ايه القمر ده؟........(طب بصلنا طيب)

[ŘǾnỳ ĊŰtỷ-Xx]

أولا وقبل ما انسى لازم أحييك على الموضوع
ثانيا أنا البلد الى أنا فيها (الامارات) كويسه أوى بس اتصال للشرطه تبقى عندى فى ثانيه
أو اتصل ببابا أو ماما بردوا يجولى فى ثانيه
أما بئه لو جيت أتكلم على أنى فى مصر فالمجتمع المصرى(بعضهم ها مش كلهم)يهتم بمظهر الى قدامه يعنى لابسه ضيق ومحزق وكده ومهتميه بنفسها شويه زياده عن اللزوم يفتكروها نازله تتعاكس
لكن البنت المحترمه ديه بئه الناس بتحترمها غصب عنهم وطبعا بيقى باين عليها أنها مش وش الكلام ده
بس يا جماعه برده مش معنى الكلام ده ان احنا منتزوئش ونلبس هدوم حلوه لأ نعمل كل الى عاوزينه بس منخالفش الشرع وأوامر ربنا ومننساش ((ان الله جميل يحب الجمال))
بس كده كفايه أنا بقيت أرغى كده ليه أنا لسه صغننه أنا حروح أتفرج على الكرتون بتاعى ههههه

[Aya 7ekaya]

عندك حق دا المنتقبات دلوقتى بتتعاكس بس البنت برده بتبقى هى السبب والولد بيعاكس لو لقى البنت ردت عليه يبقى خلاص اتشعبط بس البنت المحترمه برده حتعرف تتصرف فى المواقف دى

[مورى]

ممكن البنت تكون لبسه لبس مؤدب جدا وتتعاكس بس مش منقبه يعنى لبسه حجاب بس مؤدب وانا شفتها كتيييييييييييير وكمان فيه حد بيبقى لبس ديق بس مش ديق اوى ويبقى محترم عشان فيه ناس متعوده على اللبس ده وتتعاكس والولاد يفتكرو انها مش مؤدبه

ده رايئ

ميرسى على الموضوع

[حياتي ذكريات]

السلام عليكم

دولوقتي المعاكسات في كل حته ومكان

حتى والله لو البنت لابسه كويس تلاقيها بتتعاكس

زمان كانت البنت اللي مش محترمة بس هي اللي بتتعاكس

انما حاليا بقى الكل سواء .. محترمة او غير محترمه بتتعاكس برده

احسن حل في اللي قلتيهم ان البنت تمشي ولا كأن حد قالها حاجه

لان البنت لو ردت كده يمعنى انها عايزة تتكلم معاه .. لان فعلا كذا مرة

أكون ماشية انا وزميلة مثلا ليا وحد يعاكس ترد عليه يقوم يزيد وتلاقيه احيانا

يفضل ماشي ورانا لحد ما نوقفه لحد عنده بأي طريقة ..

بس حاليا اما أي حد يعاكس بنعمل نفسنا ولا كأننا شفنا او سمعنا حاجه

وهي دي الطريقة الأمثل لانه هيعرف انك مش مهتمية بكلامه وهيسكت

هو في المقابل ..

أما النوع الجديد اللي طلع بقى الايام دي ان البنت هي اللي تعاكس

فعلا ده بقى منتشر كتير اوي وشفته بعيني والمشكلة الالفاظ اللي

البنات بتقولها بتدل على ان البنت غير محترمة بالمرة

دول بقى البنات اللي مش همها لا دينها ولا سمعتها دي اللي بتلبس

مش محترم وبتلبس قصير عشان تلفت الانتباه وتتعاكس

دي اللي هتجيلها المشاكل كلها فوق راسها ويوم أكيد هتصحى

من غفلتها بس ياريت تصحى قبل ما يفوت الوقت

تسلمي على طرحك يا أسيل .. شكراً ليكي .. تقديري وودي

[simsim96]

موضوع قيم جدا

بصراحة مش شرط اي بنت تلبس ضيق وكدة نزلة عشان تتعاكس كل واحد حسب نيته والله اعلم بالنيات وبيحاسب والبنت اللي لازم عليها انها تعمله اللبس المحتشم لان عمر ما الشباب حيعاكسوا واحدة بعباية وبنقاب كمان والا حيبقي قليل الادب لو عمل كدة اما حكاية الموبايلات ده كلام فارغ والله اعلم ايه اللي حيحصل بعد كدة.........

تقبلي مروري magnet girl

[بنت جذابه]

موضوع مهم قوووي
لان بجد البنت دلوقتي بتخاف تمشي في الشارع حتى
والاب والام برضو بيخافو هنعمل ايه قدر في شباب غلسين سوري يعني
مرسي ع الموضوع