احساس انسان تجاة البشر

[ε s я α α]

لا الـــــــه الا الله
مـــحمد رســــــــــــول الله

[ε s я α α]

اليووم 7\10\2010 <<<الخميس
الساعة 10.20 الصبح
طبعا انا عندى مدرسة انهاردة
لكن مروحتهاش عشان ارتاح من البرد اللى عندى
------
انهاردة صحيت الساعة 9.30 am
اعدت افكر فى مستقبلى الغـآآمض
طبعا اقصد بالغامض يعنى المجهوول
قعدت افكر
ياترى هطلع دوكتورة و لا بشمهندسة و خريجة كلية تجارة
طبعا كلها احتمالات
و كمان قعدت افكر
انا امتى بقى بجد هكبر و هطلع من دور الطفولة و البراءة المزيفة اللى
انا عايشة فيهم دول
و امتى هطلع من سجن فرض الاشياء عليا و اطاعة الاوامر
و امتى حد هيحترمنى
و امتى حد يحبنى
و امتى اكون انسانة ناجحة بجد
و امتى هبطل حكاية الاحباط اللى عندى و احلم بحاجة ممكنة
مش مستحيلة
و ساعت ما كنت بفكر
حسيت ببعض الخوف من مستقبلى الغريب
قولت يا بت انتى ليه تسبقى الاحداث الايام هتثبت ليكى كل ده
و بطلى بقى التفكير اللى واجعة دماغى بيه و قومى ذاكرى و اعمليلك حاجة مفيدة
سمعت كلام نفسى و قمت ذاكرت E
و شوية درااااسااات
و يوم 22\10
هيكون عيد ميلاد عضويتى
بقالى سنة هنا معاكم
بجد كانت احلى سنة فى حياتى كلها
بس معملتش ثروة يعنى من المشاركات
بس اهم شئ انى اكون معاكم
هعمل بقى ان شاء الله فى اليوم ده
حفلة جامدة فى السجل
و اجيب دول معايا عشان يظبطونا!!

بس كدهـ
يلا باى

[ε s я α α]

كل لحظة
بفكر فيك
و لما اشوفك
بغير عليك
---------
بجد خلاص كده انتهينا
مفيش حاجة نعملها فى ايدينا
انت من طريق
و انا من طريق
لغاية لما نتقابل فى يوم
ميكونش طلعله قمر و لا نجوم
ساعتها بس اعرف ان انا ليك
و مفيش حاجة تفرقنا تانى
مشاعرنا اقوى من اى فانى
.......

[ε s я α α]

مش قادرة مفكرش فيك.......... s
كل يوم بتبقى معايا ف احلامى..a
دايما معايا فى كل حته.............r
مقدرش اعيش من غيرك .........a

[ε s я α α]

يــــــــا رب محتاجاكـ معــــــــــايا
.....
لا الــه الا انت
انـــى كنت من الظالمــين..

[ε s я α α]

مش هحلم بشئ مستحيل تانى ابداً
حتى لو كان هو اللى مخلينى اعيش

[ε s я α α]

مش عارفة
انا فرحانة
ولا زعلانة
و مبسوطة
ولا قرفانة
و مخنوقة
ولا سعيدة
ولا ايه بالظبط

[ε s я α α]

وحشتينــــــــــــى موووووووووووووووووووووووووت يا sara
انتى فيـــــــــــــــــــــــن ؟!

[ε s я α α]

17\11\2010 {{ آلأربعـآآء
-_-_-_-
اليوم ده ف كل سنة ليا بيكون اوحش يوم فى حياتى كلها
ناس كتير بتنسى تقوللى كل سنة و انتى طيبة
و معظمهم مبيكنوش طايقنى ف اليوم ده
و فى نهاية اليوم بحمد ربنا انه محصلش حاجة اندم عليها بقيت حياتى
لكن ....
السنة دى مختلفة عن اى سنة فاتت
بقى عندى احلى و اجمل و احسن صديقة فى الدنيا كلها
حبيبتى سارة
كانت فاكرة عيد ميلادى من اول الشهر
و انا كنت بستعبط و بعمل نفسى مش واخده بالى
هى اول واحدة افتكرت تقوللى كل سنة و انتى طيبة
حتى قبل اخويا و بابا و ماما
بجد مش عارفى اشكرها ازاى
و توتى عملتلى توبيك تانى يعنى متظبطة من كلوو
و عيد ميلادى ف العيد الكبير
يعنى انا عمرى ما هلاقى اليوم الجميل ده تانى ف حياتى
السنة اللى فاتت ف المنتدى
عملت توبيك لنفسى ف السجل
كان ساعتها اسمى عازفه الحان المشاعر
~~~happy birthday~~~to~~~me~~~
كنت ساعتها عضوة جديدة و محدش عارفنى
بس دلوقتى
في اعــظــم ايـــآآم التـــاريــخ :::::
HaPpY bIrTh DaY ==> Dr esraa
محدش عارفنى برضووو ^_^
و السنة دى بكا حصل تغييرات كتير

بس والله دى كانت احلى سنة قضيتها فى حياتى
و كول سنة و انتم طيبين بمناسبة عيد اللحمة ^_^
بايــــز

[ε s я α α]

18\11\2010 {{الخميــــــس
حصريا و لاول مرة فى عالم احاسيسى تجاه البشر
هقول اسم واحدة خنقتنى لغاية ماروحى بقت ف مناخيرى
اسرااء
البت دى نفسى امسكها و اموتها
و نفسى اقطعلها شعرها المعفن اللى فرحانة بيه
و نفسى اغزها باى حاجة الموهم انا تعملها تعويرة متروحش لمدا الحياة
نفسى اموتها من الضرب
نفسى و نفسى و نفسى
بس كل اللى انا قولته ده مبعملهوش غير ف احلااامى
مبنفذهوش للاسف ف الحقيقة
اووووووووووووووووووووووووووووووووف
عاملة نفسها ايه بقى
ماتولدش منها اتنين
اوف بجد
و كل شوية الاقى حد ف الفصل بينادى
يا اسرااااااااااااااااااااااااااااااااااااااااااااااا ااااء
شوفتى انا عملت ايه فى كذا
ابص للى بينادى يقوللى
مش انتى انا بنادى اسراء الزفته التانية
و لما ف يووووم اشوف حد يناديلى
بيقولى
عشان خاطرى يا اسراء
ادينى الاله الحاسبة بتاعتك اصلى نسيت التى ف البيت
بجد دى بقت حاجة تخنننننق
هى عشان المعفنة الوحيدة اللى مابينا العيال بينادولها
انما انا
ولا الهوا
و كل ده و مش شاطرة
مثلا ف امتحان العربى
انا الوحيدة اللى جبت 65 من 65
مفيش حد ف الفصل جاب زيي
و انا دايما اللى بقف ع الفصل
علونى مش الرئيسة
و هى اول ما المستر يقومنى تقوله
يامستر بقى يا مستر انتا وعدتنى انى اقف ع الفصل المرة دى
و لما هو يعمل نفسه مش سامع كلامها
تقعد تعض ف شفايفها و تقعد متغاظة منى عشان هى لو اتكلمت
نص كلمة المستر هيوريها
و يديها العلقة اللى طول عمرى بحلم بيها
بس بتتلهى و تقعد تعض شفايفها
و فى كمان واحدة اسمها رحمة استلفت منى جنية اول الترم
و استهبلت و مرجعتهوليش
و انا بصراحة مكسوفة انى اقولها على الجنية ده
كأنى انا اللى سالفاه
بس انا عارفة ان ربنا مش هيسيب حقى عند كل
اللى بيغظونى و يشتمونى ف سرهم
او حتى اللى فاكرين نفسهم اجمل منى
او اطول منى
بس انا مش هسكت
انا برضو هفضل اكافح لغاية ما الكل يعرف ان انا
انضف واحدة ف الفصل و اشطر واحدة
و اجمل واحدة
و طز ف الزفتة اللى اسمها اسراء