هل تكمل من غير موافقتها

[سندس]

ازيكم يا احلى اعضاء عاملين ايه الحمد لله كويسين

انا حبيت اسالكم سؤال :
لو انت او انتى حبيت شخص جدا وشايف(ة) ان هو ده فتى احلامك او فتاة احلامك و احببت ان تتزوجه لكن عندما فاتحت ابويك فى الموضوع وجدت والدك او والدتك غير موافقين على هذا الزواج
ماذا ستفعلون ؟؟

هل تفعلوا ما اردتم بدون موافقتهم و رضاهم؟ ام تخسروا الانسان اللى اختارتوه و احسستم انه هو الشخص المناسب الذى تتمنون ان تكملوا معه حياتكم؟

يلا مستنيه الردود

[سندس]

مقولتوش ليا ايه رايكم فى الموضوع اللى ممكن اى حد يتعرض له

[koky97]

والله انا شايفة ان ممكن اهلى يشوفوا حجات انا مش شايفاها

يسلمو على الموضوع

[الأميرة منة]

والله لو هما مش موافقين ماقدرش اعمل اى حاجة من غير اذنهم

حتى لو انا عارفة انه احسن راجل فى العالم بس اللى ماليهوش

خير فى اهله مش هايبقى ليه خير فى حد واكيد انا مش هاحبه

اكتر من اللى عشت معاهم عمرى وطفولتى واكيد مش هايبقى احن

عليا منهم ولا هيحبنى اكتر ماهما بيحبونى

ماقدرش اعمل حاجة غصب عن اهلى
هما اللى هاتسئل عليهم يوم الدين


وميرسى عالطرح المميز
بالتوفيق

[الميساء]

السلام عليكم اخواتى الكريمات
من اراد ان يحيا فى هذه الدنيا حياه طيبه فعليه بطاعه الله
وطاعه الوالدين من اهم الطاعات لله ومعصيتهم من الكبائر
فانا انصح كل فتاه تريد ان يوفقها الله فى حياتها ويكرمها بزوج طيب وحسن العشره
بان تطيع والديها فى الزواج فهم يرون مالانرى مهما كانت خبرتنا لن نكون مثلهم
وحتى اذا كان احسن انسان
فصدقينى قد يكون شرا لكى وانتى لاتعلمين وجعل الله رفضهم سببا لتنجوا من هذا الشر
وكم من فتيات لم تطع والديها فى الزواج وكان مصيرها الطلاق او العذاب مع انسان لم يكن ظاهرا على حقبقته
واعرف قصصا كثيره لم توفق بسبب رفض والديهم
وكذلك للشاب
والله الموفق

[~♥ Queen sozan♥~]

السلام عليكم ورحمة الله وبركاته

انا عيزة اقولك مهم حصل مينفعش تعملى حاجة اهلك مش موافقين عليها
لكن فى حاجة اسمها نقاش وحوار
انتى تقولى وجهه نظرك وهم اكيد هيسمعوكى
وهم كمان يتكلمو ويقولو وجهه نظرهم
واكيد حد من الطرفين هيقتنع
كدة مش هيكون فى اختلاف
بس فى الاول والاخر
مينفعش توقفى قدام اهلك مهم حصل لان هم بيكونو شيفين حاجات
صح عنك لان هم اضرى منك فى حاجات كتير

[عاشقة الهدوء]

السلام عليكم ورحمة الله وبركاتو

شوفى اختى الكريمه انا فعلا لو فى الموقف ده وحبيت شخص جدا وحسيت انو بيحبنى

بجد وجيت قولت لاهلى عليه اولا انا الصراحه اهلى بيدونى مطلق الحريه فى الشخص الى

هختاروا كويسين جدا معايا فى الحته دى وانا الى بقرر بنفسى عشان انا عارفه برضوا ايه

الى هيضرنى وايه الى مش هيضرنى وممكن اثر عليهم كمان لانى انا الى عاوزه اعيش مع الانسان

ده ومرتحالوا والى شيفاه فى نظرى مناسب ودى يرضوا فى نظرى الامور دى دلوقتى تجارب

وهى امور الزواج لان دلوقتى مفيش اصلا زواج يعنى لو بنسبة 60%مضمون اه والله

كلو مشاكل وهم وناس والله تبقه كويسين جدا ومحترمين ويطلع منهم بلاوى وكانوا برضوا نتيجة

اختيار الاهل وهما ناس اصحابى كمان يعنى مش بالاهل ولا باختيارك دا كلو نصيب والى

مكتوب هتشوفيه وراى ان اهللك ادام معارضين يبقه مفيش مفر انك لازم تسمعى كلامهم لان دول

اهللك وسندك وحالولى انك تقنعيهم بالشخص ده لو بتحبيه قوى ومتعلقه بيه لانوا ممكن والله

يكون زوجك ده سبب سعدك دا لو ربنا مقدروا ليكى وكمان لو نصيبك ممكن اهللك بعد ما كانوا

رافضين يوفقوا عليه فانتى اصبرى واحتسبى وادعى ربنا ان الشخص ده يكون نصيبك وتقولى

فى الدعاء يارب ان كان هذا الشخص فيه الخير لى فاجمعنى به على خير وان كان فيه شر لى

فباعد بينى وبينه ومفيش حد يعرف الخير فين اختى الكريمه وكل شىء قدره الله لكى هتشووفيه

اذاكان شىء حلو او مر مفيش مفر وياريت اكون وضحت راى كويس ومعلش رغيت شويه عشان

اقدر اوصلك راى وتسلمى اختى تقبلى مرورى

[حروف مبعثره]

السلام عليكم
اولا اختى قد يرى الاهل اشياء لانراها نحن لان مرايا الحب عميا حتى لو كنت احب هذا الشخص لدرجه الجنون فساستمع لوجهة النظر المعارضه فأما اقتنع او لا
او احاول اقناعهم فيمكن استطيع توضيح وجهة نظرى وتوضيح شعورى
فأن لاامانع فكل شئ بالاخر قسمه ونصيب
لكن اكيد ماراح اخالف رائيهم لانهم بالاخر لهم بعد نظر
مع التحيه والتقدير

[سندس]

[QUOTE=koky97;1739845]والله انا شايفة ان ممكن اهلى يشوفوا حجات انا مش شايفاها

يسلمو

انت عندك حق احنا فعلا لازم نراعى فرق السن و الخبرات بيننا و بين اهلنا بس برضو مفيش مانع نعرض وجهة نظرنا.

مرسى على المرور العطر

[سندس]

اقتباس المشاركة الأصلية كتبت بواسطة الأميرة منة والله لو هما مش موافقين ماقدرش اعمل اى حاجة من غير اذنهم حتى لو انا عارفة انه احسن راجل فى العالم بس اللى ماليهوش خير فى اهله مش هايبقى ليه خير فى حد واكيد انا مش هاحبه اكتر من اللى عشت معاهم عمرى وطفولتى واكيد مش هايبقى احن عليا منهم ولا هيحبنى اكتر ماهما بيحبونى ماقدرش اعمل حاجة غصب عن اهلى هما اللى هاتسئل عليهم يوم الدين وميرسى عالطرح المميز بالتوفيق

فعلا مينفعش نعصى اباءنا و امهاتنا عشان اى حاجة مفيش حاجة تستاهل ان احنا نغضب والدينا