العبرة مش بالعدد العبرة بمستقبل البنت والولد

[ندى مصطفى]

بصراحة انا بحب الاطفال وشيفه ان ده رزق و ان يعنى لو واحد جيله فلوس هيقول لا مش عايز وكفايه فلوس كده زى ما بيقول كفايه مش عاوز عيال كده ربنا قال ان المال والبنون زينة الحياة الدنيا
و ربطهم ببعض يعنى لو انا شايف انى اقدر اصرف على اولادى واعيشهم واربيهم كويس ليه ما اجيب اطفال
الامه العربيه الحمد لله مش بتعانى من قلة الاخصاب زى اوروبا وزى فرنسا بالاخص
و فى حديث للرسول انا مش فاكره نصه اوى ولكن ما معناه انه قال تناسلوا فانا متباهن بكم يوم القيامة ده معنى الحديث
وانا نفسى يكون عندى اربع اطفال على الاقل
ميرسى على الموضوع الرائع يا قمر

[sฝeet αηgeℓ]

مش عرفة انا ليه الاعلان ده استفززني
مع اني مع فكرتوا وهادفة فعلا
بس حسيت كده انهم بيقولوا للناس متخلفووش خالص احسن ههههه
وفي الاول وفي الاخر في الرزق بايد ربنا بس بردوه لازم يكون الانسان
حريص وعارف مصير ويلادو وازاي يامن احتياجتهم
ميرسي توبك جميل اوي

[حياتي ذكريات]

السلام عليكم

انا مش مع تحديد النسل بالضبط يعني مثلا زوج ومراته يتفقو

على انهم يخلفو عيلين بس عشان الرزق .. طيب ما الرزق بيد

الله عز وجل وكل انسان معاه رزقه ومكتوب ومقدر في الصحف

وأمر مفروغ منه حتى قبل ولاده البني آدم

بس دولوقتي الاعلانات اللي معمولة دي بسبب ان الحكومة عايزة

تقلل من الناس دولوقتي في مصر كل 18 ثانية بيتولد طفل

وبعدين الاعلان بصراحة بيستفزني أوي يعني كأن الراجل ومراته

هيخلف ولد وبنت أمر مقدر يعني .. ما يمكن يكون ولدين أو بنتين

ويجي نفسه في ولد او بنت يبقو كده تلاته

بصي الخلفة بيد الله وكل شيء يجي من الله جميل

انا ضد النسل لو كان خوف من رزقه وتكاليفه لان الله في النهاية هو الرزاق

لكن جميل ان الانسان يكون عنده اطفال عددهم كويس لا هما كتير أوي

عشان ما يعرفش يربيهم زي ما بيحصل في المناطق النائية بيحبو يخلفو

كتير عشان يساعدوهم في الزراعه

ولا هما قليل بحيث ان يكون الانسان نفسه في ولد او بنت كمان بس خايف من رزقه

تسلمي على طرحك يا اسيل .. تقديري وودي ليكي

[قلب القمر]

هما بصراحة عندهم حق
لان طفلين اكيد احسن من 4 او 5
وخصوصا في الظروف اللي احنا عايشين فيها
وعشان تقدري تعيشيهم كويس
وتوفري ليهم كل اللي محتاجينه

موضوع جامد جدا بجد تسلم ايدك فانتى دائما متميزة ورائعة فى مواضيعك الجميلة دى