مش مكسوفين من نفسكم؟؟

[حَرفُُ هجآءّ]

يا قلبك الجامد انت وهيا!!!
مش مكسوفين من نفسكم؟؟
ايه ايه انا شايفة اتنين هناك بيتكلمو وبيقولو احنا عملنا ايه؟؟؟
طيب من غير نرفزة عليا لو سمحتم انا هفهمكم

نفترض انك بتحب حد
وانك ضايقت حبيبك وزعلته
طبعا ضميرك هيأنبك
و تقعد تلوم نفسك انا ازاى عملت كده ويمكن متعرفش تنام
وتتخنق وتبكى وتبقى تعبان ومهموم
و تفكر و تحتارو تفكر مليون مرة ازاى تصالحه و تقوله انا آسف!!
وتزعل لو ضايقته او لو هو ضايقك وتقول ازاى انا هنت عليه

عرفتوا مين ده اللى انتوا زعلانين على زعله و ميهونش عليكم زعله؟؟؟!!
ده.. عبد الله او امة الله



وهنا يجى السؤال

يا ترى كام مرة هان عليك ربنا؟؟؟!!؟؟؟!!!
كام مره نمت و انت مش فار ق معاك انك مزعله؟؟!!!
كام مره نمت و انت فيتك صلاة واجبة؟؟!!!
كام مره نمت و انت مكلفتش نفسك تقول ... أستغفر الله!!!
عشان يسامحك

سألت نفسك كام مرة بكيت عشانه ؟؟!!!
مهانش عليك؟؟!!
طب محسيتش انه حبيب ليك وانت مزعله ونفسك تصالحه؟؟؟!!!
محسيتش انك قصرت فى حقه؟؟!!!
متألمتش ومسألتش نفسك وانت فى الموقف الفلانى . . . . . يا ترى هو زعلان منك ولا ؟؟!!!!

طب مفكرتش انه هو كمان بيفكر فيك
ليه تخلى ربنا يكون أهون الناظرين ليك
ليـــــــــــــــــــــــــه

طب مسألتش نفسك كام مره نمت و انت مزعله؟؟!!
طب قلتله أنا آسف متزعلش منى يا رب ؟؟
طب مش نفسك تتكلم معاه؟؟؟!!
هتقولى هتكلم معاه ازاى؟؟!!
عن طريق سجدتك و انت بين ايديه ده اقرب ما يكون العبد إلى ربه وهو ساجد..

نفسك يرد عليك يقولك انا سمعك؟؟!!!!
اقرأ القران ايوه اقرأ القران..
إذا أردت أن تكلم الله فعليــك بالصــــلاة
وإذا أردت أن يكلمك الله فاقرأ القرآن ...

طب محسيتش فى مرة انه حبيبك
هو اللى عالم كل اسرارك قبل ما تعلمها

مفكرتش تطلب منه المعونة و يقف جنبك بصلاة استخارة؟؟!!
طب محبتش تشكى همومك ليه ؟؟
طب مسألتش نفسك لو حبيبك سابك
و كل صحابك و جيرانك و اهلك متخانقين معاك
وبقيت لوحدك بتبكى و الدنيا متقفلة فى وشك

هتعمل ايه مين هيسمعك ؟؟مين هيطبطب عليك؟؟


محبتش يكون فيه واحد جنبك يحس بيك وشايف كل حزنك ودموعك
معاك و بيناديك وبيقويك تنديه
عشان يرد عليك ويقولك
لبيك عبدى لبيك

يا اللٌــــــــــــــــــــــه



ربنا بيقولك
تعالى انا عايز اسمعلك ..تعالى اسعدك احللك مشاكلك ..
ربنا عايز يريحك وانت مش مريحه ..
للدرجة دى هان عليك ؟؟؟!!!!
تخيل وانت بتعمل ذنب كبير
ربنا شايفك ومع ذلك بينجينا و يحفظنا
ويبقى مستنينا نرجعله
وبعد ده كللللللله تنام عادى كده ولا همك زعله
انت ايه يا اخي مش مكسوف من نفسك؟؟

وانتي كمان ما هو الكلام مش ليه هو لوحده
انتي كمان مش مكسوفة من نفسك؟؟
مفكرتش ان بأخذة عزيز مقتدر يقبض روحك اللى انت فرحان بيها فى لحظه
و يقولك خلاص آن الأوان
مفكرتش هتقله ايه
هتقله يا رب انا كنت بزعل على زعل حبيبى وانت لا ؟؟!!!
محسيتش فى مرة أنه
الوحيد اللى عنده قدرة رهيبة على المسامحة
و مهما تعمل و ترجعله بيغفر لك عشان بيحبك بجد

وفى الاخر انا هسبكم تفكروا وتسألوا نفسكم
انا ازى هان عليا زعل ربنا ازااااااااااااااى؟؟!!!ـ



يلا كلنا قبل اى شىء نتوب
ونرجع لربنا حبيبنا
ونقله سامحنا يا رب

سامحنــــــــــــــــــــــا

انا كمان معاكوا لانى فعلا بعدت شويه
بس فوقت ورجعت لربنا تانى
بحس بالخجل لما بعمل حاجه غلط
خجل من ربنا الوحيد اللى عامل بخفايانا

ياترى انتو كمان بتخجلوا من ربنا وبتفكروا فى كل الاسئله الىى فاتت ولا لاء؟


أستغفر الله الذى لا اله الا هو الحى القيوم واتوب اليه

[احبيني بلا عقد]

كلامك منطقي 100%

والله يجزاك كل الخير

ويجعله في موازين حسناتك ع التذكير

يسلمووووووووووووووووووووو

[fankosha]

جزاكى الله خيرا على التوبيك الجميل ده

[مهارات الحياة]

اقتباس يلا كلنا قبل اى شىء نتوب

الحمدلله على نعمة التوبه >> دي نعمه كمان .


الصراحه الموضوع حلو أوي وبيخليك تستحي من نفسك شويه ><

لأننا مقصرين أوي ... أوي .

يعني بصرااااحه بنشوف الدونيا أكتررر من ربناااا








شكرا على الموضوع

[đΘόđΘό]

موضوع جميل

بس الناس نوعين

النوع الاول دول بيغلطو وعارفين انهم غالطنين بس بيكابرو ومش عايزين يتوبو

والنوع التاني

دول بيغلطو وعارفين انهم بيغضبو ربنا بس الي يدايق انك تلاقيهم عاملين نفسهم متدينين


ربنا غفور رحيم بس لما العبد يرجع عن الي بيعملو ويستغفر ويندم على ما فات


ميرسي ياقمر ع التوبيك
وجزاكي الله خير

[حَرفُُ هجآءّ]

اهم شىء اننا نعرف اننا بنغلط

غلط كبير اوى

وبتسكبر اننا نلجاء كمان لربنا

ربنا يهدى الجميع

اشكركم على مروركم الجميل

[دمعة مبتسمة]

فى ناس بتهتم بناس مهمة عندهم فى حياتهم وبتفكر فيهم ليل نهار
وتحرص على رضاها وتزعل وتتلخبط حياتها لو غضبت منها وما تنام الا لما تطلب السماح منها وكمان تسامح وتعفوا
وعند ربنا تنام وتصحى لليوم الذى يليه وعند انتهاء اليوم تنام وهكذا وهى غارقة فى المعاصى
دون أن تقول أستغفر الله بدون ما تروح لربنا وتقوله سامحنى يارب
ربنا الذى خلقنا نعيش أيام وربما سنين بدون ذكره ؟
نروح نستعين بأناس لا حول لهم ولا قوة وربنا الذى له الحول والقوة لا نستعين بيه ؟

صحيح حاجة تخجل

لكنى أرى أن هذا يتعلق بالهداية فالله يهدى من يشاء
ونسأل الله أن يهدينا ويثبت قلوبنا على دينه
فعلينا بدعاء الله أن يثبتنا

وجزاكى الله ألف خيرررررررررررررررررررررررررررر

[ღ Gի๐sτ ღ]

بارك الله فيكى

[الأزهـ شمعتى المضيئة ـر]

يسلموو على الموضوع أختى الحبيبة

[روح الامارات]

تسلمي حبيبتي ..فعلا موضوع رائع لفتاة اروع مثلك

تحياتي لك حبيبتي..rooo7 u a e