من ابكي بنات مصر ؟؟؟

[شاعر واسير الحب]

اقتباس المشاركة الأصلية كتبت بواسطة بنوتةعسولة على اساس ان الناس مهما اشتكت وبكت وصرخت حد هيسمعلهم؟؟ على العموم دا اللى الحكومة عوزاه نظام (يقتل القتيل ويمشى فى جنازته) عشان كدا الوزير بتاع التربية والتعليم هيفضل مدة طويلة فى الوزارة شكرا وربنا يصبرهم ويصبر اهاليهم

اشكرك لمرورك الطيب بالموضوع
بالتأكيد سيكون الغلبة لم ظلموا وبكوا البنات اتظلمت كتير مع الوزارة والوزير مش مقياس ان يظل او يخرج لابد ان يعرف ان هناك شعب لابد من احترامة لانه هو من الشعب
المظاهرات امام الوزارة لخلع الوزير ومادام هناك تحرك للمياو الراكدة فلابد من اصطياد السمكة ربنا مههم ويصبرهم
اشكرك بنوته

[warm heart]

انا بصراحة مش مش عارفة ليه الحاجات دية بتحصل
والناس تقول ثانوية عامة وتخرج تعيط وكدة
لو بصينا هنلاقيهم بياخدو خمس واو ست مواد وبيذاكروا فيها طول السنه

وبعدين انا دايما بسمع شكاوي من خمس مواد امومال بتوع الازهر يعملوا ايه احنا بناخد ف الازهر عشرين مادة وبيكونوا مواد صح وفيهامعلومات كتير وجامدة وعمري ما شوفت حد عيط او صوت او اغمى عليه
انا شايفة انه كلام وهوجه ع الفاضي
وحتي لو الامتحان جة صعب اللي ذاكر بجد هيلاقي نتيجة عمله وربنا قال : ( انا لا نضيع اجر من احسن عملا )

[تانيا]

هى فعلااااا حاجه تنرفز
أنا مش فاهمه يعنى الناس اللي بتحط الإمتحانات بتعمل كده ليه
ومش فاهمه هيستفيدوا ايه لما الناس متحلش في الامتحان
بجد مش لاقيه كلام أ قوله
ربنا يهدى
وربنا يوفق كل حد في ثانويه عام وتعب وذاكر
وعلى فكره في ناس بتذاكر ... بس فعلا الامتحانات بتبقى صعبه
وفى الاخر مش بتحل

[حياتي ذكريات]

السلام عليكم

شوف يا شاعر الطالب اللي بيبذل مجهود في أول السنة ويشد

حيله هو اللي هينجح .. الطالب اللي حاطط باله على هدف ومش

بيضيع وقت فراغه في اللعب أكيد هيجيب مجموع حلو

مع اني ما أعرفش صيغ الأسئلة في مصر لاني ما درستش فيها قبل كده

بس مستحيل تيجي الأسئلة تعجيزية ..

بس انا ليا قريب في تانية ثانوي وقالي فعلا ان الانجليزي كان جاي

من بره المنهج .. مفروض لو الكلام ده صحيح لازم يبقى فيه كلام كتير

ولازم يعملو تعويض للطلبة او يتم حذف الأسئلة دي

انا مرة جاتلي برده سؤالين في ماده وتم رفع شكوى واتأكدو فعلا انها

مش من المنهج وتم حذفهم .. لو أغلب الطلبة عملو شكوى يمكن حد يسمعلهم

مع ان الاحتمال ده بعيد ..

بس حرام جدا الوزير يضيع مجهود طالب او طالبة ويحط الاسئلة من بره المنهج

صعب جدا ان الواحد يحلم وتلاقي حد يهدم حلمك اللي بنيته من زمان

وفي النهاية ربنا مش بيضيع حق حد وما حدش عارف الخير فين

تسلم على الطرح .. تحياتي

[تيا]

ربنا ينتقم منه اللي حط الإمتحان حسبي الله ونعم الوكيل
عقدونا الله يحرقهم
أنا لسه هدخل 2 ومرعوبه من اللي بيحصل
ربنا يستر

[شاعر واسير الحب]

خلاص الكل بكي

والاباء بيدعوا والامهات رفعت ايديهاللسماء حسبي الله ونعم الوكيل

[جادك الغيث]

أنا طبعاً سعودي بس مش عارف صعوبة الامتحانات
في مصر اد ايه . .
انا بدرس بالجامعة وطبعا بيدرسني دكاترة مصريين
وبيقولو لينا ان الدراسة في مصر صعبة اصعب من السعودية
بس اللي عايز اعرفه ايه الهدف من وضع اسئلة صعبة صعبة جداً ؟؟
ياليت حد يجاوبني . .

اشكر صاحب الموضوع

[شاعر واسير الحب]

اقتباس المشاركة الأصلية كتبت بواسطة زهرة الخريف انا بصراحة مش مش عارفة ليه الحاجات دية بتحصل والناس تقول ثانوية عامة وتخرج تعيط وكدة لو بصينا هنلاقيهم بياخدو خمس واو ست مواد وبيذاكروا فيها طول السنه وبعدين انا دايما بسمع شكاوي من خمس مواد امومال بتوع الازهر يعملوا ايه احنا بناخد ف الازهر عشرين مادة وبيكونوا مواد صح وفيهامعلومات كتير وجامدة وعمري ما شوفت حد عيط او صوت او اغمى عليه انا شايفة انه كلام وهوجه ع الفاضي وحتي لو الامتحان جة صعب اللي ذاكر بجد هيلاقي نتيجة عمله وربنا قال : ( انا لا نضيع اجر من احسن عملا )

اشكرك
صح خمس مواد بس بس ياريت الامتحانات تيجي منهم يا اختي
الامتحانات بتيجي مستوردة ايضا من الصين خلاص بقي
مش هوجة ولا حاجة بالفعل الامتحانات من خارج المنهج بالتعليم العادي اما طلبة الازهر فهم خارج هذا النطاق لهم كليتهم لوحديهم لا يتحكم فيهم احد رجال الازهر عينهم علي اولادهم بيراعوهم وعارفين مستوي الاولاد وبيضعوا الاسئلة من المنهج
واحد همتحن قرأن مثلا هيجيبوا له سيرة واحاديث الازهر منظم
اما التربية اللي غابت بفعل فاعل وصاع معه التعليم وابكي البنات والشباب
وفية ناس بذاكر والليذاكر عيط برضوا

[شاعر واسير الحب]

اقتباس المشاركة الأصلية كتبت بواسطة تانيا هى فعلااااا حاجه تنرفز أنا مش فاهمه يعنى الناس اللي بتحط الإمتحانات بتعمل كده ليه ومش فاهمه هيستفيدوا ايه لما الناس متحلش في الامتحان بجد مش لاقيه كلام أ قوله ربنا يهدى وربنا يوفق كل حد في ثانويه عام وتعب وذاكر وعلى فكره في ناس بتذاكر ... بس فعلا الامتحانات بتبقى صعبه وفى الاخر مش بتحل

اشكرك علي مرورك

بالفعل احنا غاويين نكد ونرفز الاباء ونعمل حاجة هياج بالشارع المصري ناس لا يوجد في قلوبهم الا الغل والحقد علي اولاد الناس عاوزين هم بس اللي متعلمين والباقي خدم
اما اولادهم الامتحانات بتحل ليهم وبيحصدوا اعلي الدرجات قال يعني اولادهم عباقرة واولاد الناس
حماقرة عجبي علي احد الدكاترة اللي دخل ابنه طب بــ 50% واللي بيحرموا ابناء الناس من ان يكون معيد بالجامعه ويعطيها لابنه اللي لا يفقه شئ

وكفاية عشان انا قرفت منهم

[شاعر واسير الحب]

اقتباس المشاركة الأصلية كتبت بواسطة حياتي ذكريات السلام عليكم شوف يا شاعر الطالب اللي بيبذل مجهود في أول السنة ويشد حيله هو اللي هينجح .. الطالب اللي حاطط باله على هدف ومش بيضيع وقت فراغه في اللعب أكيد هيجيب مجموع حلو مع اني ما أعرفش صيغ الأسئلة في مصر لاني ما درستش فيها قبل كده بس مستحيل تيجي الأسئلة تعجيزية .. بس انا ليا قريب في تانية ثانوي وقالي فعلا ان الانجليزي كان جاي من بره المنهج .. مفروض لو الكلام ده صحيح لازم يبقى فيه كلام كتير ولازم يعملو تعويض للطلبة او يتم حذف الأسئلة دي انا مرة جاتلي برده سؤالين في ماده وتم رفع شكوى واتأكدو فعلا انها مش من المنهج وتم حذفهم .. لو أغلب الطلبة عملو شكوى يمكن حد يسمعلهم مع ان الاحتمال ده بعيد .. بس حرام جدا الوزير يضيع مجهود طالب او طالبة ويحط الاسئلة من بره المنهج صعب جدا ان الواحد يحلم وتلاقي حد يهدم حلمك اللي بنيته من زمان وفي النهاية ربنا مش بيضيع حق حد وما حدش عارف الخير فين تسلم على الطرح .. تحياتي

اشكرك علي مرورك الكريم
بالفعل الاسئلة من خارج المنهج وبقعل فاعل ولا تصدقوا كلام النشرات والمسكنات الوزير حاقد ومش كويس
حذف الاسئلة ووضع بدل منها وتعويض الطلبة لا يوجد لانه لهم هدف هو التخريب بالتعليم المصري
لانهم لا يردونان يكون هناك متعلمون غيرهم وبس والباقي عبيد وخدم والباشا راح والباشا جه
والاخر يخرجوا من الوزارة بفضيحة واختلاس بس بعد ماظلموا ونكدوا علي الابناء
وضع الاسئلة التعجيزية من اهداف التدمير التعليمي بمصر حسبي الله ونعم الوكيل نشوف فيه يوم كما شاهدنا من قبل
الله المنتقم