لية البنات بقت تعمل كدة ؟؟؟؟؟

[ღ Gի๐sτ ღ]

السلام عليكم ورحمه الله وبركاته

انا شفت حاجات كتير بتحصل من الكثير من البنات

وهاحكيلكم بعض الحاجات اللى حصلت معايا شخصيا وليس كلها وللاسف لانها صعبة عليكم



لما توصل لدرجة انى اكون قاعد وييجى بنتين او اكثر مع بعض ويضحكون بطريقة ضحك مسخرة ويتكلمون عنى امام بعضهم ويطوحون بعضهم لبعض نحيتى وانا واقف فى حالى امام مكان شبابى محل بلاستيشن ... الزمن اتغير وبقى هما اللى يزقو نفسهم علينا مش العكس

لما اكون فى مدرستى وفيها بنات .. للصراحة انا مش بدخل المدرسة ولا يوم فى الدراسة ومعرفش حد غير الناس اللى اعرفهم من قبل مادخل المدرسة ومكنتش اعرف اية نظام البنات هناك

وفى اول يوم امتحانات ليا اذهب للمدرسة وفى وقت الاستراحة وانا نازل انا وصحبى على سلم الدور ويكون فى شلة بنات واقفين يمين وشمال وييجى واحدة تقوللى عملتو اية يا ولاد فى الامتحان وبردو بطريقة ضحك هيسترية هى وكل من معها ... اية قلة الادب دى ؟ مفيش احترام

لما اتكلم مع استاذة امام لجنة بنات والاقى البنت اللى بالصف الاول بتبص علينا على طول ورامية ودنها معانا وهى ولا همها حاجة عن الامتحان فقط اللى يهمها تشوفنا بنقول اية ... طيب واية اللى هى هاتستفادة ؟

لما توصل لدرجة وانا ماشى نحو طريق استاد القاهرة لحضور مطش الاهلى والزمالك انا وصحابى وكنا ماشيين ع الرصيف امام المحلات والعمائر والاقى بنت واقفة مع شابين وبالصدفة بصيت عليها الاقيها تقوللنا رايحين الاستاد ... قام واحد رد عليها وقال اة تيجى معانا ؟؟

جهزت نفسى استعداد للخناقة بيننا وبين الشباب اللى معاها ... الاقيها ترد وبكل سهولة لا ... خدو الاتنين دول معاكو [قصدها ع الشباب اللى معاها ] رد عليها واحد تانى لا احنا عايزينك انتى ..وبعدها الشباب اللى معاها نفسهم دخلو وهزرو معانا فى الحوار .. يعنى البنت صايعه ومش هاممها اى حاجة

لما اكون قاعد فى العيد انا وواحد مستريحين على جمب ومنتظرين صاحبنا يجيب حاجة وكان قريب مننا مراجيح .. الخ وفيها تجمعات للاطفال و الشباب والبنات المراهقين

وحصل مواقف كتير جدا جدا مكتبتهاش لان مينفعش اكتبها

فى النهاية

لية بعض البنات بقى يعملو كدة ؟؟

اية وجهة نظرك عن كل من موقف من دول لو انت مكانى تعمل اية
رغم ان كل دى يعتبر بسيط ومش قادر اوصفلكم قد اية قمة البجاحة فى المواقف اللى مرتدش اكتبها

[الأميرة منة]

السلام عليكم ورحمة الله وبركاته


يعنى انت بتكلم عن البناات دى وعلى فكرة فى شباب برده بيقعد يعااكس

وافظع من اللى انت بتحكيه

انا معااك ان فى اكيد بناات بتعمل كده وبرده فى بناات كويسين يعنى زى مافى الوحش فى الحلو

بس ده بيرجع للتربية والاخلااق والدين لازم يبقى فى حياء اكتر من كده سواء عند الولد او البنت

هاانقوول ايه غير ان ربنا يهدى الجميع

ميرسى عالطرح المميز

بالتوفيق

[ღ Gի๐sτ ღ]

اقتباس المشاركة الأصلية كتبت بواسطة الأميرة منة السلام عليكم ورحمة الله وبركاته يعنى انت بتكلم عن البناات دى وعلى فكرة فى شباب برده بيقعد يعااكس وافظع من اللى انت بتحكيه انا معااك ان فى اكيد بناات بتعمل كده وبرده فى بناات كويسين يعنى زى مافى الوحش فى الحلو بس ده بيرجع للتربية والاخلااق والدين لازم يبقى فى حياء اكتر من كده سواء عند الولد او البنت هاانقوول ايه غير ان ربنا يهدى الجميع ميرسى عالطرح المميز بالتوفيق

انا عارف ان فى الحلو وفى الوحش

وعارف ان فى شباب بتعمل اكثر من كدة بس نصيبنا خلانا نقع فى جيل ومجتمع ان اغلب الشباب تعاكس ودة اتعودنا عليه

ولكن قصدى ..لما البنات هى كمان هاتبدء تعمل كدة يبقى ربنا يستر ع الجيل القادم

هاتبقى الحياة كلها معاكسات فى معاكسات

والحمد لله انا مش بعاكس واكيد عشان اقاربى البنات ولكن بعيدا عن ذلك مهما كان فالبنت انسانة ولها احساس وشعور واكيد لما اعاكسها بتكرة نفسها وبتفكر تغير لبسها ولو لبسها واسع يبقى مفيش حل وهاتكره نفسها بجد

[Quaint girl]

No Comment

[تانيا]

اقتباس المشاركة الأصلية كتبت بواسطة ghost.rider السلام عليكم ورحمه الله وبركاته . الخ و انا شفت حاجات كتير بتحصل من الكثير من البنات وهاحكيلكم بعض الحاجات اللى حصلت معايا شخصيا وليس كلها وللاسف لانها صعبة عليكم لما توصل لدرجة انى اكون قاعد وييجى بنتين او اكثر مع بعض ويضحكون بطريقة ضحك مسخرة ويتكلمون عنى امام بعضهم ويطوحون بعضهم لبعض نحيتى وانا واقف فى حالى امام مكان شبابى محل بلاستيشن ... الزمن اتغير وبقى هما اللى يزقو نفسهم علينا مش العكس [color="dimgray"]من الأول كده واضح انك يا اما حلو أوى عشان كده البنات بتعاكسك . يا اما بتكدب علينا [/ color] لما اكون فى مدرستى وفيها بنات .. للصراحة انا مش بدخل المدرسة ولا يوم فى الدراسة ومعرفش حد غير الناس اللى اعرفهم من قبل مادخل المدرسة ومكنتش اعرف اية نظام البنات هناك وفى اول يوم امتحانات ليا اذهب للمدرسة وفى وقت الاستراحة وانا نازل انا وصحبى على سلم الدور ويكون فى شلة بنات واقفين يمين وشمال وييجى واحدة تقوللى عملتو اية يا ولاد فى الامتحان وبردو بطريقة ضحك هيسترية هى وكل من معها ...[color="red"] اية قلة الادب دى ؟ مفيش احترام [/ color] انا مش شايفه انها غلطانه ...يا سيدى دى بتطمن عليك لما اتكلم مع استاذة امام لجنة بنات والاقى البنت اللى بالصف الاول بتبص علينا على طول ورامية ودنها معانا وهى ولا همها حاجة عن الامتحان فقط اللى يهمها تشوفنا بنقول اية ... [color="red"]طيب واية اللى هى هاتستفادة ؟ [/ color] [color="gray"]مش يمكن كنتم بتتكلموا عليها .... ماهى لازم تعرف امال تبقى قاعده مش بتحل وكمان مش عارفه انتو بتقولو ايه لا ده كتير .. امال هى كانت جايه ليه[/ color] لما توصل لدرجة وانا ماشى نحو طريق استاد القاهرة لحضور مطش الاهلى والزمالك انا وصحابى وكنا ماشيين ع الرصيف امام المحلات والعمائر والاقى بنت واقفة مع شابين وبالصدفة بصيت عليها الاقيها تقوللنا رايحين الاستاد ... قام واحد رد عليها وقال اة تيجى معانا ؟؟ حلوه أوووى مااشي نحو دى ...وبعدين يا ابنى هى مش غلطانه دى كانت بتسألك سؤال بريء انت اللى دايما فاهمها غلط مش عارفه ليه جهزت نفسى استعداد للخناقة بيننا وبين الشباب اللى معاها ... الاقيها ترد وبكل سهولة لا ... خدو الاتنين دول معاكو [قصدها ع الشباب اللى معاها ] رد عليها واحد تانى لا احنا عايزينك انتى ..وبعدها الشباب اللى معاها نفسهم دخلو وهزرو معانا فى الحوار .. يعنى البنت صايعه ومش هاممها اى حاجة وليه تتخانق ... شكلهم عيال ... يعنى الموضوع مش مستاهل لما اكون قاعد فى العيد انا وواحد مستريحين على جمب ومنتظرين صاحبنا يجيب حاجة وكان قريب مننا مراجيح .فيها تجمعات للاطفال و الشباب والبنات المراهقين انا مش عارفه ليه دايما انت الوحيد اللي بيحصل معاك كده ... وكل ده وساكت ده انا لو منك كنت روحت عملتلهم محضر يا ابنى هى سايبه خلاص الولاد مبقوش عارفين يمشوا في الشارع يعينى من معاكسات البنات بجد صعبتوا عليا وحصل مواقف كتير جدا جدا مكتبتهاش لان مينفعش اكتبها فى النهاية لية بعض البنات بقى يعملو كدة ؟؟ اية وجهة نظرك عن كل من موقف من دول لو انت مكانى تعمل اية رغم ان كل دى يعتبر بسيط ومش قادر اوصفلكم قد اية قمة البجاحة فى المواقف اللى مرتدش اكتبها

هى فعلا بجاحه ...
بصراحه مش عارفه أقولك ايه ؟؟؟ .. بس الموضوع بجد مستفز جدااااا
يعنى هما البنات اللي بقوا بيعاكسوا الأيام دى .. الولاد يعينى ملايكه
طب قولك كلام يتصدق
يعنى هى البنت كانت واقفه بتعاكسك وانت واقف مكسوف يعنى ولا ايه ؟؟؟
بص يا سيدى لما بنت تعاكسك تانى ابقى نفضلها وريح دماغك

ملحوظه اوعى تفنكرنى أنا كمان بعاكسك لما قلتلك انت حلو أووووى وكده لا والله مش بعاكس انا كنت بس برد على موضوعك
تقبل مرورى

[مهندسه بغداد]

السلام عليكم ورحمه الله وبركاته

اولا مش لازم تجمع البنات كلها لانه فيه بنات كتير مش زي دول

وثانيا هذه التصرفات اللي بتعملها بعض البنات

تعود الى طريقه التربيه اللي قدمتها الاسره

وتعود الى قله الرقابه لانه مش صح لما الاسره

تترك اولادهم ان كان بنت او شاب

بدون وهم في مرحله المراهقه

بدون رقابه...

خالص احترامي وتقديري..

[حـ,ـكـ,ـآيـ,ـهـ,ـ ۅطـ,ـنـ,ـ]

اخي بالله والله البنت المحترمه محترمه لو كانت بين مليون والبنت الوحشه اكيد من سلوكها بيبان عليها وكله بيرجع للاساس التربيه زفت وكل انسان بيحصد شو بيزرع لمن العالم تغير وطبيعه البشر اصبحت كالحيوانات كأننا بغابه الواحد بيشوف الغلط على جارته او قريبته يقلك وانا اعملها ايه مهي راضيه الارشاد والكلمه الطيبه صارت بدها رشوه تطلع مفيش حراره , ضعف الثقه بين البشر ورفيقات السؤء الوحده منهم بتخرب بلد , موبايلات ونت ودردشات وسهر كله بيقلبوه للواقع, ومع احترامي الشديد للاهالي بقول كل الغلط منهم مفيش رقابه طرح موفق ودي

[عاشقة الهدوء]

السلام عليكم ورحمة الله وبركاتو


هههههههه موضوعك تحفه والله ما يمكن انته حلو ولا حاجه انته واصحابك بتخلى

البنات تضعف قدامكم وتعاكسكم هههه شوف ياخى ده تبع التربيه من الاهل

من الصغر انهم اتربوا تربيه مش تمام ولو كانت التربيه دى تربيه دينيه صحيحه

مكنشى يبقه ده حالهم فامتزعلش لان دى حاجه طبيعيه جدا وبتحصل من زمان

ولسه ياما هتشوف فى زمن كلوا فضائيات ومسخره وكلام فاضى دلوقتى معنتش

تلاقى بنت قطه مغمضه ولا شاب قطه مغمضه لا عاد كلو مفتح دلوقتى دا حتى

البنت الى تلاقيها منطويه على نفسها شويه الزمن الى احنا عايشينوا ده بيجبرها انها

تطلع من المود الى هى فيه وشوف ياخى لما يحصلك موقف زى ده حاول تنصح البنت

الى بتكلمك دى وترمى نفسها عليك بطريقه مهذبه كده يمكن تنكسف على دمها شويه

او تكون انته سبب فى هدايتها اه والله بس فى الاخر فيه بنات كتير ياخى وشباب كتير

لسه فيهم الخير وربنا يهدينا جميعا الى مافيه الصالح لنا اللهم امين وتسلم اخى

على موضوعك تقبل كلامى ومرورى

[حياتي ذكريات]

السلام عليكم

بص على فكرة مش كل البنات بالشكل ده

بس انت سلطت الضوء كله على البنات الغير محترمة

اللي يشوف القصص دي يقول ان البنات كلهم مش محترمات

لكن لو انا قلتلك مثلا ان قابلت واحد منقبة حصل معاها كذا وكملت

ولا شفت بنت مؤدبة ولبسها محترم جدا وعملت موقف عحبني وجيت

حكيته ... ولا شفت بنت في الجامعه مش بتسلم على شباب ولا بتتكلم معاهم

هتقول ان البنات كلهم كويسين مش كده ولا ايه

اللي عايزة اقولهولك زي ما فيه بنات مش كويسة في الزمن ده

فيه بنات كتير محترمات جدا بس حفهم مهضوم وزي ما فيه بنات بقى

لبسهم كله فاضح فيه بنات لبسهم محتشم جدا ولو فيه بنات بيعاكسو

شباب فيه بنات أكتر منهم مش بيلتفتو اصلا لاي شاب ولا بيتكلمو معاهم

الدنيا لسه بخير والبنات كمان لسه بخير ..

بص للجانب المشرق وانت ماشي هتلاقي ان فيه لسه بنات كتير بخير

ولسه التربية الصحيحة وخوفهم من ربنا ماشي معاهم في اي طريق

البنات اللي انت حكيت عنهم اغلبهم اصلا مش عايشين في اسرة متكاملة

لو فعلا فيه بنت عاشت مع امها وابوها وعلموها ايه الصح والغلط علموها يعني

ايه حدود ويعني ايه كلام ربنا عمرها ما هيكون اسلوبها بالشكل ده

لو ليها اخ فعلا بيخاف عليها ما سبهاش تنزل لاخر الليل وتيجي براحتها

العيب الاكبر من البيت اللي اتربت منه ونشأت فيه

تسلم على طرحك .. خالص تقديري وودي

[lorraa]

هو بجد بئا موضوع غبى وغريب

دى بتبئا طريقة البنت المش مظبوتة للفت انظار الولد

والله انا كان معايا بنات كدا وافظع

بس زى ما قالت منة ان فى بنات كتير كويسين

الوحشين دول اساسا بيكونو حاجات نادرة بس بتلاقيهم ملمومين على بعض

وبردوا منه قالت ان فى ولاد بتعمل حاجات فظيعة بس انا من رائي لما البنت تعمل كدا

تبئا فى قلة ادبها ولا مليون ولد

لأن طبع البنت لازم يكون حياء وخجول

>>> نــايـسـ توبـيـكـ <<<