بيس فى الكيس .........شويه هبل وحبه تهيس

[yara5]

طبعا ده لغة العصرولغه الشباب المهيسين طبعا وكل الشباب تقريبا عارفين الكلام ده كويس وبقى من ضمن اساسيات اللغة بس ياترى هو كدة صح يعنى والمفروض تبقى كدة ولا انتوا بتهيسواعلى بعض
اصل الكلام دي بيغظني جداااااااااااااا
وعايزين نعرف ايه رايكم في الموضه الجديده دي
بتاعت التهيسس ا لي بيقولوها الشباب
بجد كلام يغيظ

عموماانا جبتلكم تقريبا كل الكلام اللى بيتقال عنه كلام روش يا ترى ده روش ولا تهيييييييييييييييييييييييييييييييييييييييييييييييس
( كوول ):- روش
( كبر ):- لا تعطى للموضوع أهمية
( هرتل ):- هبل
( تكانة ):- غلاسة
( مستكنيس ):- مرتاح
( لخص ):- تكلم بإختصار
( أوفر ):- زايد عن الحد
( ينفسن ):- يحمل حقدا فى نفسه
( سياح ):- نشر الخبر
( برشطة ):- غلاسة و تقل دم
( حملجة ):- مصلحة
( نفخ ):- خنقة
( افش ):- خلاف مفاجئ
( اكحرتك ):- ابسطك وافرفشك
( سنجفتك ):- دلعتك
( مليطة ):- منورة
( فكك ):- ماتخدش فى بالك
( قشطة ):- حلو أوى اوى
( احلقله ):- اكسفه
( شحلفتك ):- ضربتك
( خليك فريش ):- كبر
( قصر ):- لخص
( اتنحررى ):- اتحركى
( متحورش ):- هات من الآخر
( لحاليح ):- فلوس
( ايه النظام ):- هنعمل ايه
( هشيبك ):- هرعبك
( متيسة ):- مش مركزة
( مفستك ):- تعبان
( مبقوق ):- مخنوق
( هيشكشكك ):- هيبهدلك
( اعلقها ):- اصاحبها
( نفضله ):- طنشه
( ظبطها لى ):- عرفنى عليها
( فاصلة ):- مش مركزة
( مش فى المود ):- مش رايق
( مهيس ):- مش طبيعى و مخرف
( هات من الآخر ):- اختصر فى كلامك
( بعتة ):- اشتغالة
( متزنجفين ):- مستوين
( انجز ):- بسرعة
( ثبته ):- اسرقه
( أستاذة ):- حلو أوى
( استخبس ):- فى الخباثة
( هنج ):- وقف عن العمل
( طبقها ):- اسرقها
( يا مان ):- يا راجل
( هسيف ):- هخزن
( خليك مفتح ):- ركز
( ماتبقش ):- ماتزودش فى الكلام
( ابستفك ):- ازهقك و ابهدلك
( فلسعة ):- هروب
( سهتنة ):- هبل و خبث
( فطشة ):- كدبة
( ترب ):- مقلب
( يعشش فى الدماغ ):- يثبت
( كرفاه ):- كرهاه
( طحن ):- جدا
( كيشنى ):- ادفعلى فلوس
( مزاولة ):- معاكسة
شفتوا في كده يعني




يلا عايزين نعرف رايكم في موضوع التهييس ده؟؟؟

[شاعر واسير الحب]

ميل جدا المصطلح الجميل
مصطلح بصراحة لشباب فاضي بعيد كل البعد عن ربنا شباب لا يهمه الا التهريج وعدم المبالاة شباب فعلا بيهيس شباب المفروض اي واحد لا يتعرف علي هذه النوعية الضارة بالمجتمع وخطر علي اشباب المحترم
هؤلاء عايش بالا وعي
ولكن بصراحة مصطلح حلو
تسلم ايديك

[yara5]

شكراشاعر واسير الحب علي مرورك وعندك حق دول شباب فاضي

[الأميرة منة]

بيقعدوا يقولوا ان الكلام ده بتاع الشباب الروش
مع انى مش عارفة ايه الروشنه فى كده
ميرسى عالطرح المميز
بالتوفيق

[خارج عن القانون]

موضوع رائع

بس بالنسبه ليا الكلام ده انا بقوله

وبقوله كتير قووووى كمان بس بالنسبه

ليا انا مش بقوله للرروشنه انا بقوله علشان التهييس

وهو كلام زى اى كلام بس مش اكتر من اننا غيرنا فى معانيه

بالاضافه الى انه بيخلى للكلام شكل مرح وبيبقا الكلام كله ضحك

وعلشان الواحد يطلع من الهم اللى هو فيه وانا ما بقولوش الا ع النت

اما فى الواقع نادر جدا لما بقول نص الكلام ده علشان انا جد شويه

وفى النهايه الكلام ده مش روشنه ولا حاجه ده تهييس وضحك

وده كلام عادى زي اى كلام بس شكله ظريف ومضحك

وانا اللى يعرفنى كويس فى الواقع او ع النت

هيعرف انى مش شاب فاضى او تافه

او اى حاجه من الكلام ده

وشكرا ع الموضوع

[تيا]

مش فاهمه يعني اللي بيقول الكلام ده
شباب فاضيين ازاي وليه
ده كلام عادي ومنتشر والشباب كلهم بيتكلموا
كده ومتقنعنيش ان فيه حد مش بيقول الكلام ده
بجد أول مره أعرف ان اللي بقى بيتكلم بيبقى فاضي
هو كله كلام مفيش كلام بيفرق عن كلام
بس ده كلام دمه خفيف شويه والناس بيحبو
يقولوه
أنا عن نفسي بحب الكلام ده جدا جدا
ميرسي على التوبيك

[a m i r a]

الشباب دائما ما يكوم متمردا على كل شئ
ودائما يسعى لتغيير وخلق شخصية مستقلة عن الجيل السابق له،
ولذلك لا أجد حرج من خلق الفاظ جديدة
تثري اللغة من جهة
ومن جهة اخرى تشعر الشباب بالاستقلالية والحرية
وهي في المجمل الفاظ بعيدة كل البعد عن قلة الادب
او خدش الحياء العام.
ولولا الدخول المستمر للالفاظ الجديدة في اللغة
لما تطورت اللغات
ولظل الناس حتى الان يتكلمون الفصحى .

وشكرا لموضوعك

[~®§§][][ سيد دندنة ][][§§®~]

بصى يا يارا

واقسم بالله حتى البنات

بقيت تقول الكلام ده

انا بقول وغيرى بيقوله

وطبعا الساده الكرام المنتدى

هيخش يقول ده كلام ناس فاضى

وناس ملينيه

بس لو جايتى للحقيق

والله والله الكتر الناس بتقول كدا

ومش معنى ان الواحد يقول كدا

يبقى صايع وا فاضى

اهو كلام سمعنأأأ بنقوله

والله انا عارف ومتاكد ان ناس كتيره

اوى هتحش تعمل نفسها من بنها

هههههههههههههههههههه

طبعا هما عارفين اانا اقصد ايه ببنها

ديه

ههههههههههههههههه

تسلمى يا يارا

بس انتى نسيتى كلمة

وهى كبر الجمجمه

هههههههههههههههه

[yara5]

اقتباس
المشاركة الأصلية كتبت بواسطة تيا





مش فاهمه يعني اللي بيقول الكلام ده
شباب فاضيين ازاي وليه
ده كلام عادي ومنتشر والشباب كلهم بيتكلموا
كده ومتقنعنيش ان فيه حد مش بيقول الكلام ده
بجد أول مره أعرف ان اللي بقى بيتكلم بيبقى فاضي
هو كله كلام مفيش كلام بيفرق عن كلام
بس ده كلام دمه خفيف شويه والناس بيحبو
يقولوه
أنا عن نفسي بحب الكلام ده جدا جدا
ميرسي على التوبيك


طبعا ياتيا دي وجهه نظرك ولازم تحترم
احنا طبعا مش بنقول الشباب يعملوا مع بعض
معامله رسميه طبعا هايكون في شويه هزار يعني بس
في كلمات مش ينفع تتقال خالص وكمان بيقولوها قدام الناس
ومابيعملوش اي حساب للناس الي بتسمع الكلام ده الناس الي بتسمعه مش عارفه ايه الكلام الي بيتقال بس هما عارفين معناه
لكن هما فاكرين ان داكلام معناه وحش بس هو في الحقيقه عادي يعني
وبعدين ليه التعب دا كله
ايه اللغه بتاعتنا الي بيكلم بيها الناس كلها مش تمام ولا ايه
علي العموم ميرسي علي مرورك وعلي وجهه نظرك

[♥..pure]

السلام عليكم

بصى يا يارا لكل عصر مصطلحاته وكلامه اللى بيطلعه

يعنى زمان مكنتيش بتلاقى الكلام دة لان زمنهم غير زمانا

التطور والتكنولوجيا والتفتح اللى احنا فيه بيجبرنا اننا نخلق مصطلحات جديدة

ممكن تكون منطقبا مخالفه للغه العربيه الاصل وكمان ممكن تسئ ليها

بس احنا مش بنقولها للاساءة ابدا

احنا بقينا فى عصر السرعه زى ما بيقولوا يعنى انتى بدل ما تقولى لواحد

ماتخدش فى بالك هتقوليله فكك بقى كلمه سهله وكمان مش معقده

هى نفس المعنى بس احنا اتعودنا على اللغه دى

ومن ناحيه تانيه فيه كلمات مش المفروض اننا نقولها

يعنى بردو فيه حدود للكلام بالطريقه دى

تسلمى يا يارا على الطرح