عــفــوأ يــا كابتـن انـا انسانـه مـش مـزة

[Engineer Semsem]

انا لى حقوق مثلك بالضبط ايها الشاب...طالما انى اراعى الاداب والعادات والتقاليد فليس من
حقك ان تعاكسنى
نعم...هذه بدايه قبل ان يقول احد ان البنت بلبسها تجبر الولد على ذلك...انا سأتكلم عن فئه
لاترتدى الكت ولا شورت ولا بنتاكور..(وحتى لو كنت كذلك فذلك ليس مبررا)
من حقى عندما اخرج انا وصديقاتى واحترم كل من حولى من حقى ان تحترمنى وتدعنى
لخصوصيتى..لماذا تلاحقنى عيناك ولماذا تسمعنى كلمات غزل؟؟؟؟ انا لم اطلب منك ذلك...ولم
افعل مايشجعك على ذلك...انا احترم نفسى اذا يجب ان تحترمنى..

سيقول الشباب البنات بتحب كده واحنا بنرفع روحهم المعنويه
وانت يعنى بتشيل على اكتافك الواجب الوطنى ده وهترفع روحنا المعنويه!!!!!!!


انا حلوه وعارفه انى حلوه..محدش طلب رأيك؟؟؟؟ مجتش جمب سياتك وقولتك ها انا حلوه!!! ليه تفرض نفسك على اذنى؟؟؟وليه تسمعنى هذه الكلمات البذيئه نعم...انا اعتبر كلمه (مزه) كلمه بذيئه كلمه تحط من قدرى وتختصر انسانه بثقافتها وعقلها واخلاقها وتعليمها ودينها فى مجرد(مزه)

نعم فلتعلم ايها الشاب قبل ان تفكر ان تعاكس (ولن اتكلم من الناحيه الدينيه لانها معروفه للجميع)
اعلم انك بهذا لا تنول اعجاب الفتاه وانها تعتبرك طفل صغير او مراهق لايستطيع التعامل او التحاور مع الفتاه فكل مايراه انها (مزه ) لا يستطيع ان بقيم معها حوار وقد تكون تلك(المزه) تفوقه ثقافة وعلما...

وللامانه طلعت اليومين دول كلمه سخيفه ايضا بين البنات ..لما تحب توصف ولد تقول(مز) ياااااااحلاااااااوه!!!!!! وانا اصلا يوم محب واحد اقول عليه مز عادى كده وفرحانه ودا كده راجل فى عينى والولد بأه بيكون سعيد ومنشكح لما يعرف انه اتقال عليه (مز)..!!!! وبالله عليكم محدش يقولى على فكره البنات دلوقتى بتعاكس الولاد !!!! قولى نسبتهم كام!!ا أو هم مين وتربيتهم ايه...وكلنا عارفين ان البنات المحترمات عمرهم مهيعملوا كده..فانا مش بتكلم عن دوووول كلامى واضح...


انا بتكلم عن بنات محترمه لا عاكسوا حضرتك ولا طلبوا رأيك فى شكلهم..ليه تفرض نفسك عليهم!!! ليه تيجى جمبى وترمى الكلمه وتقول( يامزه ) وتجرى زى اللى عارف انه بيعمل حاجه غلط..

ايها الشاب انا انسانه متقــــولش مــــزه

[الأميرة منة]

بجد عندك حق الحكااية زاادت

تحس انك خاايفة تمشى فى الشاار ع لتتعرضى للكلااام ده

وعموماا اللى بيعمل كده فى النااس هيطلع عليه بكرة

لمايشوف اخته او حد من قراايبه البناات بيتعااكس يبقى يعرف ان الله حق

وعلى البنااات الكلمة بتااعة مز دى غريبة اوى بحس الرااجل اللى بيتقاال عليه

كده بيبقى بنوتة مابحسسش انه رااجل

وميرسى عالطرح المميز

بالتوفيق

[حياتي ذكريات]

السلام عليكم

دولوقتي أي بنت بتنزل في الشارع بتتوقع انها بتتعاكس

يمكن الاول كنا بنقول عشان اللبس هو اللي بيخلي البنت تتعاكس اكتر

لكن دولوقتي الشباب مش بيفرقو لبس محترم او غير محترم بيعاكسو اي

حد وبجد انا بقيت اشوف منقبات وبنات لابسين مثلا عبايات ساترة جدا وبيتعاكسو !!

اما الكلمة اللي قلتها مش بحب أصلا انطقها عشان بحسها كلمة خارجه عن حدود

الأدب انا بحتقر جدا الشاب اللي بيقولها لاي بنت وساعات مثلا اكون ماشية في

مكان عام والاقي حد قال الكلمة دي ليا بجد بتنرفز اوي بس بمسك اعصابي

وبعمل كأني ما سمعتش حاجه بس الادهى بقى ان البنات دولوقتي بقو يقولو

الكلمة دي لبعض يعني من بنت لبنت !!

مرة اتعرفت على واحده وقالتهالي رحت قلتلها انا اسمي دعاء مش ......

الكلمة دي اصلا مش بتطلع الا من شخص تافه عذرا لكن لو حد محترم

بجد ما كانش إتجرأ وقالها

في النهاية زي ما قلت انا انسانة مش حاجه تانية .. انسانة مفروض كل شاب

ما يتعداش حدوده معايا أو يتعدى أي خط أحمر مفروض عليه وعليا

في النهاية أنا انسانة زي أمه وأخته بالضبط

تسلم على طرحك .. تقديري وودي ليك

[ميدو العثل]

المهندس سمسم العثل

اشكرك على الموضوع الرائع
وبصراحه كان طبيعي جدا وسخريته بتذكرني بالساخر الرائع احمد رجب
رغم ان الموضوع بنعايشه كل يوم
بس الحقيقه ان كل بنت بتحب المعاكسه زي اي ولد لما يحب يعاكس ويحس ان معاكسته كان لها اثر بقلب من عاكسها
وهذا غصب عن البنات والاولاد
فالجميع بيشوف تامر حسني ومايفعله عيني عينك بالافلام
وكمان بيشوف احمد عز وغيرهم وغيرهم
ممن يبتدعون طرق وفنون في المعاكسه التي اصبحت تزيد عن الحد كالضرب على الخلفيه في فيلم عمر وسلمى
ونظمي والشد من الشعر كما في الرهينه
ربنا يسترها معانا ومع الجميع
بس بصراحه نفسي اعاكس مع اني مش هاعرف
ياترى ممكن أعمل أيه؟؟؟

امنياتي الطيبه

[yasmine refat]

روعه الموضوع

أحنا عندنا معاكسه تانيه

الولد يمشي جنب البنت ويقولها ..ياوديـــــــــــــــــــــــــــع

ههههههههههههههههههههههههههههههه


بجد مش بهزر نقول أيه بس على بتوع ملودي


بس فعلا الشباب دلوقتي بيعكس أي حد مش بعيده الأطفال يكونوا بيتعكسوا لأني بشوف ستات كباره بيتعكسوا

والشباب مش ديما بيعاكس الحلوات وأكيد متوقعش هدفوا رفع الروح المعنويه

هو شباب فااااااااااااااضي ولا وراه حاجه ينزل ويعاكس كتضيع وقت حتى مش شرط البنت تستجيب

تعرف أنا كنت برد عليهم لقيت أن ردود فعلهم سخيفه

أول ماأقول أحترم نفسك

في واحد قلي هسسس ههههههههههههه

مع أني ماشيه بأحترامي

يعني الشباب بيعاكس علشانه فاضي

الله يعنهم على نفسهم بس

أختك

[Engineer Semsem]

بجد ربنا يهدى الشباب كله سواء بنت او ولد

[AnGeL SenSe]

بجد بحيك جداا على موضوعك

المعاكسات دي انتشرت اوي في كل مكان بجد عايزة بس اعرف الشباب
بلامعاكسات دي هيستفادو اية حاجة بجد تجنن بقو يعاكسو في الي ماشي
والي رايح ومش سايبن حد بقى بجد الواحد بيكرة يخرج برة البيت بسببها
حاجة تجنن والله بس بنقول ربنا يهديهم يارب ويفوقو من الي بيعملو
ومش بس الشباب الي بتتعاكس كمات بقت البنات بتعاكس يا جدعان
اية الي حصل مش عارفة كتير اوي بشوف مواقف البت والله هيا الي بتعاكس
الشب يعني حياء البنات والشباب راح ربنا يهديهم يارب

وبجد موضوعك جميل اوي تسلم ايدك
تحيااااااااااااتي اختك angel

[Engineer Semsem]

منورة التوبيك يا Angel

[ماتركس]

السلام عليكم ياا اسلام
فعلا الموضوع ده مهم جدا وحساس يا اسلام بس انا مش معاك فى حاجات كتير
البنت فعلا لو بتمشى محتشمه مفيش حد هيعاكسها
انتى عمرك شفتى بنت لابسه خمار وببتعاكس
ثانيا موضوع مز ده فعلا حوار البنات طالعه فيه جديد انا مش فاهم الدنيا اتقلبت ولا ايه؟
بس برضه الواحد بيتكلم ان لا الولد هوه اللى غلطان ولا البنت كمان
لانك لو اخدت الموضوع من الاساس هتلاقى انك لما تتفرج
على التلفيزيون هتلاقى فيه العيب والولد والبنت بيتفرجوا وطبعا الممنوع مرغوب
تعالى فى نقطه تانيه يايا اسلام انت دلوقتى لما تعمل زى ما دينك بيقول هيتقال عليك الاتى
انك ارهابى
او شيخووو
او طيب وعلنياتك
والبنت هيقولك دى فكك منها انا عاوز بنت روشه
انا عاوز بنت مش عارف ايه
واى شاب بيبقى نفسه فى بنت روشه وهاديه ومؤدبه وكل حاجه فيها
وبرضه الدوله تقولك البنت المحترمه قصدى البنت اللى محجبه او المنقبه ما تطلعش فى التلفيزيون
او متدخلش الجامعه
او
او
او
فعلا صدق رسول الله صلى الله عليه وسلم عندما قال
قال الرسول صلى الله عليه وسلم " سوف ياتي زمن علي أمتي الماسك علي دينه كماسك علي حجر من جمر " ابشرو انتم فى هذا الزمان الذى ذكره رسولنا
بارك الله فيك ياا سمسم

[~♥ Queen sozan♥~]

موضوع مميز
وفعلا حاجة مستفزة وهى غلط من الشباب ثم البنات
الشباب الاول لان لم بيلقى بت محلوة فى نفسها
بيقعت ياكس ودة بيشجعها على دة وتتمادة فى كدة
البنات بقى لان قبلت على نفسها تكون سلعة رخيصة للى ترضى
عيون الشباب
تم ان الشباب حالا بيعكسو الحلو والوحشة والمحاجة وغير المحاجبة
دى اكنو بقى مرض فيهم
متعرفوش بيستفادو ايةةةةةةةةةةةة

وكمان معنا كلمة" مزة" لو عرفتو معناة بجد اى بنت اتقال عليها كدة
هتكرة نفسها

وانا مش هقول معنها لان اخلقى متسمحش بكدة

ادخلو فى جوجل واكتبو معنى كلمة "مزة " وهتزهلو
اى بنت فارحانة بنفسها و بالكلمة المقرفة دى بجد مش هتستحمل حد يقولها تانى


شكرا على موضوعك القيم