عن الحب وكده 00 لكل العاشقين

[عاشق الأحزان]

عـن الحــب وكــده




هل أنت متردد في اختيار شريك حياتك ومش عارف هو مناسب ولاّ لأ؟؟؟
هل مشاكلك زادت مع زوجتك وبتحاول تصلح العلاقة؟؟
هل حاسس إن فيه شروخ في علاقتك مع حبيبك؟؟
هل بتحس ساعات إنه مش فاهمك وإنت مش فاهمة؟؟


.. الحب

هو أقوى عاطفة إنسانية على الإطلاق.. مافيش حد يقدر ينكر طبعا
بيقولوا إن الحب أعمى وإن الواحد مش ممكن يفكر لما بيحب.. والاعتماد بيكون على القسمة والنصيب.. وبيقولوا إنك لو حبيت حد مش مناسب فلازم تضحي عشانه مهما كان حجم التضحية.. لأن كلما زادت التضحية كان ده دليل أقوى على الحب


هل الكلام ده صح؟؟
الإجابة هي: طبعا لأ
الكلام ده مش صح..
فيه قواعد حطها الباحثين وخبراء العلاقات الإنسانية عشان تنجح أي علاقة.. لكن للأسف احنا ماعندناش أي فكرة عنها


الدنيا ربيع والجو بديع

الإحباط شيء مؤكد في حياتنا كلها ولازم نتعامل معاه
هتحبط في العمل مثلا.. في الدراسة.. في البيت.. في الشارع
وأكيد أكيد.. هتلاقي إحباط.. في الحب
لما بنحب بنلاقي كل حاجة حلوة.. الدنيا ربيع والجو بديع والعصافير بتصوصو حواليك ومافيش أي مشاكل في الحياة.. كله رائع وجميل.. لكن هل الحالة دي بتستمر؟؟
طيب.. عشان نعرف إيه هو الموضوع لازم نتكلم عن مراحل الحب



**المرحلة الأولى: مرحلة الانبهار

في المرحلة دي بتكون العلاقة لسه في أولها.. لسه عارفين بعض والكيوبيد لسه رامي سهمه في قلوبهم
تتميز المرحلة دي بالتالي: بتشوف الشخص اللي بتحبه على إنه (كامل) ومافيهوش أي نقص.. ظريف ودمه خفيف وبتبقى سعيد وإنت معاه وكده يعني.. باختصار: بتحس إنه كامل
والمرحلة دي هي اللي أنتجت كل قصائد الحب والأغاني في التاريخ الإنساني.. لأنها -زي ما احنا عارفين كلنا- أروع ما في العلاقات الإنسانية



**المرحلة التانية: الاكتشاف

هي مرحلة إنكم تعرفوا بعض أكتر
بمرور الوقت هتكتشف إن الشخص اللي بتحبه مش كامل زي ما كنت فاكر.. هتكتشف فيه عيوب وحاجات ماكنتش تعرفها.. بل وحاجات بتضايقك كمان

هل ده طبيعي؟
الاجابة: طبيعي تماما.. ولما تلاقي ده بيحصل اعرف إنك ماشي صح
في المرحلة دي بتختفي الصورة المزيفة الي كنت شايفها في مرحلة الانبهار.. هتشوف الشخص ده على طبيعته وفي الوقت ده تقدر تقرر



كيف نتعامل مع هذه الاختلافات؟؟
فيه جملة مشهورة جدا بيقولها المحبين في المرحلة دي: احنا عشان بنحب بعض.. هنتغير احنا الاتنين
هل ده صح؟
الإجابة: الباحثين بيقولوا: غلط طبعا
لنجاح أي علاقة، لازم تحترم اختلاف الآخر وماتحاولش تغيره مطلقا
باكرر: ماتحاولش تغير شريك حياتك.. حاول تتعايش مع الاختلاف وتوضح له اللي بيضايقك.. بس
في المرحلة دي تأكد من إنك عرفت الاختلافات اللي في الشخص ده كويس.. واسأل نفسك: هل لسه باحبه رغم الاختلافات دي؟
هل هاقدر أتعايش مع الاختلافات دي؟؟
هل هيحصل صدام بسبب الاختلافات دي؟؟
هل الصفة دي جزء من هويته وتكوينه؟
طبعا فيه تضحيات في الحب.. لكن ما حدود التضحية؟؟



كل واحد فينا عنده هويّة شخصية.. هي اللي بتحسسه بالثقة والإحساس بذاته.. ومن غيرها يفقد تقديره لذاته
إنت بتنظر لنفسك ازاي؟؟
إنت مين؟
إيه صفاتك؟
كل واحد فينا عنده ثوابته ومبادئه أيا كانت... دينية، اجتماعية، ثقافية
حاجات ماينفعش تتغير فيه

واحد ملتزم (هويته): القرب من الله هو طريق السعادة
واحد متحرر (هويته): لا زم أنبسط قدر الإمكان.. باكره الزعل
واحد مصلح (هويته): هدفي أصلح البلد
وكده يعني
كل واحد له هويته اللي بتحدد نمط حياته
زي ما قلنا: الاختلاف طبيعي بين أي اتنين بينهم علاقة.. بس أهم حاجة: الهوية دي ماتكونش متضاربة
يعني ضحي بأي حاجة إلا هويتك.. لو حد منكم ضحى بهويته هيتعب ومش هيقدر يكمل
نجاح العلاقة بيعتمد على إن: كل واحد يقبل التاني زي ما هو من غير ما يسعى لتغييره.. وهو ده اللي بيسموه
the unconditional love
أو الحب غيرالمشروط
أي خلاف بينك وبين حبيبك لو كان فيه أي حاجة أيا كانت ممكن تتعايش معاه.. إلا لو اختلاف في الهوية

ما أهم قيمة في حياتك؟؟
جميل.. لا تتنازل عنها إذن
حافظ على هويّتك وماتضحيش بيها واسأل نفسك: لو ماغيرتش هويتي أو هي غيرت هويتها.. هل هتستمر العلاقة؟؟
لو إجابتك هي: نعم
يبقى ألف مبروك مقدما
وابقوا اعزموني على الفرح
مش تنسونى دنا عشوق حبيبكم وناصحكم



تحياتي لكم
المحب لكم دائما
اخوكم
عا الاحزان شق

[~ zahorah~]

طبعا انا ليا الشرف اني ارد او وحدة



المفروض الواحد ما يغيرش هويتو عشان اللي بيحب زي ما قلت

بس انا من رأي مهما كان عيب اللي بنحب المفروض نستحمل ونصبر ونفضل معاه

لان الحب بجد حاجة مقدسة

و ما بيحش بقيمتوا الا اللي ما بيمتلكهوش

فبعيد الحب حاجة مقدسة جدا جدا جدا





ومعرفش اشكرك يا عاشق الاحزان ازاي بس بجد ل اقعد اشكر في حضرتك من هنا الى بعد سنة مش حوفي

ثانكيووووووو

أختك/ دموع الندم

[فوءة]

بصراحة ياعاشق موضوع رائع وياريت كل اللى مقدم على الارتباط يتطلع الى هذه النقاط فعلا كل شخص له طبيعته والطبع يغلب التطبع ولكنى اختلف فى رايى لان زم الشخص يحاول يغير من نسه شويه دون المساس بالهوية والا محدش هيتجوز:Sport-027:

[فارس العمارى]

موضوع جميل وهادف وأرى أن من الصعب جداً أن نجد الحب يمعنى الحب .. فى ظل تلك الأيام هناك الحب المقنع .. ونرى بعد مرور الأيام ما وراء الستار ليكون شىء يحول مفاهيم تفكيرنا عن الحب الجميلة الى الحزينة .. هذا لم يعد ذنب الحب بعد الآن ولكنه ذنب البشر الذين صنعوا من خوفهم علاقات مقنعة لأغراض نفسية لهم .. ولكن يبقى الحب الحقيقي نادراً وموجود بينا يبحث عن أحباء يعرفنون كيف يكون الحب ..



مشكور أخى الغالى / عاشق الأحزان على روعتك الجميلة وحقاً تثبت بعد كل خطوة من خطواتك أنك من أندر الأقلام والتى نسعي دائماً للتميز بين الناس بها


عذراً ...




لن تسعنى صفحاتك لاقول لك ما يحول فى فكرى عنك ولكن يكفيك الآن أن أقول أنت سيد نبيل من أسياد القلم الجميل والفكر النادر الرائع





فارس العمارى

[عاشق الأحزان]

اقتباس المشاركة الأصلية كتبت بواسطة دموع الندم طبعا انا ليا الشرف اني ارد او وحدة المفروض الواحد ما يغيرش هويتو عشان اللي بيحب زي ما قلت بس انا من رأي مهما كان عيب اللي بنحب المفروض نستحمل ونصبر ونفضل معاه لان الحب بجد حاجة مقدسة و ما بيحش بقيمتوا الا اللي ما بيمتلكهوش فبعيد الحب حاجة مقدسة جدا جدا جدا ومعرفش اشكرك يا عاشق الاحزان ازاي بس بجد ل اقعد اشكر في حضرتك من هنا الى بعد سنة مش حوفي ثانكيووووووو أختك/ دموع الندم

أختي الغالية ¨°o.O (دموع الندم ) O.o°¨


اولا اشكرك يا غاليه على حسن الرد
وده طبيعي انه كل انسان يحتفظ بهويته اللى هيا مبادئه من اجل ان يستمر الحب
وكل واحد يفهم الثانى علشان الحب ده يستمر

يسلموووو يسلموووو يسلموووو

على مرورك العطر والكريم الذى زين صفحتي وزادها اشراقا ونوراً

والله لا يحرمنى منك ومن ردودك



دمتي بود


"¨°°o°°¨]§[° عا الأحزان شق°]§[¨°°o°°¨"

[عاشق الأحزان]

اقتباس المشاركة الأصلية كتبت بواسطة فوءة بصراحة ياعاشق موضوع رائع وياريت كل اللى مقدم على الارتباط يتطلع الى هذه النقاط فعلا كل شخص له طبيعته والطبع يغلب التطبع ولكنى اختلف فى رايى لان زم الشخص يحاول يغير من نسه شويه دون المساس بالهوية والا محدش هيتجوز:Sport-027:

أختي الغالية ¨°o.O (فوءة ) O.o°¨


اشكرك يا فوءة على حسن الرد
طبعا احنا متفقين انه الهويه دى مبادئ ومحدش بيغير فيها
وانا معك انه الطبع بيغلب التطبع وعلشان كده فى مرحله اسمها مرحله الاكتشاف بعد الانبهار
فيها بيبين كل شئ عن الطبع الاساسي
وهنا يبقى السؤال هل تستمر العلاقه بعد ان فشل التطبع وانتصر الطبع
علشان كده مرحله الاكتشاف هيا المصير بين كل اثنين بيحبه بعض
والتصحيه والوفاء فى هذه اللحظه بيكونو مطلوبين
علشان نستمر لازم نضحي احنا الاثنين ونبدا مرحله الوفاء بعد التضحيه فورا او معاها


يسلموووو يسلموووو يسلموووو

على مرورك العطر والكريم الذى زين صفحتي وزادها اشراقا ونوراً

والله لا يحرمنى منك ومن ردودك



دمتي بود


"¨°°o°°¨]§[° عا الأحزان شق°]§[¨°°o°°¨"

[عاشق الأحزان]

اقتباس المشاركة الأصلية كتبت بواسطة فارس العمارى موضوع جميل وهادف وأرى أن من الصعب جداً أن نجد الحب يمعنى الحب .. فى ظل تلك الأيام هناك الحب المقنع .. ونرى بعد مرور الأيام ما وراء الستار ليكون شىء يحول مفاهيم تفكيرنا عن الحب الجميلة الى الحزينة .. هذا لم يعد ذنب الحب بعد الآن ولكنه ذنب البشر الذين صنعوا من خوفهم علاقات مقنعة لأغراض نفسية لهم .. ولكن يبقى الحب الحقيقي نادراً وموجود بينا يبحث عن أحباء يعرفنون كيف يكون الحب .. مشكور أخى الغالى / عاشق الأحزان على روعتك الجميلة وحقاً تثبت بعد كل خطوة من خطواتك أنك من أندر الأقلام والتى نسعي دائماً للتميز بين الناس بها عذراً ... لن تسعنى صفحاتك لاقول لك ما يحول فى فكرى عنك ولكن يكفيك الآن أن أقول أنت سيد نبيل من أسياد القلم الجميل والفكر النادر الرائع فارس العمارى

أخي الغالي ¨°o.O ( فارس العماري) O.o°¨

اشكرك على حسن الرد يا غالي
فانت دائما مميز والعين لا تعلى على الحاجب
فى هذا الموضوع يا غالي
نكشف كل الوجوه المزيفه خلف ستار الحب
ونضع النقاط على الحروف
فانا معك ان البشر صنعو من الحب قناعات مزيفه خلفها سواهى ودواهي كما يقولون
ولكن يبقى الحب هو اسمى صفه بالوجود البشري
وزى ما قال افلاطون او مثل ما كان يتمنى
انه يبنى مدينه كامله كل اللى يعيش فيها يحبو بعض
ولكن هذا مستحيل
وفى النهايه نعم للحب نعم للحب نعم للحب

يسلموووو يسلموووو يسلموووو

على مرورك العطر والكريم الذى زين صفحتي وزادها اشراقا ونوراً



والله لا يحرمنى منك ومن ردودك

دمت بود


"¨°°o°°¨]§[° عا الأحزان شق°]§[¨°°o°°¨"

[razan]

عاشق الاحزان بجد موضوع رائع
سلمت اناملك

ودمت متميز

بس انا شايفة انة فعلا الحب اصبح نادر حاليا المصالح والاغراض اصبحت بتحكم كل شئ

تقبل مرورى وتحياتى

[عاشق الأحزان]

اقتباس المشاركة الأصلية كتبت بواسطة razan عاشق الاحزان بجد موضوع رائع سلمت اناملك ودمت متميز بس انا شايفة انة فعلا الحب اصبح نادر حاليا المصالح والاغراض اصبحت بتحكم كل شئ تقبل مرورى وتحياتى

أختي الغالية ¨°o.O (رزان ) O.o°¨



برضو يارزان كلامك فيه منه
ومن انواع الحب هو حب المصاله
علشان كده مينفعش نسميه حب
يسلموووو يسلموووو يسلموووو

على مرورك العطر والكريم الذى زين صفحتي وزادها اشراقا ونوراً

والله لا يحرمنى منك ومن ردودك



دمتي بود


"¨°°o°°¨]§[° عا الأحزان شق°]§[¨°°o°°¨"

[سندريلا مصر]

تسلم ايدك يا عااااشق على الموضو الروووووعه

ان من رأي انا الشخص لوبيحب حد ممكن يتغير عشان خاطره عشان يبقى كويس في نظره طبعا لأنه بيحبه ...

وخصوصا اذا كان الشيئ ده غلط ..


ومرسي مره تانيه على الموضوع التحفه...