أنا زهقان جداااا!!!

[البرنس رامى]

بسم الله الرحمن الرحيم

السلام عليكم ورحمة الله وبركاته

انا زهقان جدااا

طبعا عنوان غريب لموضوع أغرب
ولكن حسيت انى عاوز اتكلم معاكم بالبلدى
وبدون مقدمات
حاسس انى فيا كلام كتير
ومخنوق بجد مش عارف فيه ايه
البلد حصل فيها ايه وايه اللى بيحصل لنا ده
حاجه غريبة جدااا
اصبحنا فى عصر السرعه
امبارح غير النهارده
والحياة بقت سريعه
مش الحياة بس اللى بقت كده
لأ ده الموضوع كبير جدااا
مصر فيها شىء غلط بيحصل
او بمعنى آخر البلد مبقاش حد قلبه عليها
حاسس ان بلدنا
اللى هى مصرنا الغاليه
فيها اشياء غلط وبينى وبينكم
انا بجد مش قادر اسكت اكتر من كده
فيه ايه بيحصل فى البلد
كل يوم يقولو الأسعار زادت
الأسعار ولعت
ده احنا بقينا فى أول شهر 7
هو فيه ايه فى اول شهر 7 فيه عفريت
يعنى هما يدو علاوة 10%
ويطلعوها على عيون الناس الغلابة !!
امبارح الحاجات كانت رخيصه
اليوم غليت ليه كده وفين اللى ماسكين البلد
طيب اذا انا كنت قادر اصرف على أسرتى
غيرى يعملو ايه !!!! يموتو ولا ايه
لما كيلو اللحمة وصل 50 جنيه وطبعا ياريتها
تيجى على اللحمه بس لأ ده غيرها كتير
هو الموضوع طبعا زى ماقلت لكم
تفريغ داخلى و مش هينفع اسكت أكثر من كده
ولازم أتكلم ولازم أقول اللى جوايا
أحسن مايجيلنا جلطه ونروح فيها
زى الكثير مابيروحو فيها بسبب الكيماويات
اللى فى الزراعه
وغيرها وغيرها
وغيرها طبعا فاهمين
النقطه اللى انا عاوز اتكلم فيها اليوم
هى موضوع زيادة الأسعار
تصدقو ان الأسعار زادت هذا العام أكثر من 10 مرات !!
طبعا انا علشان موظف وبصرف على أسرة بحس بده طبعا والمشكله اننا مش لاقيين سبب للكلام ده
ومش شايفين حد بيدافع عن البلد
ولا بيتكلم فى الموضوع ده
غير المواطن البسيط الطبقه الكادحة طبعا كله بيصرخ لكن من جواه فقط وماحدش قادر يفتح بقة ويتكلم
حتى الساده الوزراء نايمين ومش حاسين باللى بيحصل
وزارة التموين اتلغت تقريبا
بقت الأسواق مفتوحه
وتعبنا بجد وزهقنا
والشعب كله مخنوق
ومدايق من اللى بيحصل للبلد
لازم يكون فيه حد بيحب مصر
يتكلم بلسان مصر
يحافظ على خيرات مصر
عرفتو انا ليه مخنوق
هو ده السبب فى خنقتى
وعلى فكره انا متكلمتش
عن كل شىء لأنى بجد
لو اتكلمت هقول
وهقول كل شىء ومش هخاف
ولكن كان لازم اقول الشويه الكلام دول
ومش بأيدى أى شىءأعمله غير انى
أدعو الله أن يصلح أحوال العباد لما فيه صالح البلاد اللهم أمين
سامحونى دى كانت خنقه شويه وطلعت فيكم
وشكرا لكم جميعا سعة صدوركم
وكان لازم اتكلم واقول

أخوكم البرنس رامى من داخل صدرى لكم
5 / 7 / 2010

[جميلة مصر]

السلام عليكم ورحمة الله وبركاته
والله انا مش متابعة حكاية الاسعار دى اساسا
لكن باسمع فى البرامج والناس بتيجى تشتكى لكن انا اول مرة اسمع دلوقتى عن حكاية العلاوة
وانا فى رأيى ان الفقراء هيزداد اعدادهم فى مصر من المتوقع خاصة بعد ارتفاع الاسعار وبيقولوا الجفاف اللى مصر داخله عليه و ازمة مياه نهر النيل مع اثيوبيا
فبجد ربنا يستر على مصر كلها وفعلا احنا لو فتحنا مش هنقفل حكاية فى الموضوع الواحد اساسا
وكمان بتقول ان حضرتك مسئول عن اسرة وبيت يعنى ربنا يكون فى عونك
يلا ربنا المسهل وان شاء الله بعد العسر يسر
وبنقول يا رب لكن احنا نعمل اللى علينا ندرس ونشتغل وبجد مصر مستقبلها فى اجيالها اللى جاية

تحياتى

[ra7a]

ربنا يستر وربنا يصلح الامور والاحوال
والله حاسين فيك اكيد اخى رامى
ربنا كبير وفوق الكل
وحسبى الله ونعم الوكيل على كل ظالم
تقبل مرور

[حروف مبعثره]

بسم الله الرحمن الرحيم
اخى ناتج تلك الطفرات المتغيره فى الحياه الاقتصاديه للفرد وللمجتمع بأسره هو السياسه الخاطئه لدى الشعب والمسئولين
فنحن شعب نتستهلك ولانتج
اتعرف كم مليون اسفه اقصد كم مليار يصرف على رفاهية الشعب المصرى
ابسط مثال التكنولجيا التى تستخدمها الحين لسرد موضوعك الان
نحن من اوائل استخدام التكنولجيا وليس ابتكارها وتصنيعها
اتعرف كم مليار يصرفوا فى فواتير المجمول
اتعرف كم عدد المليارات التى صترف على استيراد السيارات
كيف نصدق ان مصر؟
اصبحت الان تتلقى معونه من امريكا التى اكتشفت من كام عام
اتعرف لماذا لاننا نعتمد على ماضينا
اين نحن من ماضينا
ولاشئ
هل احتاج القدماء لتلقى معونه
لااله الا الله
الاسعار ارتفعت نتيجة ارتفاع الاسعار بالعالم كله ولكنك ماجعلك تشعر بها وارتفاعها المهول بمصر لاننا
يحوطنا سياسه خاطئه وجشع من التجار وخلافه
نتيجة عدم وجود مراقب قلبه على اقتصاد وطن كامل
امس اثناء مشاهدتى احد البرامج اصابتنى صعقه عندما
اعلن انه تم اكتشاف مافيا مكونه من 14 فرد 14 فرد فقط
استولوا على اراضى تقدر 18 مليار جنيه
بالله اين الحكومه عندما كانوا هؤلا ء ينهبون 18 مليار جنيه
فهل تريد من هؤلاء مراقبة الاسعار
مثال اخر بجنوب بورسعيد كان يتم بناء مدينه صناعيه كامله اتعرف ماهذا اى انها بالتاكيد كانت ستحسن بشكل او بااخر الاحوال الاقتصاديه
فهل تعلم ماحدث لقدتم بناء المدينه الصناعيه باكملها على كثبان رمال متحركه اى انها ستغرق فى الكثبان
يالله مليارات على الراض والشعب يحتاج لكل جنيه
اتمنى ان تعاد التخطيط الاقتصادى واتمنى ان طالما الدوله تعانى مشكله اقتصاديه
فلي له اى معنى هو االانفاق على مالايفيد وان يعيش الشعب على مستوى انتاج بلده حتى لاتصبح البلد تحت ضغوط سياسيه من اصحاب المعونات
واكيد الانتاج هيزيد عشان يسد حاجات الشعب
موفور احترامى وتقديرى لك

[ماتركس]

السلام عليكم ياا استاذ رامي
بجد مفيش احسن من كلامك بالبلدي والله بجد
مووضوعك جميل ياارامي انتا كلامك صح مفيش حد بيحس بالغلي ده
غير النااس علي قد حالنااا دجي نسبه الفقر عندناا في مصر عدت فووقال60%
والله يعني خلاص وكل يووم تزايد في الولاده واحنا دلووقتي فووق ال80 مليوون
والله اناا مش عارف ده اناا حااسس انو قريب مش هنلاقي نااكل
بس ليناا رب اسمه الكريم
عارف انا ممكن مكنش حااسس بالانتوو فيه ده
علشاان انا متغرب بس مسيري هرجع واحس
والله تصدق ياارامي شوفت الواحد مشتاق انوو يروح مصر قد اياه
وفي نفس الوقت خاايف
بس لو النااس نيتهاا صاافيه اكيد ربناا هيقف جنبناا
بننتظر في رحمت ربناا يلطف في عباده
بارك الله فيك ياا رامي ومنتحرمش من موضيعك الهادفه دي

[قلـــــــــــــــــم]

السياسة الخاطئة من اهم اسباب الانهيار للحفاظ الطبقي


وبلاش اتكلم

القلب جواه بلاوي

وربي يستر على الجيل الصاعد لو ظل الوضع كما هو عليه

[yasmine refat]

الله يعين ,,

ردود الأعضاء جميله جدا ومش هضيف ألا شيء بسيط

ألي عايز يعيش هيقدر يعيش ممكن تلاقي كل حاجه لما تدور في المكان المناسب

((على قد لحافك مد رجليك))

أغلب الشعوب العربيه بتعاني والله يعنيها بجد

ويكون في ناس عليها بتفهم ,,,

وبدون كلام أضافي

الله المستعان

بالتوفيق

أختك

[بنوته الاردن]

كلنا مع مصر و قلب الاردن كلها معاكم و ربنا يستر و يتقبل دعواتنا الخارجه من قلوبنا الي الله و يرجع مسواكم الجنه بأذن الله

[البرنس رامى]

بسم الله الرحمن الرحيم

السلام عليكم ورحمة الله وبركاته

طبعا جزيل الشكر لكل من مر من هنا

وكل من شارك برأية بكلمه أو بحوار أو بمرور فقط

فاللجميع منى جزيل الشكر

وطبعا الأزمة الأقتصادية فى كل دول العالم وليست مصر وحدها

ولا يوجد حل من وجهة نظرى

سوى الرجوع الى الله

وكثير من الناس أصبحو يتكهنو بحدوث كوارث

فى كل المجالات وبعد عدة سنوات

من الملل والزهق والأنهيار الأقتصادى فى كل البلاد

نسأل الله العلى القدير أن يجعل بلاد المسلمين عمار

وأن يبعد عنا الكفار

وأن يجعل بلادنا سخاء رخاء وسائر بلاد المسلمين

وجزيل الشكر مرة أخرى لتواجدكم الجميل

[الخيالى]

بسم الله الرحمن الرحيم

تحلى بالصبر يا اخى ان شاء اللة الفرج قريب