من ابكي بنات مصر ؟؟؟

[شاعر واسير الحب]

السلام عليكم

احبائي


موضوعنا
من ابكي بنات مصر


قاربت انتهاء الامتحانات علي الانتهاء ومازال صدي امتحانات التي يتم وضعها من خارج المنهج موجودة



حسبي الله ونعم الوكيل مجهودنا ضاع وضاع الحلم منه لله




اللهم كما ابكانا ابكيه نحن اليك ندعوا




اللهم اكشف كل من اراد ان ينتقم منا فنحن اليك نسثغيث




اللهم كل من تسبب في حزنا افضحة يارب



لا نقول الا حسبي الله ونعم الوكيل



ولا يهمك احنا معاك لا تبكي



لا تبكي يا ابنتي ربنا ينتقم من تسبب في بكاءك






حسبنا الله ونعم الوكيل فى اللى حاطط الامتحان واللي اتسبب في بكاء اولادنا واضاع حلمهم وحتم طموحاتهم


[

بتضحك والبنات بتبكي ** يقتل القتيل ويمشي في جنازتة ***

واليكم الحقيقة
من مصدر الخبر :المصري اليوم

انتابت حالة من الصراخ والدموع والإغماءات، طلاب وطالبات المرحلة الأولى بالثانوية العامة على مستوى الجمهورية، بسبب صعوبة امتحان اللغة الانجليزية اليوم الاثنين، و أكد مدرسون أن هناك أجزاء كثيرة من الامتحان جاءت من خارج منهج الوزارة وكتاب النماذج و الـ" workbook" ، بينما قررت وزارة التربية والتعليم تشكيل لجنة لفحص وتقييم الامتحان، واتخاذ اللازم.



ولم تكن الإغماءات والدموع من نصيب الطلبة فقط، وإنما كان أولياء أمورهم " شركاءهم" في ذلك.


ووقفت سيارات الإسعاف بالقرب من المدارس، ونقلت عدد من الطالبات إلى المستشفيات بعد إصابتهم بحالات الإغماء والانهيارات، بينما سادت حالة من "الوجوم" الطلبة في بعض المدارس، لدرجة أن عدد كبير منهم لم يبدأ في حل الامتحان إلا بعد بداية الوقت بنصف ساعة تقريباً، محاولين "الغش" إلا أن المراقبين وقفوا لهم بـ" المرصاد" – على حد قولهم - وقام عدد آخر من الطلاب بتقطيع أوراق الأسئلة فور خروجهم من اللجان.

ورصدت «المصري اليوم» حالات الطلاب أمام عدد من المدارس، وقالت طالبة وهى في حالة انهيار كامل، " الامتحان كله كان غريب ومن بره المنهج، والقطعة غامضة وغير مفهومة"، وأشارت أخرى إلى أن أسئلة المواقف جاءت مبهمة، وجملة الترجمة من اللغة العربية إلى الانجليزية ليست من المنهج أو كتب النماذج.


وأمام مدرسة شبرا الثانوية بنات، تجمع أولياء الأمور أمام البوابة منتظرين خروج بناتهم ، ومع فتح باب المدرسة خرجت طالبة وهي تصرخ وفى حالة انهيار كامل، وهو ما جعل أولياء الأمور يبدأون في الصراخ والبكاء حتى قبل خروج بناتهم، ونددت الطالبات بجدول الامتحان الذي لم يمهلهن فرصة للمذاكرة أكثر من نصف يوم.
وكان المشهد العام أمام المدرسة، هو الحديث عن صعوبة الأسئلة خاصة الترجمة، التي جاءت عن الهجرة غير الشرعية – وهو الموضوع نفسه الذي جاء في تعبير اللغة العربية - وصيد النسور والرماد البركاني، وقالت «هالة أحمد» إن القطعة غير مباشرة، واستغرقت وقت طويل من الوقت المخصص، وهو ما جاء على حساب الأسئلة الأخرى.
واستنكر أولياء أمورهن " نية" وزير التعليم والخاصة بوضع أسئلة الفهم بشكل كبير، مؤكدين أن الوزير يحاول تدمير مستقبل أبناءهم.


واتفق طلاب مدرسة محمد فريد الثانوية بنين على أن القطعة غامضة للغاية، محاولين الشكوى للمراقبين لمساعدتهم على الفهم إلا أن المراقبين لم يعيروهم أي اهتمام.


وأكد مدرسا اللغة الانجليزية «أحمد غنيم»، و«محمد فتحي»، أن الامتحان فوق مستوى الطالب المتوسط، وجاءت الكلمات سواء في الترجمة أو القطعة من خارج المنهج ونماذج الوزارة، وهو عكس ما وعدت به الوزارة من قبل، مشيرين إلى أن نسبة الصعوبة في الامتحان بلغت 30 % ، وهى نسبة مرتفعة نوعاً ما.

وقالا إن الجملة الثانية في الترجمة من اللغة العربية إلى اللغة الانجليزية من خارج المنهج تماماً، ومستوى القطعة صعبة الفهم على الطلبة، ولم يدرسوها من قبل، فضلا عن رقم ( 2 ) في سؤال المواقف، بالإضافة إلى "الجدل" في السؤال الرابع والخاص بالخطأ في الجمل الموجودة.



وأضافا أن هناك كلمات يصعب تفسيرها، وأسئلة غامضة وغير مباشرة، موضحين أنه لم يترك واضع الامتحان سؤالاً واحداً إلا ووضع فيه جزئية صعبة على الطلاب، مؤكدين في الوقت نفسه أن المدرسين أنفسهم اختلفوا حول حل بعض الأسئلة عقب انتهاء الامتحان.

واعتبرا أن الامتحان أشبه بامتحان " المستوى الرفيع" في اللغة نفسها، لافتين إلى أن الطالب الممتاز لن يحصل إلا على 20 درجة من إجمالي الدرجة التي تبلغ 25 درجة، بالرغم من أن مادة اللغة الانجليزية من المواد التي يحصل فيها الطالب على درجات عالية لرفع مجموعه الكلي.


ولم تختلف حالة الطلاب في المحافظات المختلفة عن أقرانهم في القاهرة، ففي قنا ، قال عدد من الطلاب بمدارس السلام النموذجية ، الشهيد عبد المنعم رياض، وفاطمة الزهراء الثانوية بنات ، إن الامتحان جاء صعباً خاصة سؤال القطعة الذي احتوى على الكثير من الكلمات الصعبة وغير المفهومة، بالإضافة إلى سؤال الترجمة، وسؤال المواقف ، ولجأ عدد منهم إلى عدم كتابة أسماءهم على كراسات الإجابة كي يتمكنوا من دخول امتحان المادة في العام المقبل.

وفي المنيا، أكد الطلاب أن الأسئلة كانت طويلة وغير مباشرة، وشهدت لجان بور سعيد حالات بكاء من البكاء والانهيارات، بسبب السؤال الثالث الذي عجزوا عن تحديد المطلوب فيه، كما عجزوا عن استنتاج الترجمة المطلوبة خاصة أنها خارج المنهج وكتاب النماذج.

في حين شهدت لجنة مدرسة المنصورة الثانوية الجديدة بنات بإدارة غرب المنصورة التعليمية، بمحافظة الدقهلية، بكاءاً هستيرياً وصراخ وإغماءات بين الطالبات، وأكد عدد منهن لم يفهمن سؤال القطعة الأولي وجاءت الترجمة من اللغة العربية إلى اللغة الإنجليزية أشد صعوبة والسؤال الخاص بالاختيارات جميعها متقاربة ووصف العديد من الطلاب والطالبات بلجان السنبلاوين وغرب المنصورة الامتحان بأنه احتوى "ألغازاً" صعبة الفهم.

وفى الوادي الجديد ، أكد الطالب «أحمد عبد المنعم» أن الترجمة جاءت "مفاجأة" حيث جاءت عن السحابة البركانية و النسور المهددة بالانقراض ، أما وائل صلاح ، فقال،" مفيش سؤال واحد سهل في الامتحان ".

وفى جنوب سيناء ، أصيب عدد من الطلاب بلجنة الزهور الثانوية بطور سيناء بالإغماء عقب خروجهم من الامتحان ، وقال أحمد عميره إن الامتحان غاية في الصعوبة ، خاصة القصة والترجمة ، وأضاف سلطان ميشيل أن الامتحان من خارج المنهج وصعب جداً، وأشار أسامة عفيفي ولي أمر إحدى الطالبات، إن ابنته وعدد من زميلاتها يرفضن استكمال الامتحانات بسبب صعوبة امتحان اللغة الانجليزية.

وفى أسيوط شهدت لجان مدارس خديجة يوسف بنات وطه حنفي بنين ومدارس الثانوية بنين واحمد عبد الرحيم الثانوية بنات بالقوصية دموع وصرخات الطلاب بسبب صعوبة الامتحان، و قال عدد من الطلاب إن الامتحان لا يوجد به أسئلة في مستوى الطالب المتوسط ، وقال الطالب محمد حسام، إن "سؤال القطعة " كان صعباً جداً لأن كلماتها غير مفهومة ولم ترد عليهم خلال العام الدراسي لذلك لم يتمكنوا من فهم السؤال أو حله، وأضافت الشيماء عصام أن النقطة " 2 " في السؤال التاسع صعبة للغاية، وأن الامتحان بأكمله كان في مستوى الطالب "الممتاز".

بينما في الإسكندرية ، تسبب الامتحان في صدمة لطلاب المرحلة، وأكد عدد منهم وجود أسئلة من خارج المنهج، بالإضافة إلى أن هناك أسئلة لم يعتادوا على حلها، وقال طلاب بمدرسة لوران الثانوية للبنات بإدارة شرق التعليمية أن الامتحان في حاجة إلى "مترجم" بجوار كل طالب بسبب وجود "كلمات" في فقرات الترجمة والقطعتين "غامضة" لم يعرفوا معناها.

وشهدت لجنتا مدرستي هدى شعراوي، وطه حسين، بكاء بين أولياء الأمور والطلاب بسبب صعوبة الامتحان، وقالت طالبات من مدرسة الفرنسيسكان للغات بمصطفى كامل أن الامتحان يفوق قدرات الطالب المتوسط.

ولليوم الثالث على التوالي امتنعت وزارة التربية والتعليم عن إصدار التقرير الفني الخاص بالامتحانات، بينما صرح مصدر مسئول بأن الوزارة شكلت لجنة في المركز القومي للامتحانات لتقييم الامتحان فقط، على أن تعلن نتائج التقييم غداً الثلاثاء.


هل لكم من تعليق ولا لسه صدمة الامتحانات مأثرة عليكم

[simsim96]

يسلمووو (شاعر واسير الحب ) علي الموضوع انا بصراحة مش بدرس في مصر وشكلي مش حدرس فيها والمفروض علي المراقبين توضيح الاسئلة وعلي الوزارة انها تراعي الطلاب والطالبات بس حنعمل ايه مش بايدنا حاجة هو في الاخ نقول حسبي الله ونعم الوكيل .....

تقبل مروري

[شاعر واسير الحب]

اقتباس المشاركة الأصلية كتبت بواسطة simsim96 يسلمووو (شاعر واسير الحب ) علي الموضوع انا بصراحة مش بدرس في مصر وشكلي مش حدرس فيها والمفروض علي المراقبين توضيح الاسئلة وعلي الوزارة انها تراعي الطلاب والطالبات بس حنعمل ايه مش بايدنا حاجة هو في الاخ نقول حسبي الله ونعم الوكيل ..... تقبل مروري

اشكرك علي مرورك الكريم

انا حزين لتحدي الطلبة والطالبات وانكان من مسئول يتحدي بان من ياتي بـــ 85 في المئة يكون له هدية وسلام كبير منه عيب

مش عاوزين السلام ولكن ياريت نمنع دمعه طالب

اشكرك

[Aya 7ekaya]

والله موضوعك مهم انت حطيت ايدك على واقع ملموس بس حنعمل ايه الثانويه العامه عذاب مش دراسه وفعلا دول بينتقموا مننا والنتيجه السلبيه اللى مافيش حد واخد باله منها انهم بيكرهوا الطلبه اللى مقبلين على المرحله دى انهم يدخلوها لانهم بيخافوا يحصلهم كده يذاكروا من غير نتيجه وانا اعرف بنات كانت جايبه مجاميع عاليه فى الاعداديه ورفضت انها تدخل ثانوى بسبب اللى بيحصل ده
وفى النهايه مافيش فى ايدنا غير اننا نقول حسبنا الله ونعم الوكيل ربنا على كل ظالم

[شاعر واسير الحب]

اقتباس المشاركة الأصلية كتبت بواسطة وردة خجوله والله موضوعك مهم انت حطيت ايدك على واقع ملموس بس حنعمل ايه الثانويه العامه عذاب مش دراسه وفعلا دول بينتقموا مننا والنتيجه السلبيه اللى مافيش حد واخد باله منها انهم بيكرهوا الطلبه اللى مقبلين على المرحله دى انهم يدخلوها لانهم بيخافوا يحصلهم كده يذاكروا من غير نتيجه وانا اعرف بنات كانت جايبه مجاميع عاليه فى الاعداديه ورفضت انها تدخل ثانوى بسبب اللى بيحصل ده وفى النهايه مافيش فى ايدنا غير اننا نقول حسبنا الله ونعم الوكيل ربنا على كل ظالم

اشكرك علي مرورك

نعم في كتير لم يدخل الثانوي العام بسبب الكلام الفارغ اللي بيحصل كل واحد بييجي بيجرب في ولاد الناس مصطلحات وكأنهم في معملة الخاص

حسبي الله ونعم الوكيل

[ماتركس]

السلام عليكم ياا اسير وشااعرناا
بص بقي يااريس اناامش مقتنع باي كلام يتقال علي الامتحاانات
هيه كلمه هقووالهاا اللي بيذاكر ربناا بيكرموو
لكن نقضيهاا لعب ونيجي نعيط في الاخر يبقي ده مش كلام

[.sad angel.]

اشكرك انك اكلمت فى موضوع في منتهى الاهمية الثانوية العامة كابوس الطالبة
انا مش عارفة ليه كده الوزير حطم كل امال الطالبة ده تعجيزكتير انازعلانة على الطالبة كتير في طالبة في الاعدادى خايفين انهم يدخله ثانوىمقدرش اقول غيرحسبى الله ونعم الوكيل

[فرولة]

بص بجد الموضوع ده منرفزنى جدا لان بنت خالى فى تانيه ثانوى
وبجد منهارين جدا وجه بعد كده التفاضل تقريبا بهدلهم
انا معرفش ده تحدى للطلبه ولا محاوله لتعقيدهم
واله بجد كل اللى مدايقنى انهم تعبو طول السنه واتبهدلو فى الدروس والمذاكره واهلهم صرفو عليهم دم قلبهم
وفى النهايه الامتحانات تخيب كل امالهم
حسبى الله ونعم الوكيل فى اللى كان السبب
تسلم ايدك

[لحظة عتآب]

لا اله الا الله محمدا سول الله
حرام عليه اللي بيعملوا دا
مش ممكن ربنا يديه جزاءه علي تعذيب الطلبة
جاي يسقط الطلبه
ايه اللي جرالك يا مصر
بقا ده بيحب بلده وعايزها في تقدم
وانا شفت الخبر دا بص كاتب فيه ايه

(( بدر: لن اغير نتيجة الثانوية العامة لأحد ولن اسمح بتخريج "الجهلة"))
ياراجل حرام عليك جهلة يعني وصلت للجهلة امال جابوا اعلي دارجات في اعدادية ودخلوا ثانوي ازاي بجد نفسي اعرف ايه الغرض من دا عايزين ايه عاوزين يقضوا ع البلد انا بجد خايفة ادخل ثانوية
منه لله ربنا ياد حق الطلبة منه

حسبي الله ونعم الوكيل فيه
ماله داخل ع الحامي كده ليه


شكرا علي الموضوع والقضية التي تستسحق المناقشة
ودادي

[غاوى حب موت]

والله هى مشكلة فعلا
بس ملموسة ف التربية والتعليم
الازهر بتيجى امتحاناته صعبة جدا جدا
غير كده مواده صعبة جدا جدا
ولا من شاف ولا من درى ولا حد بيتكلم ع الازهر ايه السبب
اشكرك ع الطرح