ايه القمر ده؟........(طب بصلنا طيب)

[حَرفُُ هجآءّ]

حكايتنا بتبدأ لما البنت تمشي فالشارع


تبدأ المضايقات والمعاكسات
والكلام اللي ملوش اي لازمه
يا قمر
طيب بصلنا طيب
طيب اشتمينا طيب ............... الخ الخ

بيختلف بقا موقف البنت
يعني
في بنت متردش وتخاف وتمشي





واحده تانيه
تستحقر الولد او ترد عليه وتهزأه ( بتروح جيم بعد الضهر)
زماااااااان كانت البنت تقول ( يا سم )
نااااااااو البنت بتقول (( فكك يا ظرييييييييف)








واحده تالته
تبتسم (فاكره انه بيتكلم بجد )) مسكييييييينه




واحده رابعه
ترد وتتعرف ( ودول قليلين اوي))




خدوا النكته ديه
واحده ماشيه
فــ مشي وراها (بيعاكسها ) قالها الحلوه وراها مشوار
قالتله لاء وراها((( حومار ))









طيب لحد امتا هنفضل كده ؟؟؟؟
في بعض الشباب لما اتسألوا
قالوا البنت اللي بتلبس وتتزوق وتتمكيج
ديه نازله عشان ايه ؟؟؟؟
يبقى من الادب والذوق نعاكسهااا



ودلوقتي الولد ما يبقاش ولد غير لما يشيل سيجاره ويعاكس
( اها امال يقولو عليه عيل ؟ ازاي ودي تيجي ,,, لازم يثبت رجولته)





ردو البنات
في بنات بيبقوا في قمةالاحترام وبيتعاكسوا برده




طيب العيب في ميييييين بقا


عايزين نلاقي اسباب
عشان نلاقي الحل




وزي ما اتكلمنا عن الشباب
نرغي عن البنات شويه
دلوقتي بقا الموضه الجديده
((البنات اللي بتعاكس))

((والله ده اللي ناقص))


انا بنفسي
شوفت بعيني
ولد بيجري بسرعه
وبنت قالتله اوعى السرييييييييع ههههههههه
( يعني قصدها تلفت نظره ولا ايه بالظبط))








وفي نوع تاني خالص من المعاكسات
وهوا معاكسات التليفونات



وديه بقا حاجه غلسه جدا
الولد يخبط اي رقم كده


وياسلام لو طلع بنت
يبقا حاجه فل


يخترعله اسم اي حد
وياريت يكون بنت عشان يعرف اللي بتكلمه انه بتاع بنات
وتبدأ الغلاسه بقا



ويتصل تاني
طيب مينفعش اختها ؟؟؟
ايه الظرافه ديييييه







اهئ اهئ
طيب حد يقولي
اخرة ده اييييييييييييييييييييه؟؟؟؟؟؟؟

[الرومانسي 2010]

الشباب اللي يعاكسوا البنت المحتشمة والمحترمة هم شباب ماتربوش
والبنت اللي تتزين وتتدلع في الشارع تستاهل اللي يحصلها

شكراااااااااااااااا على الموضوع

[شاعر واسير الحب]

موضوع مهم
كله راجع الي البنت اولا
البنت هي بتعطي الولد المفتاح ليفتح الباب ابتسامة غمزة والسنارة خلاص جت وكل منهم بيقول انا الي فزت بالسمكة
البنات الان بيتمشي اخر دلع اخر شقاوة كل له هدف
وعلي فكرة فيه بنات بتزعل قوي من انه عدي اليوم ولم يعاكسها احد وبتروح مهمومة حزينة بانه لم يعاكسها احد

البنت عاوزة تتعاكس بتحب كدا واللي بتعمل فيها جدعة وبنت بلد مافيش حد بيسأل فيها
هذا فكرهم
وربنا ما يمشينا وراهم ابدا

[special girl]

االسلام عليكم ورحمته الله وبركاته:-

موضوع جميل يا اسيل

المعاكسه بصوره عامه خلل او عيب اجتماعي من ناحيه فئه الشباب والمراهقين

والشاب اي سبب بيدفعه ان يعاكس هو الفراغ من العمل او المال او العائله او اي حاجه

تشغله ولكن طبعا احنا جميعا ضد ان الشاب يتسلي ببنات الناس

ولكن للأسف الظاهره بقت موضوع طبيعي خالص الناس بتشوف المعاكسه

قدمها مباشره واحيانا بتعلق عليها عاادي او تضحك او تأعد تبص

طيب فين الاخلاق والناس الي مفروض تدافع عنك؟؟!!كلها راحت

والبنت للأسف بتسكت دائما المفورض يكون في جانب سلبي من جهه البنت

علشان الشاب يحترم نفسه لكن البنت بتبسم وتضحك او الغالبه بتكست طيب الشاب فهم

ان السكون علامه الرضا وفي نفس الوقت مش ينفع نأعد نعلي صوتنا ونشتم

لأن بكده الشاب هيقل ادبه اكتر فعلي الاقل نزعق بطريقه بسيطه كنوع من الرد السلبي..

تحياتي لكي يا اسيل ولمووضعك الجميل زيك.

[التائهه]

طبعا انا ضد الرومانسى مش اى بنت لابسه طقم حلو وضيق عليها
او حطه ميكب سمبل يبقى كده هى نازله عشان تتعاكس
البنت للى مش محترمه بيبان من مشيتها من كلامها فالشارع من حراكتها
يعنى لو بنت ماشيه بدلع فالشارع او صوتها عالى عشان تلفت الشباب ليهاو هى بتتكلم عماله تعمل حركات بايدها وعماله تبص علولاد وهى ماشيه يبقى هى ده البنت للى عايزه تتعاكس
مش معنى ان بنت تكون لابسه ضيق شويه وماشيه فحالها يبقى مش محترمه وعايزه تتعاكس لا طبعا

[ZoZa 2010]

العيب مش في البنات ولا في الولاد

العيب في البطالة اللي موجودة

اللي مخلية الشباب متلقح في الشوارع وعالنواصي يعاكس في مخاليق ربنا

اصله فاضي ومش وراه حاجة

أنما لو شغال هيروح شغله جري وهيرجع متنيل علي عينه تعبان ويتخمد

ميقومش الا علي شغله

ربنا يهدي الجميع

[lorraa]

بصوا البنات عموما مش كلها كويسه والولاد شرحه

البنت الكويسة لما بتتعاكس عموما مبتبانش منها اى ردة فعل لأن هى لو اتكلمت بتفتح مجال للحوار

لكن دلوقتى المشكلة فى البنت انها تتعاكس لأن دى حاجة من زمان واحسن حل انها متردش

لكن المشكلة ان الولد هوا اللى يتعاكس

ودى حاجة تغيظ انا اكون ماشيه مع اخويا والاقى واحدة بتقول مين القمر دا

طب والنبى ارد عليها اقولها ايه

بنات فعلا محترمة هتنفع فعلا تكون ربات بيوت ومعلمات اجيال

ثانكس على الموضوع

[The heart]

اقتباس المشاركة الأصلية كتبت بواسطة التائهه طبعا انا ضد الرومانسى مش اى بنت لابسه طقم حلو وضيق عليها او حطه ميكب سمبل يبقى كده هى نازله عشان تتعاكس البنت للى مش محترمه بيبان من مشيتها من كلامها فالشارع من حراكتها يعنى لو بنت ماشيه بدلع فالشارع او صوتها عالى عشان تلفت الشباب ليهاو هى بتتكلم عماله تعمل حركات بايدها وعماله تبص علولاد وهى ماشيه يبقى هى ده البنت للى عايزه تتعاكس مش معنى ان بنت تكون لابسه ضيق شويه وماشيه فحالها يبقى مش محترمه وعايزه تتعاكس لا طبعا

أنا رأيي من راي التايهه كلامها صح
وبعدين حتى لو البنت لبست وسيع ومشيت في حالها لازم تتعاكس
معناه العيب في الشباب

[اهلاويه جامده]

والله عندك حق بقيت حاجه غبيه

والعيب في الاتنين دلوقتي العالم بقى بيفكر بتخلف خاالص

سواء الولد او البنت

ربنا يهدي الجميع

وشكرا ع الموضوع

اختك اهلاويه

[فرولة]

فى نوع خامس غير اللى انتى قولتيهم دول
البنت اللى بتمشى فى حالها ولا كإن الكلام ليها اصلا ولا بتعيط ولا بتشتم ولا بتضرب ولا بتدحك ولا بتتعرف عليه ولا بتخاف
بس انا لو ماشيه وواحد اتكلم مش هعبره ولا كان فى حد اصلا لكن لو مد ايده بصراحه اقطعهاله هو وكل حد يحاول يدافع عنه كمان
البنت المحترمه هيا اللى الكلام مبيهزهاش بس لحد الفعل وده بقى موجود يبقى لازم توقف الحيوان ده عند حده
ممكن لبس البنات والمشيه والدلع والصوت العالى يكون السبب بس ده ميسمحش للولد انه يمد ايده على جسمها
بجد معرفش الغلط فين بس يمكن يكون الطرفين غلط

وتسلم ايدك