موقف خطير جدا ..... فما ردة فعلك .... لمن يجرؤ

[يوم من عمــــرى]

كيف الحال اعضاء منتدى بنات مصر ... تحية طيبة تفوح شذى وعبيرا مكللة بأطيب زهور الياسمين لأطيب قلوب وأنضر وجوه لكم أخوتي في الله وبعد حياتنا مليئة بالمواقف المختلفة .. السعيدة /الحزينة /المباغتة فكرتي هنا : سأعرض موقفا من مواقف الحياة التي تصادفنا وقد يكون هذا الموقف قد مر على أحدنا أو سمع به.. أو محتمل أن يصادفه يوما من الأيام إزاء أي موقف من الطبيعي أن تكون لك ردة فعلك الخاصة بك سواء إيجابية أو سلبية بعيدا عن التجمل والمثالية .. أريد منك أن تسرد لنا ردة فعلك الطبيعية في كلتا الحالتين سواء صادفته بالفعل .. أو لم تصادفه لكن توقع ردة فعلك الطبيعية حسب طباعك وصفاتك الشخصية وكثيرا من المواقف تكون مفاجئة وتتطلب سرعة التصرف وإلا حدثت خسائر لاتحمد عقباها .. هنا الخبرة وثبات الشخصية تلعب دورا هاما وهناك مواقف لا تتطلب سرعة تصرف بقدر ماتحتاج الى عمق في التفكير لأنها لا تحتمل أخطاء الهدف : عرض ردود أفعال مختلفة من قبلكم لموقف ما .. قد تكون صحيحة ومناسبة للموقف .. وقد تكون مناسبة الى حد ما .. وقد تكون خاطئة ولها أثار سلبية .. فهدفي هو أن نتعلم ونتبع الأسلوب والتصرف الصحيح أو الأنسب فيما لو تعرضنا لموقف من أي نوع مستقبلا ملحوظة من لديه موقف معين سواء تعرض له أو سمع به ويرغب في معرفة ردود أفعال مختلفة نرحب به ولكن بعد آخذ كل موقف نصيبه من الردود الموقف الأول أفترض أنك كنت في بيت الله العتيق .. وكنت تصلي بكل خشوع خلف الإمام .. في الطابق الثاني في الصف الأول .. وفجأة حضر أمامك طفل لايتجاوز الرابعة من عمره .. تسلق السياج وبقي بينه وبين السقوط شعرة .. فماذا سيكون تصرفك وانت تعلم انه يحرم الخروج من صلاة الفريضة ؟ ــــــــــــــــــــــــــــــــــــــــــــــ اتمنى أن ينال الموضوع وفكرته إعجابكم وان يحظى بشرف مشاركاتكم وتعاونكم في إنتظار ردود أفعالكم بارك الله فيكم مع تحياتى يوم من عمرى

[koky97]

والله موقف صعب بس مش عارفة حيبقى تصرفى ايه

[زهرة الياسمين]

بصراحة فعلا موقف صعب بس اتوقع لو امه مكاني وهي شايفاه كدة مش حتتحمل طبعا وحطضطر تقطع صلاتها طبعا عشان تنقذه وللضرورة احكام زي مابيقولوا
انا ده رايي بصراحة

موضوع في غاية الروووووووعة
شكرااااااااا
زهرة الياسمين

[حياتي ذكريات]

السلام عليكم

طرح جميل منك

واعتقد اني اول ما هشوف الطفل هجري على طول بدون شعور

مني وأمسك الطفل .. هتبقى حركة غير إرادية مني

لاني اول ما هشوفه بدون تفكير هلاقي نفسي ماسكة الطفل

والغالب هتلاقيه هيعمل كده .. وبعد كده هرجع ادخل في الصلاة من تاني

تسلم على طرحك .. خالص تقديري وودي

[♥..pure]

اكيد رد فعلى هيبقى طبيعى جدا

انا ومن غير ما اشعر هقوم بسرعه عشان الحق الطفل

اصل اللى مش هيقوم مش هيبقى عنده شعور

وكمان اللا مبالاه عنده عاليه جدا

تسلم على الطرح يا يوم من عمرى

[BatoOota]

فعلا رد الفعل الطبيعى
انى هجرى عالولد والحقة

بدوون احساس او شعووور

وبعدها هرجع اصلى تانى
وربنا يسامحنـا

[تيا]

ف الحاله دي أكيد طبعا لازم أسيب الصلاه
والحق الولد
لو حطيتي مكان الطفل ده حد من اخواتك مثلا من غير تفكير هتخرجي
من الصلاه
وف الحاله دي مش حرام لأني انقذت طفل كان ممكن يحصل
له حاجه وحشه بالعكس ممكن ربنا يعاقبني اني مأنقذتوش كمان
وبعدين الصلاه هرجع أكملها تاني وربنا هيسامحك
ميرسي على التوبيك

[فرولة]

انا من غير شعور هلاقى نفسى سبت الصلاة وقمت الحق الطفل ده لا ارادى هعمل كده
وربنا يسامحنى بقى على قطع الصلاة