهدوم الحلوه دى او ايه القمر ده ماشى ده طفل وعادى لكن الكبير لازم تواجه بعيوبه وتعرفه الصح من الغلط بس برده تقول رايك بصراحه مش بوقاحه
هل انت انسان مجامل بشكل كبير؟
بصراحه لا وده مزعل منى ناس كتير تقريبا الناس بقت بتحب اللى يدحك عليها والصراحه بقت بتزعل
هل جاملت أحدا فى موقف كان يجب أن لاتجامل فيه؟
استحاله اعمل كده طبعا
هل ترى فرقا بين المجاملة والنفاق الاجتماعى؟
لا مفيش فرق كله نفاق وكدب وغش وخداع لازم تواجه الناس بعيوبها علشان تبدا تصلح من نفسها لكن لو فضلت تجاملهم وانتا متاكد انهم غلط تبقى منافق

وتسلم ايدك


يسلموووو يا قمررررر على ردك ومرورك الرائع نورتينى
والنفاق طبعا غير المجاملة

[fankosha]

اقتباسالمشاركة الأصلية كتبت بواسطة NANO.N.Sشاركونى النقاش بالاجابة على تساؤلاتى
بس كده نشاركك يا اختى ههههههههههه
هلى انت مقتنع بالمجاملة كأسلوب للتعامل؟
اكيد لا مفيش احسن من الصراحة حتى لو بتوجع
تتوجع احسن من انك تفضل مخدوع
هل انت انسان مجامل بشكل كبير؟
بصى ياقلبى فى مواقف تحتم عليا انى اكون مجاملة
احسن منى اجرح الى قدامى
انا بفضل انجرح ولا اجرح
هل جاملت أحدا فى موقف كان يجب أن لاتجامل فيه؟
اه
مرات اخويا فى الخطوبة كانت بتسئلنى على طباع اخويا فكنت بجامل

هل ترى فرقا بين المجاملة والنفاق الاجتماعى؟
اه فى فرق مجاملة بتراعى فيها مشاعر الى قدامك
خايفة تجرحيه
انما النفاق ده من اجل مصلحته الشخصية
يسلمووووووووووووو ياحبيبة قلبى ويارب اكون عرفت اجاوب صح
تدينى كام بقى يا ايمى من عشرة ههههههههههههه


يسلموووووووو على المرور يا قلبى
ورايك الجميل يانوسة ياحبيبتى هديكى عشة على عشرة