خطيبي ضربني

[حَرفُُ هجآءّ]

السلام عليكم ورحمة الله وبركاته


بسم الله الرحمن الرحيم

ازيكوا اخبراتكوا ايه

الموضوع اللي جايه اتناقش فيه معاكوا النهارده

موضوع يخصنا كلنا كبنات و كمان كولاد

طبعا بنسمع كتير عن ضرب الزوج لزوجته و الجديد ضرب الخطيب لخطيبته و ضرب الواد لاخته و ضرب الواد برده لامه و ضربه للبت الهبله اللي بتحبه


كل واحد كبر شويه و طلعله شنب يعيش في دور الراجل و يفتكر ان الرجوله هي انه يضرب و يفرض سيطرته علي اللي حواليه

المصيبه السوداء يا اخوتي الكرام

ان كل اسباب الضرب تافهه و جدا كمان

هاتيلي اشرب مش جابيه طاااااااااخ ( ده الواد مع اخته )

هنشتري دي لا انا عايزه دي هي دي يااما بلاش و طااااااخ ( ده البيه المحترم مع خطيبته او مراته او حبيبته اللي للاسف بتحبه و ضعيفه قدامه مش هتقول بم )

و نيجي بقي لاهم و اغلي انسانه علينا كلنا الام
لما البيه يعيش في دور الراجل و عاوز يمشي كل اللي في البيت علي مزاجه فيضرب والدته او حتي يزعقلها


في نوع من الرجاله باستثناء الضرب بيبقي عاوز يمشي رايه علي اي شئ بل و كل شئ

حتي لو رايه غلط مبيقتنعش حتي لو عارف كده

المهم رايه يمشي و بس علي كل اللي حواليه

معندوش مجال للمناقشه و التفاهم( رايه اولا و اخيرا للاسف)


رغيت كتير اوي انا عارفه

بس اخيرا عايزه رايكم في النوع الاول من الرجاله اللي بيضرب ده و عايش دور الراجل و اللي هو جزء من الراجل المتسلط و اللي برضو عايزه رايكوا فيه

[*شيرين*]

زى ما قلتى متسلطين
دوول طبعا لا اؤيدهم خالص
لان عمر الضرب ما كان وسيله ل اى حاجة

شكرا

[جميلة مصر]

السلام عليكم ورحمة الله وبركاته
اللى يضرب ده مايكونش راجل من الاساس
الراجل هو اللى يخاف ربنا ويحافظ على كرامة غيره
ميرسى على طرحك يا قمر

[حروف مبعثره]

اولا مشكوره على الطرح ثانيا الرجل الى بيضرب امرأه هو رجل يعانى من نقص ما فى شخصيته فيحاول انه يعوضه بفرض السيطره والضرب والى ذلك
اولا ضرب الزوج للزوجه اصبحت منتشره جدا بالمجتمع العربى وبتكون الزوجه عامل فيها لانها بتتحمل مثل تلك الاهانه باسباب ليست ابدا بمقنعه لتتحمل تلك الاهانه
ولو رجعنا لكلام رسولنا الكريم هنلاقى انه مفيش ضرب للزوجه باحاديث الرسول صلى الله عليه وسلم
الا لو عصت امر زوجها او خلفت عن فرض من فروض الله
وكيف يكون الضرب بالاسلام؟ انه يضربها بالمسواك على طرف اصابعها
مش يجيب الانبوبه ويخبطها بيها زى مابنشوف اليومين دول
ولايرميها من الشباك
اما الخطيب لخطيبة ذكرتينى والله بحادث منذ فتره دخلت احد المحلات لشراء غرض وكنت ااعرف البنت البائعه لانى كنت اشترى منها دائما
المهم وجدت انها لاتطيع الحديث ووجدت فكها متورم
ولما سألتها اخبرتنى ان خطيبها قام بضربها وكسر لها فكها تخيلى لسه خطيبها ويتجرئ عليها بهاذا الشكل ولما سألتها ماذا اتخذتى من اجرئات ضده ولاشئ سوى اخبرت اهلها ما الاجراء القانونى ولاشئ
ولامحضر اثبات حاله ولا اى شئ
وراح حقها
ام الراجل الى يضرب امه ويل له يوم القيامه والله
يضرب من ربته وسهرت عليه بئس الابناء والله
والاخ والاخت على الاخت اقامة حدود فاصله معه تماما ويتدخل الاهل لانه بذلك يمحى شخصيتها

مشكوره على الطرح مع التحيه والتقدير

[محمد الشريف]

يقول الله تعالى :

" واللاتى تخافون نشوزهن فعظوهن واهجروهن فى المضاجع واضربوهن فإن أطعنكم

فلا تبغوا عليهن سبيلا إن الله كان عليا كبيرا "


فالحكمة من ضرب الزوجة لم يأتى مطلقا ، بل جاء بهدف تقويمها والخروج عن نشوزها

بهدف استمرار الحياة الزوجية القائمة على المودة والرحمة .

أما بخلاف ذلك من التعدى على الشقيقات الإناث من جانبهم أخوتهم الذكور فأنا أرى

أنه ليس مبررا لكونها انثى وهو ذكر إلا أن يكون صدر منها أمر جلل لاينتظر منه رجاء

ويكون الضرب بهدف العقاب فى حدود الدواعى إليه بهدف الحرص على صالحها وصالح

الأسرة فى نهاية المطاف .

أما عن قبول الخطيبة ضرب خطيبها فهذا الأمر غريب ويستدعى النظر فيه فهو يتوقف

على قبول تلك الخطيبة لهذا التصرف الغريب فليس من شروط الخطبة ضرب الخطيبته

وحرى بها عدم قبولها ذلك من البداية ولأن ضرب الخطيب نفسه قبل اتمام الزواج

يفتح عليه أبواب شر هو فى غنى عنها منذ البداية .

والله الهادى لحسن الصواب

[تانيا]

أولا موضوعك جميل يا قمر ..
هدخل بقى في الموضوع .. في ولاد كتير للاسف فاهمين الرجوله غلط !!!!
فاهمين انها ضرب .. أو إنه يمشى كلامه على أهله وعلى مامته وعلى خطيبته .. يعنى زى ما قولتى
انا مش عاوزه أغلط في حد .. بس سورى يعنى ده مبيبقاش راجل ولا يعرف حاجه عن الرجوله
ده حد مش بيعرفش يستخدم عقله
وبيداري النقص اللي عنده باستخدامه لعضلاته
أو عنده نقص في شخصيته .. وبيحاول يعوض النقص ده بالضرب
أنا شايفه .. ان لو واحد ضرب خطيبته .. تبقى سورى يعنى .. تبقى غبيه لو كملت معاه وتبقى بتظلم نفسها
لانها هتكمل حياتها مع انسان متخلف
مع اى مشكله هتقابلهم ..أكيد طبعااا كالعاده هيضربهاااا
بس هى لو تقبل على نفسها الاهانه والله هى حره
أما اللي بيضرب اخته .. أكيد الاهل هما السبب في اللي هو بيعمله ده وأكيد هما راضيين
نيجى بقى للى بيضرب مامته
ده مقدرش اقول عليه غير ... ربنا يغفرله ويسهله ويسامحه
وان شاء الله ربنا مش هيسامحه ولا هيوفقه في حياته
سورى لو طولت
تحياتى
تانيا

[big bốss]

اممممممممممممممممممممممممممممم


ايه يا اسيل مين الى يضرب ومين المضروب



ايه الافتراء دا


طيب ما فيه البينت المخطوبه تضرب خطبها فى الكافى شب


هههههههههههههههههه


دا اسمه ايه


والنبي


وفيه الى تفتيش خطابها يبقى ايه دا


بطلوا افتراء

[حَرفُُ هجآءّ]

اقتباسالمشاركة الأصلية كتبت بواسطة *شيرين*زى ما قلتى متسلطين
دوول طبعا لا اؤيدهم خالص
لان عمر الضرب ما كان وسيله ل اى حاجة

شكرا

الضرب مذكور فى الدين

لكن لاسباب معينه

وليس على اتفهه الاسباب

اشكرك على مرورك

[حَرفُُ هجآءّ]

اقتباسالمشاركة الأصلية كتبت بواسطة جميلة مصرالسلام عليكم ورحمة الله وبركاته
اللى يضرب ده مايكونش راجل من الاساس
الراجل هو اللى يخاف ربنا ويحافظ على كرامة غيره
ميرسى على طرحك يا قمر

بصى انا معاكى طبعا

عمر ما الضرب بيكون وسيله للتفاهم بين الطرفين
اى كانوا
الا فى حاله النشوز
ميرسى لمرورك

[حَرفُُ هجآءّ]

اقتباسالمشاركة الأصلية كتبت بواسطة ســوليــداداولا مشكوره على الطرح ثانيا الرجل الى بيضرب امرأه هو رجل يعانى من نقص ما فى شخصيته فيحاول انه يعوضه بفرض السيطره والضرب والى ذلك
اولا ضرب الزوج للزوجه اصبحت منتشره جدا بالمجتمع العربى وبتكون الزوجه عامل فيها لانها بتتحمل مثل تلك الاهانه باسباب ليست ابدا بمقنعه لتتحمل تلك الاهانه
ولو رجعنا لكلام رسولنا الكريم هنلاقى انه مفيش ضرب للزوجه باحاديث الرسول صلى الله عليه وسلم
الا لو عصت امر زوجها او خلفت عن فرض من فروض الله
وكيف يكون الضرب بالاسلام؟ انه يضربها بالمسواك على طرف اصابعها
مش يجيب الانبوبه ويخبطها بيها زى مابنشوف اليومين دول
ولايرميها من الشباك
اما الخطيب لخطيبة ذكرتينى والله بحادث منذ فتره دخلت احد المحلات لشراء غرض وكنت ااعرف البنت البائعه لانى كنت اشترى منها دائما
المهم وجدت انها لاتطيع الحديث ووجدت فكها متورم
ولما سألتها اخبرتنى ان خطيبها قام بضربها وكسر لها فكها تخيلى لسه خطيبها ويتجرئ عليها بهاذا الشكل ولما سألتها ماذا اتخذتى من اجرئات ضده ولاشئ سوى اخبرت اهلها ما الاجراء القانونى ولاشئ
ولامحضر اثبات حاله ولا اى شئ
وراح حقها
ام الراجل الى يضرب امه ويل له يوم القيامه والله
يضرب من ربته وسهرت عليه بئس الابناء والله
والاخ والاخت على الاخت اقامة حدود فاصله معه تماما ويتدخل الاهل لانه بذلك يمحى شخصيتها

مشكوره على الطرح مع التحيه والتقدير

كلامك كله صح

لكن موضوع الى خطبها ضربها دى

اى كانت الاسباب سواء غلطانه او لا

هو ملوش الحق انه يضربها

هى اصلا لسه مش مراته

والمفروض كانت فسخت الخطوبه

والله انا لو منها يغور يعنى بيضربنى من دلوقتى امال بعد الجواز هيعمل فيا ايه

ميرسى لمرورك ياقمر