ايه رايكوا فى اختيار كم للنسب لما تيجوا تتجوزا ان شاء الله

[عاشقة الهدوء]

السلام عليكم ورحمة الله تعالى وبركاتوا



اهلا بيكم اخوتى واخواتى فى الله ربنا يكرمكم ويعزكم ويسعدكم اللهم امين

النهارده ياجماعه عاوزه اعرف منكم حاجه محيرانى ومزعلانى وارجو انكم تتكلموا

فيها بصراحه شديده ومش عاوزه حد يعملى دور المحارب فى الصحراء

او يجامل لنفسوا وميقولش الصراحه هههههه ماشى انا بقلوكوا اهو بس

كلنا طبعا ان شاء الله لما نتجوز ونتاهل انته كشاب لما تيجى تخطب واحده مثلا او

جات الخاطبه وقالتلك على واحده تخطبها وقالتلك بنت فلان الفلانى بتشوف نسبها

ايه هيعجبك الاول وتروح تخطبها ولا مش مهم عندك النسب اهم حاجه البنت الى هترتبط

بيها وخلاص طب نسبها ده لو كان فيه اى عائق مثلا وانته اعجبت ببنت فلان الفلانى

واهلك قالولك لا دا دى كان ابوها كذا وامها كذا عمها كذا الخ الخ وانته بتحبها وعاوزها

هل هتتردد وتسمع كلام اهللك وتقول اه ايه النسب ده الى انا هناسبوه ولا هيبقه عادى

ومش هدقق وهتقف لاهللك انك تاخد الانسانه دى ومش هيهمك بقه اى حاجه من الحجات دى

ونفس الكلام كمان للبنت هل اهللك بيدققوا انهم عاوزين يجوزوكى من شخص نسبوا حلو

او انتى حبيتى ترتبطى بشخص وطلع فى نسبوا عائق هتعملى ايه وهيكون شعورك

ايه وعاوزاكوا للمره الالف تجاوبوا بصراحه ومعلش هقلوكوا قصه بمناسبة النسب ده

وقولوا ايه رايكم شوفوا ياجماعه انا عندى واحده صحبطى جدها ربنا يرحموا كان زمان فيه

القريه الى انا عايشه فيها عمده العمده بتاع ايام زمان ده كان جدها بيشتغل عندوا واتربى

عندوا وخلف صبيان وبنات واولادوا دول مشاء الله الى محاسب والى مهندس والى مدرسه والى

ست بيت كويسه ومحترمه والصراحه العائله دى ياجماعه عائله محترمه جدا وناس ايه كده

ومءدبين مفيش حد بيسمع بيهم وكل اهل القريه دول عارفين انهم محترمين وموءدبين

وعندهم بنت الاخ الاكبر الى هى صحبطى دى ياجماعه يتحكيلى والله وهى بتعيط

وبتبكى بكاء شديد ان الناس عارفنها كويس وعارفين انها محترمه بس مش راضيين يجوا

لها ويتقدملها حد عارفين ليه ياجماعه عشان جدها كان بيشتغل عند عمدة ايام زمان

شوفتوا ياجماعه قمة الافتراء بتاع الناس وقمة الظلم عشان كمان ده فى نظرهم نسب وحش

ميشرفش تخيلوا ياجماعه تبقه طول عمرها كده عشان نسبها ميشرفش واحنا عارفين

القريه الريفيه ياجماعه بتبقه الناس عارفه بعضها انته كشاب وفى قريه هتعمل كده وهتبعد

عن البنت وعن خطبتها عشان كده ولا لا ولو برضوا فى المدينه هيحصل كده معلش انا رغيت

كتير انا اسفه بس نفسى تجوبونى بكل صراحه ومفيش حد يخبى حاجه فى نفسوا هههه

ومستنيه ارائكم بالتوفيق ان شاء الله

[simsim96]

بصراحة النسب دي عادات قديمة بس دلوقتي بحدش بياخد بالنسب الا القليل من الناس والحب بصراحة ميعرفش نسب ولا حاجة افردي حبيتي واحد مش من نسبك ده معناه انك متجوزيهوش اكيد لا فمش كل حاجة ناخدها عالنسب وممكن كمان تلاقي واحد مصري اخد سورية تبقي دي من النسب لا .......... ياريت اكون وصلت رايي بكلامي

وتقبلوا مروري

[فرولة]

بصى ياقمر انا ممكن ارفض العريس ده لو ابوه او امه مثلا حراميه بتوع بانجو او حشيش
لانى لازم انقى اب كويس لاولادى
لكن كان جده زبال خدام قهوجى عادى مهو كان بيشتغل شغلانه شريفه هو كان حرامى يعنى
انا عن نفسى عمرى مرفض عريس ولا امنع اخويا يتجوز واحده علشان جدها كان شريف وبيشتغل وبياكل من عرقه ومن تعبه
بصراحه ده منتهى التخلف والله بجد انا اتنرفزت من الموضوع
عارفه المشكله ايه ان لو جده ده كان حرامى ومعاه فلوس كان هيجيلها خطاب من كل الدنيا
بس انا عاوزه اقولك ان اى شغلانه شريفه مش عيب
وانا بنحنى تقديرا واحتراما لاى انسان شريف بياكل من عمل ايده مهما كانت الشغلانه دى المهم ان هو شريف
وربنا ان شاء الله هيرزقها بانسان عاقل مش متخلف ان شاء الله
وتسلم ايدك

[حياتي ذكريات]

السلام عليكم

البنت غير محاسبة انها تتحمل أخطاء أجدادها او قرايبها

يعني مثلا لو عمي كان حرامي ايه ذنبي انا في الحكاية

هو انا اللي سرقت مثلا ولا ايه !!

تقريبا الحكاية دي كانت من زمان او يمكن تلاقيها في القرى

لكن في أغلب المناطق المصرية ما حدش بقى يتعامل بالطريقة دي

انا اعرف واحده تقربلي من بعيد عايشة في قرية بس كبيرة شوية

اتقدم ليها شاب كويس جدا ومحترم لكن طلع ليه خال مش كويس

فوالدها رفضه على طول بدون أي تفاهم اول ما عرف عن خاله كده ..

عن نفسي لو اتقدملي انسان كويس ومحترم وشاريني فعلا

لكن لقيت والده مش كويس او والدته مثلا يمكن أرفضه لو كانو

بيتعاملو بالحرام او ان مثلا عرفت عنهم صفة ما أرضهاش تكون

في أم زوجي او والد زوجي كسرقة أو نهب واغتصاب وما الى غيره

احتمال كبير اني أرفضه ..

لاني أكيد هتعامل معاهم وهتكون بيني وبينهم علاقة قوية

وكمان هيبقو جدود أولادي في المستقبل ويمكن يعلموهم

حاجات مش كويسة .. او يمكن حتى الانسان اللي اتقدملي

اكتسب منهم صفات مش كويسة عن طريق تربيتهم

تسلمي على طرحك الجميل يا عاشقة الهدوء .. تقبلي تقديري وودي

[عاشقة الهدوء]

اقتباس المشاركة الأصلية كتبت بواسطة simsim96 بصراحة النسب دي عادات قديمة بس دلوقتي بحدش بياخد بالنسب الا القليل من الناس والحب بصراحة ميعرفش نسب ولا حاجة افردي حبيتي واحد مش من نسبك ده معناه انك متجوزيهوش اكيد لا فمش كل حاجة ناخدها عالنسب وممكن كمان تلاقي واحد مصري اخد سورية تبقي دي من النسب لا .......... ياريت اكون وصلت رايي بكلامي وتقبلوا مروري

تسلمى على رايك اختى وحببتى ربنا يكرمك يارب

[ZoZa 2010]

أهم حاجة النسب لأن مينفعش أوافق علي عريس

ونسبه مش كويس لأن دة فيما بعد أولادي هيعانوا منه

الجواز بيحتاج تفكير بالعقل ومش بالقلب

وبالنسبه للي نسبه ميشرفش هيلقي اللي زيه

والطيور علي أشكالها تقع

ميرسي

[عاشقة الهدوء]

اقتباس المشاركة الأصلية كتبت بواسطة فرولة بصى ياقمر انا ممكن ارفض العريس ده لو ابوه او امه مثلا حراميه بتوع بانجو او حشيش لانى لازم انقى اب كويس لاولادى لكن كان جده زبال خدام قهوجى عادى مهو كان بيشتغل شغلانه شريفه هو كان حرامى يعنى انا عن نفسى عمرى مرفض عريس ولا امنع اخويا يتجوز واحده علشان جدها كان شريف وبيشتغل وبياكل من عرقه ومن تعبه بصراحه ده منتهى التخلف والله بجد انا اتنرفزت من الموضوع عارفه المشكله ايه ان لو جده ده كان حرامى ومعاه فلوس كان هيجيلها خطاب من كل الدنيا بس انا عاوزه اقولك ان اى شغلانه شريفه مش عيب وانا بنحنى تقديرا واحتراما لاى انسان شريف بياكل من عمل ايده مهما كانت الشغلانه دى المهم ان هو شريف وربنا ان شاء الله هيرزقها بانسان عاقل مش متخلف ان شاء الله وتسلم ايدك

ربنا يخليكى ياحببتى وتسلمى على رايك الرائع الجميل


وانا والله موضوع فعلا مزعلنى ومستفزنى اكتر منك وكل ما افتكر


الموضوع ده ازعل عشان صحبتى دى واحط نفسى مكانها

تسلمى حببتى وربنا يعزك ويكرمك

[رُ و و ح’]

احم احم (بسم الله الرحمن الرحيم )
اول حاجه الجواز في نظري طبعا كله مشاكل وانا متعقده من الموضوع ده وانا بصراحه مابفكرش اصلا في الموضوع ده بس بفكر في الدراسه والنجاح واني ابقى دكتوره واسافر المكان اللي عايزاه ومفيش حد يتامر عليا ولا يقول لي انتي رايحه فين وجايه منين وشكرا على الموضوع مع اني مبحبش: اتكلم فيه
:SuN047:

[ماتركس]

السلام عليكم ياا عااشقه الهدووء
تسلم علي موووضووعك المنتشر في مجتمعناا ده
بس عاايز اقووالك ايه ذنبهاا البنت المسكينه انوو اهلهاا طلعوو حراميه
او طلعوو وحشين
اناا هتجوز البنت مش هتجوز اهلهاا وطول ماا اناا بحبهاا وعارف اخلقهااا
يبقي موووضووع الاب والاهل مليش دخل بيهم
وهنيجي لكلام النااس ياا عااشقه الهدوء
النااس مش بتبطل كلام سواء في الحلوو او الوحش
الواحد اذااكاان الانساان او الانساانه اللي هيرتبط بيهاا شيفهاا
انساانه كوويسه وعارفه ربناا
يبقي يتووكل علي الله
علشاان ايه ذنبهاا المسكينه طلعت لقيت اهلهاا حراميه والا اهلهاا تجار مخدارات
اللي بيبص لااهلهااا يبقي ده مش بيحبهااا وبالطريقه د انوو هيتزوج
علي اساس الاهل
د طريقه غلط من الاسااس
وبارك الله فيكي وفي مووضوعك اا عاشقه

[ساري الليل]

عندنا في الجزيره

العربيه


النسب قبل كل شي والحب لا داعي له