كدة منهوبة وكدة منهوبة

[tha game]

[tha game]

بلادنا .......فيها الرغيف بجنيه.....والظلم فات الحد.

سمعت يوم من شاويش ان الرغيف بجنيه .
عجبى............. بلادنا فيها الرغيف بجنيه.
ليه احنا خلاص افتقرنا ،ودخلنا فى مجاعه.
رد على الجميع ،الاخ عايش فين ،الاخ شغال ايه.
ردت باعلى صوت،وسألت اهلى، ليه .
ردتى على بنيه، حلمك علينا يابيه.
اصبر معانا يومين ،واحكم ساعتها يا بيه.
ودخلت صحن البيت ،وياريتنى يومها ما جيت.
بنظره فيها العجب ، ابوى راح على فين .
واختى بهيه ـ صحيح ـ فينها وفين ابنها .
ماله ابوى ياناس ، دلونى راح على فين.
عرفت انه مريض ،على فراش الموت .
كبر وعاش محروم حتى من الاحلام.
قيراطين بارض الجبل ، كل املاكه.
كان نفسه يوم ما يموت ،يورثهم اولادة.
لكن بلادنا العظيمه استكترتهم فيه.
وطلع ابوى حرامى والارض مش حقه.
حبسوا ابوى بتهمة (اموال دوله).
جابو خبير ،مساح ،وشكلوا لجنه .
وبعتوا معاهم بوليس ، يأمنوا اللجنه.
شافهم ابوى ،وهو بيسقى فى الزرعه.
فأسه فى ايدة ويفحت فى الصخر والرمله.
يروى ويعرق وينتج والناس تشهد له .
انه عفيف اللسان ولا يعرف العيبه.
ارفع ايديك ، تعالى ،وبلاش بقى مشاغبه.
رد عليهم ، ليه ؟عامل انا عامله ؟
بحسن نيه وقال ،هو انتوا عاوزين مين .
هانوا كرامته وقالوا ،اطلع هنا يا بهيم.
مشى وقف على الحد، وبص على القيراطين.
الله اكبر عليكم ، العنف زاد الحد.
الله اكبر عليكم ،يعطينى منكم حق .
ردوا عليه بالكف ،عصيان وقلة عقل.
أخر اهانه وسفاله ،كأنه سارق بنك .
كأنه سارق أراضى من غير ورق ولا حد.
كأنه بايع بلادة لصهاينه واولاد كلب .
رحت لأبوى وشفته وسألته ايه الحل .
شور بأيدة لفوق ،وقال لى هو الحق.
ارحل وسافر بعيد يمكن تلاقى الحل .
وانسى بانك هنا يوم اتولدت وعشت .
ابوى ،غادر لبيت الحق ، وتركنى للاحزان.
لكنى حالف بانى هابقى هنا يا زمان .
عنف الكلاب لو زاد ،عمرة ما يقطع زاد.
عنف الكلاب لو طال ،لازم فى يوم ينزال.
بشرى اليكم وديما فى الهم ننساها .
الكل لازم يموت ،لو حتى طال العمر.
اصل الخلود دايما بعد الحياة والموت.
واللى يخاف اليوم يأمن بيوم الغد.
اصل الخلود فى الجنان برحمة الديان.
رب العباد علام ،والظلم فات الحد.

للأسف هى دى بلدنا

[زهرة الاحلام]

ههههههههههههه
حلوه
يسلمووووو

[غير الكل]

تسسلم اخوي عالموضوع

[tha game]

اقتباسالمشاركة الأصلية كتبت بواسطة زهرة الاحلامههههههههههههه
حلوه
يسلمووووو

ههههههههههههههه
هى دى مشكلتنا بنضضحك بدل منبكى
ههههههههههههه
شكرا زهرة على مرورك
تحياتى

[tha game]

اقتباسالمشاركة الأصلية كتبت بواسطة SHOoSHoO%`~_-تسسلم اخوي عالموضوع
شكرا SHOoSHoO على مرورك
تحياتى

[shiri]

رغم ان حال بلدنا يزعل
وكل شئ فيها خاطئ
ومفيش حد خايف عليها
والكل بيضحك بس
وهو ده الواقع الاليم في بلدنا
الا انها هتفضل بلدنا طول عمرنا
وهنفضل نحبها لاننا ولادها

[tha game]

اقتباسالمشاركة الأصلية كتبت بواسطة shiriرغم ان حال بلدنا يزعل
وكل شئ فيها خاطئ
ومفيش حد خايف عليها
والكل بيضحك بس
وهو ده الواقع الاليم في بلدنا
الا انها هتفضل بلدنا طول عمرنا
وهنفضل نحبها لاننا ولادها
أنت فهمتنى غلط يابرنس أنا بتكلم على أشخاص وليس عن بلدى أم الدنيا
شكراshiri على مرورك الجميل
تحياتى

[shiri]

انت اللي فهمت ردي غلط
انا كمان بتكلم عن اشخاص اللي مش فارقة معاهم البلد
وعادي عندهم انها تضيع
وبكل بساطة بيبتسموا و يضحكوا و يكملوا حياتهم
هو ده كل قصدي

[لحظة عتآب]

كاريكاتير جميل
وقصيدة مؤثرة
شكرا علي الموضوع
فكرتني بالواقع الاليم
اكتر مانا فكراه

شكرا علي الموضوع

ودادي