تورتة الايس كريم

[أمَيـرة بنــظرتـى]

طريقة عمل تورتة الايس كريم


خدوا عندكو يا بنات..
المقادير..
2 كيس كريم شانتيه
2 علبة بودرة آيس كريم فانيللا
4ملاعق كاكاو كبيرة
2و 3/2كوب حليب مثلج
2 باكو بسكويت سادة او اكتر زي ماتحب
اكوب متوسط حليب محلى بالسكر و الكاكاو و يكون ساخن
شوكولاتة سادة مبشورة و مكسرات للزينة
الطريقة..
يرص البسكويت السادة في صينية مقاس 24
ممكن طبقة او اتنين و بلاش تلاتة عشان ماتنشفش
بعد كدة نسقي البسكويت بالحليب اللي بالكاكاو الساخن..
و نستنى شوية و بعدين نحط الصينية في الفريزر..
و بعد ساعة
نضرب الايس كريم البودرة مع كوب و 3/2 حليب مثلج
نضربهم مع بعض لحد مايحصل تماسك.. اصبر و ماتستعجلش هياخد وقت شوية ..
و بعدين نحط الايس كريم على البسكويت اللي في الصينية
سيبهم في الفريزير 3 ساعات
و بعد كدة..
نجيب كوب لبن مثلج و نضرب الكريم شانتيه و ال4 ملاعق كاكاو معاه..
و نضربهم كويس لحد مايحصل تماسك برضه..
و بعدين نطلع الصينية و ندهن الايس كريم المتماسك بالكريم شانتيه..
و نرش الشيكولاتة المبشورة على وجه الصينية و المكسرات لو حابين..
و بعد كدة تترك في الفريزر لمدة ساعة
ثم تقطع عادي جداً بالسكين..
و هتلاقوا شكلها جميل و طعمها أجمل..
ملحوظة :
يمكن تبديل الشوكولاتة بالفانيليا او الفواكه..
بس دي فكرة مبدئية ..

[YASO lover]

ميرسى على الوصفة حجربها ان شاء اللة

[الامورة دودو]

شكرا كتيرر ننتظر ابداعاتك

[boussy]

واااااااااو
باين عليها جامده ان شاء الله اجربها
ميرسىىىىىىىى

[جميلة مصر]

يسلموووووووووووو
باين عليها حلوة

[مهارات الحياة]

شكرا أوي يا جوجوكول

أنا عامله ف البيت حملة تعلمي الطبخ لنفسي

عايزه أتعلم الطططططططططططبخ