الفوارق الاجتماعية .............فى الجواز

[big bốss]

هل الفوارق الاجتماعية بين المتحابين شاب وفتاه
تكون عائقاً في إكمال مسيرة هذا الحب وتكليله بالزواج؟

قد يكون هذا السؤال غريبا بعض الشيء
لكن يصطدم أحياناً بطبيعة الحياة
خاصة إذا كان ما بين شخصين متحابين

وأقصد هنا الفوارق الاجتماعية التي تكون في صالح البنت وليس الشاب كالمعتاد

مع العلم أن للفتاة تكون على استعداد أن تتزوج بمن تحبه بأقل القليل وأقل من مثيلاتها بكثير جدًّا هذا هو قولها والتي هي على أتم الاستعداد تماماً لهذا الأمر

وإذا بالفعل تم الزواج على هذا المنوال فما هي واقعيته بعد الزواج
هل سيعوض الحب فقط النواحي المادية
خاصة إذا كانت الفتاة تعيش بطريقة معينة وتأكل وتشرب وتلبس بطريقة خاصة

ولها متطلبات يصعب على حبيبها أن يلبيها لها قبل أو حتى بعد الزواج
هل الحب سيغني الحبيبة عن كل ذلك بعد الزواج؟
أما أنها مجرد أقاويل ليس لها علاقة بالواقع بمجرد الزواج؟

[ميدو العثل]

القمر المضئ العثل

الفوارق الاجتماعية ليس لها اي عوائق
ولكن قد لايكون هناك فوارق اجتماعية وتكون هناك عوائق
والأساس في الحب والزواج هو المصارحه
والصدق بين الاثنين
وهذا قد يزيل اي عائق مهما كان ولا يجب ان يتجمل اي من الطرفين امام الطرف الآخر
ولا يتنازل اي من الطرفين عن اشياء قد يراها انها ضرورية بحياته وتعود عليها من اجل الطرف الآخر الا ان كانت من الكماليات فقط الزائده عن الحد اما الاساسيات فلن تتمكن البنت من التنازل عنها بعد الزواج وبعد ان تكون نار الحب المشتعله والاشوق الزائد التي تكون قبل الزواج قد انطفأت وهدأت
وهناك فوارق اجتماعية مقبوله
وهناك فوارق اجتماعيه كبيره وغير مقبوله
فمثلا لو قلنا انسانه تقطن بحي راقي بفيلا بها خدم وحشم ولا تعرف للمطبخ طريق
وحبيب يقطن باحدى القرى بوسط العائله وامه واخته هم من يطبخون ومنتظرين انه يتزوج من اجل ان تساعدهم زوجته في الطبيخ والغسيل وتنظيف البيت عن طريق المقشه او الغساله العاديه او البوتاجاز اللي له ثلاثة عيون منهم عينين لايعملون
هل هنا يمكن ان نسمي هذه بفوارق اجتماعيه مهما كان الحب بين الاثنين
انا عن نفسي اسميه كوارث اجتماعيه ولايمكن ان يدوم الزواج اكثر من يوم الصباحيه

هذا رأيي كرجل
امنيات الطيبه للجميع بالزواج

[الأميرة منة]

بصرااااحة انا شااايفة اهم حاااجة المستوى الاخلاقى والمستوى العلمى

اما المستوى الاجتماااعى مش مهم خااالص لان ممكن يبقى واااحد غنى بس

اخلاااقه مش كويسة او مش شاااطر فى الدراسة ومجتهد فيهااا يبقى ايه لزمته

ده من وجهة نظرى

وميرسى عالطرح المميز

[جميلة مصر]

انا من رأيى مش مهم الفوارق الاجتماعية خالص لكن اللى يهمنى اثناء الجواز اخلاق الرجل وشهادته بس
ولوكان راجل محترم ومعاه شهادة ده يكفى لكن الفوارق الاجتماعية ماتهمنيش

ميرسى عالموضوع الجميل

[ZoZa 2010]

[big bốss]

اقتباسالمشاركة الأصلية كتبت بواسطة ZoZa 2010

حضرتك دا نقاش تفدينى برايك افضل

[Aya 7ekaya]

اكيد الفوارق الاجتماعيه مش من العوائق لان فى حب فعلا حيكون كل من الطرفين راضى عن مايقدمه له الطرف الاخر لكن نقدر نقول ان اكبر العوائق من رايى المستوى التعليمى لان ما ينفعش ان الزوج يبقى اقل من الزوجه فى المستوى التعليمى واكيد ده حيكون ليه نتائج سلبيه كتير وده اللى احنا بنشوفه فى حياتنا العاديه
وشكرا على الموضوع الجميل

[حَرفُُ هجآءّ]

اممممممممممممممممممممممممممممم
فوارق ايه وبتاع ايه بس
نور
كتير ممكن نلاقى الشاب rich man
اللى مستواه مش عارفه عامل ازاى واللى معاه عربيه جامده
وووووو لكن لما ندور على اهم حاجات مش بتلاقيها
زى مثلا انه يكون انسان غيور على اهله ومراته او خطبته
او ممكن مش نلاقى اهم حاجه وهى الحب والارتياح والتضحيه
او ممكن نلاقى كل شىء عنده ايزى وكول
طيب لما نلاقى المستوى الاجتماعى والفلوس
ومفيش لا حب ولا تضحيه ولا حتى الفه بينهم
هيبقى ايه لازمته الجواز؟؟؟

عمر الفوارق بين الناس اللى يعرفوا معنى الحب
والتفاهم والارتباط يكون لها قيمه عندهم
ولها متطلبات يصعب على حبيبها أن يلبيها لها قبل أو حتى بعد الزواج
هل الحب سيغني الحبيبة عن كل ذلك بعد الزواج؟
لو بتحب الانسان ده هتستغنى عن الشىء اللى هيسعدها لمده معينه فة مقابل سعادتها بوجود
اهم انسان واغلى انسان فى حياتها معاها
أما أنها مجرد أقاويل ليس لها علاقة بالواقع بمجرد الزواج؟
دى حاجه بترجع لعقل البنت لو تافهه هتبقى اقاويل
لكن ممكن تكون بنت بتحب الكفاح وعندها الاستعداد انها تبنى حياتها بنفسها
هتستحمل اى شىء كفايه انها مع الانسان اللى بتحبه وهو اكيد بيحبها

[big bốss]

شكرا لكل لمن ابدى برايه


لكم خالص ودى