لو انتى اكبر من 18 سنه ..هقولك حاجه مفيده اوى

[احمد العليمي]

طبعا مستنييييين
ومهتمييين بالحاجه اللى هتفيدكم

من الاخر كده .........هاتى حبه من اللى عندك وانا اقولك هتستفيدى ايه

ايه .......فلوس (العين بصيره والايد قصيره )


يا ستى لالالالالالالا

امال ايه......اكل (لسه مخلصين غدا معلش حماتك مش بتحبك)

يا ستى لالالالا ادينى فرصه طيب


سكتت اهو عاوز ايه بقى

عاوز منك ............دمك

يالهوىىىىىىىى حرام عليك هو انا فيا (ده اللى عندى يا دوبك مقضينى )


طيب خليكى معايا وانا اشرحلك واحده واحده عشان ما تتخضيش
ولو مش عاجبك بين المسلم واخوه يفتح الله

>شروط التبرع<
1 .السن من 18 - 50

2.نسبة الهيموجلوبين (السيدات 12-16 )

3.ان تكون لك رغبه فى التبرع(بمزاجك ومش مغصوب ومش مستنى هديه)

4.ان تكون بصحه جيده يوم التبرع


>فوائد التبرع<

1.عملية التبرع تجدد خلايا الدم وتعيد للجسم حيويته ونشاطه

2.يمكن للمتبرع الاطمئنان على صحته عن طريق نتائج فحوصات دمه بالاضافه الى فصيلة دمه

3.كيس الدم يمكن ان تنقذ به ثلاث اشخاص عندما يفصل الى مكوناته الاساسي

4.كل ثلاث ثوانى هناك شخص فى مكان فى العالم يحتاج الى نقل دم """"قولى الحمد لله انك مش منهم"""""


انا بقى بتكلم فى ده لييييه ؟؟

عشان فى اطفال كتير عندهم مرض اتخلقوا بيه اسمه (انيميا البحر المتوسط) المرض عباره عن سرعه فى

تكسير كرات الدم الحمرا او البيضاء او الصفائح الدمويه ومفيش حل غي انهم يعيشوا على نقل الدم دائما وابداااا

يوجد جمعية اسمها رساله تنظم حمله شهريه للتبرع لصالح الاطفال دول وحالات الطوارىء وبس

الحمله دى بقى الخميس الاول من كل شهر طووووووول السنه

ماشاء الله عندنا ناس ربنا يبارك فيهم بيجوا منتظمين

كل 4 شهور (للبنات )

كل 3 شهور(للاولاد)

بجد ده حاجه عظيمه وانا بنفسى واحد من اللى بيتبرعوا وبينظموا الموضوع فى نفس الوقت




الدال على الخير كفاعله