المايوه الشرعي....ههههه؟

[big bốss]

ماذا تفعل المرأة المسلمة المتمسكة بدينها ولكنها أيضا تهوى السباحة؟

محلات القاهرة قدمت الرد على هذا التساؤل، يمكنك شراء ما اصبح يعرف باسم المايوه الشرعي

ورداء السباحة الشرعي الجديد للنساء هو آخر صيحة في عالم الأزياء الإسلامية التي تخرج إلينا بالجديد والمتطور من أزياء المحجبات، مما جعلها صناعة مزدهرة في البلدان الإسلامية

ورداء السباحة الجديد للنساء أو المايوه الشرعي يزيل احتكار فئة نساء الطبقة الراقية من المتحررات، للمسابح والشواطئ، بحيث أصبح بإمكان مزيد من النساء ولاسيما المتدينات الاستمتاع بتلك الرياضات خصوصا في فصل الصيف الشديد الحرارة

ففي المجتمعات الإسلامية المحافظة أضطرت النساء للجلوس على الشاطئ والاكتفاء بالمشاهدة أو النزول إلى البحر بملابسهن كاملة

ويتميز المايوه الشرعي بأنه ذو رقبة عالية وأكمام طويلة وتنورة صغيرة ترتدى فوق سروال طويل

ورغم ظهوره لأول مرة قبل عدة سنوات إلا أن رداء السباحة الشرعي كان غالي الثمن ولم ينتج بكميات تستوعب الطلب المحلي عليه، ولكنه الآن يطرح بكميات كبيرة وألوان مختلفة وتصاميم مبتكرة لهذا الصيف


ويقول أحد البائعين في محل يبيع المايوه الشرعي إن هناك أكثر من عشرة تصميمات وجميعها تباع برواج شديد

ولكن الأزهر، أعلى سلطة إسلامية في مصر لم يعترف بعد برداء السباحة الجديد ، ويقول الشيخ محمد الحنفي إنه ينبغي أن يكون رداء المرأة يحميها من العيون الفضولية ، وينبغي ألا يكون ضيقا بصورة توضح تفاصيل الجسد وبالطبع لا يجب أن يكون شفافا فيكشف ما يفترض أن يغطيه ، ولكنه استدرك مشيرا إلى أنه لم ير المايوه الجديد بعد طرحه في الأسواق

وتقول فتاة مسلمة إن المايوه الجديد يحظى بالقبول من قبل والديها ويجعل من السهل عليهن ممارسة رياضة السباحة بعد أن كان والدها يرفض ذلك في الماضي أو يقبل ممتعضا ودون أن يشعر بالرضا الكامل عن مظهر ابنته برداء السباحة التقليدي الذي يكشف مساحات كبيرة من جسم المرأة

ويقول أصحاب المحلات إن نسبة كبيرة من الزبائن هن من المحجبات

وهذه هي الصور...






من زمان اضطرت النساء للسباحة بملابسهن كاملة في الماضي !!!!!!!!!!!!!!

يا سبحان الله اولا هل يوجد شى اسمه مايوه شرعى من الاساس ايه رايك فى هذا المسمى

يا اخوانى الافاضل ايه رايك فى هذه الظاهره الغريبه وانتشارها فى جميع الدول العربيه

وهل الميوه الشرعى هذا افضل من الميوهات الاخره نعم ام لا

وما البديل المناسب للنساء لنزول البحر

وهل من حق النساء نزول البحر من الاساس

وهل توافق نزول زوجتك اختك قريبتك بمثل هذا المايوه وسط الرجال

وايه افضل حل لنزول النساء البحر من وجه نظرك

[احلى عيوون]

يسلموا عالطرح الرائع

[a m i r a]

والله فكرة جميلة جميلة وما المانع في ارتداء المرأة ا
لمسلمة رداء يمكنها من السباحة براحة ومتعة
وفي نفس الوقت يغطي جميع اجزاء جسمها .
أليس هذا أفضل من جعل المرأة المسلمة تشعر بالكرة الشديد
لهذا الدين الذي يجعلها ناقصة عن قرينتها، أو أن تلجأ للبس
ملابس أخري تظهر جسمها كاملا.
الدين يسر وليس عسر، وعلى الشاطئ كل يهتم بمتعته
الخاصة في نزول المياه وليس الفرجة.
والله أعلم هذا رأيي الشخصي .
وشكرا ع موضوعك

[حَرفُُ هجآءّ]

امممممممممممممممممم

هههههههههههههههههههههه

ايه ده يانور

شكلك كده حران عايز تروح البحر

هههههههههههههههههههه

بص يانور

انا مش من انصار المايوة الشرعى ده خالص

بصراحه بشوف البنات اللى بتلبسه ولا اكنها عملت حاجه

سورى فى الكلام بتنزل البحر وهو عبارة عن بنطلون والبنطلون حرام

دى اول حاجه

التانيه انها بتطلع مبلوله وبيكون لازق على الجسم

يعنى ولا اكنها لابسه حاجه

يبقى ايه لازمته من الاول

فى وقت بقى ممكن البنات تنزل فيه

هو بعد الفجر على طول بيكون مفيش حد فى البحر

وقبل 8 تكون خلاص كده خدت راحتها من غير ما حد يشوفها

ولا تبقى متراقبه من ده وده


وتسلم يانور ياحران
ههههههههههههه

[نانـــــو]

وده يانورررررر بمناسبة ان المصايف على الابواب هههههههههههههههههههههههه
مش عارفة اقلك ايه
طب الى مبيعرفش يعوم اصلا
بص احنا مش بنمنع الواحدة من نزول البحر بس تلبس الى يناسبها
يسلمووووووووووووووووووووو يانورررررررررررررر

[حياتي ذكريات]

السلام عليكم

طيب انا هتكلم معاك بصراحة انا على فكرة بلبس مايوه شرعي

شوف انا اللي بلبسه واسع شوية وطويل يعني ما فيهوش حرج

الاول كنت بنزل البحر بلبس عادي بس كنت بطلع الاقيه لازق في جسمي

ومبين تفاصيله طبعا مش بنزل الا مع والدي او اخويا الكبير

كمان المايوه الشرعي لما بتجيبه واسع حتى لو طلعت من البحر مش

بيلزق جامد اوي وساعات لما بلاقيه لازق اخلي اخويا يطلع يجيبلي

فوطة طويلة واحطها عليا

كمان انا بنصح البنات اللي عايزة تنزل البحر تروح بعد الفجر على طول

انا بعمل كده لما يبقى ليا نفس انزل البحر بروح بعد الفجر مع الاسرة

لانه بيبقى رايق واغلبه بنات وما فيش شباب الا قليل جدااا

فانا مش بمانع البنات ان البنت تنزل بمايوه شرعي ده على فكرة

اهون كتير دولوقتي من الاول .. زمان كانو المحجبات بيشيلو الحجاب

في المصايف وكمان كانو بيلبسو ديق اوي وينزلو البحر ولما يطلعو

يببقى لازق فيهم جدا انما المايوه الاسلامي خفف المناظر دي شوية

ومش بيلزق في الجسم اوي زي اللبس العادي

فانا مؤيداه لما يكون واسع ولما البنت تنزل فيه في الوقت المناسب

تسلم على طرحك .. خالص تقديري ليك .. تحياتي

[~♥ Queen sozan♥~]

كانت داخلة ابوظ الدنيا لكن الموضوع طلع كويس
ماشى
لاء انا مش مع المايوة دة
دة عشان نرضى بية نفسنا يعنى ولا نوهم نفسنا ولا اية
لاء يا نور البنات عيزة تنزل البحر تشوف مكان مفهوش شباب
وتنزل با حاجة كويسة كدة ومتكونش شفافة لان بعد ما تنزل
هتطلع مبلولة ودة الطبيعى فا هيكون جسمة باين ومحدد
فا لازم يكون حاجة تحميها من عيون الشباب لان عيونهم يا سااااااااااااااتر
يكفينا شرها


او تعمل بانيو فى البيت وتريح دماغها


شكرا يا نور

[حياتي ذكريات]

اقتباس المشاركة الأصلية كتبت بواسطة احلى عيوون يسلموا عالطرح الرائع

أختي أحلى عيون

يمنع في القسم الردود السطحية مثل يسلمو او شكرا او ما شابه

الأفضل لكِ ولنا أن تناقشي معنا الموضوع حتى تستفيدي وتفيدي غيرك

دمتي بود

[A7la banota]

اممم صراحة انا هتلكم بالنسبة ليا و لصحابي اللي

بتعامل معاهم اوكي ^^

انا مبنزلش البحر خالص من يوم ما لبست الحجاب ..

انهاردة كنت انا و اهلى في الممزر ( حديقة ضخمة في دبي

فيها حمامات سباحة و بحر مفتوح و حجات تانية ما علينا بيها ) و اختي قالتلي اجيب

مايو اسلامي علشان انزل معاهم صراحة الموضوع مدخلش

دماغي و مرضتش اشتري المايو .. لكن طبعا مش حارمة نفسي

هع هع انا كل ما احب اسبح الحمدلله قدام بيتنا النادي و فثواني بكون

في النادي انا و صحابي و فيه حمامات سباحة خاصة بالبنات و بتكون حلوة اوي

و بلبس اللي انا عايزاه لا رجالة و لا غيرو ... و بتمنى انهم يعملو في البلاد العربية

اماكن زي الممزر للنساء بس :sad_1: امتى يا رب ...

شكرا ليك يا نووور

[فرولة]

انا مبشجعش نزول البنت البحر اصلا لانها مهما كانت لابسه هدوم الميه بتخليها شفافه ولازقه على جسمها وبتبقى كانها عريناه بالضبط
وبعدين لو حرانه ادخلى عومى فى البانيو عندك شويه هو ضيق حبتين بس اسمك فى بيتك محدش شايفك ومبتشيليش ذنب
ولو عاوزه تشمى هوا اتمشى بالليل على شط البحر شويه هتشمى الهوا وهتشوفى البحر وهتبعدى عن الشمس كمان
انا مش هقول انا مبروحش مصايف لانى لو قلت كده اكون كدابه بس بجد مبنزلش البحر بقعد تحت الشمسيه او بنزل بالليل اتمشى شويه وخلاص او بقف على الشط بحيث ان الميه تكوت لامسه رجلى من تحت كده وخلاص
وربنا يهدينا
وتسلم ايدك