سلفنى شكرا ......كلمنى شكرا .......استلفلى شكرا

[حَرفُُ هجآءّ]

السلام عليكم ورحمة الله وبركاته




عندى موضوع بيحوطنا كلنا اوى هو

السلف سلفنى شكرا كلمنى شكرا استلفلى شكرا .............


ياترى فى حد منكم ممكن يستلف علشان يبان فى مستوى غير مستواه ؟
ازاى يعنى ..

اقولكم يعنى ممكن تستلف موبيل جامد عشان تخرج بيه مع بنت
او تستلفى طقم عشان تقابلى بيه انسان مرتبطه بيه منظره بقا






بلاش دى..........

طب ممكن تستلف علشان تروح تصيف علشان منظرك قدام صحابك



طيب الناس دى مينفعش تعيش وتكمل يومها لحد ماربنا يرزقها

اعرف ناس بيعملوا افراح عاليه جدا عن مستواهم منظره يعنى

ويقعدوا يسددوا فلوس الفرح لحد العيال لما تكبر




وناس تستلف وتلبس عشان تبان بنت ناااااااااااس اوى اوى


وايه بقا ناس تستلف وطنش او تستلف وطلع ميت حجه لو هترجع الحاجه

وتجيبها بايظه دابت ماتت اتحرقت


هل انت من مؤيدى موضوع انك مزنوق استلف ؟

طيب هل انت ممكن تسلف حاجاتك يعنى لبسك _ الشوز مثلا _ماكياجك ؟!

وتعمل ايه لو الحاجات بتاعتك مرجعتش فى وقت انت حدده ............؟؟




طيب ايه اغرب المواقف اللى حصلتلك فى موضوع السلف ده ؟

وايه هى اغرب حاجة سمعت عناه اتسلفت ؟

وايه هى اطرف المواقف اللى حصلتلك فى موضوع السلف ؟

مستنياكم تقولولى

وخليكم فاكرين ان " السلف تلف والرد ...........خسارة "

وبرضه افتكروا " ان من فرج عن اخية كربه فى الدنيا فرج الله كربه يوم القيامة"

تفتكروا ان ده يبرر انك تستلف علشان الحاجات اللى انا قولتها سابقا

[عاشقة الهدوء]

السلام عليكم ورحمة الله وبركاتوا


اولا تسلمى اخيتى على موضوعك المهم ثانيا انا ولله الحمد وربنا يارب يدمها عليه نعمه انى عمرى

فى حياتى ما ستلفت من حد ولا عمرى فكرت لو مذنوقه انى استلف وادين نفسى

عشان اقضى حاجتى دى بسرعه لا انا بستنى كده براحتى خالص والطلب الى انا

عاوزاه مش هيهرب يعنى لحد ما ربنا يفرجها واقبض وبعد كده اعمل الى انا عوزاه

ومستلفش من حد وبعدين عمرى فى حياتى مابصيت انى اخد لبس ولا موبايل

من اصحابى عشان اتنمظر ولا اعمل نفسى بنت بارم ديلوا الحمد لله الشخصيه هى

الى بتحكم عندى الواحد بشخصيته القويه مش بلبس ولا منظره والى يفكر بالطريقه

دى يبقه انسان عندوا نقص وهو الى بيجبوا لنفسوا الاخر ويلاقى الدنيا بايظه معاه

وطبعا ياحببتى زى ما الحديث بيقول انا طبعا عمرى ما واحده صحبتى طلبت منى

حاجه ومعملتهاش يعنى الحمد لله اللهم للك الحمد انا فى الحجات دى مفيش كلام

واغرب حاجه سمعت عنها فى السلفه هى الشراب ههههههههه اوعى تصدقى

الصراحه معرفش وتسلمى ياحببتى تقبلى مرورى

[جميلة مصر]

السلام عليكم ورحمة الله وبركاته
هل انت من مؤيدى موضوع انك مزنوق استلف ؟
لا انا مش معاه مبحبش استلف من حد حاجة
طيب هل انت ممكن تسلف حاجاتك يعنى لبسك _ الشوز مثلا _ماكياجك ؟!
ممكن اه وممكن لا على حسب الشخص اللى هسلفه

وتعمل ايه لو الحاجات بتاعتك مرجعتش فى وقت انت حدده ............؟؟
هتضايق وعوضى على ربنا بقى




طيب ايه اغرب المواقف اللى حصلتلك فى موضوع السلف ده ؟
مابتذكرش موقف
وايه هى اغرب حاجة سمعت عناه اتسلفت ؟

مافيش


وايه هى اطرف المواقف اللى حصلتلك فى موضوع السلف ؟
ماحصلش معايا
كل اللى بيحصل معايا مع المتسولين وبيطلعوا فى الاخر مش محتاجين ولا حاجة

يلا سلام

ميرسى يا قمر على الموضوع الجميل

[queen of my time]

اولا موضوعك جميل وشكراا



هل انت من مؤيدى موضوع انك مزنوق استلف ؟
يعني في الحاجات المهمة بس مش في المنظرة والكلام ده اكيد


طيب هل انت ممكن تسلف حاجاتك يعنى لبسك _ الشوز مثلا _ماكياجك ؟!
لو مهم اوي اوك


وتعمل ايه لو الحاجات بتاعتك مرجعتش فى وقت انت حدده ............؟؟
لو من غير عذر بصراحه هتضايق اوي



طيب ايه اغرب المواقف اللى حصلتلك فى موضوع السلف ده ؟
وانا في اعدادي واحده صاحبتي طلبت مني تستلف كراسة التعبير بتاعتي وشوية حاجات ليا خاصة بالمدرسة علشان معملتش اي حاجة


وايه هى اغرب حاجة سمعت عناه اتسلفت ؟
ورقة اجابة في امتحان شهر


وايه هى اطرف المواقف اللى حصلتلك فى موضوع السلف ؟
الموقف اللي حكيت عليه قبل كده (السؤال اللي قبل اللي فات )


مستنياكم تقولولى

وخليكم فاكرين ان " السلف تلف والرد ...........خسارة "

وبرضه افتكروا " ان من فرج عن اخية كربه فى الدنيا فرج الله كربه يوم القيامة"

تفتكروا ان ده يبرر انك تستلف علشان الحاجات اللى انا قولتها سابقا

وشكرااا

[~♥ Queen sozan♥~]

وخليكم فاكرين ان " السلف تلف والرد ...........خسارة "

ههههههههه
هو انتى تعرفى ماما ولا اية

ـــــــــ
المهم اقول انا فكرت فى اية لم شوفت اسم الموضوع
اصل بصراحة ضحكت جدااا لان لسة مستلفة من الشركة رصيد
والله بجد من موبنيل عيزة اعمل مكالمة ضرورى ومش لقية حد يشحالى
المهم افتكرت انك هتتكلمى عن كدة بس طلع كلو سلف بردو


بصلا يا اسيل انا الحمدلله عمر ما بستلف من حد غير اخواتى
وبتكون فلوس وبضرب علية يعنى مش براجعها
هههههههههههه
وهم عارفين انى للى باخدو مش براجعو بس على قلبهم زى العسل
وعمرهم ما قالولى لاء
عشان سعات بيستلفو بردو
بس مجربتش استلف من حد حاجة عمررررررررى
بجد
بس اكيد موضوع السلف دة مع اى حد وخصوصا للى انتى قلتيها دة
بيكون للى المظاهر الفاضية والكدابة ودة غلط
وبصراحة مش بئيدو لان لية منعش على قدمنا بحاجتنا
لازم نتعايق با حاجت غارنا

عجبى عليكى يا دنيا

المهم
شكرا على موضوعك

[دمعة مبتسمة]

هل انت من مؤيدى موضوع انك مزنوق استلف ؟
أنا غير مؤيدة أبداااااااااااااااا لشئ كهذا
أحسه أنه من الاشياء السيئة خاصة لو كان السبب أنى أتمنظر أمام الناس

طيب هل انت ممكن تسلف حاجاتك يعنى لبسك _ الشوز مثلا _ماكياجك ؟!
لو حد طلب منى أكيد هسلف حتى لو كنت غير راضية
لانى شو راح أقول الى من طلبت منى هذا ؟؟!!

وتعمل ايه لو الحاجات بتاعتك مرجعتش فى وقت انت حدده ............؟؟
هنتظر الى ان ترجع
لكن لو تأخرت زيادة عن اللزوم أكيد هطلب حاجتى


طيب ايه اغرب المواقف اللى حصلتلك فى موضوع السلف ده ؟
أغرب موقف
انى مرة صحبتى طلبت منى أسلفها ملابس تبعى علشان تحضر بيه فرح
وأعطيته ليها على انها ترجعه فى يوم محدد لكنها لم تفعل
اتصلت بيها ولكنى لم استطع الوصول اليها
وبعدين ماما قلت لى روحى لها البيت وهاتى حاجتك
رحت لها واخذته لكن لما غسلته باظ واحلى حاجة فيه باظت وزعلت عليه اوى
بس مش عارفة ممكن يكون باظ من طريقة الغسيل

وايه هى اغرب حاجة سمعت عناه اتسلفت ؟
اغرب حاجة انى فى ناس اعرفهم دايما يستلفوا ملابس من أصحابهم أكنى ما عندهم لبس
لدرجة ما تعرفى اذا كانت اللى لبساه بتعها ولا لاء

وايه هى اطرف المواقف اللى حصلتلك فى موضوع السلف ؟
بصراحة مفيش

ومشكووووووووووووووووووووورة

[حياتي ذكريات]

السلام عليكم

موضوع جميل يا أسيل

اتنين مش بحب أتعامل بيهم خالص السلف والتقسيط

بصي انا مش بحب الطريقة دي عشان بحب الحاجه تبقى ملكي

ويكون بالي مرتاح ..

وكمان لما بكون مستلفة مثلا حاجه ببقى لازم أرجعها هيبقى دايما

حاسه ان فيه حاجه مساكه عليا او اني مش براحتي طول اليوم

ونفس الحكاية التقسيط برده مش بحب الطريقة دي في التعامل

عشان بحس اني هكون شايلة هم

عارفة لما يكون حد سايب حاجه عندي بحس اني شايلة أمانه كبيرة

ولو حصلها حاجه هكون انا الغلطانة في الاول والأخير

فبحب الحاجة تكون ملكي وخاصة بيا وما يكونش لحد عنده حاجه مني

عشان بالي يفضل مرتاح ..

فعشان كده مش بحب أستلف من حد حاجه الا في وقت الضروره جداا

وما افتكرش اصلا اني استلفت بس لو حد طلب مش هتأخر مساعده

الناس حاجه حلوة

تسلمي على الطرح يا أسيل .. كل التوفيق ليكي

[فرولة]

هل انت من مؤيدى موضوع انك مزنوق استلف ؟
لا انا عن نفسى عمرى معملتها واستلفت حاجه من حد انا على قد لحافى بمد رجليا الحمد لله

طيب هل انت ممكن تسلف حاجاتك يعنى لبسك _ الشوز مثلا _ماكياجك ؟!
ممكن اديها للى طلبها بس مبخدهاش تانى لانى بقرف بصراحه وبخاف من الامراض الجلديه والحاجات دى

وتعمل ايه لو الحاجات بتاعتك مرجعتش فى وقت انت حدده ............؟؟
لا مانا بقوله مترجعهاش بس لو انا طلبت منه يرجعها ومرجعهاش اكيد مش هديله حاجه تانى لانى بحب الالتزام واحترام المواعيد




طيب ايه اغرب المواقف اللى حصلتلك فى موضوع السلف ده ؟
اغرب حاجه بقى واحده معرفهاش ولا تعرفنى شافتنى لابسه طقم معين ومشيت ورايا وعرفت البيت وجتلى بعدها تقولى ممكن تسلفينى الطقم اللى كنتى لابساه من يومين بس بصراحه استغربت جرائتها ودى ولا اعرفها ولا تعرفنى
بس اديتهولها وقولتلها مترجعيهوش تانى

وايه هى اغرب حاجة سمعت عناه اتسلفت ؟
الدبابيس-التوك-الاندر وير وحاجات زباله والله

وايه هى اطرف المواقف اللى حصلتلك فى موضوع السلف ؟
لما واحده صحبتى عرفت انى جايبه طقم جديد وجت تقولى سلفهيولى مهيا عارفه انى مباخدش الحاجه تانى يعنى كانت عاوزه تستقرضنى بس انا وقفت وقولتلها تصدقى انتى معندكيش دم اصلها بصراحه سمجه قوى انها تطلب طلب زى ده ثم ان بباها راجل ماشاء الله ميسور الحال ومش بيبخل عليها بس هيا طفاسه وفراغة عين

وتسلم ايدك

[حَرفُُ هجآءّ]

اقتباسالمشاركة الأصلية كتبت بواسطة عاشقة الهدوءالسلام عليكم ورحمة الله وبركاتوا


اولا تسلمى اخيتى على موضوعك المهم ثانيا انا ولله الحمد وربنا يارب يدمها عليه نعمه انى عمرى

فى حياتى ما ستلفت من حد ولا عمرى فكرت لو مذنوقه انى استلف وادين نفسى

عشان اقضى حاجتى دى بسرعه لا انا بستنى كده براحتى خالص والطلب الى انا

عاوزاه مش هيهرب يعنى لحد ما ربنا يفرجها واقبض وبعد كده اعمل الى انا عوزاه

ومستلفش من حد وبعدين عمرى فى حياتى مابصيت انى اخد لبس ولا موبايل

من اصحابى عشان اتنمظر ولا اعمل نفسى بنت بارم ديلوا الحمد لله الشخصيه هى

الى بتحكم عندى الواحد بشخصيته القويه مش بلبس ولا منظره والى يفكر بالطريقه

دى يبقه انسان عندوا نقص وهو الى بيجبوا لنفسوا الاخر ويلاقى الدنيا بايظه معاه

وطبعا ياحببتى زى ما الحديث بيقول انا طبعا عمرى ما واحده صحبتى طلبت منى

حاجه ومعملتهاش يعنى الحمد لله اللهم للك الحمد انا فى الحجات دى مفيش كلام

واغرب حاجه سمعت عنها فى السلفه هى الشراب ههههههههه اوعى تصدقى

الصراحه معرفش وتسلمى ياحببتى تقبلى مرورى

مفيش احلى من البساطه فى كل شىء

عمر اللبس ولا الشكل ولا الاستايل
ما يرفعوا من شأن انسان
الشراب ههههههههههههههههههه جديده دى
ميرسى لمرورك

[حَرفُُ هجآءّ]

اقتباسالمشاركة الأصلية كتبت بواسطة جميلة مصرالسلام عليكم ورحمة الله وبركاته
هل انت من مؤيدى موضوع انك مزنوق استلف ؟
لا انا مش معاه مبحبش استلف من حد حاجة
طيب هل انت ممكن تسلف حاجاتك يعنى لبسك _ الشوز مثلا _ماكياجك ؟!
ممكن اه وممكن لا على حسب الشخص اللى هسلفه

وتعمل ايه لو الحاجات بتاعتك مرجعتش فى وقت انت حدده ............؟؟
هتضايق وعوضى على ربنا بقى




طيب ايه اغرب المواقف اللى حصلتلك فى موضوع السلف ده ؟
مابتذكرش موقف
وايه هى اغرب حاجة سمعت عناه اتسلفت ؟

مافيش


وايه هى اطرف المواقف اللى حصلتلك فى موضوع السلف ؟
ماحصلش معايا
كل اللى بيحصل معايا مع المتسولين وبيطلعوا فى الاخر مش محتاجين ولا حاجة

يلا سلام

ميرسى يا قمر على الموضوع الجميل

ميرسى لرأيك
فعلا موضوع السلف ده بيضايق
عن نفسى مش بستلف حاجه من حد
لكن بيستلف منى ببقى بديهاله وعارفه انى مش هاخدها
حتى لو رجعها

وسلام بقى